অথিংবা মরকসিদা লৈবাক শিনবা থুংনা গেহু লোকপগী থবক য়াঙনা চঙশিল্লি‍। খরিফ লৌরোক ২০২০গী মনুংদা মহৈ মরোং লোকপা অমদি য়ৈবগী থবক থৌরমশিংগা মরী লৈনবা এস.ও.পি. লৌমী অমদি শিন্মীশিংনা নীংথিনা ঙাক্লি‍। লৌমীশিং অমদি লৌফমদা থবক শুরিবা শিন্মীশিংগী মশা ঙাকথোক্নবগীদমক অমদি কোরোনাভাইরস শন্দোরকপা থিংনবগীদমক ঙাক্না চৎকদবা এস.ও.পি. ভারত লৈঙাক্কী লৌউ শিংউ, তেংবাং অমদি লৌমীশিংগী য়াইফ-থৌরাংগী লোয়শঙনা স্তেৎশিংদা চাইথোকখ্রে‍।

স্তেৎশিংনা পীখৎলকপা রিপোর্তকী মতুং ইন্না মধ্য প্রদেশতা গেহু চাদা ৯৮-৯৯, রাজস্থানদা চাদা ৯২-৯৫, উত্তর প্রদেশতা চাদা ৮৫-৮৮, হরিয়ানাদা চাদা ৫৫-৬০, পঞ্জাবতা চাদা ৬০-৬৫ অমদি অতোপ্পা স্তেৎশিংদা চাদা ৮৭-৮৮ ফাওবদগী চাংদা লোকশিল্লে‍।

কর্নাতকা, আন্ধ্র প্রদেশ, তেলঙ্গনা, রাজস্থান, মহারাস্ত্রা, উত্তর প্রদেশ অমসুং হরিয়া‍নাদা রবী লৌরোক ২০২০-২১গী ওইনা প্রাই সপ্পোর্ত স্কিম (পি.এস.এস.)গী মখাদা এম.এস.পি.দা হৱাই অমসুং থাও মরূ লৌশিনবগী থবক চংশিল্লি‍। অথিংবা লৈরিঙৈ মতমদা পোৎলমশিংসি লৌশিনবগী লৈরিব ফিভম মখাদা পীরিঃ

চনা এম.তি. ৭২,৪১৫.৮২ স্তেৎ মঙা মমিং ওইনা পল্লবদা আন্ধ্র প্রদেশ, তেলঙ্গনা, রাজস্থান, মহারাস্ত্রা অমদি উত্তর প্রদেশতগী লৌশিল্লে‍।

হৱাই কাংতক এম.তি. ১,২০,০২৩ স্তেৎ তরেৎ মিং ওইনা পল্লবদা তমিল নাদু, তেলঙ্গনা, আন্ধ্র প্রদেশ, মহারাস্ত্রা, কর্নাতকা, গুজরাত অমদি ওরিশাদগী লৌশিল্লে‍।

হঙ্গাম এম.তি. ১,৮৩,৪০০.৮৭ স্তেৎ অহুম মীং ওইনা পল্লবদা রাজস্থান, উত্তর প্রদেশ অমদি হরিয়ানাদগী লৌশিল্লে‍।

তাল্লক অসিদা, নেস্নেল হোর্তিকলচর বোর্দ (এন.ঐচ.বি.)না লৈবাক শিনবা থুংবদগী এন.ঐচ.বি.না শকখঙলবা নর্সরী ৬১৮দগী উহৈ অমদি মনা মশিংগী “থানবা ফংবা মচাকশিং”গী ওইবা ইনফোর্মেসন খোমজিল্লে‍। ইনফোর্মেসন অসি কনফিদরেসন ওফ ইন্দিয়ন হোর্তিকলচর (সি.আই.ঐচ.), কোম্মোদিতী-বেজ গ্রোৱর্স এসোসিএসনশিং, স্তেৎ হোর্তিকলচর মিসনশিং, এন.ঐচ.বি. স্তেৎ লোয়শঙশিং অমদি অতৈ মরী লৈনবশিংদা শন্দোকখ্রে‍। লৌমীশিংদা লাক্কদৌরিবা কুম অসিগী ওইনা মখোয়না অপাম্বা থানবগী মচাকশিং লৌজবা য়াহন্নবা ইনফোর্মেসন অসি এন.ঐচ.বি.না ৱেবসাইত্তা (www.nhb.gov.in) থাগৎলে‍।

*****