২০০৭তা লৈবাক ১৮দগী লাকপা মীহুৎ ২০৪ চম্না পুনবদগী হৌরগা ২০২৫দা লৈবাক ৪০ হেনবদগী লাকপা মীহুৎ ২,৫০০ হেনববু তরাম্না ওক্তুনা অচৌবা মালেমগী থাক্কী কৈথেল অমা ওইরকপা ফাওবদা, ফিল্ম বাজার অসি ভারতকী সিনেমাবু মালেমগী ফিল্ম ইন্দস্ত্রীগা শম্নহনবা মরু ওইবা প্লেতফোর্ম অমা ওইনা চাউখৎলক্লি। মসিনা চহি ২০ শুরকপগা লোয়ননা, ৱেব্স ফিল্ম বাজার ২০২৬না ক্রিয়েতিব ওইনা খুৎশম্নদুনা থবক তৌমিন্নবগী থৌওং য়োকখৎপগী, অনৌবা ৱারীশিং থিদোকপগী অমসুং ভারতকী সিনেমাদা মালেমগী ওইবা খুদোংচাবশিং হাংদোকপগী দেকেদ অনি মপূং ফারকপগী হরাওবা ফোঙদোক্লি।
ইনফোর্মেসন এন্দ ব্রোদকাস্তিং মন্ত্রালয়গী মখাদা ইন্তরনেসনেল ফিল্ম ফেস্তিবেল ওফ ইন্দিয়া (আই.এফ.এফ.আই.)গী শরুক অমা ওইনা নেস্নেল ফিল্ম দিভেলপমেন্ত কোর্পোরেসন (এড়.এফ.দি.সি.)না শিন-লাঙদুনা পাঙথোকপা, ৱেব্স ফিল্ম বাজার অসি হেন্না পাক-চাউবা ৱর্ল্দ ওদিও ভিজুএল এন্দ এন্তরতেনমেন্ত সম্মিত (ৱেব্স) খোঙথাংগী শরুক অমনি। ‘ক্রিএত ইন ইন্দিয়া, ক্রিএত ফোর দি ৱর্ল্দ’ হায়বা মীৎয়েং অসিনা লমজিংদুনা, প্লেতফোর্ম অসিনা পুন্না পুথোকমিন্নবা, শেল থাদবা, য়েন্থোকপা অমসুং মালেমগী থাক্কী পার্তনরশিপশিংগী খুত্থাংদা ভারতকী ক্রিয়েতিবকী মতিং অদুবু মালেমগী খুদোংচাবশিংদা ওন্থোক্নবা হোৎনরি।

ৱেব্স ফিল্ম বাজারগী ২০শুবা ইদিসন অসি ২০২৬কী নবেম্বর ২০দা তাজ সিদাদে দে গোৱা হোরাইজনগী দি বোলরুমদা হৌদোক্লগনি। ইনফোর্মেসন এন্দ ব্রোদকাস্তিং মন্ত্রালয়গী সেক্রেতরী শ্রী চঞ্চল কুমারনা তরাম্না ওকপগী ৱারোল পীগনি, মদুগী মতুংদা ফেস্তিবেল দাইরেক্তর শ্রী আশুতোশ গোৱারিকরনা গেস্ত ওফ ওনরগী ৱারোল পীগনি। এন.এফ.দি.সি.গী চেয়রমেন শ্রী জি. কৃষ্ণকুমারনা হৌদোকপগী ৱারোল পীগনি, অদুগা ইনফোর্মেসন এন্দ ব্রোদকাস্তিং মন্ত্রালয়গী এদিস্নেল সেক্রেতরী শ্রী প্রভাত কুমারনা থাগৎ ৱাহৈ পীগনি। এন.এফ.দি.সি.গী মেনেজিং দাইরেক্তর শ্রী ধীরাজ সিংহসু শরুক য়াগনি। ওফিসিয়েল ওইবা থৌরমশিং অদুগী মতুংদা ফিল্ম বাজার তীমনা ‘নেভিগেতিং ৱেব্স ফিল্ম বাজার’গী মতাঙদা প্রেজেন্তেসন অমা পীগনি।
ৱারীশিং অমসুং খুদোংচাবশিংগী কৈথেল অমা
চহি দেকেদ অনি হেনবগী মনুংদা, ফিল্ম বাজার অসি নেৎৱর্কিং থৌরম অমদগী ফিল্মমেকরশিং, প্রোদ্যুসরশিং, ইনভেস্তরশিং, দিস্ত্রিব্যুতরশিং, সেল্স এজেন্তশিং অমসুং ফেস্তিবেল প্রোগ্রামরশিংবু শম্নহনবা মওং-মরিল নাইবা কৈথেল অমা ওইনা চাউখৎলক্লি। মসিগী প্রোগ্রামশিং অসিনা এন.এফ.দি.সি. স্ক্রীনরাইতর্স লেব, কো-প্রদক্সন মার্কেত অমসুং ৱর্ক-ইন-প্রোগ্রেস লেবকুম্বা খোঙথাংশিংগী খুত্থাংদা পুথোকপগী তোঙান-তোঙানবা থাকশিংদা লৈরিবা ফিল্মশিংদা চৈঙাক পীরি। সী ভিউইং রুম, মার্কেত স্ক্রীনিংস, খনগৎলবা বি২বি মীফমশিং অমসুং নোলেজ সিরিজনসু প্রোজেক্ত থিদোকপা, ইন্দস্ত্রীগা শম্নবা অমসুং ওইথোকপা য়াবা মতাঙদা খুৎশম্নদুনা থবক তৌমিন্নবশিংদা মখা তানা মতেঙ পাংলি।
৫৬শুবা ইন্তরনেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.)গা লোয়ননা নবেম্বর ২০দগী ২৪ ফাওবা গোৱাদা পাঙথোকখিবা ২০২৫গী ইদিসন অদুনা লৈবাক ৪০ হেনবদগী লাকপা মীহুৎ ২,৫০০ হেনববু পুনশিন্নহনখি। মসিনা প্রোজেক্ত ৩২০ উৎখি অমসুং মীওই ২২০ হেনবনা শরুক য়াবা মীওই অমগা অমগা উন্নবা ললোন-ইতিক্কী মীফম ১,২০০ হেনবদা মতেঙ পাংখি। থৌরম অসিগী নাকোয়ননা রিপোর্ত তৌরকখিবা চাউরাক্না লুপা করোর ১০০ গী মমল ওইবা এম.ও.য়ু.শিং য়াওনা ললোন-ইতিক্কী ৱারী শানবা অমসুং য়ান্ন-ৱাফমশিং অদু চাউরাক্না লুপা করোর ১,০৫০গী মমল ওইখি।
ৱেব্স বাজার: চহিগী ওইবা কৈথেলগী ৱাংমদা ভারতকী ক্রিয়েতিবনা য়ৌবা ঙম্বগী চাং হেনগৎহনবা
ৱেব্স খোঙথাং অসি ২০২৫কী জনুৱারীদা হৌদোকখিবা চহি চুপ্পা চত্থবা মালেমগী থাক্কী বি২বি প্লেতফোর্ম অমা ওইরিবা ৱেব্স বাজারগী খুত্থাংদা চহিগী ওইবা ফিল্ম বাজারগী ৱাংমদা শন্দোক্লি। ফিল্ম, তেলিভিজন, ও.তি.তি., এনিমেসন, ভি.এফ.এক্স., গেমিং, ঈশৈ-নোংমাই অমসুং অতোপ্পা ক্রিয়েতিব সেক্তরশিং কোনশিন্দুনা, মসিনা ক্রিয়েতরশিং অমসুং ললোন-ইতিকশিংবু লৈবা য়াবা মীওইশিং অমসুং খুৎশম্নদুনা থবক তৌমিন্নগদবশিংগা শম্নহল্লি।
২০২৬কী ওক্তোবরগী প্রোগ্রেস নোতকী মতুং ইন্না, ৱেব্স বাজারদা অরৈবা মীওই ৫,০০০ হেনবা অমসুং অয়োনবা মীওই চাউরাক্না ৬,৫০০ য়াওনা এক্তিব য়ুজর মশিং ১২,৫০০ হেনখি, লোয়ননা এক্তিব প্রোজেক্ত ২,৮০০ হেনখি। এ.আই.-ইনেবল্দ সেমান্তিক সর্চ, মেচমেকিং, ভর্চুএল পীচিং অমসুং ওনলাইন বি২বি মীফমগী খুদোংচাবশিংনা ক্রিয়েতরশিং অমসুং ললোন-ইতিকশিংদা মতিং লৈবা খোঙবুশিং খঙদোকপদা অমসুং হকথেংননা পাঙথোকপা থৌরমশিংগী ৱাংমদা ইন্দস্ত্রীগা লেপ্তনা শম্নহনবদা মতেঙ পাংলি।
ওস্ত্রেলিয়া, জাপান, খা কোরিয়া, ইতালী, জর্মনী, কেনেদা, ফ্রান্স অমসুং স্পেনগুম্বা লৈবাকশিং শিনবা থুংবদা মালেমগী থাক্কী আউতরীচ অসিনা ভারতকী ক্রিয়েতিব ললোন-ইতিকশিংগী লম্বীশিং হেন্না পাকথোক-চাউথোকহল্লে। গেম্সকোম, তোরোন্তো ইন্তরনেসনেল ফিল্ম ফেস্তিবেল, ভেনিস অমসুং মিপকোম য়াওনা মালেমগী ইন্দস্ত্রী প্লেতফোর্মশিংদা শরুক য়াবনা মালেমগী থাক্কী স্তেকহোল্দরশিংগা শম্নবদা মপাঙ্গল কনখৎহল্লে।
খোঙথাংশিং অসিনা ভারতকী ক্রিয়েতিবিতীবু ‘ক্রাফ্ততগী কমর্সতা’ পুখৎনবা হেন্না পাক-চাউনা হোৎনবগী মমি তাবা উই, মসিনা কন্তেন্ত শেমবা, ইন্তেলেকচুএল প্রোপর্তী অমসুং ক্রিয়েতিব ইন্দস্ত্রীশিংগী মালেমগী মফম অমা ওইনা ভারতকী ফীভম মপাঙ্গল কনখৎহল্লি।
ৱেব্স ফিল্ম বাজারনা মসিগী খোঙচৎকী চহি দেকেদ অনি মপুং ফারকপগা লোয়ননা, মসিনা মনীংতম্বা ফিল্মমেকরশিং, লম-লমগী লোলগী সিনেমা অমসুং থোরক্লিবা ক্রিয়েতিবকী হৈ-শিংবশিংদা মালেমগী কৈথেলশিং য়ৌবা ঙম্নবা, পার্তনরশিপশিং শেমগৎনবা অমসুং ভারতকী ৱারীশিং মালেম পুমবগী মীৎয়েং তারিবশিংদা পুখৎনবা মরু ওইবা প্লেতফোর্ম অমা ওইনা লেপ্পা লৈতনা মথৌ তৌরি।
* * *