“ঐখোয়গী কোভিদ-১৯ লান্থেং অসিবু মওং চুম্না অমসুং ফিভম অসি লাকশিন্দুনা থম্বীবগীদমক ঐহাক্না পুম্নমকপু থাগৎচরি, অদুবু অথু-অকাই অমসুং অতোপ্পা অনাবশিংবু ৱারবা মতম অসিদা নাথৈবীরোইদবনি" হায়না দা. হর্স বর্ধন্না, ময়াই তাংবল লৌদুনা দিল্লীগী লেফতনেন্ত গভর্নর, দিল্লীগী হকশেলগী মন্ত্রী, কেন্দ্র অমসুং রাজ্য সরকারগী মেদিকেল সুপরিন্তেন্দেন্ত (এম.এস) অমসুং দিল্লীগী ম্যুনিসিপাল কমিস্নরশিং য়াওনা পাঙথোকখিবা ভিদিও কনফরেন্স (ভি.সি) অমদা হায়খি।  

"ঐহাক্না কোল, সোসিয়েল মেদিয়া, ত্বিত্তর অমসুং প্রিন্ট মেদিয়াগী খুথাংদা কোভিদ-১৯ নত্তবা দাইলাইসিস তৌগদবা, রেস্পিরেতরি নত্ত্রগা হার্তকা মরী লৈনবা লাইনানা নাবা, ঈ কাপ্পা মথৌ তাবা ইনাবশিং অমসুং মিরোনবী মমাগা লোয়ননা অতোপ্পা অরুবা লাইনানা নারবা অনাবশিংবু নাথৈবীবগী ৱাকৎ কয়া ফংলে।" মহাক্না হায়খি। "খুদক্কী ওইবা অনাবা য়েংবিনবা হোস্পিতালদা লাকপদা য়েংবীদবদগী অতোপ্পা হোস্পিতালদা চত্তবা য়ারক্তবা অমসুং য়েংবীদবনা মরম ওইদুনা অমদগী অমদা কোইচেন চেন্নবদা পুন্সি ফাওবা পিখম্নবা য়াবগী ফিভম লাক্লিবা অসি ঐখোয়না হকচিন্না য়েংশিলহৌবা মথৌ তাই।" হায়না মহাক্না মখা তাখি। মহাক্না হোস্পিতাল খুদিংমক্কী এম.এস.শিংদা কোভিদ-১৯ নত্তবা অনাবশিংবুসু কোভিদ-১৯ গুম্না চেকশিন্না য়েংবিনবা হায়খি। লোকদাউনগী মনুং অসি মীপুম খুদিংমক্কী অৱাবা মতম্নি; হায়রিবা মতম অসিদা তশেংনা নারবা অমসুং খুদক্কী ওইবা য়েংদবা তঙাই ফদবা লৈরবা অনাবা অমবু হোস্পিতালদা পুখৎলকপা হায়বসি অরাইবা নত্তে। ঈ কাপ্পা, দাইলাইসিস তৌবা হায়বসি মতম চোন্থবা য়াবা থবক নত্তবনা ঐখোয়না মখোয়বু ইরাই লায়না থাদোক্লোইদবনি।

মহাক্না মখা তারদুনা হায়, "ঐখোয়না কোভিদ-১৯গীদমক তোঙানবা ফেসিলিতিশিং এ.আই.আই.এম.এস. অমসুং সাফদর্জং হোস্পিতালদা থমখ্রে, অমসুং এল.এন.জে.পি অমসুং রজিব গান্ধী সুপর স্পেসলিতি হোস্পিতাল হায়না তোঙান্না সহর অসিদা কোভিদ দিল্লী গবর্নমেন্ত হোসিতাল অনিসু লৈরে; লেমহৌরিবা অতৈ হোস্পিতালশিং অসিনা কোভিদ-১৯গী অনাবা নত্তবা হোস্পিতাল চৎলবদি লায়েংবীবনা মরম ওইদুনা অনাবা ফরনি হায়না আসা তৌজরিবশিং অসি য়েংবীবা য়াই।"

মহাক্না হায়খি, "হকশেল অমসুং য়াইফ-য়ুম্বাল মন্ত্রালয়না লাইচৎ অসিগী মনুংদা হৌজিক হৌজিক লৈরিবা হকশেলগী সিস্তেম অসি মথৌ তাবশিংদা করম্না চঙদ্রবা য়াদ্রবা হেলথ কেয়র সর্ভিস পীগদগে হায়বা শুগাইনা পল্লবা চৎন-পথাপ অমা খঙহনখ্রে। অসিগুম্বা অনাবশিং অসিদা তেলি-কন্সলতেসন, দিজিতেল প্রেস্ক্রিপসন অমসুং হিদাক লাংথক য়ুমদা থিনবা য়াবশিংবু ফংহনবা য়াই।

মহাক্না, হায়রিবা অনাবশিং অসি লোকদাউন অসিনা মরম ওইদুনা খম থেংনা অৱাবা খাঙলক্লবনা নুংশিবিবা অমসুং চানবিবগী মিৎয়েংগা লোয়ননা য়েংবিননবা পুক্নিং চিংশিনখি। মহাক্না হায়খি, "লৈজদ্রবা অনাবশিং অমসুং ফিভম চাদ্রবা কাঙলুপশিংবু লায়েংবীনবা ঐখোয়না প্রি-এম্পতিব, প্রোএক্তিব, অমসুং কান্নবা খোঙথাংশিং লৌখৎপা মথৌ তাই।"

মহাক্না মখা তানা ভোলুন্তরী ব্লদ দোনরশিংবু পুক্নিং থৌগৎপীদুনা অমসুং ইন্দিয়ন রেদ ক্রোস সোসাইতীগী মতেংগা লোয়ননা মোবাইল ব্লদ কলেক্সন ভেনশিংগী সর্ভিস শিজিন্ননদুনা দরকার লৈবা ঈ মতীক চানা থম্নবা পুক্নিং থৌগৎখি। মসিগী মথক্তা, কেন্দ্রগী মন্ত্রীনা ইন্দিয়ন রেক ক্রোস সোসাইতীদা হায়রিবা মোবাইল ব্লদ কলেক্সন ভেনশিংদু ৱারবা মতম অসিদদি য়াম্না পুকচেল চাউবগী থবক ওইরিবা চাং নাইনা ঈ দান তৌবা মীওইশিংগী মনাক নকপা জগাদা থম্বিদুনা ঈ দান তৌবদা লায়নবা হায়খি।

ভি.সি. অদুদা স্পেসল সেক্ত্রেতরি সঞ্জিভ কুমার, এদিস্নেল সেক্রেতরী ভন্দনা গুরনানী, জোইন্ত সেক্রেতরী গায়ত্রী, হেল্থ সর্ভিসকী দিরেক্তর জেনরেল দা. রজিব গার্গ অমসুং আর.এম.এল. অমসুং অতোপ্পা হোস্পিতালগী মেদিকেল সুপরিন্তেন্দেন্থশিংসু য়াওখি।