କରୋନା ଭୂତାଣୁ ସଂକ୍ରମଣକୁ ରୋକିବା ସକାଶେ ଦେଶରେ ଜାରି ହୋଇଥିବା ଲକଡାଉନ ସମୟରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଅତି ଉନ୍ନତ ଯୋଜନା ପ୍ରସ୍ତୁତ କରାଯିବା ସହ ନିୟମିତ ଭାବେ ବୈଠକ ଅନୁଷ୍ଠିତ ହେଉଛି । ମନ୍ତ୍ରଣାଳୟରେ ଖୋଲାଯାଇଥିବା ଭଚୁଆଲ୍‌ ୱାର୍‌ ରୁମ ମାଧ୍ୟମରେ ଦେଶର ବିଭିନ୍ନ ଭାଗରେ କରୋନା ସଂକ୍ରମଣଙ୍କ ଚିକିତ୍ସା ସକାଶେ ଆବଶ୍ୟକ ବିଭିନ୍ନ ଚିକିତ୍ସା ସାମଗ୍ରୀ ଓ ଔଷଧପତ୍ର ଯୋଗାଇ ଦିଆଯାଉଛି । ଏବେସୁଦ୍ଧା ଲାଇଫଲାଇନ୍‌ ଉଡ଼ାନ ମାଧ୍ୟମରେ ଦେଶର ବିଭିନ୍ନ ଭାଗକୁ 152 ଥର ପରିବହନ ବିମାନ ମାଧ୍ୟମରେ 200 ଟନରୁ ଅଧିକ ଚିକିତ୍ସା ସାମଗ୍ରୀ ଓ ଔଷଧପତ୍ର ଯୋଗାଣ ସରିଛି । ଲାଇଫଲାଇନ୍‌ ଉଡ଼ାନ ମାଧ୍ୟମରେ ଉତ୍ତର ପୂର୍ବାଞ୍ଚଳର ଜୋରହାଟ, ଲେଙ୍ଗପୁଇ, ଦୀମାପୁର, ଇମ୍ଫାଲ ଓ ଅନ୍ୟାନ୍ୟ ସ୍ଥାନକୁ ଚିକିତ୍ସା ସାମଗ୍ରୀ ପ୍ରେରଣ କରାଯାଇଛି । ଏହା ଦ୍ୱାରା କୋଭିଡ଼-19 ଆକ୍ରାନ୍ତ ରୋଗୀଙ୍କ ଚିକିତ୍ସା ସହଜସାଧ୍ୟ ହୋଇପାରିଛି ।

ପ୍ରତିଦିନ ବେସାମରିକ ବିମାନ ଚଳାଚଳ ମନ୍ତୟଣାଳୟ ପକ୍ଷରୁ ସକାଳ 8ଟା ବେଳେ ସମୀକ୍ଷା ଯୋଜନା ବୈଠକ ‘ଚିନ୍ତନ’ ଅନୁଷ୍ଠିତ ହେଉଛି । ଗତ ଦିନର କାର୍ଯ୍ୟ ପ୍ରଗତି ସଂପର୍କରେ ଏହି ବୈଠକରେ ସମୀକ୍ଷା କରାଯାଉଛି । ସେହିଭଳି ଦୈନିକ ୩ଟାବେଳେ ‘ମନ୍ଥନ’ ବୈଠକ ଅନୁଷ୍ଠିତ ହେଉଛି ଯେଉଁଥିରେ ସେହି ଦିନ ସଂପାଦନ କରାଯିବାକୁ ଥିବା ଯୋଜନା ପ୍ରସ୍ତୁତ କରାଯାଉଛି ଏବଂ ସେଥିରେ କୌଣସି ପର୍ଯ୍ୟାୟରେ ଯଦି କିଛି ପରିବର୍ତ୍ତନ ଆବଶ୍ୟକ ଥାଏ ତାହା ତର୍ଜମା କରାଯାଉଛି । ଏହି ବୈଠକରେ ଆଗାମୀ ଯୋଜନା ସଂପର୍କରେ ମଧ୍ୟ ଆଲୋଚନା କରାଯାଇଥାଏ ତଥା ଦେଶର ବିଭିନ୍ନ ଭାଗରେ କିପରି ଚିକିତ୍ସା ସାମଗ୍ରୀ ଓ ଔଷଧ ପହଞ୍ଚାଯାଇପାରିବ ତାହାର ସୁଚିନ୍ତିତ ଯୋଜନା ପ୍ରସ୍ତୁତ ହୋଇଥାଏ ।

ଏପର୍ଯ୍ୟନ୍ତ ଲାଇଫଲାଇନ ଉଡ଼ାନ ମାଧ୍ୟମରେ କାର୍ଗୋ ବିମାନରେ 152 ଥର ଏଭଳି ସାମଗ୍ରୀକୁ ଦେଶର ବିଭିନ୍ନ ଭାଗରେ ପହଞ୍ଚାଯାଇସାରିଛି । ସେଥି ମଧ୍ୟରେ ଦୁର୍ଗମ ପାର୍ବତ୍ୟାଞ୍ଚଳ ରହିଛି । ଏୟାର ଇଣ୍ଡିଆ, ଆଲିଆନ୍ସ ଏୟାରର ସହାୟତାରେ ଭାରତୀୟ ବାୟୁସେନା ତଥା ଘରୋଇ ଏୟାରଲାଇନମାନେ 200 ଟନରୁ ଅଧିକ ଓଜନର ଏଭଳି ଚିକିତ୍ସା ସାମଗ୍ରୀ ପରିବହନ କରିଛନ୍ତି ଏବଂ ଲକଡାଉନ ସମୟରେ ତାହା ନିର୍ଦ୍ଧାରିତ ସ୍ଥାନରେ ପହଞ୍ଚାଇଛନ୍ତି ।

ଅପ୍ରେଲ 6, 2020 ଦିନ ଲାଇଫଲାଇନ୍‌ ଉଡ଼ାନ ଆଇସିଏମଆର କିଟ୍‌, ଏଚଏଲଏଲ ଉପକରଣ ଓ ଅନ୍ୟାନ୍ୟ ଜରୁରୀ ସାମଗ୍ରୀ ଧରି ଉତ୍ତର ପୂର୍ବାଞ୍ଚଳର ଅନେକ ସ୍ଥାନରେ ତଥା କେନ୍ଦ୍ର ତଥା ପୂର୍ବାଞ୍ଚଳ ରାଜ୍ୟରେ ସେସବୁ ପହଞ୍ଚାଇଥିଲା । ଲାଇଫଲାଇନ-1 (ଆଇଏଏଫ) ମାଧ୍ୟମରେ ଦିଲ୍ଲୀରୁ ବାହାରି ଏହି ବିମାନ ପାଟନା-ଜୋରହାଟ-ଲେଙ୍ଗପୁଇ-ଇମ୍ଫାଲ-ଦୀମାପୁର-ଗୌହାଟୀକୁ ଆଇସିଏମଆର କିଟ୍‌ ପହଞ୍ଚାଇଥିଲା । ସେଥିରେ ରେଡ଼କ୍ରସ୍‌ ଚିକିତ୍ସା ଉପକରଣ ମଧ୍ୟ ରହିଥିଲା ।  ସେହିଭଳି ଏହି ବିମାନ ଜରିଆରେ ମେଘାଳୟ, ମଣିପୁର, ନାଗାଲାଣ୍ଡ ଦିବ୍ରୁଗଡ଼, ମିଜୋରାମ, ରାଞ୍ଚି ଓ ପାଟନାରେ ମଧ୍ୟ ବିଭିନ୍ନ ମେଡ଼ିକାଲ ସାମଗ୍ରୀ ପହଞ୍ଚାଯାଇଛି ।

ଲାଇଫଲାଇନ-2 ଆଲିଆନ୍ସ ଏୟାର (ଏଟିଆର) : ଏହା ଦିଲ୍ଲୀ-ବାରାଣାସୀ-ରାୟପୁର-ହାଇଦ୍ରାବାଦ-ଦିଲ୍ଲୀ ମଧ୍ୟରେ ଯାତ୍ରା କରି ଆଇସିଏମଆର କିଟକୁ ବାରାଣାସୀ, ରାୟପୁର, ହାଇଦ୍ରାବାଦ, ବିଜୟୱାଡ଼ାରେ ପହଞ୍ଚାଇଛି ।

ଲାଇଫଲାଇନ-3: ଏୟାର ଇଣ୍ଡିଆ (ଏ-320): ଏହା ମୁମ୍ବାଇ-ବାଙ୍ଗାଲୋର-ଚେନ୍ନାଇ-ମୁମ୍ବାଇ ମଧ୍ୟରେ ବୟନଶିଳ୍ପ ମନ୍ତ୍ରଣାଳୟ ଦ୍ୱାରା ପ୍ରେରିତ ସାମଗ୍ରୀକୁ ବାଙ୍ଗାଲୋର ଏବଂ ଚେନ୍ନାଇରେ ପହଞ୍ଚାଇଛି ।

ଲାଇଫଲାଇନ-4: ସ୍ପାଇସ୍‌ ଜେଟ୍‌: ଦିଲ୍ଲୀ-ଚେନ୍ନାଇ ମଧ୍ୟରେ ଏହା ଯାତ୍ରା କରି ଆଇସିଏମଆର ମେଡ଼ିକାଲ କିଟ୍‌ କୁ ଚେନ୍ନାଇରେ ପହଞ୍ଚାଇଛି ।

ଲାଇଫଲାଇନ୍‌-5 ଏଆଇ ଚାର୍ଟର (ଏ-320) ଦିଲ୍ଲୀ-ଡ଼େରାଡ଼ୁନ ମଧ୍ୟରେ ଏହି ବିମାନ ଆଇସିଏମଆର ସାମଗ୍ରୀ ଧରି ଡ଼େରାଡ଼ୁନରେ ପହଞ୍ଚାଇଛି ।

Date wise break up is as below:

ଏୟାର ଇଣ୍ଡିଆ ଏବଂ ଆଇଏଏଫ ପାରସ୍ପରିକ ସହଯୋଗୀତାରେ ଲଦାଖ, କାର୍ଗିଲ, ଦିମାପୁର, ଇମ୍ଫାଲ, ଗୌହାଟୀ, ଚେନ୍ନାଇ, ଅହମ୍ମଦାବାଦ, ପାଟନା, ଜୋରହାଟ, ଲେଙ୍ଗପୁଇ, ମହୀଶୂର, ହାଇଦ୍ରାବାଦ, ରାଞ୍ଚି, ଜମ୍ମୁ, ଶ୍ରୀନଗର, ଚଣ୍ଡୀଗଡ଼ ଓ ପୋର୍ଟ ବ୍ଲେୟାରରେ ମେଡ଼ିକାଲ ସାମଗ୍ରୀ ପହଞ୍ଚା ଯାଇଛି ।

ଏହି ସହଯୋଗ ଗୌହାଟୀ, ଦିବ୍ରୁଗଡ଼, ଅଗରତାଲା, ଆଇଜଲ, ଦୀମାପୁର, ଇମ୍ଫାଲ, ଜୋରହାଟ, ଲେଙ୍ଗପୁଇ, ମହୀଶୂର, କୋଇମ୍ବାଟୁର, ତ୍ରିଭେନ୍ଦ୍ରମ୍‌, ଭୁବନେଶ୍ୱର, ରାୟପୁର, ରାଞ୍ଚି, ଶ୍ରୀନଗର, ପୋର୍ଟ ବ୍ଲେୟାର, ପାଟନା, କୋଚିନ୍‌, ବିଜୟୱାଡ଼ା, ଅହମ୍ମଦାବାଦ, ଜମ୍ମୁ, କାର୍ଗିଲ, ଲଦାଖ, ଚଣ୍ଡୀଗଡ଼ ଓ ଗୋଆରେ ମଧ୍ୟ ଚିକିତ୍ସା ସାମଗ୍ରୀ ଓ ଔଷଧପତ୍ର ପହଞ୍ଚାଯାଇ ପାରିଛି ।

Total Kilometers covered -  1,32,029 Kms

Cargo load carried on 06.04.2020 -  15.54 Tons

Total cargo load carried till 06.04.2020 =

184.66 + 15.54 = 200.20 Tons

ଅନ୍ତରାଷ୍ଟ୍ରୀୟ ସ୍ତରରେ ସାଂଘାଇ ଏବଂ ଦିଲ୍ଲୀ ମଧ୍ୟରେ ଏକ ଏୟାର ବ୍ରିଜ୍‌ ସ୍ଥାପନ କରାଯାଇଛି । ଅପ୍ରେଲ 2, 2020 ଠାରୁ ଏୟାର ଇଣ୍ଡିଆ ତାର ପ୍ରଥମ କାର୍ଗୋ ବିମାନ ଏହି ପଥ ଦେଇ ଚଳାଚଳ ଆରମ୍ଭ କରିଛି ଏବଂ ଏବେସୁଦ୍ଧା ତାହା ମାଧ୍ୟମରେ 21 ଟନ୍‌ ମେଡ଼ିକାଲ ସାମଗ୍ରୀ ଭାରତକୁ ଆଣିଛି । ହଂକଂକୁ ମଧ୍ୟ ଏହି ବ୍ରିଜ୍‌ ମାଧ୍ୟମରେ ଏକ ଉଡ଼ାଣ ହୋଇଛି । କରୋନା ଭୂତାଣୁ ଆକ୍ରାନ୍ତଙ୍କ ଚିକିତ୍ସା ସକାଶେ ଆବଶ୍ୟକ ଗୁରୁତ୍ୱପୂର୍ଣ୍ଣ ମେଡ଼ିକାଲ ଉପକରଣ ଆମଦାନି ସକାଶେ  ଏୟାର ଇଣ୍ଡିଆ ଚୀନକୁ ତାର ନିୟମିତ ଉଡ଼ାଣ ଜାରି ରଖିବ ।

ଘରୋଇ ଅପରେଟର, ଯଥା, ବ୍ଲୁ ଡାର୍ଟ, ସ୍ପାଇସ୍‌ ଜେଟ୍‌ ଏବଂ ଇଣ୍ଡିଗୋ ସେମାନଙ୍କର କାର୍ଗୋ ବିମାନ ଉଡ଼ାଣ ବ୍ୟବସାୟିକ ଭିତ୍ତିରେ ଜାରି ରଖିଛନ୍ତି ଓ ଦେଶର ବିଭିନ୍ନ ଭାଗରେ ଆବଶ୍ୟକ ମୁତାବକ ମେଡ଼ିକାଲ ଉପକରଣ ଓ ଔଷଧ ପହଞ୍ଚାଉଛନ୍ତି ।

**********