মচা খায়না, মখা তানা থোরক্তনবা অমসুং লৈরিবা ফিভম অসিদগী হেঞ্জিল্লক্তনবগী খোংথাংগা লোইননা ভারত সরকারনা রাজ্য/য়ু.তি.শিংগা লোইননা কোবিদ-১৯ ঙাকথোক্ননবা, নমথনবা অমসুং লাকশিন্ননবা খোংথাং কয়ামরুম অমা লৌখৎখ্রে। মসিবু চাং নাইনা য়েংশিল্লি অমসুং অৱাংবা থাক্তা মোনিতর তৌরি।

কেন্দ্রগী হকশেল অমসুং য়াইফ-য়ুম্বালগী মন্ত্রী, দা. হর্শ ৱর্ধননা ঙসি কোবিদ-১৯ অসিবু মাইথিবা পীবা ঙম্নবা চেকশিন থৌরাং কয়াম লৌখৎলবগে হায়বা খঙনবা ওল ইন্দিয়া ইন্সতিত্যুৎ ওফ মেদিকেল সাইন্সেস (এ.আই.আই.এম.এস.)কী ত্রাউমা সেন্তরদা চত্তুনা য়েংশিনখ্রে।  মহাক্কী খোংচৎ অদুদা, মহাক্না কোবিদ-১৯গী পেসেন্তশিংগীদমক্তা ওইবা আইসোলেশন ফেসিলিতী লৈবা খ্বাইদগী নৌবা বিল্দিং অদুদা লৈবা ৱার্দশিংদা চংদুনা য়েংখি। মহাকখি খোংচৎ অদুদা মহাক্না কোবিদ-১৯না নারবা পেসেন্তশিংগা ফোনদা ভিদিও কোলগী খুথাংদা ৱারী শাখি, পেসেন্তকী মাইকৈদগী ফোনশিং অদু রোবোৎশিংনা শেন্নৈ অমসুং মহাক্না পেসেন্তশিং অদুদা মখোয়গী ফিভমগী মতাংদসু হংখি। মহাক্না হেন্না ফবা মওংদা মথৌ তাবা শেমদোক-শেমজিন তৌনবগীদমক্তা এ.আই.আই.এম.এস.তা লৈরিবা ফেসিলিতীশিংগী মতাংদা মখোয়দগী ফীদবেকসু লৌখি।

কুপ্না রিভ্যু তৌরবা মতুংদা, দা. হর্শ ৱর্ধননা য়ুনিৎ কয়া অমগী তৌরিবা থবকশিং অদুদা অপেনবা ফোংদোকখ্রে। মহাক্না এ.আই.আই.এম.এস.পুসু দিজিতেল প্লেৎফোর্মশিং অমসুং ভিদিও/ ভোইস কোল তেক্নোলোজীশিং শিজিন্নদুনা কোবিদ-১৯গী কনফর্ম ওইরবা অমসুং চিংনবা পেসেন্তশিংগী য়াইফনবগীদমক্তা পুং ২৪ য়েংশিনবগীদমক্তা থাগৎপা ফোংদোকখ্রে।   দা. হর্শ ৱর্ধননা ভারতকী মীয়ামদা লোকদাউন ২.০ অসিবু মপুংফানা অমসুং কাংলোনগী মতুং ইন্না পাংথোক্নবা অমসুং কোবিদ-১৯গী লাইচৎ অসিবু শন্দোরকপদগী থিংনবগী য়াম্না ফবা পাম্বৈ অমা ওইনা লৌনবা হায়খ্রে। ভারত্তা লৈরিবা ফিভম অসি ফবা হেনগৎলক্লি মরমদি হোৎ স্পোৎ দিস্ত্রিক্তশিং (ঐচ. এস. দি.) অসি নন হোৎ স্পোৎ দিস্ত্রিক্তশিং (এন. ঐচ. এস. দি.) ওইনবগী মাইকৈ তম্না চংশিল্লক্লি হায়না মহাক্না পল্লদুনা হায়খি ।

ঙসি, কেবিনেৎ সেক্রেতরীনা কোবিদ-১৯ মায়োক্ননবগীদমক্তা কয়া য়াম্না শেম-শারবগে হায়বা য়েংশিন্নবা চীফ সেক্রেতরীশিং অমসুং রাজ্য/য়ু.তি.শিংগী দি.জি.পি.শিংগা ভি.সি.গী খুত্থাংদা কুপথনা ৱারী শাখ্রে। মহাক্না মরু ওইনা পল্লদুনা হায় মদুদি কেস য়াম্না লৈবা রাজ্যশিংদি লোকদাউনগী পাম্বৈশিং অমসুং লাকশিন্ননবা লাল্লোংশিং অসি নীংথিনা শিজিন্ননবা হেন্না কন্না হোৎনগদবনি। রাজ্যশিংনা আইসোলেশন বেদশিং, আই.সি.য়ু. বেদশিং, ভেন্তিলেতরশিং অসিনচিংবশিং অসি মতিক চানা লৈবা মেদিকেল ইনফ্রাস্ত্রকচরশিংদা মরু ওইনা মিৎয়েং চংগদবনি হায়খি।

হৌজিক ফাওবগী ওইনা,  ২১.৯০%গী চাংদা ফগৎলক্তুনা মীওই ৫,৮০৪দি লাইনা অসিদগী নাবা ফখ্রে। ঙরাং ফাওবদা,ভারত্তা অপুনবা শিবগী মী মশিং  ৮২৪ য়ৌখ্রে, মসিগা লোইননা  কোবিদ-১৯গী হৌজিক ফাওবদা অপুনবা মীওই ২৬,৪৯৬তি পোজিতিব ওইখ্রে হায়রি।

কোবিদ-১৯গা মরি লৈনবা তেক্নিকেল ইসুশিং, গাইলাইনশিং & এদভাইজরিশিংগী ওইবা তশেংবা & অপদেৎ তৌরবা ই-পাউশিংগীদমক্তা চাং নাইনা https://www.mohfw.gov.in/দা য়েংবীয়ু।

কোবিদ-১৯গা মরি লৈনবা তেক্নিকেলগী ওইবা ৱাহং-পাউহংশিং লৈরবদি technicalquery.covid19[at]gov[dot]inদা  ই-মেল তৌবীয়ু অমসুং অতৈ অতোপ্পা ৱাহং-পাউহংশিংগী ওইনা ncov2019[at]gov[dot]inদা ই-মেল তৌবীয়ু।

কোবিদ-১৯গা মরি লৈনবা ৱাহংশিং হংনীংবা লৈরবদি, হকশেল অমসুং য়াইফ-য়ুম্বালগী মন্ত্রালয়গী হেল্পলাইন নম্বর : +91-11-23978046 or 1075 (তোল-ফ্রী) অসিদা কোল তৌবীয়ু। কোবিদ-২৯গী ওইবা রাজ্য/ য়ু.তি.শিংগী হেল্প।ইন নম্বরশিংগী লিস্ত অসি https://www.mohfw.gov.in/pdf/coronvavirushelplinenumber.pdfতসু ফংবীগনি।