কেবিনেতনা নই দিল্লীগী নোর্থ অমসুং সাউথ ব্লোক কমপ্লেক্সতা য়ুগে য়ুগীন ভারত ম্যুজিয়ম শাবগী অয়াবা পীখ্রে

প্রধান মন্ত্রী শ্রী নরেন্দ্র মোদীনা লুচিংবা ইকোনোমিক এফিয়র্সকী কেবিনেত কম্মিত্তীনা পব্লিক ইনভেস্তমেন্ত বোর্দ (পি.আই.বি.) না খঙহল্লকপগী মতুং ইন্না ই দিল্লীগী নোর্থ অমসুং সাউথ ব্লোক কমপ্লেক্সতা লুপা করোর ৩২৩০গী অপুনবা শেনফম চঙনা শাগদবা য়ুগে য়ুগীন ভারত ম্যুজিয়ম (ৱাই.ৱাই.বি.এম.) শাবগী অয়াবা পীখ্রে।

অকুপ্পা মরোলশিং

• য়ুগে য়ুগীন ভারত ম্যুজিয়ম অসি ভারতকী সিভিলাইজেসনগী হেরিতেজকী লেপ্তনা চত্থরকপা, মখল য়াম্বা অমসুং নীংথিনা মতৌ অসিবু কলচরেল হেরিতেজকী তেঞ্জিবল অমসুং ইন্তেঞ্জিবল নেরেতিবকী খুত্থাংদা পাউদম্বা মশক থোক্লবা সিভিলাইজেসনগী ম্যুজিয়ম অমা ওইগনি।
• ম্যুজিয়ম অসি পুৱারী ওইরবা নোর্থ অমসুং সাউথ ব্লোক কমপ্লেক্স শিজিন্নদুনা শাগনি অমসুং মফমশিং অসিগী য়ুমশারোল অমসুং হেরিতেজকা মরী লৈননা লৌরিবা মরূ ওইবা থৌদাং ঙাক্না থম্বগা লোয়ননা মফমশিং অসিবু মীয়ামগী কলচরেল ইন্সতিত্যুসন ওইনা শেমদোক্কনি।
• চাউরাক্না স্ক্বার মীতর ১,৭৮,৫০৯ পাক চাউবা মফমদা শানবা ৱাহৌদোক থম্লিবা ম্যুজিয়ম অসিনা হৌজিক মতমগী ম্যুজিয়মগী চৎনবী, ইমর্সিব তেক্নোলোজী অমসুং ভিজন-সেন্ত্রিক ইন্তর্প্রিতেসনশিং অমত্তা ওইনা পুনশিনগনি। মালেমগী অচৌবা ম্যুজিয়মশিংগা চাংদম্নরিবা য়ুগে য়ুগীন ভারত ম্যুজিয়ম অসিনা মালেমগী খ্বাইদগী চাউবা দিস্প্লে এরিয়া লৈবা ম্যুজিয়ম ওইগনি।
• ম্যুজিয়ম অসিনা নীংথিনা শেম্লবা থীমগী গেল্লরী, একজিবিসন অমসুং লৈবাক অসিগী মখল য়াম্বা নাৎকী চৎনবী, লৌশিংগী পথাপ, খুৎশা হৈবশিংগী থবকশিং অমসুং হেরিতেজকী খুত্থাংদা ভারতকী চাউখৎপগী খোঙচৎকী মপাউ তমগনি।
• প্রোজেক্ত অসিদা গেল্লরী, কলেক্সনশিংগী থম্ফম অমসুং কঞ্জর্বেসন ফেসিলিতী, লাক্লিবা মীওইশিংগী খুদোংচাবা পীফম, তেক্নোলোজী অমসুং ইমর্সিব এক্সপেরিএন্স পুনশিনবা, লেন্দস্কেপিং তৌবা, ইন্তেল্লিজেন্ত বিলদিং সীস্তেম অমসুং মরী লৈনবা ইনফ্রাস্ত্রকচরশিং শাবগী থবক য়াওরি।
• ম্যুজিয়ম অসি ম্যুজিয়মগী থৌরাং য়াৎপা, হেরিতেজ ঙাক শেনবা, পোৎলমশিং উৎপগী মওং অমসুং সস্তেনেবল কলচরেল মেনেজমেন্তকী মালেমগী খ্বাইদগী শিংথানিংঙাই ওইবা থৌওংশিংগা মরী লৈনহন্দুনা ভারতকী মখল য়াম্বা চৎনবগীগা চুনহন্দুনা শাগনি।

বেকগ্রাউন্দ

য়ুগে য়ুগীন ভারত ম্যুজিয়ম শাগনি হায়বসি প্রধান মন্ত্রীনা মে ১৮, ২০২৩দা লাউথোকখিবনি।

পুৱারী ওইরবা নোর্থ অমসুং সাউথ ব্লোক বিলদিংশিংদগী সরকারগী ওফিসশিং হোংদোকখ্রবা মতুংদা মফম অসিবু মীয়ামগী কলচরগীদমক্তা মশক থোক্না অমুক হন্না শিজিন্নবগী খুদোংচাবা অমা লাকখি। প্রোজেক্ত অসিনা শক্নাইরবা বিলদিংশিং অসিগী য়ুমশারোল অমসুং হেরিতেজকী মওং ঙাক্না থমদুনা অনৌবা ইন্সতিত্যুস্নেল রোল অমশু পীগনি।

ৱাহৌদোক অসি পব্লিক ইনভেস্তমেন্ত বোর্দ (পি.আই.বি.)না জুলাই ২৭, ২০২৬তা অয়াবা পীখি অমসুং কলচর মন্ত্রালয়শু মসিগী অয়াবা পীরকখি।

থবক পাংথোকপগী থৌরাং অমসুং লোইশিনবগী পান্দম

প্রোজেক্ত অসি শেনবা চহি ২০২৬-২৭দগী শেনবা চহি ২০৩০-৩১ ফাওবগী মনুংদা তাঙ্কক নাইনা পায়খৎকনি। লৈতেংবা হায়বা থীমদা শাগদবা অহানবা গেল্লরী অসি ২০২৭গী অথেংবা শরুক্তা নোর্থ ব্লোক্তা শাবা লোইশিন্দুনা মীয়ামগী হাংদোকপগী থৌরাং তৌরি। গেল্লরী মশিং হেন্না হাপচিন্নবা থৌরাং শেম্লি। মসিদা থমগদবা পোৎলমশিং অসি কন্না নৈনরি অমসুং নেস্নেল ম্যুজিয়ম অমদি কলচর মন্ত্রালয়গী অতোপ্পা ম্যুজিয়ম, এ.এস.আই.গী সাইত ম্যুজিয়ম ৫২ অমদি রাজ্যশিংগী অতোপ্পা ম্যুজিয়ম অমসুং লন্নাইগী কলেক্সনশিংদগী ম্যুজিয়ম অসিদা উৎনবগীদমক্তা পোৎলম মিলিয়ন ১.৮ মশক খঙদোক্লে।

য়ুনশারোল অমসুং সিতিস্কেপ, অঙ্ক অমসুং এস্ত্রোনোমী, লোল অমসুং ময়েক, লাইনিং অমসুং স্পিরিচুএলিতী অমসুং ভারত কনেক্ত – ত্রেদ অমসুং ৱাখল্লোনগুম্বা হীরম কয়াগী অতোপ্পা গেল্লরীশু শেমগৎলি।

থবক পাংথোকপগী থৌওংদি তেংবাংনদুনা প্রোজেক্ত শেন্নবা, দিজাইন অমসুং তেক্নিকেলগী মতাংদা খন্নবা, ক্বালিতী লৈহনবা অমসুং মতম নাইনা য়েংশিনবনা ওইগনি।

থবক পীবা ঙম্বগী মতিক্কা লোয়ননা মসিনা পীগদবা মরু ওইবা শাফু

য়ুগে য়ুগীন ভারত ম্যুজিয়ম অসিনা নাৎ, মহৈ-মশিং, শেন্মিৎলোন অমসুং থবক পীবগী লমদা মশক থোকপা থবক পাংথোক্কনি হায়বগী থাজবা থম্লি।

• চাউখৎপগী হেরিতেজ ঙাক-শেনবা: মসিনা ভারতকী চাউখৎলকপগী খোঙচৎ, মখা তানা চত্থরকপা খঙথাং অমসুং মখল য়াম্বগী মতৌশিংগী অপুনবা ইন্সতিত্যুস্নেল প্লেতফোর্ম অমা পীগনি অমসুং তেঞ্জিবল অমসুং ইন্তেঞ্জিবল হেরিতেজ য়োকখৎপা অমসুং মীয়ামদা খঙনবদা তেংবাংগনি।
• হেরিতেজ বিলদিংশিং নৌনা চুননবা শিজিন্নবা: প্রোজেক্ত অসিনা পুৱারী ওইরবা নোর্থ অমসুং সাউথ ব্লোক কমপ্লেক্সকী য়ুমশারোল অমসুং হেরিতেজকা মরী লৈননা লৌরিবা মরূ ওইবা থৌদাং ঙাক্না থম্বগা লোয়ননা মফমশিং অসিবু মীয়ামগী কলচরেল ইন্সতিত্যুসন ওইনা শেমদোক্কনি।
• কলচরেল তুরিজম অমসুং মালেমগা মরী লৈনবা: ম্যুজিয়ম অসিনা কলচরগী মরু ওইবা পন্থুংফম অমা ওইগনি হায়না থাজনরি, লৈবাক অমসুং মালেমগী লমকোয়বা কয়াগী পুক্নিং চিংশিন্দুনা ভারতকী গ্লোবেল প্রজেন্স অমসুং সোফ পাৱরগী মপাঙ্গল হেনগৎহনগনি হায়নশু থাজরি।
• এজুকেসন অমসুং রিসর্চ: মসিনা পব্লিক লর্নিং, একাদমিক রিসর্চ, লৌশিং লান্নবা অমসুং ভারতকী মখল য়াম্বা নাৎ অমদি লৌশিংগী পথাপকী মতাংদা খঙহন্নবা মীয়ামদা খুদোংচাবা পীগনি।
• থবক পীবা: প্রোজেক্ত অসি শারিঙৈগী মতম, মথৌ পাংথোকপা হৌরবা মতম অনিমক্তা থবক কয়া হকথেংননা অমসুং নাকোইননা পীগনি। খুৎ-শা হৈবশিং, রিসর্চ তৌবশিং, ম্যুজিওলোজিস্ত, দিজাইনর, পরফোর্মর অমসুং অতোপ্পা ক্রিএতিব প্রোফেস্নেলশিংদা খুদোংচাবা পীবগা লোয়ননা হোস্পিতালিতী অমসুং তুরিজম সেক্তরদশু মতেং পাংগনি।
• মেক ইন ইন্দিয়া খুমাং চাউশিলহনবা: প্রোজেক্ত স্ত্রকচর নাইনা ভেন্দর শেমগৎপগী খোংথাং অমগী খুত্থাংদা মালেমগী থাক্তা লৈবা ম্যুজিয়মগী মেতরিএল অমসুং পোত্থোকশিং লমদমসিদা শাহন্নবা পুক্নিং থৌগৎকনি অমসুং ভারতকী আর্তিসান, মেন্যুফেকচরর, কঞ্জর্বেসন প্রোফেস্নেল অমসুং তেক্নোলোজী প্রোভাইদরশিংগী খুদোংচাবা পীগনি।
• লাক্লিবা মীয়ামদা মিৎয়েং থম্বা অমসুং পুম্নমক মনুং চনবা ইনফ্রাস্ত্রকচর: হৌজিক্কী মতমগী ম্যুজিয়মগী তেক্নোলোজী অমসুং মফমসিদা লাকপা মীয়ামদা খুদোং ভাহনগদবা ফেসিলিতীশিংনা পব্লিক ইনগেজমেন্ত হেনগৎহনগনি অমসুং ম্যুজিয়ম য়েংবগী নুংঙাইবা হেনগৎহনগনি।

চঙগদবা চাদিং

কুপ্লবা য়ূমশারোল অমসুং একজিবিসন দিজাইন, মরী লৈনবা এজেন্সীশিংনা পাংথোকপা তেক্নিকেল এসেসমেন্ত য়াওনা ইঞ্জিনিয়রিং অমসুং ম্যুজিয়মগী থৌরাং য়াৎপদা মথৌ তাবশিংগী মতুং ইন্না প্রোজেক্ত অসিদা লুপা করোর ৩২৩০গী অপুনবা শেনফম চঙগনি।

ম্যুজিয়ম অসিনা তিকেত, চান-থক্নবা য়োনবা, মফম শান্দোকপা, দিজিতেল এক্সপেরিএন্স, লমজিংদুনা তুর তৌবা, পোৎ য়োনফম অমসুং অতোপ্পা খুদোংচাবা কয়াদগী শেল তানবা ঙমগনি হায়না থজরি। ম্যুজিয়ম অসিনা চহি অমদা মীওই করোর ১ য়েংবা লাকপা য়াহন্নবা শেমগনি।

বেনিফিশরীশিংগী মশিং

ম্যুজিয়ম অসি নেস্নেল পব্লিক কলচরেল ইন্সতিত্যুসন অমা ওইহন্দুনা মীয়াম, মহৈরোই, রিসর্চ তৌবা মীওই, স্কোলার, কলচরেল প্রেক্তিস্নর, লৈবাক অমসুং মালেমগী লমকোয়বা অমদি অতোপ্পা মীওই কয়াদা সেবা তৌগনি।

মসিনা কলচর অমসুং এজুকেসনগী ইন্সতিত্যুসন অমা ওইনা তম্নবা, রিসর্চ তৌনবা, নাৎকী মতাংদা খঙনবা অমসুং ভারতকী সিভিলাইজেসনগী হেরিতেজকী ৱাফমশিং খঙবগী খুদোংচাবা পীগনি। প্রোজেক্ত অসিগী ওইনা বেনিফিশরীগী অকক্নবা মশিং লৈরোই।

কোনগদবা রাজ্য/জিলা

ম্যুজিয়ম অসি নই দিল্লীগী নোর্থ অমসুং সাউথ ব্লোক কমপ্লেক্সতা শাগনি। ফিজিকেল ইনফ্রাস্ত্রকচর অসি লৈবাক্কী কোনুংদা লৈজরবশু মসিনা ভারতকী রাজ্য অমসুং য়ুনিয়ন তেরিতোরীগা লোয়ননা মালেমগী অতোপ্পা মফমদগী লাকপা মীওইশিংগী সেবা তৌগনি।

*****