প্রধান মন্ত্রী শ্রী নরেন্দ্র মোদীনা ঙসি পিপল্স রিপব্লিক ওফ বঙ্গলাদেশকী প্রধান মন্ত্রী হার এক্সিলেন্সী শৈখ হসিনাগা লোয়ননা ফোন্দা ৱারী শানখ্রে।

প্রধান মন্ত্রী মোদীনা শেংলবা রামজান থাগী তাঞ্জা লাকপদা ভারতকী প্রজাশিংগী মায়কৈদগী অমদি মহাক মশামক্কী মায়কৈদগী প্রধান মন্ত্রী শৈখ হসিনা অমসুং বঙ্গলাদেশকী প্রজাশিংদা নুংঙাইবা ফোংদোকখি।

লুচিংবা অনিনা কোবিদ-১৯ লাইচৎনা ওইরিবা রিজনেলগী ফিভমদা খন্ন-নৈনখি, অমদি মরী লৈনবা লৈবাকশিংদা মসিগী ইফেক্তশিং হন্থহন্নবা লৌখৎলিবা খোঙথাংশিংগী মতাংদা অমনা অমদা পাউদমখি। 

লুচিংবা অনিনা সার্ক লৈবাকশিংগী লুচিংবশিংগী মরক্তা মার্চ ১৫দা য়ানখিবা অখন্নবা এরেঞ্জমেন্তশিং ইম্প্লিমেন্ত তৌবদা খুমাং চাউশিনবদা হরাউবা ফোংদোক্নখি। প্রধান মন্ত্রী মোদীনা সার্ক কোবিদ-১৯ ইমর্জেন্সী ফন্দদা য়ু.এস. দোলর মিলিয়ন ১.৫ থৌদাং য়ারকপগীদমক প্রধান মন্ত্রী শৈখ হসিনাবু থাগৎপা ফোংদোকখি।

প্রধান মন্ত্রী শৈখ হসিনানা প্রধান মন্ত্রী মোদীবু রিজন অসিদা কোবিদ-১৯ থেংননবা হোৎনরিবশিং লুচিংবগীদমক অমদি বঙ্গলাদেশতা মেদিকেল সপ্লাই অমসুং কেপাসিতী বিলদিং অনিমক্তা তেঙবাং পীবগীদমক থাগৎপা ফোংদোকখি।

লুচিংবা অনিমক্না রোদ, রেল, ইনলেন্দ ৱাতরৱেজ অমসুং এয়রগী থোংদা ঙমখৈ লান্না মরুওইবা পোৎলমশিংগী সপ্লাই মখা চত্থবদা অপেনবা ফোংদোকখি। প্রধান মন্ত্রী মোদীনা পুৱারী, সংস্কৃতি, লোন অমসুং ইচিল-ইনাও ওইবগী অচেৎপা মরী অদু নৌহৌনা নিংশিংলদুনা নাকল অনিগী মরীশিংগী অফবা মওং-মতৌদা অপেনবা ফোংদোকখি অমদি কোবিদ-১৯ শন্দোরকপা লাকশিনবা অমসুং লাইচৎ অসিগী হকশেল অমসুং ইকোনোমিক ইম্পেক্ত হন্থহনবদা বঙ্গলাদেশপু মতেং পাংনবা ভারতনা য়ারিবা অদু শোয়দবনি হায়খি।

প্রধান মন্ত্রীনা মসিগী পুৱারী ওইরবা মুজিব বর্শোদা প্রধান মন্ত্রী শৈখ হসিনা অমসুং বঙ্গলাদেশকী মরূপ প্রজা পুম্নমকপু হকচাক ফনা লৈনবা অমসুং নুংঙাই-য়াইফনা লৈনবগীদমক মহাক্কা ওইবা য়াইফ পাউজেল পীখি।

****