Katkum ka Policy Guidelines ban buh ia ki Community Radio Station ha India, ka jingthmu jong ka Community Radio Broadcasting ka long ban shakri ia ka kam jong ki paidbah kiba shong ba sah hapoh ka jaka ai jingshakri jong ka Community Radio Station (CRS).

Shuh shuh, hapoh ki Jingbthah jong ka Policy, ka Sorkar ka don ka bor ban bthah ia ki Community Radio Station ban pynbna ia kano kano ka khubor ba kyrpang ba la shim ba ka long kaba donkam ban pynbeit ia ki jingeh kiba mih na ki jingjia kynsan ka jinglynshop ki bor ka mariang, ka  bha ka miat jong ki paidbah ne ki jingjia kiba kum kita, bad kito kiba la ioh jingbit ki don ka jingkitkhlieh ban bud ia kum kine ki jingbthah.

Ki jingbhah jong ka Policy ki ailad ruh ia ki Community Radio Station ban pynbna paidbah ia ki jingpynbna kiba iadei bad ki jingdonkam jong ki paidbah, ki jingjia lynshop ki bor ka mariang, ki jingpynbna shaphang ka koit ka khiah bad kiwei kiwei ki jingtip ba la ai da ki bor pyniaid kam ha ka thain.

Katkum kane, ki Community Radio Station (CRS) ki don ka bynta kaba kongsan ha kaba pynsaphriang ia ki jingtip ha ka por bad kiba lah ban shaniah ha ki ktien jong ka thain ha ka por ba don ki jingjia lynshop ki bor ka mariang bad kiwei kiwei ki jingjia ba kyrkieh.

Shuh shuh, haba pyrkhat ia ka jingmyntoi ba la paw jong ki Community Radio Station ha kaba pynbiang ia ki jingdonkam jingtip jong ki nongshong shnong, khamtam ha ki jaka ba ju jia ka jingshlei um, ki jaka ba don harud duriaw bad kiwei kiwei ki jaka ba kham don ha ka jingma, ka Tnad ka la kren shaphang ki jingai jingtip bad ki Chief Secretary bad ki Administrative Secretary jong ki Tnad Revenue bad Disaster Management jong ki jylla/UT ba dei peit, da kaba kyrpad ia ki ban pyndonkam ia kane ka lad kaba treikam bha na ka bynta ban pynsaphriang ia ki jingtip kiba iadei bad ki jingjia lynshop ki bor ka mariang bad ban ithuh bad kyntiew ia ka jingplie ia ki Community Radio Station ba thymmai ha kum kine ki jaka.

Ia ki Community Radio Station la kyrshan hapoh ka Skhim jong ka Sorkar Pdeng " Supporting Community Radio Movement in India ", kaba la mynjur ban bteng ha ka samoi 2026-27 haduh 2030-31 da ka jingpynlut kaba T.50 klur. Ka Scheme ka thmu ban pynkhlain ia ki Community Radio Station kiba thymmai bad kiba la don lypa da kaba ai jingiarap pisa na ka bynta ban thied ne bujli ia ki tiar kiba donkam na ka bynta ban sdang bad pyntreikam ia ki Community Radio Station, kynthup ia ki tiar jingkyrshan na ka bynta ka bording kum ki UPS, ki Generator Set bad ki bording Solar ban pynthikna ka jingbteng ka jingpynbna khubor ha ki por ba don ki jingjynjar.

Kane ka Skhim ka ai ruh ïa ka Emergency Grant kaba T.11.50 lak sha ki Community Radio Station kiba dang treikam haba jia ka jinglynshop ki bor ka mariang kum ka jingshlei um, leilieh, u jumai bad kiwei kiwei.

Ia kane ka jingtip la ai da u Myntri khynnah ka tnad Information and Broadcasting bad Parliamentary Affairs, Dr. L. Murugan, ha ka jubab ba la shu thoh ia ka Jingkylli ba la buh da u Kanad Purkayastha, u Manan Kumar Mishra, ka Seema Dwivedi, u Shambhu Sharan Patel, ka Sadhna Singh ha Rajya Sabha mynta ka sngi.

****