তঙাইফদবা পোৎলমশিংবু সপ্লাই সাইৎতগী দিমান্দ সাইৎতা য়ৌহনবা মতমদা করিগুম্বা অৱাৎপা অমত্তা লৈহন্দনবা অমসুং মসিগা লোইননা কোবিদ-১৯গী মায়োক্তা চৎথরিবা লাল অসিদা এবিয়েসন সেক্তরগী তোঙান তোঙানবা পাম্বৈশিং শিজিন্নবা ঙম্নবা সিবিল এবিয়েসন মন্ত্রালয়না ওনলাইন মীফমশিং অমসুং ভর্চুএল ৱারগী থোংদা মাংজৌননা থৌরাং পাইখৎলি।

এবিয়েসন মন্ত্রালয়না নুমিৎতুমগী থৌরাং য়াৎনবা অমসুং হৌখিবা নুমিৎতা তৌখিবা থবকশিংগী মতাংদা য়েংশিন্নবগীদমক নুমিৎ খুদিংগী নুমিদাং পুং ৮ তাবা মতমদা চিন্তন মীফম পাংথোকই। মসিদা নত্তনা নুমিৎ খুদিংগী নুংথিল পুং ৩ তাবা খুদিংগী, নুমিৎতুমগী য়াৎখিবা থৌরাং অদু থবক্তা ওন্থোকপগী মতাংদা য়েংশিনবগা লোইননা করিগুম্বা থাক অমা হেক্তদা শেম-শাদোকপগী মথৌ তাবরা হায়বদু য়েংশিন্নবগীদমক্তা মন্থন মীফম পাংথোকই। মীফম অসিদা রিসোর্সশিংগী মথৌ তাবা অমদি য়েন্থোকপগী মতাংদা মথংগী থৌরাংসু য়াৎথোকই।

সিবিল এবিয়েসন মন্ত্রালয়গী খোংথাং লাইফলাইন উরানগী মখাদা অরাপ্পা মনুং হঞ্জিনবা অমসুং চিংগী লমদম য়াওনা ভারতগী তোঙান তোঙানবা শরুকশিংদা মেদিকেল কার্গো পুনবগীদমক্তা লৈবাক শিনবা থুংবদা হৌজিক ফাওবদা কার্গো ১৫২ পাইখ্রে। এয়র ইন্দিয়া, এলাইন্স এয়র, আই.এ.এফ. অমসুং প্রাইবেৎ এয়রলাইনশিংগী মতেংদগী লোকদাউনগী মনুংদা হৌজিক ফাওবদা তন ২০০দগী হেনবা মেদিকেল সপ্লাই য়ৌহনখ্রে।

এপ্রিল ৬, ২০২০দা লাইফলাইন উরানশিংনা অৱাং নোংপোক্কী লমদম কয়ামরুমগা লোইননা ময়াই থংবা অমদি নোংপোক থংবা রাজ্যশিংদসু আই.সি.এম.আর.গী কিৎশিং, ঐচ.এল.এল.গী কন্সাইনমেন্তশিং অমসুং তঙাইফদবা কার্গো হোনখি। মদুগী ৱারোল মখাদা পীরিঃ

লাইফলাইন ১ (আই.এ.এফ.): দিল্লী-রাঞ্চী-পতনা-জোরহাৎ-লেংপুই-ইম্ফাল-দিমাপুর-গুৱাহাতীনা গুৱাহাতীগীদমক আই.সি.এম.আর.গী কিৎশিংগী কন্সাইনমেন্ত (৫০ কিলোগ্রাম), রেদ ক্রোস য়াওনা অসমগী কনসাইনমেন্ত (৮০০ কিলোগ্রাম), মেঘালয়গী কনসাইনমেন্ত (৬৭২ কিলোগ্রাম), মনিপুরগী লেমহৌবা কনসাইনমেন্ত, নাগালেন্দগী লেমহৌবা কন্সাইনমেন্ত, দিব্রুগরগীদমক্তা আই.সি.এম.আর.গী কিৎশিংগী কনসাইনমেন্ত, মিজোরমগী কন্সাইনমেন্ত (৩০০ কিলোগ্রাম), রাঞ্চীগী কন্সাইনমেন্ত (৫০০ কিলোগ্রাম) অমসুং পতনাগীদমক্তা আই.সি.এম.আর.গী কিৎশিংগী কন্সাইনমেন্ত (৫০ কিলোগ্রাম) পুখি।

লাইফলাইন ২ এলাইন্স এয়র (এ.তি.আর.): দিল্লী-বারানসী-রায়পুর-হাইদরাবাদ-দিল্লীনা বারানসীগীদমক আই.সি.এম.আর.গী কিৎশিংগী কন্সাইনমেন্ত (৫০ কিলোগ্রাম), রায়পুরগীদমক্তা আই.সি.এম.আর. কিৎ (৫০ কিলোগ্রাম), হাইদরাবাদকীদমক্তা আই.সি.এম.আর. কিৎ (৫০ কিলোগ্রাম), বিজয়ৱারাগীদমক্তা আই.সি.এম.আর. কিৎ (৫০ কিলোগ্রাম) অমসুং হাইদরাবাদকী কন্সাইনমেন্ত (১৬০০ কিলোগ্রাম) পুখি।

লাইফলাইন ৩ এয়র ইন্দিয়া (এ ৩২০): মুম্বাই-বেঙ্গলুরু-চেন্নৈ-মুম্বাইনা তেক্সতাইল মন্ত্রালয়গী কন্সাইনমেন্ত, বেঙ্গলুরুগীদমক্তা ঐচ.এল.এল.গী কন্সাইনমেন্ত অমসুং চেন্নৈগীদমক্তা ঐচ.এল.এল.গী কন্সাইনমেন্ত পুখি।

লাইফলাইন ৪ স্পাইসজেৎ এস.জি. (৭০৬১): দিল্লী-চেন্নৈনা চেন্নৈগীদমক্তা আই.সি.এম.আর.গী কন্সাইনমেন্ত পুখি।

লাইফলাইন ৫ এ.আই. চার্তর (এ.৩২০): দিল্লী-দেহরাদুন্না দেহরাদুনগীদমক্তা আই.সি.এম.আর.গী কন্সাইনমেন্ত পুখি।

তাংগী মতুং ইন্না ৱারোল মখাদা পীরিঃ

* এয়র ইন্দিয়া অমসুং আই.এ.এফ.না লদ্দাখ, কারগিল, দিমাপুর, ইম্ফাল, গুৱাহাতী, চেন্নৈ, অহমদাবাদ, পতনা, জোরহাৎ, লেংপুই, মৈসুরু, হাইদরাবাদ, রাঞ্চী, জম্মু, শ্রীনগর, চন্দীগর অমসুং পোর্ত ব্লেয়রগীদমক্তা মতেং পাংখি।

• গুৱাহাতী, দিব্রুগর, অগরতলা, আইজোল, দিমাপুর, ইম্ফাল, জোরহাৎ, লেংপুই, মৈসুরু, কোয়ম্বতুর, ত্রিবেন্দ্রম, ভুবনেশ্বর, রায়পুর, রাঞ্চী, শ্রীনগর, পোর্ত ব্লেয়র, পতনা, কোচীন, বিজয়ৱারা, অহমদাবাদ, জম্মু, কারগিল, লদ্দাখ, চন্দীগর অমসুং গোৱাদা নোংথক্কী লম্বীদা পোৎ-চৈ পুখি।

ইন্তর্নেস্নেল

• শংহাই অমসুং দিল্লীগী মরক্তা নোংথক্কী থোং অমা শেমখি। এয়র ইন্দিয়াগী অহানবা কার্গো ফ্লাইৎ এপ্রিল ৮, ২০২০দা পাইখি অমসুং মদুনা মেদিকেল ইকুইপমেন্ত তন ২১ পুখি। অতোপ্পা অপীকপা অমনা হোংকোংগীদমক্তা পাইরি। এয়র ইন্দিয়ানা মথৌ তাবা মতুং ইন্না তঙাইফদবা মেদিকেল ইকুইপমেন্তশিংবু নোংথক্কী লম্বীদা পুননবগীদমক চাইনাগীদমক্তা অখন্নবা সেদ্যুল কার্গো ফ্লাইৎশিং পাইহনগনি।

লনাইগী ওপরেতরশিং

দোমেস্তিক কার্গো ওপরেতর, ব্ল্যু দার্ত, স্পাইসজেৎ অমসুং ইন্দিগো অসি কমর্সিয়েল বেসিস্তা কার্গো ফ্লাইৎশিং পুরি। স্পাইজেৎনা মার্চ ২৪দগী এপ্রিল ২৬, ২০২০ ফাওবা কার্গো ফ্লাইৎ ১৮৯ পাইখি অমসুং কিলোমীতর ২,৫৮,২১০গী অরাপ্পা চৎখি অমসুং কার্গো তন ১৫৩০.১৩ পুখি। মদুগী মনুংদা তশেংনা ফ্লাইৎ ৫৩ ইন্তর্নেস্নেল কার্গো ফ্লাইৎশিংনি। ব্ল্যু দার্তনা মার্চ ২৫দগী এপ্রিল ৬, ২০২০ ফাওবদা কিলোমীতর ৫৫১১৪গী অরাপ্পা চৎতুনা দোমেস্তিক কার্গো ফ্লাইৎ ৫৮ পাইখি অমসুং কার্গো তন ৮৬২.২ পুখি। মতৌ অসুম্না ইন্দিগোনা এপ্রিল ৩-৪, ২০২০দা কার্গো ফ্লাইৎ ৮ পাইখি, মতম অদুদা কিলোমীতর ৬১০৩গী অরাপ্পা চৎখি অমসুং কার্গো তন ৩.১৪ পুখি।