শ্রী চিত্রা তিরুনাল ইন্সতিত্যুৎ ফোর মেদিকেল সাইন্সেস এন্দ তেক্নোলোজী (এস.সি.তি.আই.এম.এস.তি.) অসি ভারত সরকারগী সাইন্স অমসুং তেক্নোলোজী বিভাগকী লৈবাক অসিগী য়াম্না মরু ওইবা ইন্সতিত্যুসন অমনি অমসুং হৌজিক য়াম্না তঙাইফদবা ওইরিবা ভারতনা কোবিদ-১৯গা লান্থেংনরিবসিদা রিসর্চ, তেক্নোলোজী অমসুং অনৌবা থৌওং কয়া অমা পুথোক্তুনা চাউনা মতেং পাংলি।   

লৈবাক পুম্বগী লোকদাউন হৌদ্রিঙৈগী মমাংদা মপান লমদগী হল্লকপা দাক্তর অমা কোবিদ-১৯না নাবদগী স্তাফ কয়া অমা ক্বরেন্তাইন্দা থম্বা তাখ্রবসু, এস.সি.তি.আই.এম.এস.তি.না লাইনা অসিবু থেংনবদা চংগদবা মরু ওইবা তেক্নোলোজী অমসুং পোত্থোক কয়া পুথোক্তুনা ইরাং অসিগী মরক্তা থোক্লক্লি। মখোইনা চয়োল অহুমখক চংনা পুথোকখিবা থাক অমখক্তদা কোবিদ-১৯গী লাইওং খঙদোকপা য়াবা পাম্বৈ অসিনা ভারতনা তঙাইফদনা অথুবা মতমদা পাক শন্না তেস্ত তৌদবা য়াদবগী খুদোংচাদবা অসিদা মতেং য়াম্না পাংগনি। অনা লায়েংশঙশিং অমসুং মীয়াম তিনবা মফমদা লৈবা হকশেলগী থৌমীশিংনা শিজিন্নবা য়াবা শিজিন্নখ্রবা মাইদা উপ্নবা মাস্কশিং, হকচাং পুম্বা অমসুং মাই কুপ্নবশিং হাপ্নবা য়ু.ভি.দা য়ুমফম ওইবা ফেসমাস্ক হাপ্নবা পাত্র, লিক্বিদ রেস্পিরেতরী অমসুং অতোপ্পা বোদী ফ্লুইদ সোলিদিফিকেসনশিংগী সুপরএবজোর্বেন্ত মেতরিএল অমসুং ইনফেক্তেদ রেস্পিরেতরী সিক্রেসনশিংবু নীংথিনা দিসইনফেক্ত তৌদুনা থম্নবশিং অমসুং কোবিদ-১৯গী অনাবশিং লায়েংনবা দিসইনফেক্ত তৌরবা বেরিয়র একজামিনেসন বুথশিং শাবা অসি মখোইগী আর. এন্দ দি.গী থবকশিংগী মনুং চল্লি।

মিনিৎ ১০গী মনুংদা কোবিদ-১৯গী লাইওং খঙবা য়াবা অমসুং পুং ২গী মনুংদা সেম্পলগী রিজলৎ (স্বাবতা য়াওবা আর.এন.এ.গী এক্সত্রেক্সনদগী আর.তি.-এল.এ.এম.পি. খঙবগী মতম ফাওবা) খঙবা য়াবা অসি মালেমদা লৈরিবা খরগী মনুংদা অমনি। খুৎলাই অমদা বেচ অমগী মনুংদা পুন্না সেম্পল ৩০ চাংয়েং তৌবা য়াবা অসিনা শেল য়াম্না চংদনা সেম্পল ময়াম অমা অথুবা মতমদা চাংয়েং তৌবা য়াহল্লি। 

চিত্রা য়ু.ভি. বেজদ ফেসমাস্ক দিস্পোজেল বিন অসিনা ফেসমাস্ককুম্বা শিজিন্নবা লোইরবা পোত্থোকশিং অসিদা পকপা মহিক মতাই কয়া হাৎপা ঙম্মি অমসুং মসিনা মরু ওইনা অনা লায়েংশঙশিংদা লাইনা শন্দোকপগী পরীংবু কাইহনবা ঙমগনি। ঐচ.এম.তি. মেছিন তুলস, এর্নাকুলম, কেরলাদা মসিবু করম্না শিজিন্নগদগে হায়বগী মতাংদা খঙহনখ্রে। ‘চিত্রা এক্রাইলোজোর্ব সিক্রেসন সোলিদিফিকেসন সিস্তেম’ কৌবা সুপরএবজোর্বেন্ত মেতরিএল অসিনা অনা লায়েংশঙগী থৌমীশিংদা খুদোংথিবা থোকপদা হন্থহনবতা নত্তনা মশা মশাবু দিসইনফেক্ত তৌবা অমসুং বোতল অমসুং কেনিস্তরশিংবু অমুক হন্না শিজিন্নবা অমসুং লংথোকপদা লাইহল্লি।  দিসইনফেক্তেদ একজামিনেসন বুথ অসি তেলিফোন বুথকুম্না খাজিল্লবা কা অমনি অমসুং মসিনা অনাবশিংগা দাক্তরশিংগা হকথেংননা থেংনহন্দনা লাইনা শন্দোকপা থিংহন্দুনা লায়েংবগী থৌওং চত্থৈ।

কোবিকদ-১৯গী লাইচৎ অসিনা ওইহল্লক্লিবা অরুবা ফিভম অসিগা মরী লৈননা লৈবাক অসিনা কোবিদ-১৯গা লান্থেংনরিবা অসিদা মতেং পাংবগী খোংজেল অসি য়াংশিনহন্নবা হায়দুনা এস.সি.তি.আই.এম.এস.তি.না এ.এম.বি.য়ু. বেগ বেজদ ভেন্তিলেতর, ভেন্তিলেতর স্যারিং কিৎ, বেত্তরী ওপরেতেৎ এসিস্তিব ব্রীদিং য়ুনিৎ, আইসোলেসন পোদশিং, দিস্পোজেবল সেফতী ফেস শিল্দ অমসুং দিপ্লোএবল ফিল্দ য়ুনিৎনচিংবা মেদিকেল দিবাইসশিং মতেং পাংনদুনা অথুবা মতমদা শেম শামিন্ননিংবা পোত্থোক শাবশিং/স্তার্ত অপশিং/সোসিএল গ্রুপশিংদা খঙহনখ্রে।  এস.সি.তি.আই.এম.এস.তি.না শাবা আর্তিফিসিএল মেনুৱেল ব্রীদিং য়ুনিৎ (এ.এম.বি.য়ু.)তা য়ুম্ফম ওইবা ইমর্জেন্সী ভেন্তিলেতর সিস্তেম অমগী প্রোতোতাইপ অমা  ৱিপ্রো ৩.দি., বেঙ্গালুরুগা পুন্না শামিন্ননবা য়ানখ্রে অমসুং মদুগী মতুংদা ক্লিনিকেল ত্রাএল তৌদুনা মীয়ামগী ওইনা শাবা হৌগনি। 

ইন্সতিত্যুৎ অসি মশা অহুম্না খুৎলাই ওইদুনা চলাইবনিঃ বাইওমেদিকেল তেক্নোলোজীগী মশা ওইরিবা তরসরী রীফরেল সুপর স্পেসিএলীতি হোস্পিতাল কমপ্লেক্স,  মীয়ামগী হকশেলগী মরমদা থিজিন হুমজিনবগী একাদমিক সেন্তর অমা ( অচুথা মেনন সেন্তর ফোর হেলথ সাইন্স এন্দ স্তদিজ) অমসুং তেক্নিকেল রিসর্চ সেন্তর ফোর বাইওমেদিকেল দিবাইসেসনি। মসিনা মগুন লৈবা, কার্দিএক অমসুং ন্যুরোলোজীকেলগী অশোইবশিংবু থাক ৱাংনা লায়েংবা, বাইওমেদিকেল দিবাইস অমসুং মেতরিএলগী তেক্নোলোজী মশানা শাজবা অমসুং মীয়ামগী হকশেলগী মরমদা থীজিন হুমজিন্দুনা ত্রেনিং পীবদা মিৎয়েং হেন্না চংই। এস.সি.তি.আই.এম.এস.তি. অসি য়ুনিবর্সিতী অমগী থাক্তা লৈ অমসুং হীরম অসিদা খ্বাইদগী হৈথোই শিংথোইরবা মীওইশিংগী কাংবু অমা লৈদুনা মখোইগী মতিক চারবা রিসর্চ অমসুং ত্রেনিং তৌফম লৈ। লৈবাক অসিনা হৌজিক থেংরিবা অৱাবশিং অসিগা তাইওইননা ইরাং অসিগীদমক্তা মখোইনা মায় পাক্না পাংথোক্লিবা থৌদাংশিং অসিনা মখোইগী অশেংবা মতিক মগুন অদু তাক্লি।  

 [অকুপ্পা ৱারোলগীদমক এম.এস. স্বাপ্না বমাদেবন, পি.আর.ও., এস.সি.তি.আই.এম.এস.তি., মোবাইল- ৯৬৫৬৮১৫৯৪৩, ইমেল- pro@sctimst.ac.inগা তান্নবীয়ু]