তেক্সতাইল মন্ত্রালয়

লৈবাক অসিদা কোবিদ-১৯ কেসশিং লায়েংলিবা হকশেলগী থবক তৌবা মীশিংনা মথৌ তাবা কোভরোলশিংগী পুথোকপগী চাং অসি নোংমদা লাখ ১ দগী হেন্না য়ৌখ্রে; হৌজিক ফাওবদা মপৈ ওইনা চাউরাক্না কোভরোল য়ুনিৎ মিলিয়ন অমা পুথোকখ্রে
মসি কোবিদ-১৯গী মায়োক্তা লানথেংনবদা মাংজিল থারিবা হেল্থ কেয়রগী থবক তৌবা মীওইশিংবু ঙাক-শেন্নবা চাউনা পুথোকপনি

বেঙ্গলুরুনা পি.পি.ই. কোভরোল পুোথোকপদা মাংজিল থারি; তমিল নাদুদা চেন্নৈ অমসুং তিরুপুর, পঞ্জাবতা ফগৱারা অমসুং লুধিয়ানা, এন.সি.আর.দা গুরুগ্রাম অমসুং নোইদাসু পি.পি.ই. কোভরোল পুথোকপগী কেন্দ্র ওইরে
অৱাৎপা লৈতনা ফংহন্নবা তৌরিবা পরিং অসিদা অপনবা অমত্তা লৈহন্দনা থবক তৌরিবা মখল কয়াগী ইন্দস্ত্রীশিং অমদি পোৎ পুথোক্লিবশিং অসি লেপ্তনা ফংহন্নবা তৌগদবনি

Posted On: 26 APR 2020 3:57PM by PIB Imphal

লৈবাক অসিদা কোবিদ-১৯ কেসশিং লায়েংলিবা হকশেলগী থবক তৌবা মীশিংনা মথৌ তাবা কোভরোলশিংগী পুথোকপগী চাং অসি নোংমদা লাখ ১ দগী হেন্না য়ৌনা পুথোকপা ঙমখ্রে। বেঙ্গলুরু অসি লৈবাক অসিদা কোবিদ-১৯ লান্থেননবা পি.পি.ই. কোভরোল পুথোকপগী অচৌবা কেন্দ্র অমা ওইখ্রে। চাউরাক্না লৈবাক অসিদা কোভরোল পুথোক্লিবশিং অসিদগী চাদা য়াঙ্খৈদি বেঙ্গলুরুদগীনি। হকচাংগী কোভরোলশিং (পি.পি.ই.) অসি হকশেলগী শিনফমদা থবক তৌরিবশিংদা থাক ৱাংনা অখন্ননা ঙাকথোক্নবগীদমক্তা চুনবদগী হেল্থ অমসুং ফেমিলী ৱেলফেয়র মন্ত্রালয়না চেকশিনবা তেক্নিকেল ওইবা মওংদা চঙবা পোৎলম ওইনবা লেপ্লে। এম/এস ঐচ ঐচ.এল.এল. লাইফকেয়র লিমিতেদ অসি হেল্থ এন্দ ফেমেলী ৱেলফেয়র, ভারত সরকারগী মখাদা লৈবা অনা লায়েংশঙশিং অমদি হেল্থ কেয়র ওর্গনাইজেসনশিংগীদমক্তা শেমখ্রে।

বেঙ্গলুরু নত্তবদা, পি.পি.ই.কোভরোলশিং অসি তমিল নাদুগী তিরুপুর, চেন্নৈ অমসুং কোইম্বতোইর, গুজরাৎকী অহমদবাদ অমসুং বরোদরা, পঞ্জাবকী ফগৱারা অমসুং লুধিয়ানা, মহারাস্ত্রগী কুসুমনগর অমসুং ভিৱন্দী, রাজস্থানগী দঙ্গরপুর, কোলকতা, দিল্লী, নোইদা, গুরুগ্রাম অমদি অতৈ মফম খরগী খনগৎলবা প্রদক্সন য়ুনিৎশিংনা শারি। হৌজিক ফাওবদা মপৈ-মপৈ পৈবা মওংদা পুথোক্লিবা পোৎলম অসি চাউরাক্না কোভরোল য়ুনিৎ মিলিয়ন অমনি।

জনুৱারী ২০২০গী অরোইবা চয়োলদা, কোভরোলগী তেক্নিকেল স্তেন্দর্দ অসি আই.এস.ও. ১৬০০৩ নত্ত্রগা মাগা মান্নবগী মওংদা ৱর্ল্দ হেল্থ ওর্গনাইজেসনগী এক্সপোজর প্রেসরদা লেপখি। অসিগুম্বা পোৎশকশিং অসি মপুং ফানা স্তোক্তা পুথোকপা ঙমদবা অমদি মখোয়গী হৌরকফম মরু ওইরিবা লৈবাকশিংনা থাদোরকপদা অথিংবা থমখিবা ইন্তর্নেস্নেল কম্পনী খরনা শাখি। হেল্থ অমসুং ফেমেলী ৱেলফেয়র মন্ত্রালয়গী থৌরাংনবা লুপ্না কত্থোরকপা নত্ত্রগা থৌরাংখি।

লম অসিদা কোবিদ-১৯গী কেসশিংগী থবক পাংথোক্লিবা হকশেলগী থবক তৌরিবা মীওইশিংবু থাক ৱাংনা ঙাকথোকহন্নবা মশাগী লমদা ফংজবা পোৎলমশিং অমদি তেক্নিকেলগী মথৌ তাবশিং অদু হকশেলগী মরমদা থোইনা খঙ-হৈরবশিংগা খন্নরগা হেল্থ অমসুং ফেমিলী ৱেলফেয়রগী মন্ত্রালয়না মার্চ ২, ২০২০দা অরোইবা ওইনা লেপথোকখি। তাংদাংবা মওংদা শেম্লবা অদু ঐচ.এল.এল. লাইফকেয়র লিমিতেদকী ৱেবসাইত্তা মার্চ ৫, ২০২০দা থৌরাংবগী থৌওংদা শরুক য়াবদা মতীক চানা শাবা ঙমগদবশিং কৌরদুনা ফোংখি।

হৌজিক ফাওবদা, কোবিদ-১৯গীদমক সিন্থেতিক পেনিত্রেসন রেজিস্তেন্স তেস্তকী খুদোংচাবশিংগা লোয়ননা মরু ওইবা মওংদা খনগৎলবা অচংবা হকচাংগী কোভরোলশিং (পি.পি.ই.)গী তেস্ত অমদি সর্তিফিকেসন লৈবা লেবোরেতরী মরি লৈরে। ওর্দনান্স ফেক্তরী বোর্দ-হেবী ভিহিকলগী ফেক্তরীশিং, অবাদী অমসুং স্মোল আর্মস ফেক্তরী, কানপুরগী মখাদা সাউথ ইন্দিয়া তেক্সতাইল্স রিসর্চ এসোসিএসন (সিত্রা), কোইম্বতোইর, দিফেন্স রিসর্চ এন্দ দিবেলপমেন্ত ইস্তাব্লিসমেন্ত (দি.আর.দি.ই.) অমদি লেবোরেতরী অনি লৈ।

মরী লৈনবা শাফমশিংনা অশাবা ফি অমসুং পি.পি.ই. কোভরোল শেৎন-ইন্নবা পোৎলমগী ওইনা তৌগদবা তেস্ত খুদিংগী প্রোতোতাইপ সেম্পলশিং থাই, তোপ-তোপ্পা সর্তিফিকেসন কোদ (ইয়ু.সি.সি.-কোবিদ ১৯) অসি থোকহল্লি। মসিগী কোদ অসিদা অশাবা ফি, শেৎন-ইন্নবা ফীরোলগী মখল, মাগী তেস্ত তৌবগী তাং, তেস্ত তৌবগী থাক অমদি অতৈ মরী লৈনবশিংগী রেকোর্দ লৈ। মায় পাক্লবা সেম্পল খুদিংমক পীরিবা ইয়ু.সি.সি.না প্রদক্ত অসিগী য়ুজর অমা হেক্তনা ভেরিফিকসন তৌবা য়ানবা দি.আর.দি.ও., ও.এফ.বি. অমসুং সিত্রাগী ৱেবসাইত্তা ফোংই। চেল্লিবা ঈচেলসিদা মখা তানা য়েংনবা অমদি পি.পি.ই. কোভরোলগী ক্বালিতী শোয়দনবা অমদি য়েংশিন্নবা তেস্তিংগী থৌওং অসি উনবা, তেস্তিং লেবোরেতরীনা অঙম্বনা লেপ্পা ফোর্মেত্তা শেম্লবা এফিদেবিৎ অমা অমদি এপ্রুব তৌরবা লেবোরেতরীশিংদা মখোয়গী পি.পি.ই. কোভরোল সেম্পল তেস্ত তৌহন্নবা পীশিনবদা লৌশিনগনি।

মথৌ তাবদা পি.পি.ই. কীৎশিং অসি হকশেল মন্ত্রালয়না রাজ্যশিংদা থাই। হেল্থ অমসুং ফেমিলী ৱেলফেয়র, ফার্মাসুতিকেলশিংগী বিভাগ, অমদি তেক্সতাইল মন্ত্রালয়না লেপ্তনা মখল কয়াগী ইন্দস্ত্রীশিং, স্তেকহোল্দরশিং অমদি পোৎলম শারিবশিংদা ২৪X৭ দা হেল্থকেয়রগী শিনফমদা থবক তৌরিবা মীওইশিংগীদমক্তা মথৌ তাবা পোৎলমশিং ৱাত্তনা ফংহন্নবা লেপ্তনা থবক চত্থরি।

*****



(Release ID: 1618956) Visitor Counter : 16