য়ুমলৈ-কৈরৈ মন্ত্রালয়
মোদী সরকারনা নীংতম নুমিৎকী মাংওইননা আই.এস.আই.না শৌগৎপা তেরর গ্রুপ শাহজাদ ভাতি নেৎৱার্ক থুগাইখি অমসুং ওপরেতিব ২০০ হেন্না এরেস্ত তৌদুনা সবভর্সিব এত্তেকশিংগীদমক মখোয়গী থৌরাংশিং থুগাইখি
প্রধান মন্ত্রী শ্রী নরেন্দ্র মোদী অমসুং গৃহ মন্ত্রী শ্রী অমিত শাহগী লুচিং মখাদা, ক্রোস-বোর্দর তেরোরিজমগী মায়োক্তা পায়খৎলিবা 'জিরো তোলরেন্স' পোলিসীগী শরুক অমা ওইনা, ওগস্ত ১২দা রাজ্য ১৪দা মীওই ২৫৩ দিতেন তৌখ্রে
শাহজাদ ভাতি নেৎৱার্ক্কী মায়োক্তা এফ.আই.আর. ৮০ হেন্না অমসুং এরেস্ত ২০০+ তৌবগী রেকোর্দ তৌখ্রে
प्रविष्टि तिथि:
17 AUG 2026 3:00PM by PIB Imphal
সেক্যুরিতী এজেন্সীশিংনা নীংতম নুমিৎকী মাংওইননা আই.এস.আই.না শৌগৎপা শাহজাদ ভাতি নেৎৱার্ক (এস.বি.এন.) গী মায়োক্তা অচৌবা মল্তি-স্তেত ক্রেকদাউন অমা চৎথখ্রে অমসুং মাগী তেরোরিস্ত সিন্দিকেত অদু ফাখ্রে। প্রধান মন্ত্রী শ্রী নরেন্দ্র মোদী অমসুং গৃহ মন্ত্রী শ্রী অমিত শাহগী লুচিং মখাদা, ক্রোস-বোর্দর তেরোরিজমগী মায়োক্তা পায়খৎলিবা 'জিরো তোলরেন্স' পোলিসীগী শরুক অমা ওইনা, রাজ্য ১৪দা মীওই ২৫৩ দিতেন তৌখ্রে, এস.বি.এন.গী মায়োক্তা এফ.আই.আর. ৮০ হেন্না অমসুং এরেস্ত ২০০ হেন্না রেকোর্দ তৌখ্রে।
এক্স প্লেৎফোর্মদা তৌবা পোস্ত অমদা, কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা হায়খি মদুদি “মোদী সরকারনা নীংতম নুমিৎকী মাংওইননা আই.এস.আই.না শৌগৎপা শাহজাদ ভাতি নেৎৱার্ক থুগাইখি অমসুং ওপরেতিব ২০০ হেন্না এরেস্ত তৌদুনা সবভর্সিব এত্তেকশিংগীদমক মখোয়গী থৌরাংশিং থুগাইখি। ভারতকী সেক্যুরিতী ফোর্সশিংনা তেরোরিজমগা মায়োক্তা ভারতকী জিরো-তোলরেন্সকী অফবা খুদম অমা ওইরিবা রাজ্য ১৪দা তোঙান তোঙানবা মফমশিংদা কোওর্দিনেতেদ ওপরেসনশিং লোঞ্চ তৌদুনা নেৎৱার্ক অসিবু থুগাইখি। আই.এস.আই.না শেল থাদবা কাঙলুপ অসিদগী আই.ই.দি.শিং, পাকিস্তান ওর্দিনান্স ফেক্টরী মার্কিংশিং য়াওবা গ্রেনেদশিং, পিস্তোলশিং, লাইব কারত্রিদজেসশিং অমসুং লান্মীগী অরোনবা পাউ খঙনবগীদমক শীজিন্নরিবা সি.সি.তি.ভি. নেৎৱার্ক য়াওনা চাউনা রিকোভরীশিং তৌখি। নেৎৱার্ক অসিনা তেরোরিস্তকী থবক থৌরম কয়াদা শরুক য়াখি”।
শাহজাদ ভাতি নেৎৱার্ক (এস.বি.এন.) অসি পাকিস্তানদা য়ুম্ফম ওইবা, আই.এস.আই.না শৌগৎপা তেরোরিস্ত সিন্দিকেত অমনি অমসুং মসি গ্রেনেদ, আই.ই.দি. অমসুং পেট্রোল বোমগী এতেকশিং অমসুং ভারত শীনবা থুংনা পান্দম থমদুনা হাৎপগী থৌদোকশিংগা মরী লৈনৈ। এস.বি.এন.না পুলিস, দিফেন্স অমসুং ধর্মগী ওইবা মফমশিং য়েংশিন্নবা অমসুং লান্মীগী অরোনবা পাউ খঙনবগীদমক সি.সি.তি.ভি. কেমেরাশিং ইনস্তোল তৌনবা লোকেলগী পোৎ-পীথোক পীশিন তৌরিবা মীওইশিংদসু শেল পীরি।
নীংতম্বা নুমিৎকী থৌরমগা মরী লৈননা থৌরাং তৌখিবা এস.বি.এন.গা মরী লৈনবা অপনবা পীনবা থৌওংশিং থেংননবা, ওগস্ত ১২দা স্তেত পুলিস ফোর্সশিংগা লোয়ননা রিএল-তাইম ইন্তেলিজেন্স-শেয়রিং সিস্তেম অমা শীজিন্নদুনা মল্তি-স্তেত ওপরেসন অমা চত্থখি। মসিনা রাজ্য ১৪ - উত্তর প্রদেশ (৬২), হরিয়ানা (৫২), দিল্লী (৫১), পঞ্জাব (৪৪), রাজস্থান (১৫), মহারাস্ত্রা (৮), উত্তরাখন্দ (৫), কর্নাতকা, গুজরাত অমসুং বিহার (অমমমগী ওইনা ৩), অমসুং তেলঙ্গনা, হিমাচল প্রদেশ, জে অমসুং কে অমসুং কেরলা (অমমমগী ওইনা ২) দা মীওই ২৫৩ দিতেন তৌখি – লোয়ননা দিল্লী অমসুং কর্নাতকাদা অনৌবা এফ.আই.আর. রেজিস্তর তৌখি।
য়ু.এ.পি.এ., বি.এন.এস., আর্মস এক্ত, এন.দি.পি.এস. এক্ত অমসুং এক্সপ্লোসিব সবস্তেন্স এক্তকী মখাদা এস.বি.এন.গী মায়োক্তা এফ.আই.আর. ৮০ হেন্না অমসুং মীওই ২০০গী মথক্তা ফাজিনখ্রে। ফংলকপা পোৎলমশিংগী মনুংদা আই.ই.দি.শিং, পাকিস্তান ওর্দিনান্স ফেক্তরীগী মার্কশিং য়াওবা গ্রেনেদশিং, পিস্তোলশিং, লাইব কারত্রিজেসশিং অমসুং লান্মীগী অরোনবা পাউ খঙনবগীদমক সি.সি.তি.ভি.শিং য়াওখি – মসিনা নেৎৱার্ক অসিগী দাইরেক্ত ক্রোস-বোর্দর লিঙ্কশিং অদু কনফর্ম তৌরি।
সেক্যুরিতী এজেন্সীশিংনা ভারত সরকারনা ক্রোস-বোর্দর তেররদা জিরো তোলরেন্স অমসুং লৈবাক শিনবা থুংনা এস.বি.এন. নেৎৱার্কশিং মুত্থৎনবা লেপ্তনা থবক পায়খৎলগনি হায়না অমুক হন্না থাজবা পীরি।
*****
(रिलीज़ आईडी: 2300717)
आगंतुक पटल : 10
इस विज्ञप्ति को इन भाषाओं में पढ़ें:
Odia
,
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam