PIB Headquarters
নুমিৎ খুদিংগী ফোংবা পি আই বীগী কোভিদ-১৯ বুল্লেতিন
Posted On:
12 APR 2020 7:00PM by PIB Imphal
হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯গী অনৌবা পাউ
ঙরাং ভারত্ত কোভিদ-১৯ কেস ৯০৯ হেনগৎখি অমসুং ঙসি পুন্না মীওই ২৩৯ শিখি । হৌজিক ফাওবদা লৈবাক অসিদা কোভিদ-১৯ অনাবা ফরবা মতুংদা মীওই ৬৪২ ময়ুমদা হনখ্রে অমসুং মীওই ২৭৩ শিরে । লৈবাক অসিগী রাজ্যশিংদা পি পি ইশিং, এন ৯৫ মাক্সশিং, তেস্ত তৌনবা খুৎলায়শিং, হিদাক-লাংথকশিং অমসুং ভেন্তিলেতরশিং অৱাৎপা লৈহন্দনবা অমসুং মশিং হেনগৎলক্লিবা কোভিদ-১৯ অনাবা মীওইশিং লায়েংনবা থৌরাং কয়া পায়খৎলি । ভারত সরকারনা থবক পায়খৎলিবা থবক অসিদা লনাই হোস্পিতালশিং, পব্লিক সেক্তর য়ুনিতশিং, মিলিতরি হোস্পিতালশিং, ভারত রেলৱেজনা মতেং পাংলি ।
রিলিফ কেম্পশিংদা লৈরিবা শিন্মীশিংগী য়াইফনবা সুপ্রিম কোর্তনা পীখিবা য়াথংশিং ঙাক্নবা এম ঐচ এনা রাজ্যশিং /য়ু তিশিংদা অইবা চেরোল থাদুনা খঙহনখ্রে
কোভিদ-১৯গী অথিংবা মপুংফানা পাংথোক্নবা ভারতকী তোঙান-তোঙানবা মফমশিংদা হাংদোক্লিবা রিলিফ কেম্পশিংদা লৈরিবা শিন্মীশিংগী য়াইফনবা সুপ্রিম কোর্তনা পীখিবা য়াথংশিং ঙাক্নবা এম ঐচ এনা রাজ্যশিং /য়ু তিশিংদা অইবা চেরোল থাদুনা খঙহনখ্রে ।
কোভিদ-১৯ থেংনরিবা দোক্তরশিং অমসুং মেদিকেল স্তাফশিংদা দরকার ওইবা পুলিস সেকুরিতি পীনবা রাজ্যশিং/য়ুতিশিংদা এম ঐচ এনা খঙহনখ্রে
দোক্তরশিং অমসুং মেদিকেল স্তাফশিংদা মীওৎ-মীনৈ চৎথবগী থৌদোকশিংগী মতাংদা পাউ কয়া লাক্লিবা অসি য়েংলগা হোস্পিতালশিংদা অমসুং কোভিদ-১৯ পোজিতিব ওইরবা অনাবশিং দাইগনোস তৌরিবা মফমশিং নৎত্রগা চিংনবা কেসশিং ক্বারেনতাইন তৌরিবা মফমদা লৈরিবা দোক্তরশিংদা দরকার ওইবা পুলিস সেকুরিতি পীনবা রাজ্যশিং/য়ুতিশিংদা এম ঐচ এনা খঙহনখ্রে ।
পি এম জন ঔসাদি কেন্দ্রগী মীওইশিং কোরোনা লান্মী ওইনা থবক তৌরি : মান্দাবিয়া
কেমিকেলস অমসুং ফরতিলাইজরগী মিনিস্তর ওফ স্তেৎ মানসুখ মন্দাবিয়ানা হায়খি হৌজিক লৈরিবা অরুবা ফিবম অসিদা প্রধান মন্ত্রী জন ঔসাদি কেন্দ্রগী মীওইশিং কোরোনা লান্মী ওইনা থবক তৌরি অমসুং লৈবাক অসিগী সেবা তৌরি ।
কে ভি আই সিনা মরোল অনিগী খাদি মাক্স পুথোক্লে
খাদি এন্দ ভিলেজ ইন্দস্ত্রি কম্মিসন্না মাইপাক্না মরোল অনিগী খাদি মাক্স পুথোক্লে অমসুং মসি মশিং য়াম্না পীনবা ওর্দর লৌবা হৌরে । মসিগী মাইপাকপা অমা ওইনা, কে ভি আই সিনা হন্দক জম্মু অমসুং কাস্মির সরকারদা মাক্স লাখ ৭.৫ পীনবা ওর্দর অমা ফংখি ।
লৈবাক অসিদা কোভিদ-১৯ শন্দোরকপা থিংনবা এন আর এল এম সেল্ফ হেল্প গ্রুপকী নুপীশিং লান্মী অমা ওইনা চোংথোরক্লি
স্তেৎ রুরেল লাইফলিহুদ মিসন ২৭গী এস ঐচ সি মেম্বর ৭৮,০০০ রোম্না মাক্স ক্রোর ২ রোম পুথোকলে । তোঙান-তোঙানবা রাজ্যশিংদা এস ঐচ জিশিংনা পি পি ই ৫০০০ হেন্না পুথোকখি; রাজ্য ৯দা এস ঐচ জি ফার্ম ৯০০ রোম্না হেন্দ সেনিতাইজর লিতর লাখ ১ হেন্না পুথোকখি । এস ঐচ জি খরনা খুৎ হাম্নবা সাপোন মহি পুথোকখি ।
লৈবাক অসিদা লৈরিবা কোভিদ-১৯গী ফিবম থেংননবা এন আর এল এম সেল্ফ হেল্প গ্রুপ নেতৱার্ক চোংথোরকলি
হৌজিক থেংনরিবা অরুবা ফিবম অসিদা এস ঐচ জি মেম্বরশিংনা মীয়ামগী লান্মী অমা ওইনা চোংথোরক্তুনা কোভিদ-১৯ শন্দোরকপা থিংনবা পাংবা য়াবা মতেং পাংলি । রুরেল দিবলপমেন্ত মিনিস্ত্রিগী দিনদায়াল অন্তয়োদায়া য়োজনা-নেসনেল রুরেল লাইফলিহুদ মিসনগী মখাদা লৈবাক অসিগী সেল্ফ হেল্প গ্রুপ লাখ ৬৩গী নুপী মেম্বর লাখ ৬৯০না কৎথোকপগা লোয়ননা থবক তৌরি ।
থা অসিদা পি এম য়ু ৱাই বেনিফিসরি লাখ ৮৫ রোম এল পি জি সিলিন্দর ফংলে; লৈবাক অসিনা কোভিদ-১৯ থেংনরিবা অসি শৌগৎতুনা অমসুং মীয়ামদা তঙাইফদবা পোৎলমশিং ফংহন্নবা সপ্লাই চেনগী মীওইশিংনা চোকথবা নাইদনা এল পি জি সিলিন্দরশিং ফংহল্লি
প্রধান মন্ত্রী গরিব কলয়া য়োজনাগী মখাদা লায়রবশিংগী য়াইফনবা থবক কয়া ভারত সরকারনা পায়খৎলে । য়োজনা অসিগী মতুংইন্না, থা অহুমগী ওইনা ২০২০গী এপ্রিলদগী জুনগী ফাওবগী ওইনা উজৱালা বেনিফিসরশিংদা লেম্না এল পি জি রিফিল তৌরবা সিলিন্দরশিং ফংহল্লে । হৌজিক ফাওবদা সিলিন্দর ক্রোর ১.২৬ বুক তৌরে , মসিগী মনুংদা পি এম য়ু ৱাই বেনিফিসরিশিংদা সিলিন্দর লাখ ৮৫ রোম য়েন্থোকখ্রে ।
অথিংবা মনুংদা লৌউ-শিংউ অমসুং মরি লৈনবা থবকশিংদা এগ্রিকলচর, কোরপোরেসন অমসুং ফারমর্স ৱেলফিয়ার দিপার্তমেন্তনা পায়খৎলিবা থবকশিং
অথিংবা মনুংদা লৌমীশিং অমসুং লৌউ-শিংউগী থবকশিংদা খুদোংচাবা কয়া ফংহন্নবা এগ্রিকলচর, কোরপোরেসন অমসুং ফারমর্স ৱেলফিয়ার দিপার্তমেন্তনা থবক কয়া পায়খৎলি ।
কোভিদ-১৯গা মরী লৈনবা থবকশিংদা সি এস আর ফংবা য়াবগী মতাংদা এম সি এগী তোইনা হংবা ৱাহংশিংগী পাউখুম
কোরোনাভাইরসকী মায়োক্ত শোক্নরিবা লালদা আই এ এফকী মতেং
তোঙান তোঙানবা রাজ্যশিংগী মরুওইবা মফমশিংদা তঙাইফদবা মেদিকেলগী পোৎলমশিং অমসুং চিঞ্জাকশিং মতম চানা ফংহন্নবা থবক কয়া পায়খৎলি অমসুং মসিনা রাজ্য সরকারশিং অমসুং মতেং পাংলিবা এজেন্সিশিং লাইচৎ অসি থেংনবা মতেং পাংলি ।
পোর্ত ব্লেয়রদা কোভিদ-১৯ থেংনবদা ভারত নেভিনা মতেং পাংলি
কোভি-১৯গী অৱাবা মরক্ত দরকার ওইরিবশিং মতেং পাংদুনা নেভেল এয়র স্তেসন উতক্রোস অমসুং মেতরিয়েল ওর্গনাইজেসন (পোর্ত ব্লেয়র)না পোর্ত ব্লেয়রদা অচা-অথকশিং য়েন্থোকখি ।
য়ুনিয়ন ঐচ আর দি মিনিস্তর রামেস পোখ্রিয়াল নিসানকনা ৱেব পোরতেল য়ুকতি(য়ং ইন্দিয়া কম্বেতিং কোভিদ ৱিদ নোলেজ , তেক্নোলোজি এন্দ ইন্নোবেসন ) হাংদোকখি
পোরতেল অসিনা কোভিদ-১৯ লাকপদগী এম ঐচ আর দিনা পায়খৎলিবা থবকশিং য়েংশিন্নবা পান্দম থম্লি । পোরতেল অসিনা ঐচ আর দি মিনিস্ত্রি অমসুং ইন্সতিতুসনশিংগী মরক্ত পাউ ফাওননবগী চেন্নেল অমা লৈহনগনি অমসুং হায়রিবা ইন্সতিতুসনশিং অদুদা মিনিস্ত্রিনা দরকার ওইবা মতেংশিং ফংহনগনি ।
কোভি-১৯গী ফিবম অসিদা মহৈরোয়শিং লাইরিক তম্নবা কেন্দ্র বিদ্যলায়া সঙ্গথান-দিল্লি রিজন্না থবক কয়া পায়খৎলে
নিংথৌকাবা নুমিৎতগি ক্লাস ৬ অমসুং ক্লাস ৭গী ওনলাইন লাইফ ক্লাসশিং হৌরগনি অমসুং কে ভি এস দিল্লি রিজন্না ফেসবুক অমসুং য়ুতুবতা ক্লাস ৯ অমসুং তুয়েল্বকী ওনলাইন লাইফ ক্লাসশিং হৌখ্রবনি ।
সি এস আই আরগী সেন্তর ফোর সেল্লুলার এন্দ মোলিকুলর বাইওলোজি, হায়দ্রবাদনা মাইকৈ কয়াদা কোভিদ-১৯ থেংননবা থবক পায়খৎলি
হায়দ্রবাত্ত লৈবা সি এস আই আরগী মাংজিল থারিবা বাইওলোজি লেব সি সি এম বিনা লৈবাক অসিদা কোভিদ-১৯ থেংননবা খুৎলায় কয়া শীজিন্নরি অমসুং থবক কয়া পায়খৎলি
পি আই বি ফিল্ড ওফিসশিংগী ফংবা পাউ
- কেরলা : রাজ্য অসিগী হোতস্পোত কাসারগোদতা কোভিদ অনাবা মীওই ২৬ ফরে অমসুং ঙসি দিসচার্জ তৌখ্রে; ৬০ মমাংদা অনাবা ফখ্রে অমসুং জিলা অসিদা একতিব কেস ১০৫ লৈরি । রাজ্য অদুদা শেন-থুমগী মতেং নিংথিনা পীদবগী রাজ্যগী ফাইনান্স মিনিস্তরনা সেন্তরদা মরাল শিখি । আইন্না য়াদবা গারিশিং চেনবা হৌরকপদগী তামিল নাদুগা তাইনবা ঙমখৈ য়ৌবা লম্বীশিং পুলিসনা থিংজিনখি।
- তামিলনাদু : রাজ্য অসিদা মীওই ১২ শিরে; চেন্নাইদা সরকারগী এম সিদা ৪৫ মিংচনখি । রাজ্য অসিদা দোক্তর ৮ পোজিতিব ওইরে । হৌজিক ফাওবদা অপুনবা কেস ৯৬৯ লৈরে । ভিল্লুপুরমদা কোভি পোজিতিব ওইরবা নুপা অমা মাংখিবদগী থিনরি । অথিংবা অসিনা রাজ্য অসিদা লুপা ক্রোর ১০,০০০গী রেভিনিউ পুৎথরে ।
- করনাতাকা : রাজ্য অসিদা ঙসি অনৌবা কেস ১১ থেংনদুনা অপুনবা কেস ২২৬ য়ৌরে । ঙসি বেঙ্গলুরু অরবান দিস্ত্রিক্ত য়ুম খুদিং চংদুনা কোভিদ সর্ভে পাংথোকখি ।
- অন্ধ্র প্রদেস : ঙসি অনৌবা কেস ১২ থেংনদুনা অপুনবা কেস ৪১৭ য়ৌরে । রাজ্য অসিদা ক্বা মহি ওনশিনবা, হিদাক মনা মহি ওশিনবা চৈরাক পীবা য়াবা মরাল অমা ওইরে । মীওই অমমমদা মাক্স ৩ য়েন্থোক্নবা সি এমনা য়াথং পীখি । রাজ্য অসিদা অহুমশুবা ওইনা ইমুং ক্রোর ১.৪৭গী মনুংদা ইমুং ক্রোর ১.৪৩ সর্ভে তৌবা লোইরে ।
- তেলাঙ্গানা : নিরমালদা অনৌবা কেস ২ থেংনদুনা অপুনবা কেস ৫০৫ য়ৌরে । কোভিদ-১৯ লাকশিন্নবা রাজ্য অদুগী মফম কয়াদা দ্রোনশিং শীজিন্নদুনা হিদাক চাইখি ।
- অরুনাচল প্রদেস : কোভি-১০ লান্থেংনরিবা পুলিস অমসুং হকশেলগী মীওইশিংদা জে এন কোলেজ, পাসিগাৎকী এন এস এস ভোলুন্তিয়রশিংনা মাক্সশিং য়েন্থোকখি ।
- অসাম : নুমিৎ খুদিংগী ফোংবা পাউচে অমদা ফোংখিবা অদুগী মতুংইন্না, গুৱাহাতি মেদিকেল কোলেজ অমসুং হোস্পিতালদা কোভি-১৯ অনাবা মীওই অমতা শিদে হায়না হেল্থ মিনিস্তর হিমানতা বিশ্বা শর্ম্মনা তুইত তৌখি ।
- মনিপুর : রাজ্য অসিদা ওক্সিজেন মরাংকাইনা ফংহন্নবা চীফ সেক্রেতরিনা হেল্থ দিপার্তমেন্তদা খঙহনখি ।
- মিজোরম : মিজোরমদা তঙাইফদবা পোৎলমশিং পুথোক-পুশিন তৌরিবা দ্রাইভরশিং অমসুং শিন্মীশিংগী চেকশিন-থৌরাং লৌখৎনবা ত্রান্সপোর্ত মিনিস্তরনা ওফিসিয়েলশিংদা খঙহনখি ।
- মেঘলায়া : রাজ্য অসিগী ৱাংমগী এন জি ওশিং, এজেন্সিশিং অমসুং লনাই মীওইশিংনা জিলা অসিগী মীওইশিংদা মতেং পাংবা পাম্লবদি মরি লৈনবা ওথোরিতিদা মখোয়গী মমিং রেজিস্তার তৌনবা মেঘলায়াগী ইস্ত অমসুং ৱেস্ত জেন্তিয়া হিলস জিলাশিংগী দি সিশিংনা খঙহল্লি ।
- নাগালেন্দ : দিমাপুরদা লৈবা রিলিফ কেম্প ৩দা মীওই ৩৬৩ লৈরি , এন জি ওশিং অমসুং জিলা থাক্কী ওফিসিয়েলশিংনা মীওই ২০০০ হেনবদা চানবা চেং অমসুং হৱাই পীখি ।
- সিক্কিম : কোভি-১৯গী মায়োক্নরিবা অৱাবশিংগী মতাংদা খন্ননবা এপ্রিল ১৫দা কেবিনেত মীফম অমা পাংথোক্কনি হায়না সি এমনা হায়রি ।
- ত্রিপুরা : চেক শাফমদা থবক শুবা শিন্মী ২১,৮৯৯দা লুপা ক্রোর ৩.৫৮গী মতেং পীনবা সরকারনা ৱারেপ লৌরে । শিন্মী খুদিংমক লুপা ১০০০ অমসুং নুমিৎ ২০গী চেং পীগনি ।
- মহারাস্ত্রা : রাজ্য শীনবা থুংনা অথিংবা মনুংদা ক্বারেনতাইনগী নিয়ম ইন্দবশিং অমসুং অথিংবা থুগাইবা মীওই ৩৫,০০০ হেনবদা পুলিসনা রেজিস্তার তৌখি । রাজ্য অসিদা মীওই ১৩৪ নৌবা পোজিতিপ ওইদুনা হৌজিক অপুনবা কেস ১,৮৯৫ য়ৌরে ।
- মৈধ্য প্রদেস : লৈবাক অসিদা মৈধ্য প্রদেসনা কোভি-১৯না মীওই খ্বাইদগী য়াম্না শিবা অনিশুবা রাজ্য ওইরি। য়ুনিয়ন হেল্থ মিনিস্ত্রিগী মতুংইন্না, মহারাস্ত্রাদা মীওই ১২৭ অমসুং মৈধ্য প্রদেসদা মীওই ৩৬ শিরে ।
- রাজাস্থান : রাজ্য অসিদা অনৌবা কেস ১৫১ থেংনদুনা হৌজিক অপুনবা কেস ৭৫১ য়ৌরে । হৌজিক ফাওবদা মীওই ২১ অনাবা ফরে অমসুং মীওই ৩ শিখ্রে ।
- গুজরাত : রাজ্য অসিদা অনৌবা কেস ৬৭ থেংনদুনা হৌজিক অপুনবা কেস ৩০৮ য়ৌরে । হৌজিক ফাওবদা মীওই ৩১ অনাবা ফরে অমসুং মীওই ১৯ শিখ্রে ।
- জম্মু অমসুং কাস্মির : রাজ্যা অসিদা ঙসি অনৌবা কেস ২১ থেংনখি । জম্মু দিবিজনদগী ৪ অমসুং কাস্মরি দিবিজনদগী ১৭ থেংনখি । হৌজিক অপুনবা কেস মশিং ২৪৫ য়ৌরে ।
Fact Check on #Covid19
(Release ID: 1613760)
Visitor Counter : 387
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam