য়ুমলৈ-কৈরৈ মন্ত্রালয়
লৈবাক অসিদা কোবিদ-১৯গী লাইচৎ অসি লাকশিন্নবগীদমক্তা তৌরিবা লোকদাউন মে ৩, ২০২০ ফাওবা মখা তানা অদুমক চৎথখিগনি
Posted On:
14 APR 2020 7:49PM by PIB Imphal
প্রধান মন্ত্রি শ্রী নরেন্দ্র মোদীনা ঙসি লৈবাক মীয়ামদা মহাক্না ৱা ঙাংবা মতমদা, ভারত্তা কোবিদ-১৯গী লাইচৎ অসি শন্দোকপা থিংনবা তৌখিবা লোকদাউন অদু মে ৩,২০২০ ফাওবা শাংদোক্লে হায়না লাওথোকখ্রে।
লাওথোকখ্রবা অসিগী তুংওইননা, ভারত সরকারনা ভারত সরকারগী মন্ত্রলয়/দিপার্তমেন্তশিং, রাজ্য/য়ুনিয়ন তেরিতোরীগী সরকারশিং অমসুং ওথোরিতীশিংদা পাংথোক্ননবা খঙহনখ্রে মদুদি লৈবাক অসিদা কোবিদ-১৯গী লাইচৎ অসি লাকশিন্নবগীদমক্তা এম.ঐচ.এ.গী কন্সোলিদেতেদ গাইদলাইনশিংদা লোকদাউন তৌবগী মতাংদা লেপ্নখিবা ৱাফম অমা ওইনা, মে ৩, ২০২০ ফাওবা মখা তানা অদুমক চৎথখিগনি।
কেন্দ্রগী য়ুমলৈ-কৈরৈগী মন্ত্রালয় (এম.ঐচ.এ.)না মসিগী মতাংদা রাজ্য অমসুং য়ু.তি.শিংদা ওর্দর থোকখ্রে। ওর্দর অদুগী মতুং ইন্না, লোকদাউন অসিনা শাংদোরকপগা লোইননা, তোঙান তোঙানবা সেক্তরশিং অমসুং তোঙান তোঙানবা থৌওংশিংদা থমখিবা অথিংবশিং অদু মখা তানা অদুমক চৎথখিগনি। এম.ঐচ.এ.গী কন্সোলিদেতেদ গাইদলাইনশিংদা পনখিবা হায়রিবা অথিংবশিং অসি, মন্ত্রালয় পুম্নমক/ভারত সরকারগী দিপার্তমেন্তশিং অমসুং রাজ্য/য়ুনিয়ন তেরিতোরীগী সরকারশিং অমসুং ওথোরিতীশিংনা চেকশিন্না পাংথোক্কদবনি।
রাজ্য অমসুং য়ু.তি.শিংদা ফাওনখিবা পাউশিংদা মরু ওইনা দিজাস্তর মেনেজমেন্ত এক্ত,২০০৫কী মখাদা এম.ঐচ.এ.না থোকখিবা ওর্দরগী মতুং ইন্না, রাজ্য/য়ুনিয়ন তেরিতোরীশিংনা মমাংদা পনখ্রিবা গাইদলাইনশিং অসিগী মতুং ইন্না থম্লিবা অথিংবশিং অসি শেমদোকপা শাদোক্তুনা কোমথোকহনবা য়াদে।
লোকদাউনগী পাম্বৈ অসি শাংদোক্নবগী ওর্দর অদু য়েংনবা মসিদা ক্লিক তৌবীয়ু
(Release ID: 1614621)
Visitor Counter : 229
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada