য়ুমলৈ-কৈরৈ মন্ত্রালয়

কেন্দ্রগী য়ুমলৈ-কৈরৈ মন্ত্রীনা আই.এম.এ.গী দোক্তর অমদি মকোক থোংবা মীহুৎশিংগা ৱারী শানখ্রে; কোবিদ-১৯ থেংনবদা মখোয়বু ঙাক শেনগনি হায়না থাজবা পীখ্রে
হকশেলগী থৌমীশিংদা লান্দাবা অসি য়ানীংদবা ফোঙদোক্নীংঙাইনি; মখোয়গী য়াইফনবা অমদি ঙাকশেলগীদমক্তা মোদী লৈঙাক্না অমত্তা চিত্থদনা তৌগনি: শ্রী অমিত শাহ

Posted On: 22 APR 2020 12:12PM by PIB Imphal

য়ুমলৈ-কৈরৈগী কেন্দ্র মন্ত্রী শ্রী অমিত শাহ অমসুং হকশেল অমদি য়াইফ-য়ুম্বালগী কেন্দ্র মন্ত্রী দাঃ হর্সভর্ধননা ইন্দিয়ন মেদিকেল এসোসিএসন (আই.এম.এ.)গী দোক্তরশিং অমদি মকোক থোংবা মীহুৎশিংগা লোইননা ঙসি নই দিল্লীদা ভীদিও কনফরেন্সিংগী থোঙদা ৱারী ৱাতাই শানখ্রে‍।

য়ুমলৈ-কৈরৈ মন্ত্রীনা দোক্তরশিংগী থৌদাং মরুওইনা কোরোনাভাইরস থেংনবদা লৌরিবা থৌদাংবু থাগৎপা ফোঙদোকখি অমদি হৌজিকফাওবদা তৌদুনা লাক্লিবা অসিগুম্না মখোয়না মখা তানসু কত্থোকপা অমগা লোয়ননা লানফম অসিদা থৌদাং য়ারকখিগনি হায়না থাজবা ফোঙদোকখি‍। দোক্তরশিংনা মীয়ামবু কোবিদ-১৯গুম্বা শাথিরবা লায়নাশিংদগী ঙাকথোক্তুনা থম্বদা কত্থোক্লিবশিংদুবু ইকাইখুম্নখি‍।

কোরোনাভাইরস থেংনবদা অনা-লায়েংগী লমদা লৈরিবশিংগী ঙাকশেলগী মতাংদা চিংনবশিংবু কোকহল্লদুনা, মখোয়গী য়াইফনবা অমদি ঙাকশেলগীদমক্তা মোদী লৈঙাক্না অমত্তা চিত্থদনা তৌগনি হায়না য়ুমলৈ-কৈরৈ মন্ত্রীনা মখোয়দা থাজবা পীখি‍।

শ্রী শাহনা ইকুই কুইদনা হকশেলগী শিন্মীশিংদা লান্দারকখিবশিংদুবু কন্না য়ানীংদবা ফোঙদোকখি অমদি দোক্তরশিংগী থেংনরিবা খুদোং চাদবা পুম্নমক পি.এম.না কুপ্না য়েংশিল্লি হায়না হায়খি‍। মসিগুম্বা থৌদোকশিং মতুংদা অমুক থোক্তনবা মথৌ তাবা থৌরাং পুম্নমক লৌখৎলগনি হায়না মহাক্না হায়খি‍। মখোয়না তৌগনি হায়না লাংলিবা সিম্বোলিক ওইবা খোঙজং অদু লৈবাক অসিগী অমদি মালেমগী ওইবা ইন্তরেস্তা নত্তে হায়রদুনা মহাক্না দোক্তরশিংদা মখোয়গী সিম্বোলিক ওইবা খোঙজং অদু চত্থদনবা হায়জখি‍।

কেন্দ্র লৈঙাকনা খুদক্তা অৱাংবা থাক্তগী পাউখুম পীরকপা অমদি কেন্দ্রগী য়ুমলৈ-কৈরৈ অমদি হকশেলগী মন্ত্রীনা পীরকপা থাজবা অদুগী মতুং ইন্না আই.এম.এ.না কোবিদ-১৯ থেংনবগী থৌরাংশিংদা অয়েৎ অপন থোক্তনবগীদমক মখোয়না শিল-লাংলম্বা খোঙজং অদু হন্দোকখ্রে‍।

ৱারী ৱাতাই শানবা অদুদা কেন্দ্রগী হকশেলগী সেক্রেতরী, য়ুমলৈ-কৈরৈ সেক্রেতরী, মকোক থোংবা দোক্তরশিং অমদি নিতী আয়োগকী মীহুৎশিংসু শরুক য়াখি‍।

 



(Release ID: 1617150) Visitor Counter : 94