ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ ਔਨਲਾਈਨ ਮੀਟਿੰਗਾਂ ਤੇ ਹਕੀਕੀ (ਵਰਚੁਅਲ) ਵਾਰ–ਰੂਮ ਰਾਹੀਂ ਅਗਾਂਹਵਧੂ ਯੋਜਨਾਬੰਦੀ ਕਰ ਰਿਹਾ ਹੈ, ਤਾਂ ਜੋ ਮੰਗ ਦੇ ਹਿਸਾਬ ਨਾਲ ਸਪਲਾਈ ਕਰਨ ਵਿੱਚ ਕੋਈ ਕਸਰ ਬਾਕੀ ਨਾ ਰਹਿ ਸਕੇ ਅਤੇ ਹਵਾਬਾਜ਼ੀ ਖੇਤਰ ਦੇ ਵਿਭਿੰਨ ਸੰਸਾਧਨਾਂ ਦਾ ਵਧੀਆ ਢੰਗ ਨਾਲ ਉਪਯੋਗ ਹੋ ਸਕੇ।

ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ ਰੋਜ਼ਾਨਾ ਸਵੇਰੇ 8 ਵਜੇ ‘ਚਿੰਤਨ’ ਮੀਟਿੰਗ ਕਰਦਾ ਹੈ, ਜਿੱਥੇ ਉਸ ਦਿਨ ਦੀ ਤੇ ਪਿਛਲੇ ਦਿਨ ਦੀ ਯੋਜਨਾਬੰਦੀ ਦੀ ਪ੍ਰਗਤੀ ਬਾਰੇ ਸਮੀਖਿਆ ਕੀਤੀ ਜਾਂਦਾ ਹੈ। ਫਿਰ ਰੋਜ਼ਾਨਾ ਸ਼ਾਮੀਂ 3 ਵਜੇ ‘ਮੰਥਨ’ ਮੀਟਿੰਗ ਕੀਤੀ ਜਾਂਦੀ ਹੈ, ਜਿਸ ਵਿੱਚ ਉਸ ਦਿਨ ਦੀ ਯੋਜਨਾਬੰਦੀ ਦੀ ਪਾਲਣਾ ਦੀ ਸਮੀਖਿਆ ਹੁੰਦੀ ਹੈ ਤੇ ਇਹ ਚੈੱਕ ਕੀਤਾ ਜਾਂਦਾ ਹੈ ਕਿ ਕੀ ਕਿਤੇ ਕਿਸੇ ਪੜਾਅ ’ਤੇ ਕੋਈ ਸੋਧ ਕਰਨ ਦੀ ਜ਼ਰੂਰਤ ਤਾਂ ਨਹੀਂ। ਇਸ ਮੀਟਿੰਗ ’ਚ, ਅਗਲੇਰੀ ਯੋਜਨਾਬੰਦੀ ਵੀ ਕੀਤੀ ਜਾਂਦੀ ਹੈ, ਜਿਸ ਵਿੱਚ ਵਸੀਲਿਆਂ ਦੀ ਜ਼ਰੂਰਤ ਤੇ ਵੰਡ ਦਾ ਮੁੱਲਾਂਕਣ ਕੀਤਾ ਜਾਂਦਾ ਹੈ।

ਸ਼ਹਿਰੀ ਹਵਾਬਾਜ਼ੀ ਦੀ ਲਾਈਫ਼ਲਾਈਨ ਉਡਾਨ ਪਹਿਲਕਦਮੀ ਤਹਿਤ 152 ਮਾਲ–ਵਾਹਕ ਉਡਾਨਾਂ ਲਗਾਤਾਰ ਦੂਰ–ਦੁਰਾਡੇ ਦੇ ਤੇ ਪਹਾੜੀ ਖੇਤਰਾਂ ਸਮੇਤ ਸਮੁੱਚੇ ਦੇਸ਼ ਦੇ ਵੱਖੋ–ਵੱਖਰੇ ਇਲਾਕਿਆਂ ਤੱਕ ਮੈਡੀਕਲ ਸਮਾਨ ਪਹੁੰਚਾ ਰਹੀਆਂ ਹਨ। ਲੌਕਡਾਊਨ ਦੇ ਸਮੇਂ ਦੌਰਾਨ ਅੱਜ ਤੱਕ ਏਅਰ ਇੰਡੀਆ, ਅਲਾਇੰਸ ਏਅਰ, ਭਾਰਤੀ ਵਾਯੂ ਸੈਨਾ ਤੇ ਪ੍ਰਾਈਵੇਟ ਏਅਰਲਾਈਨਾਂ ਦੀ ਮਦਦ ਨਾਲ 200 ਟਨ ਤੋਂ ਵੱਧ ਦੀਆਂ ਮੈਡੀਕਲ ਸਪਲਾਈਜ਼ ਡਿਲਿਵਰ ਕੀਤੀਆਂ ਜਾ ਚੁੱਕੀਆਂ ਹਨ।

6 ਅਪ੍ਰੈਲ, 2020 ਨੂੰ ਲਾਈਫ਼ਲਾਈਨ ਉਡਾਨ ਫ਼ਲਾਈਟਾਂ ਨੇ ਉੱਤਰ–ਪੂਰਬੀ ਇਲਾਕਿਆਂ ਦੇ ਨਾਲ–ਨਾਲ ਕੇਂਦਰੀ ਤੇ ਪੂਰਬੀ ਰਾਜਾਂ ਤੱਕ ਤੱਕ ਆਈਸੀਐੱਮਆਰ ਕਿਟਸ, ਐੱਚਐੱਲਐੱਲ ਖੇਪਾਂ ਤੇ ਹੋਰ ਜ਼ਰੂਰੀ ਮਾਲ ਪਹੁੰਚਾਇਆ। ਵੇਰਵੇ ਨਿਮਨਲਿਖਤ ਅਨੁਸਾਰ ਹਨ:

ਲਾਈਫ਼ ਲਾਈਨ 1 (ਭਾਰਤੀ ਵਾਯੂ ਸੈਨਾ): ਦਿੱਲੀ – ਰਾਂਚੀ – ਪਟਨਾ – ਜੋਰਹਾਟ – ਲੇਂਗਪੁਈ – ਇੰਫ਼ਾਲ – ਦੀਮਾਪੁਰ – ਗੁਵਾਹਾਟੀ ਤੱਕ ਆਈਸੀਐੱਮਆਰ ਕਿਟਸ ਦੀ ਖੇਪ ਪਹੁੰਚਾਈ ਗਈ; ਗੁਵਾਹਾਟੀ ਲਈ (50 ਕਿਲੋਗ੍ਰਾਮ), ਅਸਾਮ ਦੀ ਖੇਪ ਵਿੱਚ ਸ਼ਾਮਲ ਸੀ ਰੈੱਡ ਕ੍ਰੌਸ (800 ਕਿਲੋਗ੍ਰਾਮ), ਮੇਘਾਲਿਆ ਦੀ ਖੇਪ (672 ਕਿਲੋਗ੍ਰਾਮ), ਮਣੀਪੁਰ ਦੀ ਬਕਾਇਆ ਖੇਪ, ਨਾਗਾਲੈਂਡ ਦੀ ਬਕਾਇਆ ਖੇਪ, ਡਿਬਰੂਗੜ੍ਹ ਦੀ ਆਈਸੀਐੱਮਆਰ ਖੇਪ, ਮਿਜ਼ੋਰਮ ਦੀ ਖੇਪ (300 ਕਿਲੋਗ੍ਰਾਮ), ਰਾਂਚੀ ਦੀ ਖੇਪ (500 ਕਿਲੋਗ੍ਰਾਮ) ਅਤੇ ਪਟਨਾ ਲਈ ਆਈਸੀਐੱਮਆਰ ਕਿਟਸ (50 ਕਿਲੋਗ੍ਰਾਮ)

ਲਾਈਫ਼ ਲਾਈਨ 2 ਅਲਾਇੰਸ ਏਅਰ (ਏਟੀਆਰ): ਦਿੱਲੀ – ਵਾਰਾਣਸੀ – ਰਾਏਪੁਰ – ਹੈਦਰਾਬਾਦ – ਦਿੱਲੀ ਰਾਹੀਂ ਆਈਸੀਐੱਮਆਰ ਦੀ ਖੇਪ ਗਈ; ਵਾਰਾਣਸੀ ਲਈ (50 ਕਿਲੋਗ੍ਰਾਮ), ਰਾਏਪੁਰ ਲਈ ਆਈਸੀਐੱਮਆਰ ਕਿਟਸ (50 ਕਿਲੋਗ੍ਰਾਮ), ਹੈਦਰਾਬਾਦ ਲਈ ਆਈਸੀਐੱਮਆਰ ਕਿਟਸ (50 ਕਿਲੋਗ੍ਰਾਮ), ਵਿਜੈਵਾੜਾ ਲਈ ਆਈਸੀਐੱਮਆਰ ਕਿਟਸ (50 ਕਿਲੋਗ੍ਰਾਮ) ਅਤੇ ਹੈਦਰਾਬਾਦ ਦੀ ਖੇਪ (1600 ਕਿਲੋਗ੍ਰਾਮ)

ਲਾਈਫ਼ ਲਾਈਨ 3 ਏਅਰ ਇੰਡੀਆ (ਏ 320): ਮੁੰਬਈ – ਬੰਗਲੌਰ – ਚੇਨਈ – ਮੁੰਬਈ ਰਾਹੀਂ ਕੱਪੜਾ ਮੰਤਰਾਲੇ, ਦੀਆਂ ਖੇਪਾਂ ਭੇਜੀਆਂ ਗਈਆਂ, ਬੰਗਲੌਰ ਲਈ ਐੱਚਐੱਲਐੱਲ ਖੇਪ, ਚੇਨਈ ਲਈ ਐੱਚਐੱਲਐੱਲ ਖੇਪ

ਲਾਈਫ਼ ਲਾਈਨ 4 ਸਪਾਈਸ ਜੈੱਟ ਐੱਸਜੀ (7061): ਦਿੱਲੀ – ਚੇਨਈ – ਮੁੰਬਈ ਰਾਹੀਂ ਕੱਪੜਾ ਮੰਤਰਾਲੇ ਦੀਆਂ ਖੇਪਾਂ ਭੇਜੀਆਂ ਗਈਆਂ, ਬੰਗਲੌਰ ਲਈ ਐੱਚਐੱਲਐੱਲ ਖੇਪ, ਚੇਨਈ ਲਈ ਐੱਚਐੱਲਐੱਲ ਖੇਪ

ਲਾਈਫ਼ ਲਾਈਨ 5 ਏਅਰ ਇੰਡੀਆ ਚਾਰਟਰ (ਏ 320): ਦਿੱਲੀ – ਦੇਹਰਾਦੂਨ ਰਾਹੀਂ ਦੇਹਰਾਦੂਨ ਵਾਸਤੇ ਆਈਸੀਐੱਮਆਰ ਖੇਪ ਭੇਜੀ ਗਈ

ਮਿਤੀ–ਕ੍ਰਮ ਵੇਰਵੇ ਇਸ ਪ੍ਰਕਾਰ ਹਨ:

* ਏਅਰ ਇੰਡੀਆ ਅਤੇ ਭਾਰਤੀ ਵਾਯੂ ਸੈਨਾ ਨੇ ਲਦਾਖ, ਕਰਗਿਲ, ਦੀਮਾਪੁਰ, ਇੰਫ਼ਾਲ, ਗੁਵਾਹਾਟੀ, ਚੇਨਈ, ਅਹਿਮਦਾਬਾਦ, ਪਟਨਾ, ਜੋਰਹਾਟ, ਲੇਂਗਪੁਈ, ਮੈਸੁਰੂ, ਹੈਦਰਾਬਾਦ, ਰਾਂਚੀ, ਜੰਮੂ, ਸ੍ਰੀਨਗਰ, ਚੰਡੀਗੜ੍ਹ ਤੇ ਪੋਰਟ ਬਲੇਅਰ ਲਈ ਤਾਲਮੇਲ ਕੀਤਾ।

•          ਹੱਬਾਂ (ਧੁਰਿਆਂ) ਵੱਲੋਂ ਇਨ੍ਹਾਂ ਸਪੋਕਸ (ਕੇਂਦਰਾਂ) ਨੂੰ ਸਾਮਾਨ ਭੇਜਿਆ ਜਾ ਰਿਹਾ ਹੈ –  ਗੁਵਾਹਾਟੀ, ਡਿਬਰੂਗੜ੍ਹ, ਅਗਰਤਲਾ, ਆਈਜ਼ੌਲ, ਦੀਮਾਪੁਰ, ਇੰਫ਼ਾਲ, ਜੋਰਹਾਟ, ਲੇਂਗਪੁਈ, ਮੈਸੁਰੂ, ਕੋਇੰਬਟੂਰ, ਤ੍ਰਿਵੇਂਦਰਮ, ਭੁਬਨੇਸ਼ਵਰ, ਰਾਏਪੁਰ, ਰਾਂਚੀ, ਸ੍ਰੀ ਨਗਰ, ਪੋਰਟ ਬਲੇਅਰ, ਪਟਨਾ, ਕੋਚੀਨ, ਵਿਜੈਵਾੜਾ, ਅਹਿਮਦਾਬਾਦ, ਜੰਮੂ, ਕਰਗਿਲ, ਲਦਾਖ, ਚੰਡੀਗੜ੍ਹ ਤੇ ਗੋਆ।

ਅੰਤਰਰਾਸ਼ਟਰੀ

•          ਸ਼ੰਘਾਈ ਤੇ ਦਿੱਲੀ ਵਿਚਾਲੇ ਇੱਕ ਹਵਾਈ ਪੁਲ਼ ਸਥਾਪਤ ਕੀਤਾ ਗਿਆ। ਏਅਰ ਇੰਡੀਆ ਦੀ ਪਹਿਲੀ ਮਾਲ–ਵਾਹਕ ਉਡਾਨ 4 ਅਪ੍ਰੈਲ, 2020 ਨੂੰ ਗਈ ਤੇ ਉਸ ਰਾਹੀਂ 21 ਟਨ ਮੈਡੀਕਲ ਉਪਕਰਨ ਭੇਜੇ ਗਏ। ਹੋਰ ਮਾਲ ਹਾਂਗ ਕਾਂਗ ਭੇਜਿਆ ਜਾ ਰਿਹਾ ਹੈ। ਏਅਰ ਇੰਡੀਆ ਵੱਲੋਂ ਜ਼ਰੂਰਤ ਮੁਤਾਬਕ ਅਹਿਮ ਮੈਡੀਕਲ ਉਪਕਰਨਾਂ ਨੂੰ ਲਿਆਉਣ ਲਈ ਸਮਰਪਿਤ ਅਨੁਸੂਚਿਤ ਮਾਲ–ਵਾਹਕ ਉਡਾਨਾਂ ਚੀਨ ਭੇਜੀਆਂ ਜਾਣਗੀਆਂ।

ਪ੍ਰਾਈਵੇਟ ਅਪਰੇਟਰ

•          ਘਰੇਲੂ ਮਾਲ–ਵਾਹਕ ਅਪਰੇਟਰ; ਬਲੂ ਡਾਰਟ, ਸਪਾਈਸਜੈੱਟ ਤੇ ਇੰਡੀਗੋ ਕਮਰਸ਼ੀਅਲ  ਅਧਾਰ ’ਤੇ ਮਾਲ–ਵਾਹਕ ਉਡਾਨਾਂ ਚਲਾ ਰਹੇ ਹਨ। ਸਪਾਈਸਜੈੱਟ ਨੇ 24 ਮਾਰਚ – 6 ਅਪ੍ਰੈਲ 2020 ਤੱਕ 189 ਮਾਲ–ਵਾਹਕ ਉਡਾਨਾਂ ਆੱਪਰੇਟ ਕਰਦਿਆਂ 2,58,210 ਕਿਲੋਮੀਟਰ ਦੀ ਦੂਰੀ ਤਹਿ ਕੀਤੀ ਤੇ 1530.13 ਟਨ ਮਾਲ ਦੀ ਆਵਾਜਾਈ ਕੀਤੀ। ਇਨ੍ਹਾਂ 53 ਅੰਤਰਰਾਸ਼ਟਰੀ ਮਾਲ–ਵਾਹਕ ਉਡਾਨਾਂ ’ਚੋਂ ਬਲੂ ਡਾਰਟ ਨੇ 25 ਮਾਰਚ – 6 ਅਪ੍ਰੈਲ 2020 ਤੱਕ 58 ਘਰੇਲੂ ਮਾਲ–ਵਾਹਕ ਉਡਾਨਾਂ ਆੱਪਰੇਟ ਕਰਦਿਆਂ 5,51,14 ਕਿਲੋਮੀਟਰ ਦੀ ਦੂਰੀ ਤਹਿ ਕੀਤੀ ਅਤੇ 862.2 ਟਨ ਮਾਲ ਦੀ ਆਵਾਜਾਈ ਕੀਤੀ। ਇੰਡੀਗੋ ਨੇ ਵੀ 3 – 4 ਅਪ੍ਰੈਲ 2020 ਨੂੰ 8 ਮਾਲ–ਵਾਹਕ ਉਡਾਨਾਂ ਚਲਾਉਂਦਿਆਂ, 6,103 ਕਿਲੋਮੀਟਰ ਦੀ ਦੂਰੀ ਤਹਿ ਕੀਤੀ ਅਤੇ 3.14 ਟਨ ਮਾਲ ਦੀ ਢੁਆਈ ਕੀਤੀ।

*****

ਆਰਜੇ/ਐੱਨਜੀ