লাইফলাইন উরান ফ্লাইৎশিংনা ২০২০গী এপ্রিল ৭তা লৈবাক পুম্বদা মেদিকেল সপ্লাই তন ৩৯.৩ ত্রান্সপোর্ত তৌখি। কোবিদ-১৯ লোকদাউন মনুংদা মসিগী ফ্লাইৎশিং অসিনা ত্রান্সপোর্ত তৌখিবা অপুনবা কার্গো অসি চাউরাক্না তন ২৪০নি। হৌজিক ফাওবদা লাইফলাইন উরানগী মখাদা ফ্লাইৎ ১৬১ ওপরেৎ তৌদুনা কিলোমীতর ১,৪১,০৮০গী অরাপ্পা কোবর তৌখ্রে। মসিগী মনুংদা ফ্লাইৎ ৯৯দি এয়র ইন্দিয়া অমসুং এলাইন্স এয়রনা ওপরেৎ তৌখি অদুগা ৫৪না আই.এ.এফ.না ওপরেৎ তৌখি। ইন্তর্নেস্নেল রুৎতা, ২০২০গী এপ্রিল ৭তা, এয়র ইন্দিয়ানা হোং কোংদগী মেদিকেল ইক্বিপমেন্ত তন ৬.১৪ পুরকখি অমদি মখা তানা এয়র ইন্দিয়ানা কোলোম্বোদা তন ৮.৮৫গী সপ্লাই পুখি।

লাইফলাইন উরান ফ্লাইৎশিংদা নুমিৎ খুদিংগী ওইবা অপদেতশিং খ্বাইদগী নৌবা ফোতোগ্রাফশিংগা লোয়ননা মেদিকেল এয়র কার্গোগা মরী লৈনবা অখন্নবা ৱেবসাইত লাইফলাইন উরানদা ফংলি। লিঙ্ক অসি https://esahaj.gov.in/lifeline_udan দা ফংলি। তোঙান-তোঙানবা এজেন্সীশিং অমসুং সরকারগী ওইবা সংস্থানশিংনা ফ্লাইৎশিং অমসুং কনসাইন্তমেন্তশিংগী অকুপ্পা মরোলশিং লেপ্পা লৈতনা অপলোদ তৌরি। য়ুজরশিংনা মায়োক্নরিবা মখল অমা হেক্তগী শিংনবশিংদা য়ুমফম ওইরগা পোর্তেল অসি দরকারগী মতুং ইন্না অপদেত অমসুং মোদিফাইদ তৌরি।

এয়র ইন্দিয়া অমসুং আই.এ.এফ.না মরুওইনা জম্মু অমসুং কাশ্মির, লদাখ, অৱাং-নোংপোক অমসুং অতোপ্পা ইথৎ লমদমশিংগীদমক কোলাবোরেৎ তৌরি।

দোমেস্তিক কার্গো ওপরেতরশিং: ব্লু দার্ত, স্পাইসজেৎ অমসুং ইন্দিগোনা কমর্সিয়েল বেসিসতা কার্গো ফ্লাইৎশিং ওপরেৎ তৌরি। স্পাইসজেৎনা ২০২০গী মার্চ ২৪দগী এপ্রিল ৭ ফাওবদা কোর্গো ফ্লাইৎ ২০৩ ওপরেৎ তৌদুনা কিলোমীতর ২,৭৭,০৮০ পায়খি অমদি কার্গো তন ১৬৪৭.৫৯ পুদুনা চৎখি। মসিগী মনুংদা ৫৫দি ইন্তর্নেস্নেল কার্গো ফ্লাইৎশিংনি। ব্লু দার্তনা ২০২০গী মার্চ ২৫দগী এপ্রিল ৭ ফাওবদা দোমেস্তিক কোর্গো ফ্লাইৎ ৬৪ ওপরেৎ তৌদুনা কিলোমীতর ৬২,২৪৫ পায়খি অমদি কার্গো তন ৯৫১.৭৩ পুদুনা চৎখি। ইন্দিগোসু ২০২০গী এপ্রিল ৩-৪দা কার্গো ফ্লাইৎ ৮ ওপরেৎ তৌদুনা কিলোমীতর ৬১০৩ পায়খি অমদি কার্গো তন ৩.১৪ পুদুনা চৎখি।   

স্পাইসজেৎনা পুখিবা দোমেস্তিক কার্গো (০৭.০৪.২০২০দা)

স্পাইসজেৎনা পুখিবা ইন্তর্নেস্নেল কার্গো (০৭.০৪.২০২০দা)

ব্লু দার্ত কার্গো অপলিফ(০৭.০৪.২০২০দা)