প্ৰধানমন্ত্ৰী শ্ৰী নৰেন্দ্ৰ মোদীয়ে ক’ভিড-১৯ৰ সৈতে মোকাবিলা কৰিবলৈ তথা সংকটময় পৰিস্থিতিৰ বিষয়ে আলোচনা কৰিবলৈ আজি ভিডিঅ’ কনফাৰেন্সযোগে ৰাজ্যসমূহৰ মুখ্যমন্ত্ৰীসকলৰ সৈতে বৈঠকত মিলিত হয়৷ তেওঁ কয় যে ৰাজ্যসমূহে ৰঙা মণ্ডলসমূহ অৰ্থাৎ হটস্পটসমূহৰ বাবে প্ৰযোজ্য নিৰ্দেশনাৱলী কঠোৰভাৱে পালন কৰা আৱশ্যক৷ এই ক্ষেত্ৰত ৰাজ্যসমূহে ৰঙা মণ্ডলসমূহ কমলা মণ্ডললৈ আৰু তাৰ পিছত সেউজীয়া মণ্ডললৈ পৰিৱৰ্তিত কৰিবলৈ প্ৰয়াস কৰা আৱশ্যক বুলি উল্লেখ কৰে৷ তেওঁ পৰম্পৰাগত ঔষধ প্ৰণালীৰ ওপৰতো নিৰন্তৰে কাম কৰিবলৈ আহ্বান জনায়৷

বিগত ২৮ দিনৰ পৰা ১৬ খন জিলাই কোনো নতুন পৰিঘটনা প্ৰতিবেদন কৰা নাই৷ এই তালিকাত ৩ খন নতুন জিলা সংযোজিত হৈছে (২৪ এপ্ৰিল)-

• মহাৰাষ্ট্ৰৰ গণ্ডিয়া
• কৰ্ণাটকৰ দেৱাংগিৰী
• বিহাৰৰ লক্ষীচৰাই

বিগত ২৮ দিনত কোনো নতুন পৰিঘটনা প্ৰদৰ্শিত নকৰা পিলিভিট আৰু শ্বহীদ ভগৎ সিং নগৰে এতিয়া নতুনকৈ পৰিঘটনা প্ৰদৰ্শিত কৰিছে৷ তাৰোপৰি ২৫ খন জিলা/কেন্দ্ৰীয়শাসিত প্ৰদেশৰ পৰা বিগত ১৪টা দিনত মুঠ ৮৫ খন জিলাই কোনো নতুন পৰিঘটনা প্ৰদৰ্শিত কৰা নাই৷

ভাৰত চৰকাৰৰ বিশেষ ক্ষমতাপ্ৰাপ্ত গোট ৫ (ইজি ৫)এ আজি দেশৰ যোগান শৃংখলা আৰু লজিষ্টিক ব্যৱস্থাপনাৰ শেহতীয়া তথ্যসমূহ বিনিময় কৰে৷ তেওঁলোকে চৰকাৰে কৃষি, নিৰ্মাণ, লজিষ্টিক আৰু অসুৰক্ষিত লোকসকলক খাদ্য যোগানৰ বাবে গ্ৰহণ কৰা পদক্ষেপসমূহৰ বিষয়ে সংবাদ মাধ্যমৰ সন্মুখত উল্লেখ কৰে৷

এই পৰ্যন্ত ২২.১৭% আৰোগ্য হাৰেৰে ৬,১৮৪ জন লোক আৰোগ্য হৈছে৷ কালিৰে পৰা ১,৩৯৬ টা নতুন পৰিঘটনা প্ৰতিবেদিত হৈছে৷ এই পৰ্যন্ত ভাৰতত ক’ভিড-১৯ত আক্ৰান্ত হোৱা লোকৰ সংখ্যা হ’ল ২৭,৮৯২ জন৷ বিগত ২৪ ঘণ্টাত ৪৮জন লোকৰ মৃত্যু হোৱাৰ জৰিয়তে মুঠ মৃত্যুৰ সংখ্যা ৮৭২ জনলৈ বৃদ্ধি পাইছে৷

ক’ভিড-১৯ সম্পৰ্কীয় সকলো প্ৰমাণীকৃত আৰু আপডেটেড তথ্য, নিৰ্দেশনা আৰু পৰামৰ্শৱলীৰ বাবে অনুগ্ৰহ নিয়মীয়াকৈ পৰিদৰ্শন কৰকঃ https://www.mohfw.gov.in/.

technicalquery.covid19[at]gov[dot]in লৈ ক’ভিড-১৯ সম্পৰ্কীয় কাৰিকৰী জিজ্ঞাসা আৰু অন্য জিজ্ঞাসাৰ বাবে ncov2019[at]gov[dot]in লৈ মেইল কৰিব পাৰে৷

ক’ভিড-১৯ সম্পৰ্কীয় যিকোনো জিজ্ঞাসাৰ বাবে অনুগ্ৰহ কৰি +৯১-১১-২৩৯৭৮০৪৬ অথবা ১০৭৫ (টোল-ফ্ৰী) নম্বৰত স্বাস্থ্য আৰু পৰিয়াল কল্যাণ মন্ত্ৰালয়লৈ ফোন কৰিব পাৰে৷

https://www.mohfw.gov.in/pdf/coronvavirushelplinenumber.pdf ত ক’ভিড-১৯ৰ বাবে ৰাজ্য/কেন্দ্ৰীয়শাসিত অঞ্চলৰ হেল্পলাইন নম্বৰসমূহ উল্লেখ কৰা আছে৷

*****

MV/MANN