প্ৰধানমন্ত্ৰীৰ কাৰ্যালয়
দাদাচাহেব ফাল্কে বঁটাৰে সন্মানিত হোৱা বাবে অনন্ত নাগক অভিনন্দন জনালে প্ৰধানমন্ত্ৰীয়ে
পোষ্ট কৰা হৈছে:
16 SEP 2026 6:13PM by PIB Guwahati
প্ৰধানমন্ত্ৰী নৰেন্দ্ৰ মোদীয়ে কিংবদন্তি অভিনেতা অনন্ত নাগক দাদাচাহেব ফাল্কে বঁটাৰে সন্মানিত হোৱা বাবে অভিনন্দন জ্ঞাপন কৰে।
প্ৰধানমন্ত্ৰীয়ে কয় যে কেইবা দশক ধৰি অনন্ত নাগৰ অনন্য অভিনয়, অসাধাৰণ বহুমুখী প্ৰতিভা আৰু শিল্পীসুলভ উৎকৰ্ষতাই ভাৰতীয় চলচ্চিত্ৰ জগতত বিশেষকৈ কানাড়া চলচ্চিত্ৰত এক স্থায়ী ছাপ পেলাইছে।
তেওঁ কয় যে অনন্ত নাগলৈ আগবঢ়োৱা এই সন্মান তেওঁৰ সম্পূৰ্ণৰূপে প্ৰাপ্য আৰু ই ভাৰতীয় চলচ্চিত্ৰলৈ আগবঢ়োৱা তেওঁৰ অপৰিসীম অৱদানৰ স্বীকৃতিকেই প্ৰতিফলিত কৰিছে।
প্ৰধানমন্ত্ৰীয়ে এই বিশেষ উপলক্ষ্যত বিশিষ্ট শিল্পীগৰাকীক শুভেচ্ছা আৰু শুভকামনা জ্ঞাপন কৰে।
প্ৰধানমন্ত্ৰীয়ে কয়—
“কিংবদন্তি অনন্ত নাগক দাদাচাহেব ফাল্কে বঁটাৰে সন্মানিত কৰাত আন্তৰিক অভিনন্দন জ্ঞাপন কৰিছোঁ।
কেইবা দশক ধৰি তেওঁৰ স্বাভাৱিক অভিনয়, অসাধাৰণ বহুমুখী প্ৰতিভা আৰু শিল্পীসুলভ উৎকৰ্ষতাই ভাৰতীয় চলচ্চিত্ৰ জগতত, বিশেষকৈ কানাড়া চলচ্চিত্ৰত এক গভীৰ আৰু স্থায়ী ছাপ পেলাইছে।
তেওঁ যি চৰিত্ৰতেই অভিনয় কৰিছে, প্ৰতিটো চৰিত্ৰতে তেওঁ এক বিৰল গভীৰতা আৰু বাস্তৱিকতা প্ৰদান কৰিছে।
সঁচাকৈয়ে, এগৰাকী বিশিষ্ট শিল্পীক প্ৰদান কৰা এই সন্মান সম্পূৰ্ণৰূপে তেওঁৰ প্ৰাপ্য।”
***********
MJPS/SS/VJ/DM
(ৰিলিজ আই ডি : 2311134)
অতিথি কক্ষ : 7