ইনকম তেক্স লোয়শঙবু স্তার্ত-অপশিংগী পুত্থরিবা দিমান্দশিং এজস্ত তৌশিন্দুনা রিকভরীগী থৌরাং তৌবা অমসুং হকথেংননা শাফু পীবগী মরাল শিরদুনা সোসিয়েল মীদিয়াদা চাইথোরকপা ৱাফমগী মতাংদা পাউখুম পীরদুনা সেন্ত্রেল বোর্দ ওফ দাইরেক্ত তেক্স (সি.বি.দি.তি.)না ঙসি হায়রিবা ৱাফমশিং অসি য়ুম্ফম য়াওদবা অমদি অচুম্বা ৱাফমশিংবু শেরান্ননা উৎপনি হায়না ফোঙদোকখ্রে‍।

সি.বি.দি.তি.না হায়খি মদুদি তেক্স রিফন্দ ফংনীংঙাই লৈবা অদুগা পুত্থহৌবা তেক্স লৈবা মীওই পুম্নমক্তা শেংদোক ৱারোল থারক্নবা থাবা ইমেল অদুবু ওৎ-নৈবা ওইনা ৱাহন পীরোইদবনি‍। মসিগী কম্প্যুতর জেনেরেতেদ ইমেলশিং অসি লন্নাই মীওইদগী হৌরগা ঐচ.য়ু.এফ. অমদি ফর্মশিং, স্তার্ত-অপশিং য়াওনা কম্পেনী মচা অমদি অচৌবশিং য়াওনা এসেসী লাখ ১ও৭২ রোমদা থাবনি অমদি মরম অসিনা স্তার্ত-অপশিংবু তোঙান্না খন্দোক্তুনা ওৎ-নৈবীরে হায়বা ৱাফম অসি অচুম্বা ৱাফমশিং অদুবু  শেরান্ননা উহনবনি‍।

সি.বি.দি.তি.না হায় মদুদি ইমেলশিং অসি পুত্থদুনা লৈহৌবা দিমান্দশিং লৈরবদি মদু এজস্ত তৌদ্রিঙৈদা রিফন্দ থাদোকহন্দনা মীয়ামগী শেন-থুমবু ঙাক শেন্দুনা থম্লিবা মশক নাইদবা ই-পাউ ফাওদোক্নবগী শরুক অমনি‍। ইমেলশিং অসি এসেসীশিংনা পুত্থহৌবা দিমান্দশিং লৈবা রিফন্দগী কেসশিংদা আই.তি. এক্তগী সেক্সন ২৪৫কী মখাদা ওতো-জেনেরেৎ তৌবনি‍। করিগুম্বা খাজনা থিরিবা মীওইশিংনা হায়রিবা পুত্থহৌবা দিমান্দ অসি হান্না থিদোকখ্রবা নত্ত্রগা অৱাংবা খাজনাগী ওথোরিতীনা স্তে তৌদুনা থমখিবা লৈরগদি হায়রিবা শেনফমশিংদু রিফন্দ থাদোরকপদা ফাজিনহৌদনবগীদমক অমদি পন্থদনা থাদোরক্নবগীদমক ইমেল অসিনা খাজনা থীবা মীওইশিংদা মখোয়গী স্তেতস অপদেৎ থারক্নবা খঙহনবনি‍।

আই-তি লোয়শঙ অসি রিফন্দ থোদোক্ত্রিঙৈগী মমাঙদা পুত্থহৌবা দিমান্দশিং শকচিন্নদুনা মীয়ামগী শেন-থুম ঙাক শেন্নবগীদমক মথৌ তৌদুনা লৈবা মরম্না পুত্থহৌবা দিমান্দশিং রিফন্দগী শেনফমদগী ককশিনহৌবগী ৱাফমদা এসেসীশিংদগী পাউখুম লৌনবগীদমক্তা থারিবা ইমেলশিং অসিবু রিকভরীগী নোতিস নত্ত্রগা হকথেংননা শাফু পীবা ওইনা ৱাহন পীফম থোক্তে‍ হায়না সি.বি.দি.তি.না হায়খি‍।

সি.বি.দি.তি.না মখা তানা হায়খি মদুদি স্তার্ত-অপশিংদা অয়েৎ-অপন লৈতবা খাজনাগী এনভাইরনমেন্ত অমা পীননবগীমক সি.বি.দি.তি.না ইং ২০১৯গী ওগস্ত ৩০দা শুপচিল্লবা সর্কুলার নম্বর ২২/২০১৯ থোকখি‍। স্তার্ত-অপশিংগী এসেসমেন্তকী চৎন-পথাপশিং থম্বতা নত্তনা সেক্সন ৫২(২)(৭বি)গী মখাদা হাপচিল্লপশিংগা মরী লৈনবা পুত্থহৌবা ইনকম তেক্স দিমান্দশিং খন্নদবা হায়বা ৱাফমসু য়াওখি‍। আই.তি.এ.এফ.না কনফার্ম তৌদ্রবদি অসিগুম্বা স্তার্ত-অপশিংগী অতৈ অহেনবা ইনকম তেক্স দিমান্দশিংসু খন্নরোই‍। মসিগীসু মথক্তা স্তার্ত-অপশিংগী ৱাকৎশিং য়েংশিন্নবগীদমক অমদি খাজনাগা মরী লৈনবা ৱাফমশিং য়েংশিন্নবগীদমক স্তার্ত-অপ সেল অমসু শেমখ্রবনি‍।

এসেসী অমগী পুত্থহৌবা দিমান্দশিং লৌখৎপগা মরি লৈননা লৈরিবা থৌওংশিং শন্দোক্না তাক্লদুনা সি.বি.দি.তি.না হায়খি মদুদি লোয়শঙ অসিনা এসেসীশিংদা দিমান্দ অদু থিদোক্নবা নত্ত্রগা দিমান্দদুগী ফীভম খঙহল্লক্নবা তাঞ্জা অমা পীরি‍। খেন্নবা থমদনা অসিগুম্বা ৱাফমশিং অসি লোয়শঙ অসিনা এসেসীশিংদা ইমেল থাদুনা মখোয়গী পুত্থহৌবা দিমান্দগী চাং খঙহল্লি অমদি দিমান্দ অদুবু থিদোক্নবা খুদোংচাবা অমা পী নত্ত্রগা হান্ননা থিখ্রবদি মদুগী মতিক চাবা খুদম-চাংদমগা লোয়ননা পাউ ফাওরক্নবা নত্ত্রগা অতোপ্পা মরী লৈনবা ৱাফমশিংগী ফীভম থারক্নবা তাঞ্জা পীরি‍।

সি.বি.দি.তি.না হায়খি মদুদি পুত্থহৌবা দিমান্দ অদু থিদোকখিবা নত্ত্রগা অপিলেৎ/কম্পিতেন্ত ওথোরিতী অমনা স্তে তৌখিবা লৈরবদি লোয়শঙ অসিনা মদুবু চপ চানা ঙাক্নবা অমদি হায়রিবা শেনফমদু রিফন্দদগী ককহৌদনবগীদমক অকুপ্পা ৱারোল এসেসীশিংনা থারকপা মথৌ তাই‍।

মরম অসিনা পুত্থহৌবা দিমান্দশিং লৌখৎনবগী লৈরিবা চৎন-কাংলোনগী মতুং ইন্না চপ মান্নবা মেলশিং স্তার্ত-অপ য়াওনা এসেসী লাখ ১.৭২দা থাদুনা স্তার্ত-অপশিংদা পন্থবা তৌদনা রিফন্দ থাদোক্নবগী থবকশিং লৌখৎনবগীদমক পুত্থহৌবা দিমান্দগী ফীভম নত্ত্রগা মরী লৈনবা ওথোরিতীনা স্তে তৌখিবা লৈবরা হায়বা অদু আই-তি লোয়শঙদা খঙহল্লক্নবগীদমক থাখিবনি‍। অদুবু আই-তি লোয়শঙগী ইমেলশিংদুদা পাউখুম পীরক্তবা অমদি শেরান্নবা ৱাফম ফোঙদোরকপা অসি সি.বি.দি.তি.গী সর্কুলর ২২/২০১৯গী ৱাফমগী তাইওন্নবনি অমদি মরম চাদবা অমনি‍।

ৱাৎহৌরিবা রিফনদশিং চৎনরিবা কাংলোনগী মতুং ইন্না থাদোক্নবা মখা তাবা মরী লৈনবা থবক আই.তি. লোয়শঙনা লৌখৎনবগীদমক ইমেলশিং অদুদা অথুবা মতমদা পাউখুম হল্লক্নবগীদমক সি.বি.দি.তি. স্তার্ত-অপশিংদা অমুক্কনা হন্না খঙহনখি‍।

সি.বি.দি.তি.না অমুক্কসু হন্না ফোঙদোক্লি মদুদি লৈঙাক্কী মমাংগী প্রেস রিলিজ অমগী মতুং ইন্না এপ্রিল ৮দা লাউথোকখিবগী মখা তারকপা ওইনা সি.বি.দি.তি.না হৌজিক ফাওবদা কোভিদ-১৯ লাইচৎকী ফিভম অসিদা খাজনা থিবা মীওইশিংবু মতেং পাংবা ওইনা লন্নাই মীওইশিং, ঐচ.য়ু.এফ., প্রোপ্রাইতর, ফার্ম, কোর্পোরেৎ, স্তার্ত-অপ অমদি এম.এস.এম.ই. য়াউনা তোঙান তোঙানবা তেক্সপেয়রশিংদা লুপা করোর ৯০০০ হেনবা রিফন্দ লাখ ১৪গী ময়াদা থাদোকখ্রে‍। রিফন্দ কয়া অমদি তেক্সপেয়রশিংদগী পাউখুম লাক্তবনা মরম ওইদুনা হৌজিকসু পন্থদুনা লৈরি অমদি ইনফোর্মেসন অসি হেক অপদেৎ তৌবগা য়ারিমখৈ থুনা থাদোক্নবা হোৎনগনি‍।