ಕೋವಿಡ್-19 ಸೋಂಕುನಿವಾರಕ ಪ್ರಕ್ರಿಯೆಯನ್ನು ಸಕ್ರಿಯಗೊಳಿಸಲು ಎರಡು ಹೊಸ ಉತ್ಪನ್ನಗಳನ್ನು ಪರಿಚಯಿಸಿದ ಡಿ ಆರ್ ಡಿ ಒ

ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿ ಆರ್ ಡಿ ಒ) ಕೋವಿಡ್-19 ವಿರುದ್ಧದ ಹೋರಾಟಕ್ಕೆ ಕೊಡುಗೆ ನೀಡುವ ನಿರಂತರ ಅನ್ವೇಷಣೆಯಲ್ಲಿ, ಅದರಲ್ಲಿರುವ ತಂತ್ರಜ್ಞಾನಗಳು ಮತ್ತು ಅನುಭವದ ಭಂಡಾರದಿದ ಹಲವಾರು ಪರಿಹಾರಗಳನ್ನು ಅಭಿವೃದ್ಧಿಪಡಿಸುತ್ತಿದೆ. ಇವು ಹೊಸ ಆವಿಷ್ಕಾರಗಳನ್ನು ಒಳಗೊಂಡಿರುತ್ತವೆ ಮತ್ತು ಪ್ರಸ್ತುತ ಅಗತ್ಯಗಳಿಗಾಗಿ ಉತ್ಪನ್ನಗಳನ್ನು ತ್ವರಿತವಾಗಿ ಅಣಿ ಮಾಡುತ್ತವೆ. ಇಂದು ಡಿಆರ್‌ಡಿಒ ಸಾಂಕ್ರಾಮಿಕ ರೋಗ ಹರಡಿರುವ ಸಮಯದಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಕಾರ್ಯಾಚರಣೆಯನ್ನು ಹೆಚ್ಚಿಸುವ ಎರಡು ಉತ್ಪನ್ನಗಳನ್ನು ಪರಿಚಯಿಸಿದೆ.

ಸ್ವಯಂಚಾಲಿತ ಮಿಸ್ಟ್ ಆಧಾರಿತ ಸ್ಯಾನಿಟೈಸರ್ ವಿತರಣಾ ಘಟಕ

ದೆಹಲಿಯ ಅಗ್ನಿ, ಸ್ಪೋಟಕಗಳು ಮತ್ತು ಪರಿಸರ ಸುರಕ್ಷತೆಯ ಕೇಂದ್ರ (ಸಿಎಫ್‌ಇಇಎಸ್), ಬೆಂಕಿಯ ನಿಗ್ರಹಕ್ಕಾಗಿ ಮಂಜಿನ ತಂತ್ರಜ್ಞಾನದಲ್ಲಿ ತನ್ನ ಪರಿಣತಿಯನ್ನು ಬಳಸಿ, ಸ್ವಯಂಚಾಲಿತ ಮಂಜು ಆಧಾರಿತ ಸ್ಯಾನಿಟೈಸರ್ ವಿತರಣಾ ಘಟಕವನ್ನು ಅಭಿವೃದ್ಧಿಪಡಿಸಿದೆ. ಇದು ಸಂಪರ್ಕವಿಲ್ಲದ ಸ್ಯಾನಿಟೈಸರ್ ವಿತರಕವಾಗಿದ್ದು, ಕಟ್ಟಡಗಳು/ ಕಚೇರಿ ಸಂಕೀರ್ಣಗಳನ್ನು ಪ್ರವೇಶಿಸುವಾಗ ಕೈಗಳ ಶುದ್ಧೀಕರಣಕ್ಕಾಗಿ ಆಲ್ಕೋಹಾಲ್ ಆಧಾರಿತ ಹ್ಯಾಂಡ್ ರಬ್ ಸ್ಯಾನಿಟೈಸರ್ ದ್ರಾವಣವನ್ನು ಸಿಂಪಡಿಸುತ್ತದೆ. ಇದು ನೀರಿನ ಮಂಜು ಏರೇಟರ್ ತಂತ್ರಜ್ಞಾನವನ್ನು ಆಧರಿಸಿದೆ, ಇದನ್ನು ನೀರಿನ ಸಂರಕ್ಷಣೆಗಾಗಿ ಅಭಿವೃದ್ಧಿಪಡಿಸಲಾಗಿದೆ.

ಘಟಕವು ನೇರಸಂಪರ್ಕವಿಲ್ಲದೆ ಕಾರ್ಯನಿರ್ವಹಿಸುತ್ತದೆ ಮತ್ತು ಅಲ್ಟ್ರಾಸಾನಿಕ್ ಸಂವೇದಕದ ಮೂಲಕ ಸಕ್ರಿಯಗೊಳ್ಳುತ್ತದೆ. ಹ್ಯಾಂಡ್ ರಬ್ ಸ್ಯಾನಿಟೈಸರ್ ಅನ್ನು ವಿತರಿಸಲು ಗಾಳಿಯಾಡುವ ಮಂಜನ್ನು ಉತ್ಪಾದಿಸಲು ಕಡಿಮೆ ಹರಿವಿನ ಪ್ರಮಾಣವನ್ನು ಹೊಂದಿರುವ ಒಂದೇ ದ್ರವ ನಳಿಕೆಯನ್ನು ಬಳಸಲಾಗುತ್ತದೆ. ಇದು ಹೆಚ್ಚು ವ್ಯರ್ಥ ಮಾಡದೆ ಕೈಗಳನ್ನು ಸ್ವಚ್ಛಗೊಳಿಸುತ್ತದೆ. ಅಟೊಮೈಸರ್ ಬಳಸಿ, ಒಂದು ಬಾರಿ ಕೇವಲ 5-6 ಮಿಲಿ ಸ್ಯಾನಿಟೈಸರ್ ಅನ್ನು 12 ಸೆಕೆಂಡುಗಳ ಕಾಲ ಬಿಡುಗಡೆ ಮಾಡಲಾಗುತ್ತದೆ ಮತ್ತು ಇದು ಎರಡೂ ಅಂಗೈಗಳ ಮೇಲೆ ಪೂರ್ಣ ಕೋನ್ ಸ್ಪ್ರೇ ಅನ್ನು ನೀಡುತ್ತದೆ ಇದರಿಂದ ಕೈಗಳ ಸೋಂಕುನಿವಾರಕ ಕಾರ್ಯಾಚರಣೆ ಪೂರ್ಣಗೊಳ್ಳುತ್ತದೆ.

ಇದು ಚಿಕ್ಕದಾದ ತುಂಬಾ ಚೊಕ್ಕದಾದ ಘಟಕವಾಗಿದೆ ಮತ್ತು ದೊಡ್ಡ ಪ್ರಮಾಣದಲ್ಲಿ ಭರ್ತಿಮಾಡುವ ಆಯ್ಕೆಯು ಅದನ್ನು ಮಿತವ್ಯಯದ ಮತ್ತು ದೀರ್ಘಕಾಲೀನ ಉತ್ಪನ್ನವನ್ನಾಗಿ ಮಾಡುತ್ತದೆ. ಈ ಘಟಕವನ್ನು ಅನ್ನು ಗೋಡೆಗೆ ಅಥವಾ ಪ್ಲಾಟ್‌ಫಾರ್ಮ್‌ನಲ್ಲಿ ಸ್ಥಾಪಿಸುವುದು ಸುಲಭ. ಕಾರ್ಯಾಚರಣೆಯಲ್ಲಿರುವ ಸೂಚನೆಗೆ ಎಲ್ಇಡಿ ಸ್ಪ್ರೇ ಅನ್ನು ಬೆಳಗಿಸುತ್ತದೆ.

ನೋಯ್ಡಾದ ರಾಯಿಟ್ ಲ್ಯಾಬ್ಜ್ ಪ್ರೈವೇಟ್ ಲಿಮಿಟೆಡ್ ಸಹಾಯದಿಂದ ಈ ಘಟಕವನ್ನು ತಯಾರಿಸಲಾಗಿದ್ದು, ಡಿಆರ್‌ಡಿಒ ಭವನದಲ್ಲಿ ಒಂದು ಘಟಕವನ್ನು ಸ್ಥಾಪಿಸಲಾಗಿದೆ. ಆಸ್ಪತ್ರೆಗಳು, ಮಾಲ್‌ಗಳು, ಕಚೇರಿ ಕಟ್ಟಡಗಳು, ವಸತಿ ಕಟ್ಟಡಗಳು, ವಿಮಾನ ನಿಲ್ದಾಣಗಳು, ಮೆಟ್ರೋ ನಿಲ್ದಾಣಗಳು, ರೈಲ್ವೆ ನಿಲ್ದಾಣಗಳು, ಬಸ್ ನಿಲ್ದಾಣಗಳು ಮತ್ತು ಅಗತ್ಯವಾದ ಸ್ಥಳಗಳಲ್ಲಿ ಪ್ರವೇಶ ಮತ್ತು ನಿರ್ಗಮನದ ಸಮಯದಲ್ಲಿ ಕೈಗಳ ಶುದ್ಧೀಕರಣಕ್ಕಾಗಿ ಈ ಘಟಕವನ್ನು ಬಳಸಬಹುದು. ಪ್ರತ್ಯೇಕತೆ ಮತ್ತು ಸಂಪರ್ಕತಡೆಯ ಕೇಂದ್ರಗಳ ಪ್ರವೇಶ/ ನಿರ್ಗಮನಕ್ಕೆ ಈ ಉತ್ಪನ್ನವು ತುಂಬಾ ಉಪಯುಕ್ತವಾಗುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಯುವಿ ಸ್ಯಾನಿಟೈಸೇಶನ್ ಬಾಕ್ಸ್ ಮತ್ತು ಕೈಯಲ್ಲಿ ಹಿಡಿಯಬಹುದಾದ ಯುವಿ ಸಾಧನ

ಡಿಫೆನ್ಸ್ ಇನ್‌ಸ್ಟಿಟ್ಯೂಟ್ ಆಫ್ ಫಿಸಿಯಾಲಜಿ & ಅಲೈಡ್ ಸೈನ್ಸಸ್ (ಡಿಐಪಿಎಎಸ್) ಮತ್ತು ಇನ್ಸ್ಟಿಟ್ಯೂಟ್ ಆಫ್ ನ್ಯೂಕ್ಲಿಯರ್ ಮೆಡಿಸಿನ್ & ಅಲೈಡ್ ಸೈನ್ಸಸ್ (ಐಎನ್‌ಎಂಎಎಸ್), ದೆಹಲಿಯ ಡಿಆರ್‌ಡಿಒ ಪ್ರಯೋಗಾಲಯಗಳು ಅಲ್ಟ್ರಾವೈಲೆಟ್ ಸಿ ಲೈಟ್ ಆಧಾರಿತ ಸ್ಯಾನಿಟೈಸೇಶನ್ ಬಾಕ್ಸ್ ಮತ್ತು ಕೈಯಲ್ಲಿ ಹಿಡಿಯಬಹುದಾದ ಯುವಿ-ಸಿ (ತರಂಗಾಂತರ 254 ನ್ಯಾನೊಮೀಟರ್‌ಗಳೊಂದಿಗೆ ಅಲ್ಟ್ರಾವೈಲೆಟ್ ಬೆಳಕು) ವಿನ್ಯಾಸಗೊಳಿಸಿ ಅಭಿವೃದ್ಧಿಪಡಿಸಿವೆ . ಯುವಿ-ಸಿ ಯು ಕಡಿಮೆ ಮತ್ತು ಹೆಚ್ಚು ಶಕ್ತಿಯುತವಾದ ತರಂಗಾಂತರವನ್ನು ಹೊಂದಿರುತ್ತದೆ. ಕೋವಿಡ್-19 ರಲ್ಲಿನ ಆನುವಂಶಿಕ ವಸ್ತುಗಳನ್ನು ನಾಶಮಾಡಲು ಇದು ವಿಶೇಷವಾಗಿ ಒಳ್ಳೆಯದು. ವಿಕಿರಣವು ಆರ್ ಎನ್ಎ ರಚನೆಯನ್ನು ನಾಶ ಮಾಡುತ್ತದೆ, ಇದು ವೈರಲ್ ಕಣಗಳು ತಮ್ಮ ಹೆಚ್ಚು ಪ್ರತಿರೂಪದ ಕಣಗಳನ್ನು ಸೃಷ್ಟಿಸುವುದನ್ನು ತಡೆಯುತ್ತದೆ. ಯುವಿ-ಸಿ ಸೂಕ್ಷ್ಮಜೀವಿಗಳನ್ನು ತ್ವರಿತವಾಗಿ ಕೊಲ್ಲುತ್ತದೆ. ಯುವಿ-ಸಿ ಬೆಳಕನ್ನು ಬಳಸುವುದರ ಮೂಲಕ ವಸ್ತುಗಳ ಶುದ್ಧೀಕರಣವು ಸೋಂಕುನಿವಾರಕಕ್ಕೆ ಬಳಸುವ ರಾಸಾಯನಿಕಗಳ ಹಾನಿಕಾರಕ ಪರಿಣಾಮಗಳನ್ನು ತಪ್ಪಿಸುತ್ತದೆ. ಇದು ಪರಿಸರ ಸ್ನೇಹಿ ಮತ್ತು ಸಂಪರ್ಕ ಮುಕ್ತ ಪರಿಣಾಮಕಾರಿ ಸ್ಯಾನಿಟೈಸೇಶನ್ ವಿಧಾನವಾಗಿದೆ.

ಮೊಬೈಲ್ ಫೋನ್, ಟ್ಯಾಬ್ಲೆಟ್‌ಗಳು, ಪರ್ಸ್, ಕರೆನ್ಸಿ, ಆಫೀಸ್ ಫೈಲ್‌ಗಳ ಕವರ್ ಮುಂತಾದ ವೈಯಕ್ತಿಕ ವಸ್ತುಗಳನ್ನು ಸೋಂಕುನಿವಾರಕಗೊಳಿಸಲು ಯುವಿ-ಸಿ ಬಾಕ್ಸ್ ಅನ್ನು ವಿನ್ಯಾಸಗೊಳಿಸಲಾಗಿದೆ. ಒಂದು ನಿಮಿಷದಲ್ಲಿ ಯುವಿಸಿ ದೀಪಗಳನ್ನು ಬಳಸಿ ಕೋವಿಡ್-19 ವೈರಸ್ ಅನ್ನು ನಿಷ್ಕ್ರಿಯಗೊಳಿಸಲಾಗುತ್ತದೆ. 100 mJ / cm2 ನ ಯುವಿ ಡೋಸ್. ಸ್ಯಾನಿಟೈಸೇಶನ್ ಪೆಟ್ಟಿಗೆಯಲ್ಲಿ ಬಳಸಲಾಗುವ ಯುವಿ ದೀಪಗಳು 185 ಎನ್ಎಮ್ ಅನ್ನು ಹೊರಸೂಸುತ್ತವೆ, ಇದು ಓಝೋನ್ ಅನ್ನು ಉತ್ಪಾದಿಸುತ್ತದೆ ಮತ್ತು ಪೆಟ್ಟಿಗೆಯಲ್ಲಿ ಇರಿಸಲಾದ ವಸ್ತುಗಳ ಹೊರಮೈಗಳಲ್ಲಿ ಹೊರಗೆಕಾಣದ ಪ್ರದೇಶವನ್ನು ನೋಡಿಕೊಳ್ಳಲು ಸಾಧ್ಯವಾಗುತ್ತದೆ.

ಎಂಟು ವ್ಯಾಟ್ ಯುವಿ-ಸಿ ದೀಪವನ್ನು ಹೊಂದಿರುವ ಕೈಯಲ್ಲಿ ಹಿಡಿಯಬಹುದಾದ ಸಾಧನವು ಕಚೇರಿ ಮತ್ತು ಮನೆಯ ವಸ್ತುಗಳನ್ನುಮ ಕುರ್ಚಿಗಳು, ಫೈಲ್‌ಗಳು, ಅಂಚೆಯಿಂದ ವಿತರಿಸಿದ ವಸ್ತುಗಳು ಮತ್ತು ಆಹಾರ ಪ್ಯಾಕೆಟ್‌ಗಳಂತಹವನ್ನು ಸೋಂಕುರಹಿತಗೊಳಿಸುತ್ತದೆ, ಎರಡು ಇಂಚುಗಳಿಗಿಂತ ಕಡಿಮೆ ದೂರದಲ್ಲಿ ಇರಿಸಲಾಗಿರುವ 100 ಎಮ್ ಜೆ/ ಸೆಮಿ 2 ವಿಕಿರಣದಲ್ಲಿ 45 ಸೆಕೆಂಡುಗಳ ಮಾನ್ಯತೆ ಇರುತ್ತದೆ. . ಈ ಕ್ರಮವು ಎಲ್ಲಾ ಪರಿಸ್ಥಿತಿಗಳಲ್ಲಿ ಕೆಲಸ ಮಾಡಲು ಅಗತ್ಯವಿರುವ ಕಚೇರಿ ಮತ್ತು ಸಾರ್ವಜನಿಕ ಪರಿಸರದಲ್ಲಿ ಕೊರೊನಾವೈರಸ್ ಹರಡುವುದನ್ನು ಕಡಿಮೆ ಮಾಡುತ್ತದೆ.

***