কোভিদ-১৯ ঙাকথোক্নবা অমসুং থেংন্নবা লৈবাক অসিদা পায়খৎলিবা থবকশিং অৱাংবা থাক্ত চাংনাইনা য়েংশিল্লি অমসুং রাজ্যশিংগা লোয়ন্না ভারত সরকারনা থবক কয়া পায়খৎলে ।

         কোইচৎ চৎলগা থবক শুবা শিন্মীশিং অথিংবা মনুংদা চানবা, থক্নবা ঈশিং, মেদিকেলগী খুদোংচাবা, সেনিতেসন অমসুং লৈফম মতিক চানা ফংহন্নবা কেবিনেত সেক্রেতরিনা রাজ্যশিং অমসুং য়ু তিশিংদা খঙহনখি । কোইচৎ চৎলগা থবক শুবা শিন্মীশিং মতিক চানবা ক্বারেনতাইন তৌনবা অমসুং ৱাখলগী ওইবা চেকশিন থৌরাংশিং লৌখৎনবা চেকশিনৱা হেল্থ অমসুং ফেমিলি ৱেলফিয়ার মিনিস্ত্রিনা ফোংখ্রে । হায়রিবা চেকশিনৱা অদু https://www.mohfw.gov.in/pdf/RevisedPsychosocialissuesofmigrantsCOVID19.pdf. ফংগনি ।

          রিলিফ কেম্পশিংদা লৈরিবা কোইচৎ চৎলগা থবক শুবা শিন্মীশিংগী মনাক্ত ত্রেন তৌরবা কাউন্সিল্লরশিং, মীয়ামগী লুচিংবশিং অমসুং লাইনিংগী লুচিংবশিংনা চৎতুনা সাইকো-সোসিওগী মতেং পীনবা সুপ্রিম কোর্তনা রাজ্যশিংদা খঙহনখি । সুপ্রিম কোর্তকী য়াথং মতুংইন্না মীয়ামদা অচুম্বা পাউ ফংহন্নবা হেল্থ মিনিস্ত্রিনা ই-মেল অমা (technicalquery.covid19[at]gov[dot]in) ফংহল্লে । তেক্নিকেল গাইদলাইনশিং হেল্থ মিনিস্ত্রিগী ৱেবসাইদ (https://www.mohfw.gov.in/)দা ফংলে । তোল ফ্রি নম্বর (১০৭৫) অমসুং ই-মেল আই দি (ncov2019[at]gov[dot]in)দগী কোভিদ-১৯গা মরি লৈনবা ৱাহংশিং হংবা য়ারগনি ।

          নেসনেল ফারমাসিউতিকেল প্রাইজিং ওথোরিতিনা মেদিকেল দিভাইস মখল ২৪ দ্রগ (প্রাইজ কন্ত্রোল) ওর্দর ২০১৩গী মখাদা থম্লগনি , হায়রিবা পোৎলমশিং অসিগী এম আর পি চাদা ১০দগী হেনগৎনা য়োনবা য়ারোই ।

            কোভিদ-১৯ লাইচৎকা মরি লৈনবা শ্বর হোনবগী হকশেলগী ফিবম ফনা থম্নবা কাংলোনশিং অয়ুস মিনিস্ত্রিনা পীখি ।

           অথিংবা থম্লিবা অসিগা মরি লৈন্না মীয়াম লাপ্না লৈনবা অমসুং লাইনিংগী ওইবা মীয়াম পুনবগী থবক তৌদনবা খঙহনখি ।

হৌজিক ফাওবদা কেস ১৬৩৭ লৈরে অমসুং মীওই ৩৮ শীরে । হৌখিবা পুং ২৪দা অনৌবা কেস ৩৭৬ খঙবা ঙমখি অমসুং মীওই ৩ শীখি । অনাবা ফারবা মতুংদা মীওই ১৩২ হোস্পিতালদগী ময়ুমদা হনখ্রে ।