সরকারগী পোলিসীশিং অসিনা নুপী অমসুং অঙাংশিং য়াওনা  শিজিন্নরিবশিংগীদমক ওপন ওইবা, অশোই অঙাম থোক্নিংঙাই ওইদ্রবা, থাজনিংঙাই ওইবা অমসুং একাউন্তেবল ওইবা ইন্তরনেত অমা লৈহন্নবা পান্দম থম্লি। ভারতকী ইন্তর্নেত অসি আইনগী মায়োক্তা লৈবা কন্তেন্ত নৎত্রগা পাউশিং, মরুওইনা অকাম্বা, উবদা নুঙাইতবা কন্তেন্ত নৎত্রগা পাউশিংদগী লাপ্না লৈহন্নবা সরকারনা হোৎনরি।

ইনফোর্মেসন তেক্নোলোজী এক্ত, ২০০০ (আই.তি. এক্ত) অমসুং ইনফোর্মেসন তেক্নোলোজী (ইন্তরমিদিয়রী গাইদলাইনশিং অমসুং দিজিতেল মীদিয়া ইথিক্স কোদ) রুল্স, ২০০১ (আই.তি. রুল্স) অসি পুন্না দিজিতেল স্পেসতা আইনগী মায়োক্তা লৈবা কন্তেন্ত নৎত্রগা পাউশিং, মরুওইনা অকাম্বা, উবদা নুঙাইতবা কন্তেন্ত থেংননবা অমসুং ইন্তরমিদিয়রীশিংদা পাউখুম পীনবা ময়েক শেংবা থৌদাং অমা থম্লি।

আই.তি. রুলস, ২০২১না ইন্তরমিদিয়রীশিংদা, সোসিএল মীদিয়া ইন্তরমিদিয়রীশিং য়াওনা, মখোয়গী কম্প্যুতর রিসোর্সশিং শীজিন্নরিবা মীওইশিংনা, ওবসিন, পর্নোগ্রাফিক, পেদোফিলিক, অঙাংশিংদা শোকহল্লিবা, প্রাইভেসীদা খুদোংচাদবা, জেন্দরদা য়ুম্ফম ওইদুনা ইকায়খুম্নবিদবা নৎত্রগা চৈথেং পীনবা নৎত্রগা হৌজিক চৎনরিবা আইন অমা হেক্তবু থুগাইবা ঈ-পাউ অমত্তা হোস্ত তৌবা, উৎপা, অপলোদ তৌবা, শেমদোকপা, ফোঙবা, ত্রান্সমিৎ তৌবা, ষ্টোর তৌবা, অপদেৎ তৌবা নৎত্রগা শিয়র তৌদনবা মরম চাবা থবকশিং পাংথোক্নবা তঙাই ফদবা থৌদাংশিং পীরি। করিগুম্বা ইন্তরমিদিয়রশিংনা আই.তি. রুলস, ২০২১দা পীরিবা আইনগী ওইবা মথৌ তাবশিং অসি পাংথোক্ত্রবদি, আই.তি. এক্তকী সেক্সন ৭৯গী মখাদা পীরিবা থার্দ পার্তী ইনফোর্মেসনদগী মখোয়গী একজেম্পসন অদু মাংগনি। মখোয়না আইনগী মখাদা পীরিবা মতুং ইন্না মখা তাবা এক্সন নত্ত্রগা প্রোসিক্যুসন চত্থগনি।

ফেব্রুৱারী ১০, ২০২৬দা সরকারনা দিপ ফেক অমসুং এ.আই.না পুথোকপা কন্তেন্ত য়াওনা সিন্থেতিক ওইনা পুথোকপা ঈ-পাউ (এস.জি.আই.) দগী থোক্লকপা খুদোংথীবশিং কোকহন্নবা আই.তি. রুল শেমদোক্তুনা মপাংগল কলহনখ্রে।

অহোংবশিং অসিগী মতুং ইন্না, ইন্তরমিদিয়রীশিং অমসুং অচৌবা সোসিএল মীদিয়া প্লেতফোর্মশিংনা, এ.আই.না পুথোকপা, ওবসিন, লান্না লমজিংনবা, মীওই অমা শাবা, নৎত্রগা অঙাংশিংদা খুদোংথীনিঙাই ওইবা কন্তেন্ত য়াওনা, আইন্না য়াদবা কন্তেন্ত শেম্বা অমসুং শন্দোকপা থিংনবা মতিক চাবা তেক্নিকেলগী ওইবা থৌরাংশিং পায়খৎপা মথৌ তাই। প্লেতফোর্মশিং অসি ভারত নাগরিক সুরক্ষা সনহিত, ২০২৩ নৎত্রগা প্রোতেক্সন ওফ চিলদ্রেন ফ্রোম সেক্সুএল ওফেন্স এক্ত, ২০১২গুম্বা রিপোর্ত তৌনবা য়াথং পীরিবা আইনশিংগী মখাদা মরী লৈনবা ওফেন্সশিংগী মতাংদা মতিক চাবা ওথোরিতীশিংদা রিপোর্ত তৌবগী মথৌ তাই।

ভারতকী সাইবর ক্রাইম কোওর্দিনেসন সেন্তর (আই.৪.সি.) গী শরুক অমা ওইনা মীয়ামদা সাইবর ক্রাইমশিংগী মখল খুদিংমক্কী থৌদোকশিং রিপোর্ত তৌনবা নেস্নেল সাইবর ক্রাইম রিপোর্তিং পোর্তেল (এন.সি.আর.পি.) এন.সি.আর.পি.দা নুপী অমসুং অঙাংশীংগী মায়োক্তা চত্থরিবা সাইবর ক্রাইমশিংগী অকক্নবা কাংলুপশিংবু মমিং তাকথোক্তনা রিপোর্ত তৌনবগী প্রোভিজনশিং য়াওই। নুপীশিং/ অঙাংশিংগা মরী লৈনবা ক্রাইম রিপোর্ত তৌনবগী মোদুলগী মখাদা, কমপ্লেন্ট তৌরিবশিংনা কমপ্লেন্ট অমমম ওইনা রিপোর্ত তৌনবগী ওপশন অদু খনবা য়াই, মসিনা পর্সোনেল আইদেন্টিটিগী অকুপ্পা মরোলশিং পীদনা কমপ্লেন্টশীং সবমিট তৌবা য়াহল্লি।

এন.সি.আর.পি.না 'রিপোর্ত এন্দ চেক সস্পেক্ত' হায়না মিংথোনবা মোদ্যুল অমা হৌদোকখ্রে। মসিনা নাগরিকশিংদা সস্পেক্তিব ওইবা ৱেবসাইত য়ু.আর.এল.শিং, ৱাৎচেপ নম্বরশিং/ তেলিগ্রাম হেন্দলশিং, ফোন নম্বরশিং, ই-মেইল আইদিশিং, এস.এম.এস হেদরশিং/ নম্বরশিং, দিপ ফেকশিং অমসুং সোসিএল মীদিয়া য়ু.আর.এল.শিং রিপোর্ত তৌবা য়াহল্লগনি।

নুপী অমসুং অঙাংশিংগী মায়োক্তা সাইবর ক্রাইম থিংবা (সি.সি.পি.দবল্যু.সি.) স্কিমগী মখাদা রাজ্যশিং/য়ু.তি.শিংদা সাইবর ফোরেন্সিক-কম-ত্রেনিং লেবোরেতরীশিং লিংখৎপা, জুনিয়র সাইবর কন্সল্তেন্তশিং লৌবা অমসুং এল.ই.এ.এস. রাজ্য/য়ু.তি. ৩৩দা সাইবর ফোরেন্সিক-কুম-ত্রেনিং লেবোরেতরীশিং হাংদোক্নবা অমসুং এল.ই.এ.গী পর্সোনেল ২৪,৬০০ হেনবদা সাইবর ক্রাইমগী মতাংদা খঙহনবা, থিজিনবা, ফোরেন্সিক অসিনচিংবদা ত্রেনিং পীনবা সরকারনা লুপা কোতি ১৩২.৯৩ গী শেনফম কাইথখ্রে।

হোম এফিয়র্স মন্ত্রালয়গী ইন্দিয়ন সাইবর ক্রাইম কোওর্দিনেসন সেন্তর (আই.৪.সি.) না লৈবাক শিনবা থুংনা লৈরিবা এন.সি.সি., এন.এস.এস. অমসুং এন.ৱাই.কে.এস.কী মহৈরোয় লাখ ২ হেনবদা সাইবর হাইজিনগী ত্রেনিং পীখি।

আই.৪.সি.না নুপীশিংগী মরক্তা এৱয়রনেস প্রমোৎ তৌনবগীদমক সাইবর ক্রাইম থীংনবা মহৈরোইশিংদা এজুকেসন পীবদা পান্দম থমদুনা 'হেন্দবুক ফোর এদোলেসেন্তস/স্তুদেন্তস' অমসুং 'সাইবর সেক্যুরিতী হেন্দবুক ফোর মাহিলা সুরক্ষ' ফোংখ্রে।

ইনফোর্মেসন সেক্যুরিতীদা হ্যুমেন রিসোর্স পুথোক্নবা অমসুং মীয়ামগী মরক্তা সাইবর হাইজিন অমসুং সাইবর সেক্যুরিতীগী তোঙান তোঙানবা হিরমশিংদা মীয়ামদা খঙহন্নবা সরকারনা "ইনফোর্মেসন সেক্যুরিতী এজুকেসন অমসুং এৱয়রনেস (আই.এস.ই.এ.) "গী প্রোজেক্ত অমা পায়খৎলি।

পাউদম অসি ইনফোর্মেসন অমসুং ব্রোদকাস্তিং অমসুং পার্লিয়ামেন্তরী এফিয়র্সকী রাজ্য মন্ত্রী, দা. এল.  শ্রী মুরুগাননা ঙসি লোক সভাদা শ্রী প্রভাকর রেদ্দি ভেমিরেদ্দীনা হংখিবা ৱাহং অমগী অইবা পাউখুম ওইনা পীখিবনি।

***