প্রধানমন্ত্রীগী লোইশঙ
প্রধান মন্ত্রী অমসুং অমেরিকাগী রাস্ত্রপতিগী মরক্তা তেলেফোন্দা ৱারী শানখ্রে
Posted On:
04 APR 2020 9:58PM by PIB Imphal
প্রধান মন্ত্রী শ্রী নরেন্দ্র মোদীনা ঙসি অমেরিকাগী রাস্ত্রপতি দোনাল্দ ত্রম্পকা লোইননা তেলেফোন্দা ৱারী শানখ্রে। লুচিংবা অনিমক্না হৌজিক চত্থরিবা কোবিদ-১৯ লাইচৎ অমদি গ্লোবেলগী য়াইফ-থৌরাং অমসুং ইকোনোমীদা মসিগী ইম্পেক্তকী মতাংদা মিৎয়েংশিং একচেঞ্জ তৌনখি।
প্রধান মন্ত্রীনা অমেরিকাদা লৈখিদ্রবশিংগীদমক থমোয় শোক্না অৱাবা ফোংদোকখি অমদি হৌজিক-হৌজিক লাইনা অসিনা শোকহল্লিবশিং অদু অথুবা মতমদা ফগৎলক্নবা মহাক্না থৌনিখি।
লৈবাক অনিগী মরক্তা লৈরিবা অখন্নবা মরীদা অকনবা ৱাফম থম্লদুনা প্রধান মন্ত্রীনা গ্লোবেল ক্রইসিস অসি লাকশিনবদা অমেরিকাগা লোয়ননা ভারতকী সোলিদরিতীবু অমত্তা ওইনা অমুক হন্না ফোংদোকখি। লুচিংবা অনিমক্না কোবিদ-১৯বু পুক্নিং য়ুংনা অমসুং ইফেক্তিব ওইনা থেংননবগীদমক ইন্দিয়া-অমেরিকা পার্তনরশিপ মপুং ফানা দিপ্লোই তৌবদা য়ানখি।
প্রধান মন্ত্রী অমসুং অমেরিকাগী রাস্ত্রপতিনা লাইচৎকী হেল্থ অমসুং ইকোনোমিক ইম্পেক্তশিং হন্থহন্নবগীদমক লৈবাক অমমমনা লৌখৎলিবা খোংথাংশিংদা নেৎশিং একচেঞ্জ তৌনখি।
লুচিংবা অনিমক্না লুরবা মতম অসিদা হকচাং অমসুং পুক্নিংগী ওইবা য়াইফবা পুরক্নবগীদমক য়োগ অমসুং অয়ুর্বেদগুম্বা প্রেক্তিসশিংগী মরুওইবদসু ৱারী শানখি।
মখোয়গী ওফিসিয়েলশিংনা গ্লোবেল কোবিদ-১৯ ক্রাইসিসকা মরী লৈননা মখা তানা পাউ ফাওনবদা মখোয়না য়ানবা পুরকখি।
(Release ID: 1611382)
Visitor Counter : 138
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam