PIB Headquarters
কোভিদ-১৯ গী মতাংদা পি আই বীগী নুমিৎ খুদিংগী বুল্লেতিন
Posted On:
21 APR 2020 6:53PM by PIB Imphal
(প্রেস রিলিজশিং অসিদা হৌখিবা পুং ২৪ দা থোকখিবা কোভি-১৯গা মরী লৈনবশিং,ফিল্ড ওফিসশিংদগী ফংবা পাউশিং, সোসিয়েল মেদিয়াগী থবকশিং অমসুং পি আই বীগী ফেক চেকশিং য়াওরি )
হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯গী অনৌবা পাউ
লৈবাক অসিদা অপুনবা কোভিদ-১৯ কেস ১৮,৬০১ য়ৌরে । অপুনবা কেসকী চাদা ১৭.৪৮ হায়বদি মীওই ৩২৫২ অনাবা ফবদগী দিসচার্জ তৌখ্রে । কোভিদ-১৯না হৌজিক ফাওবদা মীওই ৫৯০ শিহল্লে । হৌখিবা নুমিৎ ১৪দা রাজ্য/য়ুতি ২৩গী অহেনবা জিলা ৬১দা অনৌবা কেস অমতা থেংনদ্রে । কোভিদ-১৯ অনাবা মীওইশিং শিবগী চাং হন্থহন্নবা সি এস আই আরনা ক্লিনিকেল ত্রাইয়েল অমা পাংথোকপা হৌরে । ব্লদ বেঙ্কশিংদা ঈ মরাং কাইনা ফংহন্নবা রাজ্যশিং/য়ু তিশিংগী হেল্থ দিপার্তমেন্তশিংদা হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্স ভরধন্না অইবা চেরোল থাদুনা খঙহনখ্রে ।
কোভিদ-১৯গী মতাংদা মীয়াম্না ই-পাউ লৌনবা প্লেতফোর্ম ‘কোভিদ ইন্দিয়া সেবা’ দোক্তর হর্স ভরধন্না হৌদোক্লে
অরোনবা লৈতনা ই-গভর্নান্স পাংথোকপা ঙম্নবা অমসুং মীয়ামগী ৱাহংশিং পাউখুম পীনবা থৌরাং অসিনা পান্দম থম্লি । মসিগী খুৎথাংদা মীয়াম্না @CovidIndiaSeva দা ৱাহং হংবা য়াগনি অমসুং মতম চপ চানা পাউখুম ফংগনি । মশিং য়াম্লবা তুইতশিং পাউখুম পীবা য়ানবা @CovidIndiaSeva অসি দাসবোর্দ অমদা থবক তৌরি অমসুং মরি লৈনবা ওথোরিতিদা ৱারেপ লৌনবা শীন্নরি ।
রাজ্য অদুদা কোভিদ-১৯ লাকশিন্নবা অথিংবা থম্বগী থবকশিং অসি য়েংশিন্নবা থবক তৌরিবা কেন্দ্রগী কাংবুদা অপনবা পীদনবা কেন্দ্র সরকারনা নোংচুপ বেঙ্গলদা খঙহল্লি
রাজ্য অদুদা কোভিদ-১৯ লাকশিন্নবা অথিংবা থম্বগী থবকশিং অসি য়েংশিন্নবা থবক তৌরিবা কেন্দ্রগী কাংবুদা অপনবা পীদনবা কেন্দ্র সরকারনা নোংচুপ বেঙ্গলদা খঙহল্লি । রাজ্য সরকার অমসুং লোকেল ওথোরিতিনা কোলকাতা অমসুং জলপাইগুরিদা লৈরিবা ইন্তর-মিনিস্তরিয়েল সেন্ত্রেল তিমশিংদা পাংফম থোকপা মতেং পাংদ্রে হায়বা এম ঐচ এনা খঙলে । অশেংবা ওইরিবা ফিবম য়েংশিনবা, দোক্তরশিং উনবা অমসুং মফম অমদা হেক্ত চৎপদা মখোয়না অপনবা পীরে হায়বা খঙলে ।
ভারতনা কোভিদ-১৯ লান্থেংনরিবা অসিদা সিবিল সর্ভেন্তশিংনা মীয়ামগী পাংথোক্লিবা অফবা থবকশিং সিবিল সর্বিস নুমিৎ লাকপদা দোক্তর জিতেন্দ্রনা থাগৎলি
ভিদিও কনফরেন্স অমদা দোক্তর সিংহনা সিবিল সর্ভেন্তশিংনা সরকারনা কোভিদ-১৯ লাকশিন্নবা পায়খৎলিবা থবকশিং মতেং পাংবা ওইনা মখোয়গী নোংমগী তোলোব পি এম-কিয়ারস ফন্দদা কৎপগীদমক থাগৎখি । মহাক্না হায়খি কোভিদ-১৯ লাইচৎগী মায়োক্ত শোক্নরিবা লাল অসিদা দি সিশিংনা মাংজিল থারি অমসুং ভারতনা লাইচৎ অসি লাকশিনবগী থাজবা সিবিল সর্ভেন্তশিংগী মখুৎতা লৈরে ।
অকুপ্পা মরোলগীদমক:
কোভিদ-১৯গী অথিংবা থম্লিবা অসিনা অপনবা পীবদগী আর ই প্রোজেকশিং অথিংবা লোইরবা মতুং নুমিৎ ৩০গী মখা শাংদোকপগী অয়াবা এম এন আর ইনা পীরে
নিউ অমসুং রিনিউয়েবল মিনিস্ত্রিনা হায়রি রিনিউয়েবল ইনর্জি পায়খৎলিবা এজেন্সিশিংনা কোভিদ-১৯গী অথিংবা থম্লিবা অসিনা অপনবা পীবদগী আর ই প্রোজেকশিং অথিংবা লোইরবা মতুং নুমিৎ ৩০গী মখা শাংদোকপগী অয়াবা পীরে ।
অকুপ্পা মরোলগীদমক:
সেন্ত্রেল এদমিনিস্ত্রেতিব ত্রাইবুনেলগী বেঞ্জশিং থবক তৌবা ২০২০গী মে ৫ ফাওবা লেপ্লগনি
অকুপ্পা মরোলগীদমক:
অথিংবা মনুংদা চানবা মহৈ-মরোং পীনবা এফ সি আইনা অন্দমান অমসুং নিকোবর ইথৎশিংদা জহাজ অনি অমসুং লাক্সদিব ইথৎশিংদা অপীকপা জহাজ ৭ হোনখি
হৌখিবা নুমিৎ ২৭ অসিগী মনুংদা অথিংবা মনুংদা আইনা অন্দমান অমসুং নিকোবর ইথৎশিং অমসুং লাক্সদিব ইথৎশিংদা লেপ্তনা চানবা ফংহন্নবা ফুদ কোরপোরেসন ওফ ইন্দিয়ানা থবক মপুংফানা পায়খৎলি । হৌখিবা নুমিৎ ২৭ অসিদা অন্দমান অমসুং নিকোবর ইথৎশিংদা চেং এম তি ৬৫০০ অমসুং লাক্সদিব ইথৎশিংদা এম তি ১৭৫০ য়ৌহনখি , মসি থাগী চাংচত্তগী শরুক অহুম হেনগৎলবনি ।
“কোভিদ-১৯ লান্থেংনবদা মীওই মশিং য়াম্না শরুক য়াহন্নবদা মতেং পাংনবা রোতারিয়ানশিংনা হোৎনসি” – দোক্তর হর্স ভরধন
ভিদিও কনফরেন্সকী খুৎথাংদা লৈবাক শীনবা থুংনা লৈরিবা রোতারিয়ানশিংগা ৱারি শানবদা য়ুনিয়ন হেল্থ মিনিস্তরনা হায়খি ঐখোয়না কোভিদ-১৯গী মায়োক্ত শোক্নরিবা লাল অসিদা অচৌবা মতেং অমা পাংবগীদমক ঐনা রোতারিয়ানশিং তশেংনা থাগৎলি । পি এম-কিয়ারস ফন্দদা মতেং পাংখিবা, হোস্পিতালশিংদা সেনিতাইজরশিং, চানবা, পি পি ই কিতশিং অমসুং এন৯৫ মাক্সশিং পীখিবা অসি থাগৎনিঙাইনি ।
কোভিদ-১৯গী মথৌ পাংথোক্লিবা দিল্লি পুলিসকী মীওইশিংদা নোংমদা ঈশিং বোত্তল ১০০০০ পীনবা রেলৱেজনা থৌরাং তৌরে
কালেনগী মৈশা হেনগৎলকপগা লোয়ননা, রেলৱেজনা মসিগী পি এস য়ু আই আর সি তি সিগী মতেংগা লোয়ননা কোভিদ-১৯ লাকশিন্নবা লম্বী নাকলশিং অমসুং অতৈ মফমশিংদা মথৌ পাংথোকলিবা পুলিসকী মীওইশিংদা রেল নীর ঈশিং বোত্তলশিং পীবা হৌরে । হৌজিক ফাওবদা ঈশিং বোত্তল ৫০০০০ হেন্না য়েন্থোকখ্রে , থৌরাং অসি মে ৩ ফাওবা চৎথগনি ।
অকুপ্পা মরোলগীদমক:
পুনেগী মোবাইল এপ্প সাইয়ামনা ময়ুমদা ক্বারেনতাইন তৌরিবা মীওইশিং খোঙ্গুল লীরি
ময়ুমদা ক্বারেনতাইন তৌরিবা মীওইশিং ফজনা খোঙ্গুল লীনবা অমসুং তশেংনা মখোয় ময়ুমদা লৈরিবরা হায়বা খঙনবা , স্মার্দ সিতিস মিসনগী মখাদা পুনে মিউনিসিপাল কোরপোরেসন্না সাইয়াম কৌবা মোবাইল এপ্প অমা পুথোক্লে ।
নিউ দিবলপমেন্ত বেঙ্কগী বোর্দ ওফ গভর্নরশিংগী ৫শুবা চহিগী মীফমদা শ্রীমতি নিরমালা সিতারমন শরুক য়াখি
নিউ দিল্লিদা ভিদিও কনফরেন্সকী খুৎথাংদা নিউ দিবলপমেন্ত বেঙ্কগী বোর্দ ওফ গভর্নরশিংগী ৫শুবা চহিগী মীফমদা ফাইনান্স অমসুং কোরপোরেত এফেয়ার্স মিনিস্তর শ্রীমতি নিরমালা সিতারমন শরুক য়াখি । কোভিদ-১৯ লাইচৎ থেংননবা ভারত্ত দোল্লর বিল্লিয়ন ১গী মতেং য়াওনা ব্রিক্স লৈবাকশিং দোল্লর বিল্লিয়ন ৫গী শেন্থং পীবগীদমক এন দি বিগী থবকশিং ফাইনান্স মিনিস্তরনা থাগৎখি । মসিগী শেন্থং অসি দোল্লর বিল্লিয়ন ১০দা হেনগৎহন্নবা মহাক্না পাউতাক পীখি ।
অকুপ্পা মরোলগীদমক:
পি এম-কিষানগী মখাদা অথিংবা মনুংদা লৌমী ক্রোর ৮.৮৯দা লুপা ক্রোর ১৭,৭৯৩ য়েন্থোকখি
পি এম-কিষানগী মখাদা অথিংবা মনুং হায়বদি মার্চ ২৪দগী ঙসি ফাওবদা লৌমী ক্রোর ৮.৮৯দা লুপা ক্রোর ১৭,৭৯৩ য়েন্থোকখ্রে । কোভিদ-১৯ লাইচৎ মনুংদা চানবা ফংহন্নবা পান্দমদা প্রধান মন্ত্রী গরিব কলয়ান য়োজনাগী মখাদা ইমুংশিংদা হৱায় য়েন্থোক্নবা সরকারনা ৱারেপ লৌরে । রাজ্যশিংদা হৌজিক ফাওবদা হৱায় এম তি ১০৭,০৭৭.৮৫ য়েন্থোকখ্রে ।
অকুপ্পা মরোলগীদমক:
পি এম জি কে ৱাইগী মখাদা কোমথোক্লবা পি এফ ত্রস্তশিংনা মীওই ৪০,৮২৬দা লুপা ক্রোর ৪৮১.৬৩ য়েন্থোকখি
কোভিদ-১৯ লাইচৎ লাকপা অসিদা অৱাবা কোক্নবা প্রধান মন্ত্রী গরিব কলয়ান য়োজনাগী মখাদা ই পি এফ স্কিমদগী অখন্নবা ওইনা শেন লৌথোকপা য়াহল্লে । কোভিদ-১৯ লাইচৎ মনুংদা কোমথোক্লবা পি এফ ত্রস্তশিং মশিং হেনগৎলে । ২০২০গী এপ্রিল ১৭ ফাওবদা, পি এম মেম্বর ৪০,৮২৬দা লুপা ক্রোর ৪৮১.৬৩ য়েন্থোকখি ।
য়ু য়াওবা সেনিতাইজর শেম্নবা অমসুং পেত্রোলদা য়ান্নবা অহেনবা চেং ইথানোল ওন্থোক্লগনি
পেত্রোলিয়ম অমসুং নেচরেল গ্যাস মিনিস্তর ধরমেন্দ্র প্রধান্না লুচিংদুনা ঙসি এন বি সি সিগী মীফম অমা পাংথোক্তুনা ফুদ কোরপোরেসন ওফ ইন্দিয়াগী অহেনবা চেং য়ু য়াওবা সেনিতাইজর শেম্নবা অমসুং পেত্রোলদা য়ান্নবা ইথানোল ওন্থোক্নবগী অয়াবা পীরে ।
পি এমনা সিবিল সর্ভেন্তশিং তরাম্না ওকখি, সিবিল সর্বিসেস নুমিৎতা সারদার পতেলদা ইকায়খুম্নবা উৎখি
সিবিল সর্বিসেস নুমিৎতা প্রধান মন্ত্রীনা হায়খি ঙসি সিবিল সর্বিসেস নুমিৎতা ঐনা সিবিল সর্ভেন্তশিং অমসুং মখোয়গী ইমুং-মনুংশিং য়াইফ-পাউজেল পীরি । ভারতনা মাইপাক্না কোভিদ-১৯ থেংননবা পাংথোক্লিবা মখোয়গী থবকশিং ঐনা থাগৎলি । লায়রবশিং মতেং পাংনবা অমসুং মী খুদিংমক হকচাং ফনা লৈনবা মখোয়না অহিং-নুংথিল অনিমক থবক শুরি ।
পি এমনা হায়রি অমতা ওইবা অমসুং অপুনবা ৱারেপকা লোয়ননা ভারত অমসুং অফগানিস্থান্না কোভিদ-১৯ থেংনগনি
ঙসি প্রধান মন্ত্রী নরেন্দ্র মোদীনা হায়খি অমতা ওইবা অমসুং অপুনবা ৱারেপকা লোয়ননা ভারত অমসুং অফগানিস্থান্না কোভিদ-১৯ থেংনগনি । ভারতনা অফগানিস্থানদা হায়দ্রোজিক্লোরোকুইন , পেরাসিতামোল অমসুং অতৈ পোৎলমশিং পীরকপদা অফগানিস্থানগী প্রসিদেন্তনা হরাওবা ফোংদোক্তুনা তুইত অমা তৌরকপদা পি এম মোদীনা পাউখুম পীখি।
অকুপ্পা মরোলগীদমক :
সোলার পি ভি মোদুলশিং অমসুং সোলার পি ভি সেলশিংগী মোদেলশিং অমসুং মেনুফেকচররশিংগী অয়াবা পীরবা লিস্তশিং চৎনবা হৌনবা মতম ৩০-০৯-২০২০ ফাওবা শাংদোক্লে
নিউ অমসুং রিনিউয়েবল ইনর্জি মিনিস্ত্রিনা ওফিস মেমোরেন্দম অমা থোক্তুনা সোলার পি ভি মোদুলশিং অমসুং সোলার পি ভি সেলশিংগী মোদেলশিং অমসুং মেনুফেকচররশিংগী অয়াবা পীরবা লিস্তশিং চৎনবা হৌনবা মতম কোভিদ-১৯না মরম ওইদুনা ৩০-০৯-২০২০ ফাওবা শাংদোক্লে , মসি মমাংদা ২০২০গী মার্চ ৩১দা ওইরমবনি ।
অকুপ্পা মরোলগীদমক:
লৈবাক শীনবা থুংনা তন ৩৪১গী মেদিকেল কার্গো পুদুনা কোভিদ-১৯ থেংনবদা লাইফলাইন উরান্না মতেং পাংলি
কোভিদ-১৯গী মায়োক্ত ভারতনা শোক্নরিবা লাল অসি শৌগৎতুনা লৈবাক্কী মনুং হুঞ্জিনবা মফমশিংদা তঙাইফদবা মেদিকেলগী পোৎলমশিং পুনবা সিবিল এবিয়েসন মিনিস্ত্রিগী মখাদা লাইফলাইন উরান ফ্লাইতশিং পাইরি । কোভিদ-১৯গী অথিংবা মনুংদা লাইফলাইন উরানগী মখাদা এয়র ইন্দিয়া, এল্লাইন্স এয়র, আই এ এফ অমসুং লনাই এয়রলাইন্সশিংগী ফ্লাইত ৩১৬ না তন ৫৪১.৩৩গী কার্গো পুখি । হৌজিক ফাওবদা লাইফলাইন উরান ফ্লাইতশিংনা কিলোমিতর ৩,১৪,৯৫৬ পাইখ্রে । হিদাক অমসুং অনাবশিং পুনবা জে অমসুং কে, লাদাখ , ইথৎশিং অমসুং অৱাং-নোংপোক লমদমদা পাৱান হান্স লিমিতেদ য়াওনা হেলিকোপ্তরশিং পাইখি । ২০২০গী এপ্রিল ২০ ফাওবদা তন ১.৯০গী কার্গো পুদুনা কিলোমিতর ৬৫৩৭ পাইখি ।
অকুপ্পা মরোলগীদমক:
য়াংনা রিফন্দ তৌনবা ই-মেলশিং থারকপা অসি অৱাবা পীবনি হায়না লৌরোইদবনি : সি বি দি তি
ইনকম তেক্স দিপার্তমেন্তনা স্তার্দ-অপশিংদগী শেন খোমগৎনবা থবকশিং অমসুং লেংবা য়াদবা পাম্বৈশিং শীজিন্নদুনা পীফম থোকপশিং খোমগৎনবা হোৎনরে হায়না সোসিয়েল মেদিয়াদা শন্দোরক্লিবা পাউ অদু অরানবা অমসুং অচুম্বশিং লান্না উহন্নবা হোৎনবনি হায়না সেন্ত্রেল বোর্দ ওফ দাইরেক্ত তেক্সসেসনা পাউখুম পীরক্লি ।
লৈবাক অসিদা কোভিদ-১৯ শন্দোরকপা লাকশিন্নবা জিলা অমসুং খুঙ্গং থাক্কী লৈঙাকশিংনা মখা তানা থবক কয়া পায়খৎলি
পায়খৎলিবা থবকশিং অসিগী মনুংদা লৈকায়গী মীয়াম চাংয়েং তৌবা; মফম অমদা চংলকপা অমসুং থাদোকখিবা মীওইশিং মেদিকেল চেক তৌনবা চেক পোস্ত শেম্বা; মীয়াম তিনবা মফমশিং চাংনাইনা হিদাক কাপথোকপা অমসুং ক্বারেনতাইন সেন্তরশিং শেমগৎপা অমসুং কৈথেলশিং য়েংশিনবনি ।
অকুপ্পা মরোলগীদমক :
কোভিদ-১৯ লাইচৎ লাকপদগী ত্রাইবেল এফেয়ার্স মিনিস্ত্রিনা ঙাকথোক্নবা থবক কয়া পায়খৎলে
ত্রাইবেলশিং কোভিদ-১৯ লাইচৎতগী কন্নবা থৌরাংগী শরুক অমা ওইনা ত্রাইবেল এফেয়ার্স মিনিস্ত্রিনা ঙাকথোক্নবা থবক কয়া পায়খৎলে অমসুং কোভিদ-১৯ লাইচৎ মতুংদা শেন-থুমগী ফিবম হান্নগী ফিবমদা হঞ্জিল্লক্নবা হোৎনরি।
অকুপ্পা মরোলগীদমক :
য়ুনিয়ন ঐচ আর দি মিনিস্তরনা লুচিংদুনা শ্বায়াম অমসুং শ্বায়াম প্রভা অমুক হন্না য়েংশিনবগী মীফম পাংথোকখ্রে
লৈবাক অসিগী ওনলাইন ইজুকেসন প্লেতফোর্ম শ্বায়াম অমসুং দি তি ঐচ তেলিবিজন ইজুকেসন চেন্নেল ৩২ লৈবা শ্বায়াম প্রভা কুপ্না অমুক হন্না য়ুনিয়ন ঐচ আর দি মিনিস্তর রামেস পোখ্রিয়াল নিসানকনা য়েংশিনখ্রে । শ্বায়ামদা কোর্স ১৯০২ লৈদুনা মহৈরোয় ক্রোর ১.৫৬দা কান্নবা পীরি । শ্বায়াম প্রভা অসি দি তি ঐচ চেন্নেল ৩২গী কাংবু অমনি ,মসিনা জিসাত-১৫ সেতেলাইত শীজিন্নদুনা মগুন লৈবা লাইরিক-লাইশুগী থৌরমশিং পুং ২৪ চুপ্না শন্দোক্লি ।
অকুপ্পা মরোলগীদমক :
ওফিসিয়েল ওইবা ৱারোলশিংগা লোয়ননা ঙসি পি আই বী ফেক চেক মঙারক তুইত তৌখি
সোসিয়েল মেদিয়াদা অরানবা পাউশিং শন্দোরকপা থিংনবা অমসুং সুপ্রিম কোর্তকী পাউতাক মতুংইন্না, সোসিয়েল মেদিয়াদা তোকঙা শন্দোকপা থিংনবা পি আই বীনা অখন্নবা য়ুনিত অমা লিংখৎলে । ‘পিআইবীফেকচেক’ অসি মশক খঙলবা তুইতর শেন্নবা অমা ওইদুনা সোসিয়েল মেদিয়া প্লেতফোর্মশিংদা থানরিবা পাউশিং য়েংশিল্লি অমসুং তোঙাক ওইবা পাউশিং লাকশিন্নবা মসিগী পাউশিং অমুক হন্না য়েংশিল্লি ।
অকুপ্পা মরোলগীদমক :
এপ্রিল ১দগী হৌদুনা, হৌখিবা নুমিৎ ২০দা কোভিদ-১৯গা মরী লৈনবা পোরতেলগী অৱাবা ২৫,০০০ হেন্না কোকহনখ্রে : দোক্তর জিতেন্দ্র সিংহ
কোভিদ-১৯গা মরী লৈনবা অখন্নবা অৱাবশিং কোকহন্নবা হৌদোকখিবা নেসনেল মোনিতরিং দাসবোর্দ(https://darpg.gov.in)না কোভিদকা মরি লৈনবা অৱাবশিং হকথেংননা রেজিস্তার তৌদুনা মরী লৈনবশিংনা দরকার ওইবা থবকশিং পায়খৎলি ।
অকুপ্পা মরোলগীদমক :
পৱার মিনিস্ত্রিগী সেন্ত্রেল পি এস য়ু আর ই সিনা কোভিদ-১৯ লাইচৎ মনুংদা মতেং পাংবগী থবকশিং কনখৎলে
নভরতনা সি পি এস ই অমা ওইরিবা আর ই সি লিমিতেদনা হৌজিক ফাওবদা নোংমগী শুরগা হিংলিবা শিন্মী ৭৬,০০০ অমসুং মখোয়গী ইমুং-মনুংদা চাক, চেং, মাক্স, সেনিতাইজর অমসুং লৈফম ফংহল্লি । হায়রিবা থবকশিং অসি পায়খৎনবা আর ই সিনা মাংজৌননা লুপা ক্রোর ৭ কাইথোকখ্রে অমসুং অহেনবা ফন্দশিং কাইথোক্নবা থৌরাং তৌদুনা লৈরি ।
অকুপ্পা মরোলগীদমক :
পি আই বী ফিল্ড ওফিসশিংগী ফংবা পাউ
- চান্দিগর : অথিংবা মনুংদা থবক শুবা ফংদবা শেমগৎ-শাগৎপা য়াওবা শিন্মী ৬৬৭০দা লুপা ৩০০০ পীনবা লৈঙাক্না ৱারেপ লৌরে । শেনফম অসি শিন্মীশিংগী একাউন্তশিংদা হকথেংননবা হাপচিনগনি । মেদিয়াগী মীওইশিং চাংয়েং তৌনবা অখন্নবা কেম্প অমা পাংথোক্নবা লৈঙাক্না খঙহনখ্রে ।
- পঞ্জাব : লাইচৎ লৈতবা মফমশিংদা লৈবা ইন্দস্ত্রিগী য়ুনিতশিং থবক হৌনবা অয়াবা পীখিবা অদু রাজ্য সরকারনা মমাংদা থোকখিবা য়াথংশিং অমসুং হোম এফেয়ারস মিনিস্ত্রিগী চৎন-কাংলোনশিং ইন্নগদবনি হায়না পঞ্জাবকী চীফ মিনিস্তরনা হায়রি ।
- হরিয়ানা : রাজ্য অসিগী হঙ্গাম মরু লৈনবা মফম ১৬৩ দা লৌমী ৮,৬৯৩ পাউ পীরক্লে অমসুং গেহু লৈনবা মফমশিংদা লৌমী ৯,৭২৯ পাউ পীরক্লে ।
- হিমাচল প্রদেস : য়ুমদা লৈরিবা মীয়াম্না হকশেলগী পাউতাক লৌনবা “ইসঞ্জিবনিওপিদি” কৌবা থৌরাং অমা সরকারনা হৌদোক্লে । মসিগী পোরতেলগী য়ু আর এলনা “esanjeevaniopd.in” নি ।
- কেরলা : রাজ্য অসিগী পাথানামথিতাদা নুমিৎ ৪২ গী মতুংদা হৌজিক ফাওবা চহি ৬২ শুরবী নুপী অমা অনাবা ফৎত্রি । পোজিতিব ওইবদগী হৌজিক ফাওবদা তেস্ত ১৯ তৌখ্রে ।
- তামিলনাদু : চেন্নাইদা কোভিদ-১৯ না শিহনখিবা দোক্তর অমা ফুম্বগী মতাংদা লৈকায়গী মীয়াম্না থিংখিবা মতুংদা, লাইচৎ অসি থেংনরিবা মীওইশিং সরকারনা শৌগৎকনি হায়না সি এমনা থাজবা পীখ্রে । তামিল তি ভি চেন্নেল অমগী পাউমী অমা পোজিতিব ওইরবা মতুংদা মহাক্কী মরুপ ২৬ পোজিতিব ওইরে । ঙরাং ফাওবদা অপুনবা কেস ১৫২০; শিখিবা ১৭; দিসচার্জ ৪৭৫, একতিব কেস ১০৪৩ নি ।
- করনাতাকা : ঙসি অনৌবা কেস ৭ থেংনখি । হৌজিক ফাওবদা অপুনবা কেস ৪১৫; শিখিবা ১৭; দিসচার্জ তৌখিবা ১১৭ নি ।
- অন্ধ্র প্রদেস : হৌখিবা পুং ২৪দা অনৌবা কেস ৩৫ থেংনখি । হৌজিক ফাওবদা অপুনবা কেস ৭৫৭; শিখিবা ২২; দিসচার্জ তৌখিবা ৯৬ অমসুং একতিব কেস ৬৩৯ নি ।
- তেলাঙ্গানা : দিল্লিগী তি জে মীফম শরুক য়ারুবা তেলাঙ্গানাদগী রোহিঞ্জা রিফুজি অনি পোজিতিব ওইরে । হৌজিক অপুনবা কেস ৮৭৪ য়ৌরে । রাজ্য অসিদা কোভিদ-১৯ ওইগনি হায়না চিংনবা মীওইশিংগী সেম্পল লৌদনবা সরকারনা ৱারেপ লৌরে ।
- অরুনাচল প্রদেস : রাজ্য অসিগী রেদ জোন অমসুং ওরিঞ্জ জোনশিংদগী পুরকপা মনা-মশিং য়োনবা অমসুং লৈবা দি দি ইতানগরনা অথিংবা থম্লে ।
- অসাম : এপ্রিল ২২ দগী গুৱাহাতিগী লাইচৎ শন্দোক্লিবা মফম স্পেনিস গার্দেনদা রেপিদ এন্তিবোদি তেস্ত হৌরগনি হায়না হকসেল মন্ত্রী হিমান্তা বিশ্বা শর্ম্মনা তুইত তৌখি ।
- মনিপুর : অন্দর সেক্রেতরিশিং রেঙ্ক ফাওবগী য়াওনা স্তাফশিংগী চাদা ৩৩ থবক কানবা সরকারনা ওর্দর থোক্লে।
- মিজোরম : অথিংবা মনুংদা দি বি তি সিস্তেমগী মখাদা মিজোরমগী শেমগৎ-শাগৎপা শিন্মী ৪০,০০০ হেন্না লুপা লিশিং ৩/৩ ফংলে ।
- নাগালেন্দ : ৱোখা জিলাগী মখাদা লৈবা দোয়াং খুঙ্গংগী লায়রবা মীওইশিংদা সি আই এস এফকী মীওইশিংনা চেং অমসুং তঙাইফদবা পোৎলমশিং য়েন্থোকখি ।
- সিক্কিম : অথিংবা মনুংদা মীয়ামদা পোৎলমশিং ফংহন্নবা স্তেৎ কোওপেরেতিব সপ্লাই এন্দ মার্কেত্তিং ফেদেরেসন লিমিতেদনা মোবাইল রেসন ভেন গাঙতোক্ত হৌদোক্লে ।
- ত্রিপুরা : এপ্রিল ২৪দগী ক্লাস ১০ অমসুং ১২ গী বোর্দ পরিখাগী চে য়েংবা হৌরগনি ।
- মহারাস্ত্রা : অনৌবা কেস ৪৭২ থেংনদুনা হৌজিক ফাওবদা অপুনবা কেস ৪৬৭৬ য়ৌরে । মুম্বাইদা পোজিতিব ওইখিবা পাউমী ৫৩ হৌজিক সবঅরবান হোতেল অমদা তোখাইনা থম্লি ।
- গুজরাত : কোরোনাভাইরস অনাবা মীওই অমদা প্লাজমা থেরাপী পাংথোক্নবা থিজিন্নবা সরদার ভল্লাবভাই পতেল ইন্সিতিতুৎ অহমেদবাদ অমসুং ইন্দিয়ান কাউন্সিল ওফ মেদিকেল রিছর্স অনিগী মরক্ত এম ও য়ু অমা খুৎয়েক পীনরে ।
- রাজাস্থান : অরানবা ফল ফংবদগী চাইনানা শাবা রেপিদ তেস্তিং কিতশিং শীজিন্নবা সরকারনা লেপহনখ্রে । রাজ্যগী হকশেল মন্ত্রী রগু শর্ম্মনা হায়খি কিতশিং অসিনা চাদা ৯০ চুম্না ফল পীবগী মহুত্ত চাদা ৫.৪ চুম্না ফল পীখি । ঙসি রাজ্য অসিদা অনৌবা কেস ৮৩ থেংনখি , হৌজিক অপুনবা কেস ১৬৫৯ য়ৌরে ।
Fact Check on #Covid19
(Release ID: 1616948)
Visitor Counter : 190
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam