শেনমিৎলোন্দা মন্ত্রীমন্দলগী মীফম (সি.সি.ই.এ.)
মন্ত্রী মন্দলনা ৱেস্ত বেঙ্গল, ওরিসা, তামিল নাদু অমসুং অন্ধ্র প্রদেশকী দিস্ত্রিক্ত নিপান কোনশিনবা মল্তিত্রেকিং প্রোজেক্ত মরি অয়াবা পীদুনা হৌজিক লৈরিবা ইন্দিয়ন রেলৱেজকী নেতৱর্ক কিলোমিতর ৪১০ রোম হেনগৎহনগদৌরি
প্রোজেক্ত অসিগী অপুনবা চাউরাকপা শেঞ্জং লুপা করোর ৯,৪৫০ নি অমদি ২০৩০-৩১ ফাওবদা লোইশিনগদবনি
থাগৎখিবা:
19 AUG 2026 3:18PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমিক এফ্যার্সনা ঙসি লুপা করোর ৯,৪৫০ রোম চঙগদবা রেলৱেজ মন্ত্রালয়গী প্রোজেক্ত মরি অয়াবা পীখ্রে। প্রোজেক্তশিং অদুদি:
ক. খরগপুর – ভদ্রক (রানিতাল) ৪শুবা লাইন – কিমি ১৭৩ (ৱেস্ত বেঙ্গল অমসুং ওরিসা)
খ. ভদ্রক – হরিদাসপুর ৪শুবা লাইন – কিমি ৭৫ (ওরিসা)
গ. গুম্মিদিপুন্দি – গুদরু ৩শুবা অমসু ৪শুবা লাইন – কিমি ৯০ (অন্ধ্র প্রদেশ অমসুং তামিল নাদু)
ঘ. কত্তক – পরাদীপ (বাবাবন্ধ) ৩শুবা অমসুং ৪শুবা লাইন – কিমি ৭২ (ওরিসা)
হেনগৎলক্লিবা লাইন কেপাসিতী অসিনা চত্থোক চৎশিনগী থৌওং মশক থোক্না ফগৎহন্দুনা ইন্দিয়ন রেলৱেজকী ওপরেস্নেল ইফিসিএন্সী অমসুং সর্ভিস রিলাইএবিলিতী হেনগৎহনগনি। মল্তি-ত্রেকিং প্রোপোজেলশিং অসিনা ওপরেসন মওং মরিল নাইহনগনি অমসুং মী চিনবা হন্থহনগনি। প্রোজেক্তশিং অসি মফম অমগী মীয়ামদা থবক পীবা/ মশানা মশাবু থবক পীজবগী খুদোংচাবা হেনগৎহনগদবা মওংগী মপুং ফাবা চাওখৎ থৌরাং পায়খত্তুনা লমদম অসিগী মীয়ামবু ‘আত্মনিরভর’ ওইহনগদবা অনৌবা ভারত অমগী প্রধান মন্ত্রী শ্রী নরেন্দ্র মোদীগী মঙলানগী পরিংদা পায়খৎপনি।
প্রোজেক্তশিং অসি ইন্তিগ্রেতেদ প্লান্নিং অমসুং স্তেকহোল্দর কন্সল্তেসনগী খুত্থাঙদা মল্তি-মোদেল কন্নেক্তিবিতী অমসুং লোজিস্তিক ইফিসিএন্সী হেনগৎহনবদা মীৎয়েঙ থমদুনা পি.এম.-গতি শক্তি নেস্নেল মাস্তর প্লানগী মখাদা থৌরাং তৌবনি। প্রোজেক্তশিং অসিনা মী, কোৎ-চৈ, অমসুং সর্ভিসশিং অপনবা লৈতনা চত্থোক চৎশিন তৌবা য়াহনগনি।
প্রোজেক্ত ০৪ (মরি) অসিনা ৱেস্ত বেঙ্গল, ওরিসা, তামিল নাদু অমসুং অন্ধ্র প্রদেশকী দিস্ত্রিক্ত ০৮ কোনশিন্দুনা ইন্দিয়ন রেলৱেজকী হৌজিক লৈরিবা নেতৱর্ক অসি কিলোমিতর ৪১০ রোম হেনগৎহল্লগনি। প্রপোজ তৌরিবা মল্তি-ত্রেকিং প্রোজেক্তশিং অসিনা মীশিং লাখ ৬০ রোম লৈবা খুঙ্গং ৬,৪৪৮ লোমদা ফীভম হেন্না ফগৎলবা চত্থোক চৎশিনগী পাম্বৈ ফংহনগনি।
প্রপোজ তৌরিবা কেপাসিতী হেনগৎহনবগী ৱাফম অসিনা কুল্দিহা ৱাইল্দলাইফ সেংচুএরী, ভিতরকনিকা নেস্নেল পার্ক, মা ভদ্রকালি মন্দির, মা ধমারাই মন্দির, পঞ্চলিঙ্গেস্বর মন্দির, তলসারী-উদ্যপুর অমসুং চান্দিপুর বীচ, পুলিকেত পাৎ, নেলাপত্তু বর্দ সেংচুএরী, লোর্দ বীরঘব পেরুমল মন্দিরো গদা কুজঙ্গা জগন্নাথ মন্দির, সরলা মন্দির, ধবলেস্বর মন্দির, ললিতগিরি (বুদ্ধিস্ত মফম অমা) অসিনচিংবা লৈবাক অসিগী মমিং লৈরবা লমকোয় লমথুংফম কয়াদা রেল কন্নেক্তিবীতীগী ফীভম ফগৎহনগনি।
প্রপোজ তৌরিবা প্রোজেক্তশিং অসি কোইলা, আইরন ওর, সিমেন্ত, য়োৎ অমসুং স্তীল, কন্তেনর, ওতোমোবাইল, ফুদ গ্রেন অসিনচিংবা পোৎলমশিং পুথোক পুশিন তৌবগী মরুওইবা লম্বীশিংনি। কেপাসিতী ওগমেন্তেসনগী থবক অসিনা মেগ্নিচুদ ৭৬ এম.পি.তি.ওএ. (মিলিয়ন তন্স পর এনম) গী অহেনবা পোৎ পুথোক পুশিন তৌবা ঙমহনগনি। রেলৱেজ অসি অকোয়বগী ফীভমগা চুনবা অমসুং ইনর্জী য়াম্না চঙদবা পাম্বৈ ওইবা মরমনা, মসিনা লৈবাক অসিগী ক্লাইমেত পান্দমশিং ফংবদা অমসুং পোৎ-চৈ পুথোক পুশিনগী শেঞ্জং হন্থহনবদা, থাউ পুশিল্লকপা হন্থহনবা (লিতর করোর ~১৩) অমসুং পাম্বী করোর ২.৬০ থাবগা মান্নগদবা চাংগী সি.ও.২ থাদোকপা হন্থহনবদা (কেজি করোর ~ ৬৫) মতেং পাংগনি।
***
(রিলিজ আই.দি.: 2301482)
ভিজিতর কাউন্তর : 21
রিলিজ অসি মসিদা পাবীয়ু:
Punjabi
,
English
,
Urdu
,
हिन्दी
,
Marathi
,
Assamese
,
Bengali
,
Bengali-TR
,
Gujarati
,
Odia
,
Tamil
,
Telugu_Vw
,
Telugu
,
Kannada
,
Malayalam