ঙাকশেল মন্ত্রালয়
কোভিদ-১৯গী অথিংবা লৈরিঙৈ মনুংদা নোংথক লম্বীগী থবক থৌরমশিং মতেং পাংবা ওইনা ইন্দিয়ন নেভীনা ভিসাখপতনম এয়রপোর্ত পুং ২৪ চুপ্না মথৌ তৌহল্লি
Posted On:
14 APR 2020 12:41PM by PIB Imphal
কোভিদ-১৯ লাইচৎ থোক্লিঙৈ মতমসিদা ভাইরস অসি শন্দোরকপা থিংননবা লৈবাক পুম্বা অথিংবা থমখিবগা লোয়ননা ইস্তর্ন নেভেল কম্মান্দ (ই.এন.সি.)গী আই.এন.এস. দেগানা ভিসাখপতনমদা লৈবা জোইন্ত য়ুজর এয়রফিল্দ অসি মতম পুম্নমক্তা মথৌ তৌহন্দুনা থম্নবা থৌরাং লৌখৎলি। মথৌ তাবা চেকশিন থৌরাংশিং অমসুং এয়রফিল্দ ফেসিলিতীশিং লেপ্তনা ফংহন্নবগীদমক এয়রফিল্দ অসি পান্নবগী মওং মতৌদা শেমদোক শাদোক্লে। মসিনা স্পাইসজেৎকী কার্গো ফ্লাইৎ য়াওনা অখন্নবা ফ্লাইৎ খুদিংমক অপনবা লৈতনা মথৌ তৌহল্লি। অথিংবা থম্বা হৌখিবদগী হৌরগা পুন্না কার্গো ফ্লাইৎ ১৫ মফমসিদগী মথৌ তৌরি।
অমরোমদা, ইন্দিয়ন নেভীনা মশাগী হান্নদগী চত্থদুনা লাকপা মেরিতাইম সর্ভিলেন্স মিসনশিং অহীং নুংথিল নাইদনা তৌরি। এয়র স্তেসন অসিদগী মথৌ তৌবা ই.এন.সি., আই.এন.এ.এস. ৩১১গী দোর্নিয়র স্কাদ্রোননা মশাগী চাং নাইনা চত্থবা মেরিতাইম সর্ভিলেন্স মিসনশিং হৌজিকসু চত্থরি। মসিগী মথক্তা লৈরিবা নোংথক্কী মচাক পুম্বা মিসন-রেদীদা থম্বগা লোয়ননা মথৌ তারকপদা খুদক্তা শিজিন্নবা য়াননবগীদমক্তা শেম শাদুনা থম্লি।
********
(Release ID: 1614442)
Visitor Counter : 167
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada