য়ুমলৈ-কৈরৈ মন্ত্রালয়

হেল্থকেয়র প্রোফেস্নেলশিং, মেদিকেল স্তাফ অমসুং ফ্রন্তলাইন ৱার্করশিংদা মখোয়গী মথক্তা তৌরকপা য়ৈখাই থিনগাইবশিংদগী ঙাকথোক্নবা মতিক চাবা সেক্যুরিতী পীগদবনিঃ কেন্দ্রগী য়ুমলৈ-কৈরৈ মন্ত্রী
মখোয়গী মথৌ পাংথোকপা মতমদা কোবিদ-১৯না মরম ওইদুনা লৈখিদ্রবা মেদিকেল প্রোফেস্নেলশিং নত্ত্রগা ফ্রন্তলাইন হেল্থ ৱার্করশিংগী অরোইবা মথৌ মঙম পাংথোকপদা অথিংবা পীবা পুম্নমক্তা অকনবা থবক লৌখৎকদবনিঃ এম.ঐচ.এ.না রাজ্যশিংদা হায়খ্রে

Posted On: 22 APR 2020 5:24PM by PIB Imphal

কেন্দ্রগী য়ুমলৈ-কৈরৈ মন্ত্রী, শ্রী অমিত শাহগী পাউতাক মতুং ইন্না কেন্দ্রগী য়ুমলৈ-কৈরৈ মন্ত্রালয় (এম.ঐচ.এ.)না হেল্থকেয়র প্রোফেস্নেলশিং, মেদিকেল স্তাফ অমসুং ফ্রন্তলাইন ৱার্করশিংদা মখোয়গী মথক্তা চৎথরকপা য়ৈখাই-থিনগাইবশিংদগী ঙাকথোক্নবা সেক্যুরিতী মতিক চানা পীগদবনি হায়না রাজ্য/য়ুনিয়ন তেরিতোরীশিংদা ঙসি পাউতাক পীখ্রে। মখোয়গী মথৌ পাংথোকপা মতমদা কোবিদ-১৯না মরম ওইদুনা লৈখিদ্রবা মেদিকেল প্রোফেস্নেলশিং নত্ত্রগা ফ্রন্তলাইন হেল্থ ৱার্করশিংগী অরোইবা মথৌ মঙম পাংথোকপদা অথিংবা পীবা খুদিংদা অকনবা থবক লৌখৎকদবনি।

এম.ঐচ.এ.না তাং ২০.০৩.২০২০, ০৪.০৪.২০২০ অমসুং ১১.০৪.২০২০দা রাজ্য/য়ু.তি. খুদিংমক্তা হেল্থকেয়র প্রোফেস্নেলশিং, মেদিকেল স্তাফ অমসুং ফ্রন্তলাইন ৱার্করশিংদা মখোয়গী শোইদ-ঙামদনবা অমসুং সেক্যুরিতী কভর মপাঙ্গল হেনগৎহন্দুনা মতিক চানা ঙাকপী শেনবীগদবনি হায়না পাউতাক পীখি। হায়রিবা য়াথং অসি লৈন-লৈনা, লৈবাক অসিগী তোঙান-তোঙানবা মফমশিংদা হেল্থকেয়র প্রোফেস্নেলশিং/ফ্রন্তলাইন ৱার্করশিংদা য়ৈখাই থিনগাইবগী থৌদোক থোকপগী পাউ লৈখি। হৌজিক ওইরিবা ফিবম অসিদা হেল্থকেয়র প্রোফেস্নেলশিংদা য়ৈখাই থিনগাইবা পীবগী থৌদোক অমখক্তং ওইরবসু থোকপা হায়বসি হেল্থকেয়র কম্যুনিতী পুম্নমক্তা অকীবা পোকহনবনি হায়না লৌবা য়াই।

ভারতকী সুপ্রীম কোর্তনা ০৮.০৪.২০২০দা থোকখিবা য়াথং অমদা হায়খি মদুদি, ভারত সরকারনা, মরী লৈনবা রাজ্যশিং/য়ু.তি.শিং অমসুং মরী লৈনবা পুলিস ওথোরিতীশিংদা দোক্তর অমসুং হোস্পিতালগী মেদিকেল স্তাফশিং অমসুং কোবিদ-১৯ অনাবশিং নত্ত্রগা কোবিদ-১৯গী চিংনবা লৈবশিং নত্ত্রগা ক্বারেন্তাইন তৌরিবা মীওইশিংনা লৈবা মফমশিংদা মথৌ তাবা পুলিসকী সেক্যুরিতী পীগদবনি হায়খ্রবনি। মখা তানা, কোর্ত অসিনা লাইনা অসিগী লাইওং থিদোক্নবা দোক্তর অমসুং অতোপ্পা মেদিকেল স্তাফশিংনা স্ক্রীনিং তৌবা চৎপা মতমদসু মতিক চাবা পুলিসকী সেক্যুরিতী পীগদবনি হায়খি।

সুপ্রীম কোর্তকী য়াথং অমসুং দিজাস্তর মেনেজমেন্ত এক্ত, ২০০৫কী প্রোবিজনশিংগা লোয়ননা, এম.ঐচ.এ.না রাজ্যশিং/য়ু.তি.শিং অমসুং দিস্ত্রিক্ত ওথোরিতী খুদিংমক্তা সরকারগী হেল্থ ওফিসিএলশিং, নত্ত্রগা অতোপ্পা দিজাস্তর মেনেজমেন্ত এক্ত, ২০০৫কী মখাদা আইন্না য়ারবা সর্বিস তৌরিবা হেল্থ প্রোফেস্নেলশিং অমসুং/নত্ত্রগা মরী লৈনবা মীওইশিংদা অথিংবা পীরকপা মীওইশিংগী মথক্তা অকনবা থবক লৌখৎনবা এক্ত অসিগী প্রোবিজনশিংবু নত্ত্রগা অতোপ্পা চৎনবা য়াবা আইন পান্ননবা খঙহনখ্রে।

এম.ঐচ.এ.না মখা তানা, রাজ্য সরকারশিং/য়ু.তি. এদমিনিস্ত্রেসনশিংদা রাজ্য/য়ু.তি. অমসুং জিল্লাগী থাক্তা মেদিকেল প্রোফেস্নেলশিং অসিনা মথৌ তৌবদা সেফতীগা মরী লৈনবা ৱাকৎ লাকপদা লাকশিন্নবা ২৪x৭ পাউ ফাওনবা ফংগদবা নোদল ওফিসরশিং হাপ্নবা খঙহনখ্রে। করিগুম্বা য়ৈখাই থিনগাইবগী থৌদোক হেক লাকপদা মখোয়না খুদক্কী ওইনা অমসুং অকনবা থবক লৌখৎকদবনি।

মসিগীসু মথক্তা, রাজ্যশিং/য়ু.তি.শিংদা মখোয়না লৌখৎলিবা ঙাকশেনবগী থবক থৌরমশিং অমসুং নোদল ওফিসরশিং হাপ্পগী অকুপ্পা মরোলশিং অসি আই.এম.এ.গী লোকেল চেপ্তর য়াওনা মেদিকেলগী হীরমদা লৈরিবশিংদা খঙহন্নবা হায়খি। মসিগীসু মথক্তা ময়াম পুম্নমক্তসু খঙহন্দুনা গ্রাউন্দ লেবেলদা ইলহন্নবা খঙহনখি।

রাজ্য অমসুং য়ু.তি.শিংদা থাদোকখিবা ওফিসিয়েল কম্যুনিকেসন য়েংননবা মসিদা ক্লিক তৌবীয়ু 



(Release ID: 1617549) Visitor Counter : 50