লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক ভারত সরকারনা রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

ঙসি নির্মন ভবনদা দা. হর্শ বর্ধন্না ময়াই তাংবল লৌদুনা কোবিদ-১৯গী মতাংদা গ্রুপ ওফ মিনিস্তর্স (জি.ও.এম.)গী অৱাংবা থাক্কী মীফম অমা পাংথোকখি। গ্রুপ ওফ মিনিস্তর্স (জি.ও.এম.)না কোবিদ-১৯ থিংনবা অমদি মেনেজমেন্তদা শন্দোক্ন খন্ন-নৈনখি। জি.ও.এম.না পি.পি.ই., এন-৯৫ মাস্ক অমসুং ভেন্তিলেতর ফংহনবদসু খন্ন-নৈনখি। জি.ও.এম.দা খঙহনখি মদুদি পি.পি.ই.গীদমক লৈবাক অসিগী ওইবা মেনুফেকচচর ৩০ দিবেলপ তৌরে, পি.পি.ই.গী ওর্দর কোতি ১.৭ পীখ্রে অমদি সপ্লাই হান্ননা হৌখ্রে, অমদি ভেন্তিলেতরগীদমক ওর্দর ৪৯,০০০ পীখিবা লৈরে।

জি.ও.এম.না মসিমসু হায়খি মদুদি হাইদ্রোক্সীক্লোরোক্বিন (ঐচ.সি.ক্যু.) অসি প্রেস্ক্রিপসনগী মতুং ইন্না শিজিন্নগদবনি অমদি থমোয়গী লাইনা লৈবা মীওইশিংনা শিজিন্নরোইদবনি মরমদি মসিনা মাংনীংঙাই মচাক ওইবা য়াই। লৈবাক অসিদা হাইদ্রোক্সীক্লোরোক্বিন মতিক চানা লৈরি হায়নসু জি.ও.এম.দা খঙহনখি।

হকশেল অমসুং য়াইফ য়ুম্বাল মন্ত্রালয়না ক্লস্তর কন্তেনমেন্ত প্লান অমসুং হোস্পিতালগী শেম-শাবা (কোবিদ-১৯ অনাবশিংগীদমক আই.সি.য়ু. অমসুং ভেন্তিলেতর মেনেজমেন্ত)গা মরী লৈনবা থবক থৌরমশিংদা রাজ্যশিং অমসুং রাজ্যগী হকশেল বিভাগতা মতেং পাংনবগীদমক অৱাংবা থাক্কী মল্তি-দিসিপ্লিনরী সেন্ত্রেল তীমশিং থম্লি। তীমশিং অসি বিহার, রাজস্থান, গুজরাত, কর্নাতকা, মধ্য প্রদেশ, মহারাস্ত্র, তমিল নাদু, তেলঙ্গনা অমসুং উত্তর প্রদেশতা থম্লি।

মসিগী মথক্তা সেন্তর ফোর সাইন্তিফিক এন্দ ইন্দস্ত্রীয়েল রিসর্স (সি.এস.আই.আর.)লেব অমসুং সেন্তর ফোর সেল্লুলর এন্দ মোলেক্যুলর বাইওলোজী (সি.সি.এম.বি.) লেব, হাইদ্রবাদ অমসুং ইন্সতিত্যুৎ ওফ জেনোমিক্স এন্দ ইন্তেগ্রেতিব বাইওলোজী (আই.জি.আই.বি.), নই দিল্লীনা ভাইরসকী ইভোলুসন খঙননবা নোবেল কোরোনাভাইরসকী অপুনবা জেনোম সিক্বেন্সিংদা পুন্না থবক তৌবা হৌরে।

কোবিদ-১৯ থেংননবগীদমক জিলা কয়ানা তোঙান-তোঙানবা অনৌবা খোংথাংশিং লৌখৎলি। মদুগী মনুংদা খ্বাইদগী ফবা প্রেক্তিস খরা মখাদা লৈরে:

• • কর্নাল জিলা:
    • ফেমিলী প্রোগ্রাম অমা এদোপ্ত তৌবা: কর্নালগী প্রজাশিংনা ইমুং-মনুং, ইন্দস্ত্রী অমসুং মীরমদা লৈরিবা মখোয়শিং অদুগা লোয়ননা কর্নালদা লৈরিবা তেংবাং দরকার ওইরিবা ইমুং-মনুংশিং এদোপ্ত তৌনবা চাউরাক্না লুপা লাখ ৬৪ দোনেৎ তৌদুনা থৌদাং য়ারি মদুনা জিলা অসিগী লাইরবদগী লাইরবা ইমুং ১৩,০০০বু য়েংশিনগনি।
    • শোত্থরব কাংলুপশিংদা নুমিৎ খুদিংগী চাক্লেন ৯০,০০০ য়েন্থোক্নবসু হোৎনরি।
    • হোম ক্বরেন্তাইন ত্রেক তৌনবা ‘কর্নাল লাইব ত্রেক্কর’গুম্বা তেক্নোলোজী অমদি মনা মশিং/উহৈ হোলসেলরশিং অমসুং দেরীশিং লৈবা ঙম্নবা ওনলাইন লোকেল দেলিবরী এপ্লিকেসন অমা ওইরিবা নীদ ওন হ্বিলস (এন.ও.দবল্যু)সু লোকেল দিস্ত্রিক্ত এদমিনিস্ত্রেসন্না হৌদোকখ্রে।
  • লখনৌ জিলা:
    • হোতেলশিংবু ক্বরেন্তাইন সেন্তরশিং ওইনা শিজিন্ননবা হোৎনরি।

হৌজিক ফাওবদা কেস ৫৭৩৪ কনফার্ম তৌরে অমদি ১৬৬ লৈখিদবগী রিপোর্ত তৌরি। মীওই ৪৭৩ ফিভম ফগৎলক্লবা মতুং দিসচার্জ তৌখ্রে।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf