থবক শুবা, মীয়ামগী ৱাকৎ অমসুং পেন্সন মন্ত্রালয়
সরকারগী থবক তৌবা মীওইশিংগী থবক্তগী পোত্থাবগী চহী হন্থবগী খোংথাং অমত্তা লৈতে অমসুং মসিগী মতাংদা করিগুম্বা অমত্তা সরকারগী থাক্তা খন্নবা লৈতেঃ দাক্তর জিতেন্দ্রা সিংহ
Posted On:
26 APR 2020 7:02PM by PIB Imphal
সরকারগী থবক তৌবা মীওইশিংগী থবক্তগী পোত্থাবগী চহী অসি চহী ৫০দা হন্থনবা খোংথাং অমা লৌখৎনবা হোৎনরি হায়দুনা মীদিয়াদা থোক্লক্লিবা পাউ অসি অরানবনি হায়রদুনা দিবেলপমেন্ত ওফ নোর্থ ইস্তর্ন রিজন (দি.ও.এন.ই.আর.), এম.ও.এস. পি.এম.ও., পর্সনেল, পব্লিক গ্রিবান্সেস অমসুং পেন্সন্স, এতোমীক ইনর্জী অমসুং স্পেসকী মন্ত্রালয়গী কেন্দ্রগী রাজ্যগী মন্ত্রী (ইন্দিপেন্দেন্ত চার্জ) দাক্তর জিতেন্দ্রা সিংহনা ময়েক শেংনা সরকারগী থবক তৌবা মীওইশিংগী থবক্তগী পোত্থাবগী চহী হন্থবগী খোংথাং অমত্তা লৈতে অমসুং মসিগী মতাংদা করিগুম্বা অমত্তা সরকারগী থাক্তা খন্নবা লৈতে হায়খ্রে।
কনাগুম্বা খরনা ঙসি ঙরাং অমসুং মতম কয়াদগী অসিগুম্বা চমম্ননীংঙাই ওইবা ই-পাউ খরা মীদিয়াদা সরকারগী মাইকৈদগী নত্ত্রগা দি.ও.পি. অমসুং তি.দগী লাকপা পাউনি হায়দুনা শন্দোক্তুনা লাক্লি হায়না দাক্তর জিতেন্দ্রা সিংহনা হায়খি। অসিগুম্বা মতাং খুদিংদা চমম্নবশিং অসি স্তেকহোলদর্শিংগী ৱাখলদগী কোকহন্নবা হায়দুনা খুদক খুদক্কী ওইনা শেংদোক্তুনা লাক্লি হায়না মহাক্না হায়খি। মখা তানা, লৈবাক অসিনা কোরোনাগী ইরাং মরকশিদা অৱাবা কয়া মায়োক্নরিঙৈ অমসুং মালেমগী লৈবাক পুম্বনা প্রধান মন্ত্রী শ্রী নরেন্দ্র মোদীনা লাইচৎ অসিবু কান্নবা থৌদাং কয়া অমা পাংথোক্তুনা লাকশিন্নবা হোৎনরিঙৈ তাঞ্জাসিদা মীয়ামগা ৱাখল মান্নদবা মীওই খরা অমনা অসিগুম্বা অরানবা পাউ কয়া মীদিয়াদা লান্না শন্দোক্তুনা সরকারনা তৌরিবা অফবা থবক কয়া অসিবু মিংচৎ থীহন্নবা হোৎনরি হায়না মহাক্না হায়খি।
![https://static.pib.gov.in/WriteReadData/userfiles/image/image0010F0H.jpg](https://static.pib.gov.in/WriteReadData/userfiles/image/image0010F0H.jpg)
অমরোমদনা, কোরোনাগী খুদোংচাদবা অসি হেক হৌরকপদগী সরকার অমসুং দি.ও.পি. অমসুং তি.না মতম মতমগী ওইনা মখোইগী থৌমীশিংগী কান্ননবা অমসুং ঙাক শেন্নবা ৱারেপ কয়া লৌদুনা লাক্লি। খুদম ওইনা হায়রবদা, লোকদাউন অসি সরকারগী মাইকৈদগী লাওথোক্ত্রিঙৈগী মমাংদগী হৌনা দি.ও.পি.তি.না মখোইগী লোইশংশিংদা “তঙাইফদবা নত্ত্রগা মশিং য়ামদবা স্তাফ”শিং খক্তনা থবক তৌনবা চৎন কাংলোন অমা থোকখিবা লৈখ্রবনি হায়না মহাক্না হায়খি। চংদবা য়াদ্রবা থবকশিং অসি চৎন কাংলোন অসিগী মনুং চন্দ্রবসু দি.ও.পি.তি.না “দিব্যাং (মীমান্নদ্রবা)শিংদি অসিগুম্বা চংদ্রবা য়াদ্রবা থবকশিং” অসিদা য়াওহন্দনা ৱারোল অমসু থোকখ্রবনি।
লোকদাউন লৈবগী খুদোংচাদবশিং কয়া অসি য়েংলগা সরকারগী থবক তৌবা মীওইশিংগী এনুএল পর্ফোর্মেন্স এপ্রাইজেল রিপোর্ত (এ.পি.এ.আর.) পীশিনবগী অরোইবা নুমিৎসু দি.ও.পি.তি.না য়ৈথোকখ্রে হায়না মহাক্না হায়খি।
মসিগা লোইননা য়ু.পি.এস.সি.না আই.এ.এস./সিবিল সর্বিসকী ইন্তর্ভ্যু/পর্স্নেলিতী তেস্ত য়ৈথোক্নবা ৱারেপ লৌখিবা অদুসু পনখি অমসুং সিবিল সর্বিসেস প্রিলিমিনরী তেস্তসু মে ৩গী মতুংদা ওইনা পাংথোক্লগনি হায়খি। মসিগা ইরোইননা এস.এস.সি.নসু মখোইগী থবক খনবগী থৌরাংশিংসু য়ৈথোকখ্রে।
পর্সোনেল মন্ত্রালয়গী পর্সোনেল বিভাগকী ওইনদি সরকারনা মখোইগী পেন্সনদগী ৩০% কক্লগনি অমসুং চহী ৮০গী মথক্তা লৈবা মীওইশিংগী পেন্সনশিং পীবা লেপ্লগনি হায়বা অরানবা পাউ অমা মমাংগী চয়োলদা শন্দোরকখি হায়না দাক্তর জিতেন্দ্রা সিংহনা হায়খি। তৌবতবু, মসিগী ওন্না তৈনবদা, অশেংবা ওইনদি মার্চ ৩১, ২০২০দা পেন্সন ফংবা মীওইশিংগী একাউন্ততা পেন্সন চংলক্তবা কনা অমত্তা য়াওখিদে। মসিদা নত্তনা, তঙাই ফদবগী মতুং ইন্না পেন্সন ফংবা মীওইশিংগী য়ুম য়ুমদা পেন্সন থিনবা য়ানবা হায়দুনা পোস্তেল বিভাগকী মতেং ফাওবা লৌখি।
হৌখিবা চয়োল মরিদা, পর্সোনেল বিভাগকী ওইনা পর্সোনেলগী মন্ত্রালয়না শহর ২০দা লৈবা পেন্সন ফংলবা অমসুং অহল ওইরবা মীওইশিংগী ওইনা ভিদিও কনফরেন্স তৌদুনা ৱা তানখি অমসুং দাক্তর রন্দীপ গুলেরিয়া, দাইরেক্তর (এ.আই.আই.এম.এস.)গুম্বা অখঙ অহৈ কয়ানা থবোম্বীগা মরী লৈনবা পাউতাক কয়া পীখি। মসিগা মান্ননা য়োগা তৌবগী ওইবা ৱেবিনার কয়াসু শিন লাংখি।
(Release ID: 1618554)
Visitor Counter : 149
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu