প্রধানমন্ত্রীগী লোইশঙ
প্রধান মন্ত্রী অমসুং ব্রাজিলগী রাস্ত্রপতিগী মরক্তা তেলেফোন্দা ৱারী শানখ্রে
Posted On:
04 APR 2020 10:00PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ব্রাজিলগী রাস্ত্রপতি জায়র মেসিয়াস বোলসোনারোগা তেলেফোন্দা ৱারী শানখ্রে। লুচিংবা অনিমক্না কোবিদ-১৯ লাইচৎ শন্দোরকপনা মরম ওইদুনা মালেমগী ওইরক্লিবা ফিভমদা খন্ন-নৈনখি।
প্রধান মন্ত্রীনা কোবিদ-১৯না মরম ওইদুনা ব্রাজিলদা লৈখিদ্রবশিংগীদমক অৱাবা ফোংদোকখি। মহাক্না হায়খি মদুদি মতম অসিদা ভারত মচা খুদিংমক্না থৌনিজরিবশিং ব্রাজিলগী মরূপ ওইরিবা মীওইশিংগা লোয়নরি।
লুচিংবা অনিমক্না কোবিদ-১৯না থোকহল্লিবা অরুবা ক্রাইসিস হন্থহন্নবগীদমক নাকল অনিগী ওইবা লোয়ননা মল্তিলেতরেল ইন্সতিত্যুস্নেল ফ্রেমৱার্কতা ভারত অমসুং ব্রাজিলগী মরক্তা অচেৎপা তেংবাংগী মরুওইবদা অকনবা ৱাফম থমখি। পোস্ত-কোবিদ ৱার্ল্দগীদমক গ্লোবেলাইজেসনগী অনৌবা হ্যুমেন-সেন্ত্রিক কনসেপ্ত অমা শেম্বগী দরকার ওইবদা য়ানখি।
প্রধান মন্ত্রীনা অরুবা পুংফম অসিদা ব্রাজিলগী রাস্ত্রপতিদা পীবা য়াবা তেংবা পুম্নমক পীনবা থাজবা পীখি। মখোয়গী ওফিসিয়েলশিংনা গ্লোবেল কোবিদ-১৯ ক্রাইসিসকা মরী লৈননা মখা তানা পাউ ফাওনবদা মখোয়না য়ানবা পুরকখি।
চহি অসিদা ভারতকী ৭০শুবা রিপব্লিক নুমিৎ পালন্দা অথোইবা মীথুংলেন ওইনা ব্রাজিলগী রাস্ত্রপতিনা শরুক য়াখিবা অদু নীংশিংলদুনা প্রধান মন্ত্রীনা ভারত-ব্রাজিল মরূপ ওইবগী মরী হেন্না চেৎশিনবা হেঙ্গৎলকপদা নুংঙাইবা ফোংদোকখি। হৌখিবা চহিদা ব্রিক্সপু লুচিংখিবগীদমক মহাক্না ব্রাজিলবু থাগৎপা ফোংদোকখি।
(Release ID: 1611358)
Visitor Counter : 189
Read this release in:
Telugu
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam