কেন্দ্রগী গৃহ মন্ত্রী শ্রী গোবিন্দ মোহননা ঙসি নই দিল্লীদা হিমালয়ন স্তেতশিং/য়ু.তি.শিংদা গ্লেসিএল লেক আউৎবর্স্ত ফ্লদস (জি.এল.ও.এফ.) অমসুং উন নীংখাইবগী থৌদোকশিংগী খুদোংথিবশিংগী মায়োক্তা শেম-শারিবা অদু য়েংশিন্নবা মীফম অমা পাংথোকখ্রে। মীফম অদুদা গৃহ মন্ত্রালয় (এম.ঐচ.এ.), নেস্নেল দিজাস্তর মেনেজমেন্ত ওথোরিতী (এন.দি.এম.এ.), সেন্ত্রেল ৱাতর কম্মিসন (সি.দবল্যু.সি.), ইন্দিয়া মেতিওরোলোজিকেল দিপার্তমেন্ত (আই.এম.দি.) অমসুং দিফেন্স জিওইনফোর্মেতিক্স রিসর্চ এস্তাব্লিসমেন্ত (দি.জি.আর.ই.) গী মকোক থোংবা ওফিসরশিংগা লোয়ননা উত্তরাখন্দ, হিমাচল প্রদেশ, সিকিম, অরুনাচল প্রদেশ অমসুং জম্মু অমসুং কাশ্মীরগী চীফ সেক্রেতরীশিং অমসুং স্তেত দিজাস্তর মেনেজমেন্ত ওথোরিতীশিং শরুক য়াখি।

মীফম অদুদা হিমালয়ন লমদমদা জি.এল.ও.এফ.কী রিস্ক হেনগৎলক্লিবা অদু য়েংশিনখি লোয়ননা মসিদা আর্লী ৱার্নিং, খুদোংথিনিংঙাই ওইবা গ্লেসিএল লেকশিং অমসুং উননা কুপ্লবা মফমশিং য়েংশিনবা, রিস্ক ৱাংবা মফমশিং মশক খঙদোকপা, ঈশিং ঈচাউগী ঈরম, মতম চানা এৱার্তশিং শন্দোকপা, মী কনবা ঙম্নবা শেম-শাবা অমসুং রেস্পোন্স মেকানিজমশিং মপাঙ্গল কনখৎহনবদা অখন্নবা মীৎয়েং থমখি।

খুদোংথিনিংঙাই ওইবা গ্লেসিএল লেকশিং য়েংশিন্নবা, আর্লী ৱার্নিং সিস্তেমশিং মপাঙ্গল কনখৎহনবা, লাস্ত-মাইলদা এলার্তশিং শন্দোকপা, ঈশিং মরাং কাইনা চেলহন্নবগী থৌরাং তৌবা, কম্ম্যুনিতীগী শেম-শারিবা অমসুং খুদোংথিনিংঙাই ওইবা মফমশিংদা রেস্পোন্স রিসোর্সশিং দিপ্লোই তৌবা য়াওনা রাজ্যশিং/য়ু.তি.শিংনা মখোয়গী মরী লৈনবা শেম-শারিবা অমসুং মিতিগেসন স্ত্রেতেজীশিং অদু উৎখি। রাজ্য/য়ু.তি.গী ওইবা খুদোংথিনিংঙাই ওইবা অমসুং শেম-শারিবা থৌরাংশিংগী মতাংদা কুপ্না খন্নখি। দিস্ত্রিক্ত অমসুং লোকেলগী থাক্তা মিতিগেসনগী থৌরাংশিং অসি থবক ওইনা ওন্থোক্নবা হোৎনবদা মরুওইবা থমখি।

কেন্দ্রগী হোম সেক্রেতরীনা মরুওইনা রিস্ক ৱাংখৎলকপা মতমগী মনুংদা খুদোংথিনিংঙাই ওইবা গ্লেসিএল লেকশিং অমসুং উন নীংখাইরকপা য়াবা মফমশিংদা লেপ্পা লৈতনা অমসুং প্রোএক্তিব ওইনা য়েংশিনবগী তঙাই ফদবা অদুদা অকনবা ৱাফম থমখি। ৱার্নিংশিং অসি অথুবা মতমদা অমসুং ইফেক্তিব ওইনা থবক লৌখৎপা ঙম্নবগীদমক রাজ্যশিং/য়ু.তি.শিংদা রাজ্যগী এজেন্সীশিং, দিস্ত্রিক্ত এদমিনিস্ত্রেসনশিং অমসুং সাইন্তিফিক অমসুং তেক্নিকেল ইন্সতিত্যুসনশিংগী মরক্তা অচেৎপা কোওর্দিনেসন লৈহন্নবা পাউতাক পীখি।

জি.এল.ও.এফ. অমসুং উন নীংখাইবগীদমক্তা শেম-শারিবা অসি রেস্পোন্স ওরিয়েন্তেদ ওইবা থৌরাংদগী রিস্ক ইনফোর্মেসন প্লান্নিং, প্রিভেন্তিব মিতিগেসন অমসুং কম্ম্যুনিতীগী থাক্তা শেম-শারিবা অদুগী মায়কৈদা চৎকদবনি হায়না কেন্দ্রগী হোম সেক্রেতরীনা অকনবা ৱাফম থমখি। রাজ্যশিং/য়ু.তি.শিংদা মখোয়গী শেম-শারিবা থৌরাংশিং চাং নাইনা য়েংশিনবা, আর্লী ৱার্নিং অমসুং ইভাক্যুএসনগী থৌরাংশিংদা লৈরিবা অশোয়বশিং খঙদোক্নবা অমসুং এক্সত্রিম ওইবা থৌদোক অমা থোকহন্দ্রিঙৈগী মমাংদা মথৌ তাবা করেক্তিব ওইবা থৌরাংশিং লৌখৎনবা খঙহনখি। মহাক্না হায়খি মদুদি রাজ্যশিংনা ২০২৪দা কেন্দ্র সরকারনা রাজ্যশিংগীদমক অয়াবা পীরবা জি.এল.ও.এফ. মিতিগেসন প্রোজেক্তকী খোংজেল য়াংশিনবা মথৌ তাই।

মীফম অদু মখা তানা ইন্তর-এজেন্সী কোওর্দিনেসন, রিস্ক ইনফোর্মেসন চাং নাইনা শেয়র তৌনবা অমসুং হিমালয়গী খুদোংথিবা লৈবা মফমশিংদা পুন্সি অমসুং লন-থুম মাংহন্দনবা আর্লী ৱার্নিং অমসুং রেস্পোন্স মেকানিজমশিং মপাঙ্গল কনখৎহন্নবা দিরেক্সনশিংগা লোয়ননা লোইশিনখি।

***