Posted On:
04 NOV 2026 4:14PM by PIB Chandigarh
ਸੰਗਠਨਾਤਮਕ ਜ਼ਰੂਰਤਾਂ ਅਤੇ ਸੰਚਾਲਨ/ਰਣਨੀਤਕ ਕੁਸ਼ਲਤਾ 'ਤੇ ਉਦੇਸ਼ ਰੱਖਦੇ ਹੋਏ ਇੱਕ ਉਦੇਸ਼ਪੂਰਨ ਮੁਲਾਂਕਣ ਤੋਂ ਸਪੱਸ਼ਟ ਹੋਇਆ ਕਿ ਅਗਨੀਵੀਰਾਂ ਨੇ ਆਪਣੇ ਹੁਨਰ, ਪ੍ਰੇਰਣਾ ਪੱਧਰ, ਸਰੀਰਕ ਸਿਹਤ/ ਤੰਦਰੁਸਤੀ ਅਤੇ ਤਕਨੀਕੀ ਮੁਹਾਰਤ ਦੇ ਮਾਮਲੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਪਹਿਲਾਂ ਤੋਂ ਸਥਾਪਿਤ ਪ੍ਰਬੰਧ ਦੇ ਅਨੁਸਾਰ, 25 ਪ੍ਰਤੀਸ਼ਤ ਅਗਨੀਵੀਰਾਂ ਨੂੰ ਯੋਗਤਾ ਦੇ ਅਧਾਰ 'ਤੇ ਰੱਖਿਆ ਬਲਾਂ ਵਿੱਚ ਨਿਯਮਿਤ ਸੇਵਾ ਦਾ ਮੌਕਾ ਦਿੱਤਾ ਜਾਵੇਗਾ।
ਇਸ ਤੋਂ ਇਲਾਵਾ, ਭਾਰਤੀ ਰੱਖਿਆ ਬਲਾਂ ਦੀਆਂ ਸਿਫ਼ਾਰਸ਼ਾਂ ਦੇ ਅਧਾਰ ' ਤੇ ਕੈਬਨਿਟ ਨੇ ਬਾਕੀ 75 ਪ੍ਰਤੀਸ਼ਤ ਅਗਨੀਵੀਰਾਂ ਲਈ ਦੋ ਵਰਿਆਂ ਦੀ ਵਾਧੂ ਸੇਵਾ ਮਿਆਦ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਸ ਵਾਧੂ ਦੋ ਵਰਿਆਂ ਦੀ ਸੇਵਾ ਮਿਆਦ ਪੂਰੀ ਹੋਣ 'ਤੇ , ਸਾਰੇ ਅਗਨੀਵੀਰਾਂ ਨੂੰ ਨਿਯਮਿਤ ਸਿਪਾਹੀਆਂ ਵਜੋਂ ਭਰਤੀ ਹੋਣ ਦਾ ਮੌਕਾ ਦਿੱਤਾ ਜਾਵੇਗਾ, ਜੋ ਕਿ ਉਨ੍ਹਾਂ ਦੀ ਇੱਛਾ ਅਤੇ ਨਿਰਧਾਰਿਤ ਚੋਣ ਮਾਪਦੰਡਾਂ ਨੂੰ ਪੂਰਾ ਕਰਨ ਦੇ ਅਧੀਨ ਹੋਵੇਗਾ।
ਇੱਛੁਕ 75% ਅਗਨੀਵੀਰਾਂ ਲਈ ਦੋ ਵਰਿਆਂ ਦੀ ਵਾਧੂ ਸੇਵਾ ਮਿਆਦ ਸ਼ੁਰੂ ਕਰਨ ਦਾ ਫੈਸਲਾ ਅਗਨੀਵੀਰਾਂ ਦੀਆਂ ਇੱਛਾਵਾਂ ਅਤੇ ਸੰਗਠਨਾਤਮਕ ਕੁਸ਼ਲਤਾ ਵਿਚਕਾਰ ਬਿਹਤਰ ਮੇਲ ਸਥਾਪਿਤ ਕਰਨ ਦੇ ਮੂਲ ਉਦੇਸ਼ ਨਾਲ ਪ੍ਰਾਪਤ ਵਿਸਤ੍ਰਿਤ, ਬਿਹਤਰ ਵਿਚਾਰ ਅਤੇ ਤਰਕਸ਼ੀਲ ਮੁਲਾਂਕਣ ਅਤੇ ਫੀਡਬੈਕ ਦੇ ਅਧਾਰ ' ਤੇ ਲਿਆ ਗਿਆ ਹੈ।
ਅਗਨੀਪਥ ਯੋਜਨਾ ਦੀਆਂ ਪ੍ਰਾਪਤੀਆਂ
ਇਸ ਯੋਜਨਾ ਦੇ ਚਾਰ ਵਰਿਆਂ ਬਾਅਦ, ਇਸਦੀ ਪ੍ਰਭਾਵਸ਼ੀਲਤਾ ਅਤੇ ਅਗਨੀਵੀਰਾਂ ਦੇ ਪ੍ਰਦਰਸ਼ਨ ਬਾਰੇ ਵਿਸਤ੍ਰਿਤ ਫੀਡਬੈਕ ਪ੍ਰਾਪਤ ਹੋਇਆ ਹੈ। ਅਗਨੀਪਥ ਯੋਜਨਾ ਦੀਆਂ ਕੁਝ ਪ੍ਰਮੁੱਖ ਪ੍ਰਾਪਤੀਆਂ ਇਸ ਪ੍ਰਕਾਰ ਹਨ :
-
ਦੇਸ਼ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਅਗਨੀਵੀਰਾਂ ਦੀ ਭਰਤੀ ਦਾ ਦਾਇਰਾ ਵਧਿਆ ਹੈ।
-
ਭਰਤੀ ਪ੍ਰਕਿਰਿਆ ਵਧੇਰੇ ਮਿਆਰੀ ਅਤੇ ਪਾਰਦਰਸ਼ੀ ਹੋ ਗਈ ਹੈ।
-
ਸਰੀਰਕ ਸਿਹਤ/ਤੰਦਰੁਸਤੀ, ਮਨੋਬਲ, ਪ੍ਰੇਰਣਾ, ਮੁਕਾਬਲੇ ਦੀ ਭਾਵਨਾ ਅਤੇ ਅਨੁਸ਼ਾਸਨ ਬਹੁਤ ਉੱਚੇ ਮਿਆਰਾਂ ਦੇ ਪਾਏ ਗਏ ।
-
ਸੇਵਾ ਦੌਰਾਨ ਹੁਨਰ, ਤਕਨੀਕੀ ਅਨੁਕੂਲਤਾ ਅਤੇ ਵਿਦਿਅਕ ਯੋਗਤਾਵਾਂ ਵਿੱਚ ਵਾਧਾ ਹੋਇਆ ਹੈ।
-
ਰੱਖਿਆ ਬਲਾਂ ਦੀਆਂ ਵੱਖ-ਵੱਖ ਸ਼ਾਖਾਵਾਂ ਵਿੱਚ ਔਰਤਾਂ ਲਈ ਮੌਕਿਆਂ ਦੇ ਦਰਵਾਜ਼ੇ ਖੁੱਲ੍ਹੇ ਹਨ।
ਉਪਰੋਕਤ ਪ੍ਰਾਪਤੀਆਂ ਦੇ ਅਧਾਰ 'ਤੇ, ਅਗਨੀਪਥ ਯੋਜਨਾ ਜਾਰੀ ਰਹੇਗੀ। ਅਗਨੀਵੀਰਾਂ ਨੂੰ ਉਨ੍ਹਾਂ ਦੇ ਦੂਜੇ ਸੇਵਾ ਕਾਰਜਕਾਲ ਦੌਰਾਨ ਉੱਚ ਮਿਹਨਤਾਨਾ, ਵਧੇ ਹੋਏ ਸੇਵਾ ਫੰਡ ਪੈਕੇਜ ਅਤੇ ਸੀਨੀਅਰਤਾ ਲਾਭ ਪ੍ਰਦਾਨ ਕੀਤੇ ਜਾਣਗੇ।
ਕੈਬਨਿਟ ਨੇ ਦੋ ਵਰਿਆਂ ਦੀ ਵਾਧੂ ਸੇਵਾ ਮਿਆਦ ਸ਼ੁਰੂ ਕਰਕੇ ਅਤੇ ਉਸ ਤੋਂ ਬਾਅਦ ਸਾਰੇ ਅਗਨੀਵੀਰਾਂ ਨੂੰ ਨਿਯਮਿਤ ਸਿਪਾਹੀਆਂ ਵਜੋਂ ਸ਼ਾਮਲ ਕਰਕੇ ਸਾਰੇ ਅਗਨੀਵੀਰਾਂ ਨੂੰ ਰੱਖਿਆ ਬਲਾਂ ਵਿੱਚ ਸ਼ਾਮਲ ਕਰਨ ਦਾ ਰਾਹ ਪੱਧਰਾ ਕਰ ਦਿੱਤਾ ਹੈ ।
*******
ਵੀਕੇ / ਐੱਸਆਰ/ ਸੇਵੀ/ਏਕੇ