ত্রিবুনেলগী অধ্যক্স জস্তিস পি.পি. ভত্তনা লুচিংবা দিবিজন বেঞ্চ অমনা ৱেব বেজ ভিদিও কনফরেন্সিং প্লেৎফোর্ম (ইনকম তেক্স এপিলেৎ ত্রিব্যুনেল) য়ৈথোক্তুনা লৈরুরবা য়াম্না তঙাই ফদবা পিতিসন অমগী ৱা তাখ্রে অমদি লোইশিন্নখ্রে। মসি ত্রিব্যুনেল অসিগী চহী ৭৫ গী পুৱারীদা অহানবনি। পিতিসন অসি জস্তিস ভত্ত অমদি আই.তি.এ.তি.গী উপ-অধ্যক্ষ শ্রী প্রমোদ কুমার য়াওনা আই.তি.এ.তি. মুম্বইগী বেঞ্চ মেম্বর অনিনা কোবিদ-১৯গী লোকদাউননা মরম ওইদুনা আই.তি.এ.তি.গা নক্ননা লৈবা মখোয়-মখোয়গী ওফিসতগী ভিদিও কনফরেন্সতা ৱা তাখি।  

এপিলেৎ ওইরিবা সোলাপুরদা লৈবা পনধেস ইনফ্রাকোন প্রাইভেৎ লিমিতেদনা কুমজা ২০১০-১১গী খাজনা ওইনা ইনকম তেক্স, মুম্বাই ওফিসনা লুপা ক্রোর ২.৯১ তোনবা খোমগৎনবা নোতিস অমদা মাগী য়ৈথোক্তুনা লৈবা  য়াম্নমক  তঙাই ফদবা হীয়রিংগীদমক হায়জখ্রে। কম্পেনী অসিনা বোম্বে হাই কোর্ত্তা হান্না ৱা থাঙ্গৎলুরে অদুবু আই.তি.এ.তি.দা ওইনা ৱাফম অদু থাঙ্গৎলুনবা হায়রকখি। রেভেন্যু ওথোরিতীশিংনা কম্পনী অসিগী বেঙ্করশিং অমদি শেন পুবশিং পুম্নমক্তা নোতিস থোকখ্রে। হীয়রিং চত্থবা মতমদা য়াওখিবা বিভাগকী মীহুৎশিংদা বেঞ্চনা এসেসিং ওফিসরশিং/ফিল্দ ওফিসরশিংদা পাউ পীনবা হায়খ্রো। মতাং অসিদা বেঞ্চ অসিনা হ়়ঞ্জিনবা তৌদনা জুন ৮, ২০২০দা  কম্পনীগা মরী লৈননা থম্লকপা অপীলদা হীয়রিং চত্থগনি।

মফম ২৭তা লৈবা আই.তি.এ.তি. বেঞ্চশিং অসি খাজনা নত্ত্রগা রেভেন্যু দিপার্তমেন্তকী তঙাই ফদবা হীরমদা নত্ত্রগা তঙাইফদবা লাকপদা ভিদিও কনফরেন্সতা অসিগুম্বা হীয়রিং চত্থবা য়াই।