গেহু লৌশিনবগী থৌরাং লৈবাকসিগী মরুওইবা লৌশিনফম স্তেৎ পুম্নমক্তা খোঙজেল য়াঙনা চঙশিল্লি‍। সেন্ত্রেল পুলগী ওইনা ২৬.০৪.২০২০ ফাওবদা গেহু মেত্রিক তন লাখ (এল.এম.তি.) ৮৮.৬১ লৌশিল্লে‍। মসিগী মনুংদা অয়াম্বা শরুক্তি পঞ্জাবতগী এল.এম.তি. ৪৮.২৭ অদুগা মথংদা হিয়ানাদগী এল.এম.তি. ১৯.০৭ লৌশিল্লে‍। হৌজিক চংশিল্লিবা খোংজেলসিগী মতুং ইন্না কুমসিগী ওইনা থম্লিবা এল.এম.তি. লাখ ৪০০গী পান্দম অদু ফংবা ঙমগনি হায়না পানরি‍। কোভিদ-১৯ শন্দোরকপা য়াবগী অকিবা অমা লৈরিবসিদা মিৎয়েং থমদুনা চেকশিন থৌরাং মতিক চানা লৌখত্তুনা অমদি কৈথেলশিংদা সোসিয়েল দিস্তেন্সিংগা চৎনহন্দুনা লৌশিনবগী থবক পায়খৎলি‍। লৌমীশিংদা মখল অমত্তগী অৱাবা পীদনবা লৌখৎপা য়াবা থৌরাং খুদিংমক লৌখৎলি‍। চাথোক হেন্না লৈবা মফমশিংদগী ৱাৎপা মফমশিংদা পোৎলমশিং থাবগী থবক মখা চত্থরদুনা অথিংবা লৈরিঙৈ মরক্তা এফ.সি.আই.না ত্রেন লোদ ২০০০ হেন্না থাদোকখ্রে‍। ভারত লৈঙাক্কী তোঙান তোঙানবা থৌরাংশিংগী মখাদা মথৌ তাবা চান-থক্নবা পোৎলমশিং শিজিন্নবা কোন্ননবগীদমক ২৭.০৪.২০২০ ফাওবদা এম.তি. লাখ ৫৮.৪৪ পুবা অপুনবা ত্রেন লোদ ২০৮৭ থাদোকখ্রে‍। চাথোক ৱাৎপা স্তেৎশিংদা লৈবা মরুওইবা পোৎ থাফমশিং হোৎ স্পোৎ অমদি কন্তেনমেন্ত জোন ওইনা লাওথোকখিবনা মরম ওইরগা থম্লিবা অকনবা অথিংবশিং লৈনা লৈনা হায়রিবা মতমসিগী মনুংদা এল.এম.তি. ৫৩.৪৭ পুবা রেক ১০৯০ থাখ্রে‍। কেন্দ্র অমদি স্তেৎ লৈঙাকশিংনা তপ্না তপ্না কোমথোরকপগা লোয়ননা লাক্কদৌরিবা নুমিৎশিংদা পোৎ থাবগী চাং অসি হেনগৎলক্কনি হায়না পানরি‍। প্রধান মন্ত্রী গরীব কল্যান অন্ন য়োজনা (পি.এম.জি.কে.এ.ৱাই.)কী মখাদা থা অহুম চুপ্না (ইং ২০২০গী এপ্রিল দগী মে ফাওবা) মীওই অমদা চেঙ কে.জি. ৫গী চাংদা লেম্না য়েন্থোক্নবগীদমক চেঙ চিংবগী থবক চত্থরি অদুগা লদাখ অমসুং লক্সদ্বীপ য়ু.তি.শিংগী ওইনদি থা ৩ মক্কী চেঙ চিংথোকপগী থবক লোইখ্রে‍। অতোপ্পা স্তেৎ ৭ অমনা জুন থাগী চাকথুং চিংলি অদুগা স্তেৎ ২০ অমনা মে থাগী চাকথুং চিংলি‍। স্তেৎ ৮ অমদি এপ্রিল থাগী চাকথুং চিংলি অমদি চৎলিবা থা অসিনা লোইশিল্লকপদা লোইবা ঙমগনি হায়না পানরি‍। মথৌ তাবশিং শিন্নবা কোন্ননবা স্তেৎ খুদিংমক্তা স্তোক মতিক চাননা থনজিন্নবা এফ.সি.আই.না থৌরাং পায়খৎলে‍। থা অহুমগী অহেনবা চাকথুং চাউরাক্না এম.তি. লাখ ৯ রোম ওইবা ৱেস্ত বেঙ্গলগী মতাংদদি অতেনবা মতমগী মনুংদা চেঙ মরাং কায়না ফংহন্নবগা পান্দমদা তেলঙ্গনা, আন্ধ্র প্রদেশ, ছতিসগর অমসুং ওরিশা হায়রিবা স্তেৎ মরিসিদগী মতম অমত্তদা চেঙ ত্রেন লোদ ২২৭ চিংনবা থৌরাং য়াৎলে‍।