প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা রাজ্য পুম্নমক্কী মুখ্য মন্ত্রীশিংগা লোয়ননা ৱারী শানখ্রে। মহাক্না রেদ জোন অমসুং ওরেঞ্জ জোনদা লৈরিবা জিলাশিংদা ভাইরসকী ত্রান্সমিসনগী চেন চেকশিন্না থুগায়গদবনি হায়বা ৱাফম থমখি। মহাক্না হোৎস্পোৎ হায়বদি রেদ জোন এরিয়াশিংদা মরী লৈনবা গাইদলাইনশিং চৎনহনবদা রাজ্যশিং/য়ুনিয়ন তেরিতোরীশিংগী মরুওইবা অদু ফোংদোকখি। মহাক্না হায়খি মদুদি রাজ্যশিং/য়ুনিয়ন তেরিতোরীশিংনা রেদ জোনশিংবু ওরেঞ্জ অমদি মদুগী মতুং গ্রীন জোন্দা ওন্থোক্নবগী মায়কৈদা হোৎনগদবনি। ত্রেদিস্নেল মেদিসিনেল সিস্তেমশিংনা মখোয়গী থবক মখা চত্থগদবনি হায়না মহাক্না মখা তাখি।

হৌখিবা নুমিৎ  ২৮দগী মমাংদা কেস লৈরম্বা লৈবাক অসিগী রাজ্য ১৬তা অনৌবা কেস অমত্তা রিপোর্ত তৌরকপা লৈতে। লিস্ত অসিদা অনৌবা জিলা ৩ হাপচিল্লে (এপ্রিল ২৪):

• মহারাস্ত্রদা গোন্দিয়া,
• কর্নাতকাদা দেবানগিরী
• বিহারদা লখী সরাই

হৌখিবা নুমিৎ  ২৮দা মমাংদা অনৌবা কেস অমত্তা লৈরমদবা জিলা ২দা হৌজিক অনৌবা কেস উৎলক্লি অমদি মখোয় অদুদি উত্তর প্রদেশতা পিলিবহিৎ অমসুং পঞ্জাবতা শহিদ ভগৎ সিংহ নগরনি। মসিদা নত্তনা, হৌখিবা নুমিৎ  ১৪দগী রাজ্য/য়ুনিয়ন তেরিতোরী ২৫দগী জিলা ৮৫দা অনৌবা কেস অমত্তা রিপোর্ত তৌরকপা লৈতে।

ঙসি পাংথোকখিবা প্রেস ব্রিফিংদা, ভারত সরকারগী মকোক থোংবা কাংলুপ ৫না কোবিদ-১৯ খংহৌ হৌরকপদগী হৌরগা লৈবাক অসিদা পায়খৎলিবা সপ্লাই চেন অমসুং লোজিস্তিকেল এরেঞ্জমেন্তশিংগা মরী লৈনবা অপদেৎশিং শেয়র তৌখি।

থক্নবা ঈশিং অমসুং সেনিতেসন বিভাগকী সেক্রেতরী অমদি মকোক থোংবা কাংলুপ ৫গী কনভেনর শ্রী পরমেশ্বরন আয়রনা মীদিয়াদা ৱা ঙাংলদুনা মরুওইবা লম মরি হায়বদি এগ্রিকলচর, মেনুফেকচরিং, লোজিস্তিক্স অমসুং শোত্থরবা কাংলুপশিং পীজ-পীথকপদা শিংনরকপশিং মায়োক্ননবা সরকারনা পায়খৎলিবা খোঙথাংশিং শেয়র তৌখি। মহাক্না হায়খি মদুদি চিঞ্জাক অমসুং হিদাক-লাংথক পুবা ত্রকশিংগী চাং ২০২০গী মার্চ ৩০দা চাদা ৪৬ ওইরম্বা অদু ২২০গী এপ্রিল ২৫দা চাদা ৭৬তা হেঙ্গৎলে। চপ মান্নবা মতমদা, রেলৱে রেকশিং পুবগী চাং চাদা ৬৭তগী চাদা ৭৬তা হেঙ্গৎলে, হিথাংফমশিংনা হেন্দল তৌবা ত্রাফিক্কী চাং চাদা ৭০দগী চাদা ৮৭তা হেঙ্গৎলে অমদি অচৌবা মন্দীশিং ওপরেৎ তৌবগী চাং চাদা ৬১দগী চাদা ৭৯দা হেঙ্গৎলে। মীওই কোতি ১.৫ হেনবদা সরকারগী এজেন্সীশিং, এন.জি.ও.শিং অমসুং ইন্দস্ত্রীশিংনা নুমিৎ  খুদিংগী থোং-থাক্লবা চাকলেন ফংহল্লি।

হৌজিক ফাওবদা, চাদা ২২.১৭কী রিকোভরী চাং অমগা লোয়ননা মীওই ৬,১৮৪ নাবা ফখ্রে। ঙরাংদগী অনৌবা কেস ১,৩৯৬ হেঙ্গৎপগী রিপোর্ত তৌরক্লি। হৌজিক ফাওবদা ভারত্তা মীওই ২৭,৮৯২ কোবিদ-১৯ পোজিতিব ওইরে। হৌখিবা পুং ২৪দা নৌনা লৈখিদবা ৪৮গা লোয়ননা পুন্না লৈখিদবা ৮৭২ শুরে।    

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেৎ ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .