PIB Headquarters
କୋଭିଡ-19 ସମ୍ପର୍କରେ ପିଆଇବିର ଦୈନିକ ବୁଲେଟିନ
Posted On:
09 APR 2020 7:20PM by PIB Bhubaneshwar
କୋଭିଡ-19 ସମ୍ପର୍କରେ ପିଆଇବିର ଦୈନିକ ବୁଲେଟିନ
ତାରିଖ : 9.4.2020
(ଗତ 24 ଘଣ୍ଟା ମଧ୍ୟରେ ପିଆଇବି ପକ୍ଷରୁ ଜାରି ପ୍ରେସ ବିବୃତି ଓ ଫ୍ୟାକ୍ଟ ଚେକ ତାଲିକା)
ପତ୍ର ସୂଚନା କାର୍ଯ୍ୟାଳୟ
ସୂଚନା ଏବଂ ପ୍ରସାରଣ ମନ୍ତ୍ରଣାଳୟ
ଭାରତ ସରକାର
ସ୍ଵାସ୍ଥ୍ୟ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ କୋଭିଡ-19 ସଂକ୍ରାନ୍ତରେ ସଦ୍ୟତମ ସୂଚନା
ବର୍ତ୍ତମାନସୁଦ୍ଧା ଦେଶରେ 5734 ଜଣ କୋଭିଡ-19ରେ ସଂକ୍ରମିତ ହୋଇଛନ୍ତି ଏବଂ 166 ଜଣଙ୍କର ମୃତ୍ୟୁ ଘଟିଛି। 473 ଜଣ ଆରୋଗ୍ୟ ଲାଭ କରି ହସ୍ପିଟାଲରୁ ଛାଡ଼ ପାଇଛନ୍ତି। ସ୍ଵାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ କ୍ଲଷ୍ଟର କଣ୍ଟେନମେଣ୍ଟ ଯୋଜନା ଏବଂ ହସ୍ପିଟାଲ ପ୍ରସ୍ତୁତି (କୋଭିଡ-19 ରୋଗୀଙ୍କ ପାଇଁ ଆଇସିୟୁ ଓ ଭେଣ୍ଟିଲେଟ ପରିଚାଳନା)ରେ ରାଜ୍ୟ ଓ ରାଜ୍ୟ ସ୍ଵାସ୍ଥ୍ୟ ବିଭାଗକୁ ସହାୟତା କରିବା ନିମନ୍ତେ ଉଚ୍ଚସ୍ତରୀୟ ବହୁମୁଖୀ କେନ୍ଦ୍ରୀୟ ଟିମ ମୁତୟନ କରାଯାଉଛି।
https://pib.gov.in/PressReleseDetail.aspx?PRID=1612534
ଭାରତ କୋଭିଡ-19 ଜରୁରିକାଳୀନ ପଦକ୍ଷେପ ଏବଂ ସ୍ଵାସ୍ଥ୍ୟ ସେବା ପ୍ରସ୍ତୁତି ପ୍ୟାକେଜ ପାଇଁ 15 ହଜାର କୋଟି ଟଙ୍କା ମଞ୍ଜୁର କଲେ ଭାରତ ସରକାର
ଭାରତ କୋଭିଡ-19 ଜରୁରିକାଳୀନ ପଦକ୍ଷେପ ଏବଂ ସ୍ଵାସ୍ଥ୍ୟ ସେବା ପ୍ରସ୍ତୁତି ପ୍ୟାକେଜ ପାଇଁ 15 ହଜାର କୋଟି ଟଙ୍କା ମଞ୍ଜୁର କରିଛନ୍ତି ଭାରତ ସରକାର। ଏହି ମଞ୍ଜୁର ଅର୍ଥ ମଧ୍ୟରୁ 7,774 କୋଟି ଟଙ୍କା ଜରୁରିକାଳୀନ ଆବଶ୍ୟକତା ଓ ଅବଶିଷ୍ଟ ଅର୍ଥ ମଧ୍ୟବର୍ତ୍ତିକାଳୀନ ସହାୟତା ପାଇଁ ଉଦ୍ଦିଷ୍ଟ । ଏହି ମଧ୍ୟବର୍ତ୍ତିକାଳୀନ ସହାୟତା 1 ବର୍ଷରୁ 4 ବର୍ଷ ମଧ୍ୟରେ ବିଭିନ୍ନ ମିଶନ ଆକାରରେ ଖର୍ଚ୍ଚ କରାଯିବ ।
https://pib.gov.in/PressReleseDetail.aspx?PRID=1612534
କୋଭିଡ-19 ମୁକାବିଲା ପାଇଁ ବର୍ତ୍ତମାନର ସ୍ଥିତି ଏବଂ ପଦକ୍ଷେପ ସମୀକ୍ଷା କଲା ମନ୍ତ୍ରୀଗୋଷ୍ଠୀ
କୋଭିଡ-19 ମୁକାବିଲା ଓ ପ୍ରତିହତ କରିବା ନିମନ୍ତେ ମନ୍ତ୍ରୀ ଗୋଷ୍ଠୀ ପକ୍ଷରୁ ଆଜି ବିସ୍ତୃତ ସମୀକ୍ଷା କରାଯାଇଛି। ମନ୍ତ୍ରୀ ଗୋଷ୍ଠୀ ବର୍ତ୍ତମାନସୁଦ୍ଧା ନିଆଯାଇଥିବା ପଦକ୍ଷେପ, ନିରାକରଣ ରଣନୀତି ସ୍ଵରୂପ ସାମାଜିକ ଦୂରତା ପଦକ୍ଷେପ ଏବଂ କୋଭିଡ-19 ସଂକ୍ରମଣକୁ ପ୍ରତିହତ କରିବା ଲାଗି କେନ୍ଦ୍ର ଓ ରାଜ୍ୟ ସରକାରଙ୍କ ପକ୍ଷରୁ ଗ୍ରହଣ କରାଯାଇଥିବା ପଦକ୍ଷେପର ସମୀକ୍ଷା କରିଥିଲେ।
https://pib.gov.in/PressReleseDetail.aspx?PRID=1612534
ଭାରତ-ଆମେରିକା ସମ୍ପର୍କ ପୂର୍ବାପେକ୍ଷା ଆହୁରି ସୁଦୃଢ଼ ହୋଇଛି : ପ୍ରଧାନମନ୍ତ୍ରୀ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଭାରତ-ଆମେରିକା ଭାଗିଦାରୀ ପୂର୍ବାପେକ୍ଷା ଆହୁରି ସୁଦୃଢ଼ ହୋଇଛି। କୋଭିଡ-19 ମୁକାବିଲା ଲାଗି ଆମେରିକାକୁ ହାଇଡ୍ରୋକ୍ଲୋରୋକୁଇନ ଔଷଧ ଯୋଗାଣ ନିମନ୍ତେ ଭାରତର ନିଷ୍ପତ୍ତି ଉପରେ କୃତଜ୍ଞତା ବ୍ୟକ୍ତ କରି ଆମେରିକା ରାଷ୍ଟ୍ରପତି ମହାମହିମ ଡୋନାଲ୍ଡ ଟ୍ରମ୍ପଙ୍କ ଟ୍ବିଟର ଜବାବରେ ଶ୍ରୀ ମୋଦୀ ଏହା କହିଛନ୍ତି।
https://pib.gov.in/PressReleseDetail.aspx?PRID=1612415
ରିଲିଫ କାର୍ଯ୍ୟ ନିମନ୍ତେ ଏଫସିଆଇ ଠାରୁ ସିଧାସଳଖ ଖାଦ୍ୟଶସ୍ୟ ଯୋଗାଣ ନିମନ୍ତେ ଏନଜିଓଗୁଡ଼ିକୁ ଅନୁମତି
ଦେଶବ୍ୟାପୀ ଲକଡାଉନ ଜାରି ହୋଇଥିବା ସମୟରେ ହଜାର ହଜାର ଗରିବ ଓ ଅସହାୟ ଲୋକମାନଙ୍କୁ ରନ୍ଧା ଖାଦ୍ୟ ଯୋଗାଣ ନିମନ୍ତେ ଏନଜିଓ ଏବଂ ଦାତବ୍ୟ ଅନୁଷ୍ଠାନଗୁଡ଼ିକ ଗୁରୁତ୍ଵପୂର୍ଣ୍ଣ ଭୂମିକା ନିର୍ବାହ କରୁଛନ୍ତି। ଏସବୁ ଅନୁଷ୍ଠାନଗୁଡ଼ିକୁ ବାଧାମୁକ୍ତ ଭାବେ ଖାଦ୍ୟଶସ୍ୟ ଯୋଗାଇ ଦେବା ଉଦ୍ଦେଶ୍ୟରେ ଆବଶ୍ୟକ ପଦକ୍ଷେପ ଗ୍ରହଣ କରିବା ନିମନ୍ତେ ସରକାର ନିର୍ଦ୍ଦେଶ ଦେଇଛନ୍ତି। ଏସବୁ ଅନୁଷ୍ଠାନଗୁଡ଼ିକ ଇ-ନିଲାମ ପ୍ରକ୍ରିୟାରେ ଅଂଶଗ୍ରହଣ ନକରି ଖୋଲା ବଜାର ଦରରେ ଏଫସିଆଇ ଠାରୁ ଗହମ ଓ ଚାଉଳ କିଣିପାରିବେ।
https://pib.gov.in/PressReleseDetail.aspx?PRID=1612361
ଦୂର ଭବିଷ୍ୟତ ବିଷୟରେ ଚିନ୍ତା କରିବା ଏବଂ କୋଭିଡ ପରବର୍ତ୍ତୀ ସମୟରେ ରହିଥିବା ସମ୍ଭାବନା ପାଇଁ ପ୍ରସ୍ତୁତ ରହିବା ଲାଗି ରପ୍ତାନିକାରୀମାନଙ୍କୁ ଶ୍ରୀ ପୀୟୂଷ ଗୋଏଲଙ୍କ ଆହ୍ଵାନ, ଆମେ ବିଶ୍ଵସ୍ତରର ଦାୟିତ୍ଵସମ୍ପନ୍ନ ନାଗରିକ
ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ଆଜି ଭିଡିଓ କନଫରେନ୍ସିଂ ଜରିଆରେ ଦେଶର ବିଭିନ୍ନ ରପ୍ତାନି ପ୍ରୋତ୍ସାହନ ପରିଷଦର ପ୍ରତିନିଧିମାନଙ୍କ ସହିତ ଆଲୋଚନା କରିଥିଲେ। କୋଭିଡ-19 ଏବଂ ଏହାପରେ ଲକଡାଉନ କାରଣରୁ ସେମାନେ ସେମାନେ ସମ୍ମୁଖୀନ ହେଉଥିବା ସମସ୍ୟା ଓ କ୍ଷେତ୍ରୀୟ ସମସ୍ୟା ବିଷୟରେ ସେ ଅବଗତ ହୋଇଥିଲେ।
https://pib.gov.in/PressReleseDetail.aspx?PRID=1612335
ଇ-ଭୋଟିଂ ସୁବିଧା ସହିତ ଭିସି କିମ୍ବା ଓଏଭିଏମ ଜରିଆରେ ଅଥବା ପଞ୍ଜିକୃତ ଇମେଲ ଜରିଆରେ ଇଜିଏମ ଆୟୋଜନ ନିମନ୍ତେ କମ୍ପାନୀଗୁଡ଼ିକୁ ଏସିଏର ଅନୁମତି
କମ୍ପାନୀ ଆଇନ 2013 ଅନ୍ତର୍ଗତ ଭିସି/ଓଏଭିଏମ ଏବଂ ଇ ଭୋଟିଂ ଜରିଆରେ ଇଜିଏମ ଆୟୋଜନ ଲାଗି ଇଭୋଟିଂ ସୁବିଧା ଯୋଗାଇ ଦେବା ନିମନ୍ତେ 1ହଜାରରୁ ଅଧିକ ଅଂଶୀଦାର ଥିବା ପଞ୍ଜିକୃତ କମ୍ପାନୀଗୁଡ଼ିକୁ ଅନୁମତି ଦେଲା କର୍ପୋରେଟ ବ୍ୟାପାର ମନ୍ତ୍ରଣାଳ। ଏ ସଂକ୍ରାନ୍ତରେ କମ୍ପାନୀ ପକ୍ଷରୁ ସାଧାରଣ ବିଜ୍ଞପତି 14/2020 ତା’ 08.04.2020 ଜାରି । ଅନ୍ୟ କମ୍ପାନୀଗୁଡ଼ିକ ପାଇଁ ପଞ୍ଜିକୃତ ଇମେଲ ଜରିଆରେ ଭୋଟିଂର ଅଧିକ ସହଜ ସୁବିଧା ଅନୁପାଳନ ନିମନ୍ତେ ଏମସିଏର ମଞ୍ଜୁରି।
https://pib.gov.in/PressReleseDetail.aspx?PRID=1612341
କୃଷକମାନଙ୍କୁ ସହାୟତା କରିବା ଲାଗି ପଦକ୍ଷେପ ଗ୍ରହର ନିମନ୍ତେ ଶ୍ରୀ ନରେନ୍ଦ୍ର ସିଂ ତୋମାରଙ୍କକ ଅଧ୍ୟକ୍ଷତାରେ ରାଜ୍ୟ କୃଷିମନ୍ତ୍ରୀମାନଙ୍କ ବୈଠକ
କୋଭିଡ-19 ମହାମାରୀ କାରଣରୁ ଦେଖାଦେଇଥିବା ଆହ୍ଵାନପୂର୍ଣ୍ଣ ସମୟରେ କୃଷି ସଂକ୍ରାନ୍ତ କାର୍ଯ୍ୟକଳାପ ଜାରି ରଖିବା ନିମନ୍ତେ ରାଜ୍ୟଗୁଡ଼ିକର ପ୍ରୟାସକୁ କେନ୍ଦ୍ର କୃଷି ମନ୍ତ୍ରୀ ପ୍ରଶଂସା କରିଥିଲେ। କୃଷି ସଂକ୍ରାନ୍ତ କାର୍ଯ୍ୟକଳାପ, ଫସଲ, କୃଷି ଉତ୍ପାଦ, ସାର ଏବଂ କୃଷି ଯନ୍ତ୍ରପାତିର ସହଜ ପରିବହନକୁ ସୁନିଶ୍ଚିତ କରିବା ନିମନ୍ତେ କ୍ଷେତ୍ରୀୟ ସଂସ୍ଥାଗୁଡ଼ିକୁ ନିର୍ଦ୍ଦଶେ ଦେବାକୁ ରାଜ୍ୟଗୁଡ଼ିକୁ ପରାମର୍ଶ।
https://pib.gov.in/PressReleseDetail.aspx?PRID=1612410
ବିଭିନ୍ନ ଶିଳ୍ପ ଓ ବାଣିଜ୍ୟ ମହାସଂଘ ସହ ଆଲୋଚନା କଲେ ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ; ସେମାନଙ୍କ ସମସ୍ୟା ସମାଧାନ ଲାଗି ମନ୍ତ୍ରଣାଳୟ କାର୍ଯ୍ୟ କରୁଥିବା ନେଇ ଦେଲେ ଆଶ୍ଵାସନା
ଶ୍ରୀ ପୀୟୂଷ ଗୋଏଲ ଆଜି ବିଭିନ୍ନ ଶିଳ୍ପ ଓ ବାଣିଜ୍ୟ ମହାସଂଘର ପ୍ରତିନିଧିମାନଙ୍କ ସହିତ ଆଲୋଚନା କରିଛନ୍ତି । ଏହି ଅବସରରେ ସେ କୋଭିଡ-19 ସଂକ୍ରମଣ ଏବଂ ଏହାପରେ ଲକଡାଉନ କାରଣରୁ ସେମାନେ ସମ୍ମୁଖୀନ ହେଉଥିବା ସମସ୍ୟା ଓ କ୍ଷେତ୍ରୀୟସ୍ତରର ସ୍ଥିତି ସମ୍ପର୍କରେ ସମୀକ୍ଷଶ କରିଥିଲେ। ସେ କହିଥିଲେ ଯେ ଲଜିଷ୍ଟିକ୍ସ ଏବଂ ଆମଦାନୀ-ରପ୍ତାନି ସଂକ୍ରାନ୍ତ ସମସ୍ୟାର ସମାଧାନ ଲାଗି ମନ୍ତ୍ରଣାଳୟ ପକ୍ଷରୁ ଉଦ୍ୟମ ଆରମ୍ଭ କରାଯାଉଛି ଏବଂ ଶିଳ୍ପ ଏବଂ ବାଣିଜ୍ୟ ଜଗତର ଚିନ୍ତା ଅନ୍ୟ ମନ୍ତ୍ରଣାଳୟ ସମ୍ମୁଖରେ ଉପସ୍ଥାପନ କରାଯାଇଛି।
https://pib.gov.in/PressReleseDetail.aspx?PRID=1612579
କୋଭିଡ-19ଳ ସଂକ୍ରାନ୍ତ ପ୍ରଶ୍ନର ସମାଧାନ ପାଇଁ ଆବାସ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ ପକ୍ଷଣୁ ସ୍ଵଚ୍ଛତା ଆପର ନୂଆ ସଂସ୍କରଣର ଉନ୍ମୋଚନ
ସ୍ଵଚ୍ଛ ଭାରତ ମିଶନ (ସହରାଞ୍ଚଳ) ଅଧୀନରେ ନାଗରିକମାନଙ୍କ ଅଭିଯୋଗର ସମାଧାନ ପାଇଁ ଆବାସ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟର ସ୍ଵଚ୍ଛତା ଆପ ବିଶେଷ ଲୋକପ୍ରିୟ ହୋଇପାରିଛି। ସାରା ଦେଶରେ ଏହାର 1.7 କୋଟିରୁ ଅଧିକ ସହରାଞ୍ଚଳ ଉପଯୋଗକାରୀ ରହିଛନ୍ତି। ଏହି ଆପକୁ ବର୍ତ୍ତମାନ ଅଧିକ ବିକଶିତ ଓ ସୁଦୃଢ଼ କରାଯାଇଛି। ଏଣିକି ସମ୍ପୃକ୍ତ ସହରାଞ୍ଚଳ ପ୍ରଶାସନିକ କ୍ଷେତ୍ରରେ ନାଗରିକମାନେ ଏଥିରେ କୋଭିଡ ସଂକ୍ରାନ୍ତ ଅଭିଯୋଗ କରିପାରିବେ।
https://pib.gov.in/PressReleseDetail.aspx?PRID=1612458
6 ଲକ୍ଷ ଲିଟର ପୁନଃବ୍ୟବହାରଯୋଗ୍ୟ ମାସ୍କ ଏବଂ 40 ହଜାର ଲିଟରରୁ ଅଧିକ ହ୍ୟାଣ୍ଡ ସାନିଟାଇଜର ଉତ୍ପାଦନ କଲା ଭାରତୀୟ ରେଳପଥ
ଭାରତୀୟ ରେଳପଥ କୋଭିଡ-19 ସଂକ୍ରମଣ ମୁକାବିଲା ଦିଗରେ ପଦକ୍ଷେପ ଜାରି ରଖି ଭାରତ ସରକାରଙ୍କ ସ୍ଵାସ୍ଥ୍ୟ ସେବା ପ୍ରୟାସରେ ସହଯୋଗ କରିବା ନିମନ୍ତେ ସବୁପ୍ରକାର ଯୋଗଦାନ ଦେଇଚାଲିଛି। ଏ ଦିଗରେ ନିଜର ସମସ୍ତ କ୍ଷେତ୍ରୀୟ ରେଳପଥ, ଉତ୍ପାଦନ ୟୁନିଟ ଏବଂ ରାଷ୍ଟ୍ରାୟତ୍ତ ଉଦ୍ୟୋଗ ଜରିଆରେ ନିଜସ୍ଵ ଉଦ୍ୟମରେ ଭାରତୀୟ ରେଳପଥ ପକ୍ଷରୁ ପୁନଃବ୍ୟହବାର ଯୋଗ୍ୟ ଫେସ ମାସ୍କ ଏବଂ ସାନିଟାଇଜର ଉତ୍ପାଦନ କରାଯାଉଛି।
ସାମାଜିକ ସେବା ପ୍ରତି ଥିବା ପ୍ରତିବଦ୍ଧତାକୁ ପୂରଣ କରି 28 ମାର୍ଚ୍ଚ ପରଠାରୁ ଭାରତୀୟ ରେଳପଥ ପକ୍ଷରୁ 8.5 ଲକ୍ଷ ଥାଳି ରନ୍ଧା ଖାଦ୍ୟ ବିତରଣ
କୋଭିଡ-19 ପରଠାରୁ ଅସହାୟ ଲୋକମାନଙ୍କୁ ଭାରତୀୟ ରେଳପଥ ପକ୍ଷରୁ ରନ୍ଧା ଖାଦ୍ୟ ବିତରଣ ଜାରି ରହିଛି। ସାମାଜିକ ସେବାର ପ୍ରତିବଦ୍ଧତାକୁ ପୂରଣ କରିବାକୁ ଯାଇ ରେଳପଥ ପକ୍ଷରୁ ଆଇଆରସିଟିସି ଆଧାରିତ ରୋଷେଇଶାଳ, ଆରପିଏଫ ସମ୍ବଳ ଏବଂ ସ୍ଵେଚ୍ଛାସେବୀ ଅନୁଷ୍ଠାନର ସହଯୋଗ ଜରିଆରେ କାଗଜ ପ୍ଲେଟରେ ମଧ୍ୟାହ୍ନ ଭୋଜନ ଏବଂ ରାତ୍ରିଭୋଜନ ପାଇଁ ଖାଦ୍ୟ ପ୍ୟାକେଟ ବିତରଣ କରାଯାଉଛି। ଗରିବ, ଅସହାୟ, ଭିକ୍ଷୁକ, ଶିଶୁ, କୁଲି, ପ୍ରବାସୀ ଶ୍ରମିକ, ଅଟକି ରହିଥିବା ଯାତ୍ରୀ ଏବଂ ଖାଦ୍ୟ ସନ୍ଧାନରେ ନିକଟସ୍ଥ ରେଳ ଷ୍ଟେସନକୁ ଆସୁଥିବା ଲୋକ ଏବଂ ରେଳ ଷ୍ଟେସନ ଠାରେ ଦୂରରେ ରହୁଥିବା ଲୋକମାନଙ୍କୁ ଯୋଗାଇ ଦିଆଯାଉଛି।
କୋଭିଡ-19 ମୁକାବିଲା ଲାଗି ମାନବ ସମ୍ବଳ ବିକାଶ ମନ୍ତ୍ରଣାଳୟର ଦୀକ୍ଷା ଆପ ଜରିଆରେ ‘ସମନ୍ବିତ ସରକାରୀ ଅନଲାଇନ ଟ୍ରେନିଂ (ଆଇଜିଓଟି) ପୋର୍ଟାଲ ନାମକ ଟ୍ରେନିଂ ମଡ୍ୟୁଲର ଶୁଭାରମ୍ଭ
ଚିକିତ୍ସକ, ନର୍ସ, ଏଏନ୍ଏମ, ରାଜ୍ୟ ସରକାରଙ୍କ ଅଧିକାରୀ, ଏନସିସି, ନେହେରୁ ଯୁବ କେନ୍ଦ୍ରର ସଦସ୍ୟ, ପୁଲିସ, ବେସାମରିକ ପ୍ରତିରକ୍ଷା ଅଧିକାରୀ, ଜାତୀୟ ସେବା ସଂସ୍ଥା, ରେଡକ୍ରସ, ସ୍କାଉଟ୍ସ ଓ ଗାଇଡ୍ସ ଏବଂ ବିଭିନ୍ନ ସ୍ୱେଚ୍ଛାସେବୀ ସଦସ୍ୟମାନଙ୍କୁ ପ୍ରଶିକ୍ଷଣ ଦେବା ଲାଗି ଆଇଜିଓଟିରେ ପାଠ୍ୟକ୍ରମ ସୁବିଧା ରହିଛି।
ନୂଆ ଆଇଜିଓଟି ଇ-ଲର୍ଣ୍ଣିଂ ପ୍ଲାଟଫର୍ମ ଜରିଆରେ କୋଭିଡ-19 ଅଗ୍ରଣୀ କର୍ମୀଙ୍କୁ ସଶକ୍ତ କରିବ ଡିଓପିଟ
କାର୍ମିକ ଓ ତାଲିମ ବିଭାଗ ପକ୍ଷରୁ କୋଭିଡ-19 ମୁକାବିଲା ଲାଗି ସମସ୍ତ ଅଗ୍ରଣୀ କର୍ମୀଙ୍କୁ ପ୍ରସ୍ତୁତ କରିବା ନିମନ୍ତେ ଏକ ଇ-ଲର୍ଣ୍ଣିଂ ପ୍ଲାଟଫର୍ମ (https://igot.gov.in) ବିକଶିତ କରାଯାଇଛି। ଏଥିରେ ସେମାନଙ୍କ ପାଇଁ ଟ୍ରେନିଂ ଓ ଅପଡେଟ ରହିଛି ଯାହା ମହାମାରୀ ମୁକାବିଲା କ୍ଷେତ୍ରରେ ସହାୟକ ହେବ। ଦ୍ବିତୀୟ ଶ୍ରେଣୀର କର୍ମଶକ୍ତିକୁ କୋଭିଡ-19 ମୁକାବିଲା ନିମନ୍ତେ ତାଲିମ ଦେବା ଫଳରେ ଭାରତ ଆହ୍ଵାନପୂର୍ଣ୍ଣ ପରିସ୍ଥିତିକୁ ଭଲ ଭାବେ ମୁକାବିଲା କରିବାରେ ସହାୟକ ହେବ।
https://pib.gov.in/PressReleseDetail.aspx?PRID=1612312
ସମସ୍ତ ଗୁରୁତ୍ଵପୂର୍ଣ୍ଣ କେନ୍ଦ୍ରକୁ ସଂଯୁକ୍ତ କରୁଥିବା 58ଟି ମାର୍ଗ ପାଇଁ 109ଟି ଟାଇମ ଟେବୁଲ ପାର୍ସଲ ଟ୍ରେନ ଚଳାଚଳ ଆରମ୍ଭ କଲା ଭାରତୀୟ ରେଳପଥ
ଦେଶର ବିଭିନ୍ନ ପ୍ରାନ୍ତରେ ଅତ୍ୟାବଶ୍ୟକ ସାମଗ୍ରୀ ଏବଂ ଅନ୍ୟାନ୍ୟ ବସ୍ତୁ ଯୋଗାଣ କରିବା ଉଦ୍ଦେଶ୍ୟରେ ଭାରତୀୟ ରେଳପଥ ପକ୍ଷରୁ ବାଧାମୁକ୍ତ ଟାଇମ ଟେବୁଲ ପାର୍ସଲ ଟ୍ରେନ ଚଳାଚଳ ଆରମ୍ଭ ହୋଇଛି। ଏହା ଦେଶରେ ଯୋଗାଣ ଶୃଙ୍ଖଳକୁ ବଜାୟ ରଖିବା ଦିଗରେ ବ୍ୟାପକ ଭାବେ ସହାୟକ ହୋଇପାରିବ। ସାଧାରଣ ନାଗରିକ, ଶିଳ୍ପ ଓ କୃଷି ପାଇଁ ଆବଶ୍ୟକ ସାମଗ୍ରୀ ଉପଲବ୍ଧ କରାଇବା ଦିଗରେ ଏହା ସହାୟକ ହୋଇପାରିବ।
https://pib.gov.in/PressReleseDetail.aspx?PRID=1612304
ଜନଜାତି ସଂଗ୍ରହକାରୀମାନେ ସେମାନଙ୍କ କାର୍ଯ୍ୟ ନିରାପଦ ଭାବେ ସମ୍ପାଦନ କରିବା ନିମନ୍ତେ ସ୍ଵୟଂ ସହାୟକ ଗୋଷ୍ଠୀଙ୍କ ପାଇଁ ୟୁନିସେଫ ସହଯୋଗରେ ଏକ ଡିଜିଟାଲ କ୍ୟାମ୍ପେନର ଶୁଭାରମ୍ଭ କଲା ଟ୍ରାଇଫେଡ
ଜନଜାତି ସଂଗ୍ରହକାରୀମାନେ ସେମାନଙ୍କ କାର୍ଯ୍ୟ ନିରାପଦ ଭାବେ ସମ୍ପାଦନ କରିବା ନିମନ୍ତେ ଏହି କାର୍ଯ୍ୟରେ ସମ୍ପୃକ୍ତ ରହୁଥିବା ସ୍ଵୟଂ ସହାୟକ ଗୋଷ୍ଠୀଙ୍କ ପାଇଁ ୟୁନିସେଫ ସହଯୋଗରେ ଟ୍ରାଇଫେଡ ପକ୍ଷରୁ ଏକ ଡିଜିଟାଲ କ୍ୟାମ୍ପେନର ଶୁଭାରମ୍ଭ କରାଯାଇଛି। ଏଥିରେ ସାମାଜିକ ଦୂରତା ଉପରେ ଗୁରୁତ୍ଵ ଦିଆଯାଇଛି।
https://pib.gov.in/PressReleseDetail.aspx?PRID=1612320
ପିଏଲଆଇ ଓ ଆରପିଏଲଆଇ ପ୍ରିମିୟମ ଦାଖଲ ଅବଧି 30 ଜୁନ 2020 ପର୍ଯ୍ୟନ୍ତ ବଢ଼ିଲା
ଡାକ ଜୀବନ ବୀମା ଏବଂ ଗ୍ରାମୀଣ ଡାକ ଜୀବନ ବୀମା ଉପଭୋକ୍ତାଙ୍କ ସୁବିଧା ନିମନ୍ତେ ଡାକ ବିଭାଗ ଅଧୀନ ଡାକ ଜୀବନ ବୀମା ମହାନିର୍ଦ୍ଦେଶାଳୟ ପକ୍ଷରୁ ମାର୍ଚ୍ଚ, ଏପ୍ରିଲ ଓ ମେ 2020 ପାଇଁ ସେମାନଙ୍କ ପ୍ରିମିୟମ ପଇଠ ଅବଧି 30 ଜୁନ 2020 ପର୍ଯ୍ୟନ୍ତ ବୃଦ୍ଧି କରାଯାଇଛି। ଏଥିପାଇଁ କୌଣସି ଜୋରିମାନା କିମ୍ବା ବିଳମ୍ବିତ ଶୁଳ୍କ ଲାଗୁ କରାଯିବ ନାହିଁ।
https://pib.gov.in/PressReleseDetail.aspx?PRID=1612592
ପ୍ରଧାନମନ୍ତ୍ରୀ ଏବଂ କୋରିଆ ରାଷ୍ଟ୍ରପତିଙ୍କ ମଧ୍ୟରେ ଟେଲିଫୋନ ଯୋଗେ ବାର୍ତ୍ତାଳାପ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏବଂ କୋରିଆ ରାଷ୍ଟ୍ରପତି ମହାମହିମ ମିଷ୍ଟର ମୁନ ଜେ-ଇନଙ୍କ ମଧ୍ୟରେ ଟେଲିଫୋନ ଯୋଗେ କଥାବାର୍ତ୍ତା ହୋଇଛନ୍ତି । ଉଭୟ ନେତା ସାରା ପୃଥିବୀରେ ତାଣ୍ଡବ ସୃଷ୍ଟି କରିଥିବା କୋଭିଡ-19 ମହାମାରୀରୁ ଉତ୍ପନ୍ନ ଆର୍ଥିକ ସ୍ଥିତି ଓ ଉଭୟ ଦେଶ ପକ୍ଷରୁ ଏହି ମହାମାରୀକୁ ରୋକିବା ନେଇ ନେଉଥିବା ପଦକ୍ଷେପ ସମ୍ପର୍କରେ ଆଲୋଚନା କରିଥିଲେ ।
ପ୍ରଧାନମନ୍ତ୍ରୀ ଓ ଉଗାଣ୍ଡା ରାଷ୍ଟ୍ରପତିଙ୍କ ମଧ୍ୟରେ ଟେଲିଫୋନ ଯୋଗେ କଥାବାର୍ତ୍ତା
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଉଗାଣ୍ଡା ରାଷ୍ଟ୍ରାପତି ମହାମହିମ ୟୋୱେରି କାଗୁଟା ମୁସେଭେନିଙ୍କ ସହିତ ଟେଲିଫୋନ ଯୋଗେ କଥାବାର୍ତ୍ତା କରିଛନ୍ତି। କୋଭିଡ-19 ମହାମାରୀ କାରଣରୁ ଦେଖାଦେଇଥିବା ସ୍ଵାସ୍ଥ୍ୟ ଓ ଅର୍ଥନୈତିକ ଆହ୍ଵାନର ମୁକାବିଲା ନିମନ୍ତେ ଦୁଇ ନେତା ଆଲୋଚନା କରିଥିଲେ। ଏହି ଅବସରରେ ମହାମହିମ ରାଷ୍ଟ୍ରପତି ମୁସେଭେନିଙ୍କୁ ଆଶ୍ଵାସନା ଦେଇ ପ୍ରଧାନମନ୍ତ୍ରୀ କହିଥିଲେ ଯେ ଏହି ସ୍ଵାସ୍ଥ୍ୟ ସଂକଟ ସମୟରେ ଭାରତ ଉଗାଣ୍ଡା ସରକାରଙ୍କ ସହିତ ରହିଛି ଏବଂ ତାଙ୍କ ଦେଶରେ ଭୂତାଣୁ ସଂକ୍ରମଣ ରୋକିବା ଲାଗି ସମସ୍ତ ପ୍ରକାର ସହାୟତା ଯୋଗାଇ ଦେବାକୁ ପ୍ରସ୍ତୁତ ଅଛି।
କୋଭିଡ-19 ମୁକାବିଲାର ମିଳିତ ପ୍ରୟାସରେ ଘରୋଇ ଏବଂ ସରକାରୀ ବିମାନ ଚଳାଚଳ କମ୍ପାନୀ ଓ ସହଯୋଗୀ ସଂସ୍ଥାଗୁଡ଼ିକର ଅବିରାମ ପ୍ରୟାସ
କୋଭିଡ-19 ଲକଡାଉନ ଅବଧି ସମୟରେ ଆଇସିଏମଆର, ଏଚଏଲଏଲ ଏବଂ ଅନ୍ୟ ଜରୁରି ମେଡ଼ିକାଲ ସରଞ୍ଜାମ ସାରା ଦେଶରେ ଯୋଗାଣ ହେଉଛି। ଏୟାର ଇଣ୍ଡିଆ, ଆଇଏଏଫ, ପୱନ ହଂସ, ଇଣ୍ଡିଗୋ ଏବଂ ବ୍ଲୁଡାର୍ଟ ଆଦି ଦେଶ ଭିତରେ ଚଳାଚଳ କରୁଥିବା ଘରୋଇ ଏବଂ ସରକାରୀ ବିମାନ ଚଳାଚଳ କମ୍ପାନୀଗୁଡ଼ିକ ଔଷଧ, ଆଇସିଏମଆର ମାଲ, ଏଚଏଲଏଲର ବିଭିନ୍ନ ସାମଗ୍ରୀ ତଥା ଜରୁରି ସାମଗ୍ରୀକୁ ୮ ଏପ୍ରିଲ 2020ରେ ଶ୍ରୀନଗର, କୋଲକାତା, ଚେନ୍ନାଇ, ବେଙ୍ଗାଲୁରୁ, ଭୁବନେଶ୍ଵର ଏବଂ ଦେଶର ଅନ୍ୟ ଅଞ୍ଚଳକୁ ପରିବହନ କରିଛନ୍ତି।
କୋଭିଡ- 19 ସ୍ମାର୍ଟ ସିଟିଗୁଡ଼ିକର ସର୍ବସାଧାରଣ ସ୍ଥାନ ବିଶୋଧନ
କୋଭିଡ-19କୁ ବିଶ୍ଵ ମହାମାରୀ ଘୋଷଣା ହେବା ପରଠାରୁ ଭାରତୀୟ ସହରଗୁଡ଼ିକର ବିଭିନ୍ନ ସ୍ଥାନ ବିଶେଷ କରି ସର୍ବସାଧାରଣ ସ୍ଥାନଗୁଡ଼ଇକୁ ନିୟମିତ ଭାବେ ବିଶୋଧନ କରାଯାଉଛି। ଭୂତାଣୁର ସ୍ଥାନୀୟ ସଂକ୍ରମଣ ଆଶଙ୍କା ଏଠାରେ ଅଧିକ ଥିବାରୁ ଏହି ପଦକ୍ଷେପ ନିଆଯାଉଛି। ମାର୍ଚ୍ଚ 25, 2020 ଦେଶବ୍ୟାପୀ ଲକଡାଉନ ଘୋଷଣା ହେବା ପରଠାରୁ ବସ/ରେଳ ଷ୍ଟେସନ, ରାସ୍ତାଘାଟ, ବଜାର, ହସ୍ପିଟାଲ ପରିସର, ବ୍ୟାଙ୍କ ଆଦି ସ୍ଥାନକୁ ବିଶୋଧନ କରିବା ଲାଗି ସହରାଞ୍ଚଳ ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଉଛି।
ଜେଇଇ (ମେନ) 2020 ପାଇଁ ଅନଲାଇନ ଆବେଦନ ଫର୍ମରେ ପରୀକ୍ଷା କେନ୍ଦ୍ର ସହର ଚୟନରେ ସଂଶୋଧନ ସୁବିଧାକୁ ବଢ଼ାଇଲା ନ୍ୟାସନାଲ ଟେଷ୍ଟିଂ ଏଜେନ୍ସି
କୋଭିଡ-19 ମହାମାରୀ କାରଣରୁ ବର୍ତ୍ତମାନ ଦେଶରେ ଦେଖାଦେଇଥିବା ପରିସ୍ଥିତି କାରଣରୁ ଜେଇଇ (ମେନ) 2020ର ପରୀକ୍ଷାର୍ଥୀମାନେ ସମସ୍ୟାର ସମ୍ମୁଖୀନ ହେଉଛନ୍ତି। ଏହାକୁ ଦୃଷ୍ଟିରେ ରଖି ମାନବ ସମ୍ବଳ ବିକାଶ ମନ୍ତ୍ରଣାଳୟ ପକ୍ଷରୁ ନେସନାଲ ଟେଷ୍ଟିଂ ଏଜେନ୍ସିକୁ ପରାମର୍ଶ ଦିଆଯାଇ କୁହାଯାଇଥିଲା ଯେ ସମସ୍ତ ଛାତ୍ରଛାତ୍ରୀଙ୍କୁ ସେମାନଙ୍କ ପରୀକ୍ଷା କେନ୍ଦ୍ର ସହର ଚୟନରେ ସଂଶୋଧନ ସୁବିଧା ଯୋଗାଇ ଦିଆଯାଉ। ତଦନୁଯାୟୀ, ଏନଟିଏ ପକ୍ଷରୁ ଆବେଦନପତ୍ରରେ ପରୀକ୍ଷା କେନ୍ଦ୍ର ସହର ଚୟନରେ ସଂଶୋଧନ ନିମନ୍ତେ ଛାତ୍ରଛାତ୍ରୀଙ୍କୁ ସୁବିଧା ଦିଆଯାଇଛି।
କୋଭିଡ-19 ଲକଡାଉନ ଅବଧିରେ ଡିଜିଟାଲ ଶିକ୍ଷାଦାନରେ ବୃଦ୍ଧି ପରିଲକ୍ଷିତ
ବିଭିନ୍ନ ବିଦ୍ୟାଳୟ ଏବଂ ଉଚ୍ଚ ଶିକ୍ଷା ଅନୁଷ୍ଠାନ ପକ୍ଷରୁ ଛାତ୍ରଛାତ୍ରୀଙ୍କ ପାଇଁ ବିଭିନ୍ନ ଅନଲାଇନ ପାଠ୍ୟକ୍ରମ ଆରମ୍ଭ କରାଯାଇଛି ଏବଂ ସେମାନେ ଛାତ୍ରଛାତ୍ରୀଙ୍କୁ ବିଭିନ୍ନ ଷ୍ଟଡି ମ୍ୟାଟେରିଆଲ ମଧ୍ୟ ଯୋଗାଇ ଦେଉଛନ୍ତି। ସ୍କାଇ ପେ, ଜୁମ, ଗୁଗଲ କ୍ଲାସରୁମ, ଗୁଗଲ ହ୍ୟାଙ୍ଗଆଉଟ, ପିଆଜ୍ଜା ଆଦି ପ୍ଲାଟଫର୍ମ ଜରିଆରେ ଅନଲାଇନ କ୍ଲାସ ଆରମ୍ଭ କରାଯାଇଛି। ଏହାଛଡ଼ା ଶିକମାନେ ୟୁଟ୍ୟୁବ, ହ୍ଵାଟ୍ସଆପ, ଜରିଆରେ ପାଠପଢ଼ାର ଭିଡି ଓ ଏବଂ କ୍ଲାସନୋଟ ଅପଲୋଡ କରୁଛନ୍ତି। ସେହିପରି ସ୍ଵୟମ, ଏନପିଟିଇଏଲ ଭଳି ଡିଜିଟାଲ ଲର୍ଣ୍ଣିଂ ସମ୍ବଳ ମାଧ୍ୟମରେ ଅନଲାଇନ ଜର୍ଣ୍ଣାଲ ମଧ୍ୟ ଯୋଗାଇ ଦିଆଯାଉଛି।
https://pib.gov.in/PressReleseDetail.aspx?PRID=1612546
କୋଭିଡ-19 ମହାମାରୀ ସମୟରେ ଇଏସଆଇସି ପକ୍ଷରୁ ବିଭିନ୍ନ ରିହାତି ପଦକ୍ଷେପ ଘୋଷଣା
କୋଭିଡ-19 ମହାମାରୀ କାରଣରୁ ଦେଶ ଏକ ଆହ୍ଵାନପୂର୍ଣ୍ଣ ସମୟ ଦେଇ ଗତି କରୁଛି। ସାମାଜିକ ଦୂରତା ରକ୍ଷା ନିମନ୍ତେ ଦେଶର ଅଧିକାଂଶ ଭାଗରେ ଲକଡାଉନ ଲାଗୁ ହୋଇଛି। ଏହି ସଂକଟର ମୁକାବିଲା ନିମନ୍ତେ କର୍ମଚାରୀ ରାଜ୍ୟ ବୀମା ନିଗମ (ଇଏସଆଇସି) ପକ୍ଷରୁ ଏହାର ଅଂଶୀଦାର ଏବଂ ସାଧାରଣ ସଦସ୍ୟମାନଙ୍କୁ ରିହାତି ଉଦ୍ଦେଶ୍ୟରେ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି।
https://pib.gov.in/PressReleseDetail.aspx?PRID=1612304
ସଂକ୍ରମିତ ଶ୍ଵାସକ୍ରିୟାର ନିରାପଦ ପରିଚାଳନା ନିମନ୍ତେ ପ୍ରଭାବୀ ଅବଶୋଷକ ଉପାଦାନ ପ୍ରସ୍ତୁତ କଲେ ଏସସିଟିଆଇଏମଏସଟିର ବୈଜ୍ଞାନିକ
‘ଚିତ୍ରା ଆକ୍ରିଲୋଜର୍ବ ସିକ୍ରେସନ ସଲିଡିଫିକେସନ ସିଷ୍ଟମ’ ନାମକ ଏହି ଉପାଦାନ ତରଳ ଶ୍ଵାସକ୍ରିୟା ଏବଂ ଅନ୍ୟ ଶାରୀରିକ ତରଳ ଉପାଦାନ ଜମାଟ ବାନ୍ଧିବା ଓ ସଂକ୍ରମିତ ହେବା କ୍ଷେତ୍ରରେ ଅଧିକ ପ୍ରଭାବୀ ଅବଶୋଷକ ଭାବେ କାମ କରିବ।
https://pib.gov.in/PressReleseDetail.aspx?PRID=1612412
Fact Check on #Covid19
(Release ID: 1612743)
Visitor Counter : 197
Read this release in:
English
,
Urdu
,
Hindi
,
Marathi
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam