এনভাইর্নমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়গী পার্লিয়ামেন্তরী কন্সল্তেতিব কম্মিতীনা ঙসি নই দিল্লীদা কেন্দ্রগী এনভাইর্নমেন্ত, ফোরেস্ত অমসুং ক্লাইমেৎ চেঞ্জ মন্ত্রী, শ্রী ভুপেন্দ্র য়াদবকী লুচিং মখাদা মীফম পাংথোকখ্রে। মীফম অদুগী এজেন্দা অদুদি হ্যুমেন-ৱাইল্দলাইফ কনফ্লিক্ত (ঐচ.দবল্যু.সি.)গী সমস্যা অমসুং প্রিভেন্সন, মিতিগেসন অমসুং মীওইবা অমসুং ৱাইল্দলাইফকী মরক্তা মতম শাংনা পুন্না লৈমিন্নবগী থৌওং মপাঙ্গল কনখৎহন্নবগী মথৌ তাবা থৌরাংশিংগী মতাংদা খন্ন-নৈনবনি। মন্ত্রালয়গী মকোক থোংবা ওফিসরশিং, পি.সি.সি.এফ.শিং অমসুং শরুক য়ারিবা রাজ্যশিংগী চীফ ৱাইল্দ লাইফ ৱার্দেনশিংগা লোয়ননা কেন্দ্রগী রাজ্য মন্ত্রী(ই.এফ.সি.সি.) অমদি কম্মিতীগী শরুক অমা ওইনা মেম্বর ওফ পার্লিয়ামেন্তশিং য়াওনা মশক নাইবা মীওইশিংনা শরুক য়াখি।

১৮.১২.২০২৫দা পাংথোকখিবা মমাংগী মীফমদা পীখিবা লমজিং-লমতাকশিংগী ফোলো-অপ এক্স অদুগী মতাংদা কম্মিতীদা খঙহনখি। মসিগী মনুংদা রাজ্যশিং অমসুং য়ুনিয়ন তেরিতোরীশিংনা কনফ্লিক্তনা শোকহল্লবা মফমশিংদগী মেম্বর ওফ পার্লিয়ামেন্তশিংগা খন্ন-নৈনবগী থৌরমশিং য়াওরি। মীফম অদুগী মনুংদা, মন্ত্রালয়না হায়খি মদুদি কনফ্লিক্তকী মওং অসি মফম কয়াদা খেন্নৈ, মীওইবা-শামুগী মরক্তা থোকপা কনফ্লিক্ত অসি রাজ্য কয়াদা থেংনরি। অদুগা কৈ, কবো কৈ, শওম, শামু গন্ধা, লম ওক, শন্দং, য়োংগী মখলশিং অমসুং অতোপ্পা স্পেসিসশিংগা মরি লৈনবা কনফ্লিক্তশিং অসি লোকেসন-স্পেসিফিক মেনেজমেন্ত এপ্রোচশিং মথৌ তাই।

নেস্নেল বোর্দ ফোর ৱাইল্দলাইফকী ৭শুবা মীফমগী মনুংদা ভারতকী প্রধান মন্ত্রীনা সাকোন, ৱাই.আই.আই. সাউথ সেন্তর, কোইম্বতুরদা সেন্তর ওফ এক্সেলেন্স ওন হ্যুমেন-ৱাইল্দলাইফ কনফ্লিক্ত (সি.ও.ই-ঐচ.দবল্যু.সি.) লিংখৎপগী মতাংদা লাউথোকখি হায়না কম্মিতীনা পাউদমখি।  সেন্তর অসি সাইন্তিফিক রিসর্চ, তেক্নোলোজিকেল ইন্নোবেসন, পোলিসী সপোর্ত, কেপাসিতী বিল্দিং অমসুং হ্যুমেন-ৱাইল্দলাইফ কনফ্লিক্ত ইফেক্তিব ওইনা মেনেজমেন্ত তৌনবগীদমক্তা কম্ম্যুনিতী-সেন্তর্দ এপ্রোচশিংগীদমক নেস্নেল ইন্সতিত্যুসন অমা ওইনা লিংখৎখ্রে। কম্মিতীনা ১০.০৭.২০২৬তা নেস্নেল হ্যুমেন - ৱাইল্দলাইফ কনফ্লিক্ত পোর্তেল হৌদোকখিবা অদুসু পনখি, মসি কনফ্লিক্তকী থৌদোকশিং রেকোর্দ তৌবা, দেতা মেনেজমেন্ত, লৌশিং শিয়র তৌবা অমসুং ৱারেপ লৌবদা মতেং পাংনবা য়ুনিফাইদ দিজিতেল প্লেৎফোর্ম অমনি। মখা তানা, খা ভারতকী শামু ঙাকশেন্নবগী রিজনেল এক্সন প্লান (আর.এ.পি.) অয়াবা পীখ্রে হায়না পাউদমখি।

আসাম, কর্নাতকা, কেরলা, মধ্য প্রদেশ, উত্তরাখন্দ অমসুং উত্তর প্রদেশকী রাজ্যশিংনা মখোয়গী কনফ্লিক্তকী ফীভম, হন্থহন্নবা খোঙথাংশিং, কম্ম্যুনিতী পার্তিসিপেসন ইনিসিএতিবশিং, তেক্নোলোজী শীজিন্নবা, ইন্সতিত্যুস্নেল মেকানিজমশিং অমসুং জাতিগী থাক্তা লৌখৎলিবা খোঙথাংশিং মপাঙ্গল কনখৎহন্নবা রিকমেন্দেসনশিং শন্দোক্না তাকখি। প্রজেন্ত তৌখিবা এক্সপরিয়েন্সশিং অসিনা লেন্দস্কেপ-স্পেসিফিক প্লানিং, রেপিদ রেস্পোন্স সিস্তেমশিং, চাক্তাফম ফগৎহনবা, ৱাইল্দ লাইফ কোরিদোরশিং ঙাক শেন্নবা, সাইন্তিফিক মোনিতরিং, অর্লী ৱার্নিং সিস্তেমশিং, কম্ম্যুনিতী এঙ্গেজমেন্ত অমসুং ইন্তর-স্তেৎ কোওর্দিনেসনগী মরুওইবা অদু পনখি।

খন্ন-নৈনবদা হ্যুমেন-ৱাইল্দলাইফ কনফ্লিক্ত থোকপদা ইফেক্তিব ওইনা মেনেজমেন্ত তৌবদা ইকোলোজিকেল কঞ্জার্বেসনগা মীওইবগী পুন্সি অমসুং হিংনবগী লম্বীশিংবু ঙাক-শেনবগা পুনশিন্নবা ইন্তিগ্রেতেদ এপ্রোচ অমা মথৌ তাই হায়না অকনবা ৱাফম থমখি। জি.আই.এস., আর্তিফিসিএল ইন্তেলিজেন্স, দ্রোনশিং, রেদিও তেলেমেত্রী অমসুং প্রিদিক্তিব এনালাইতিক্স য়াওনা মোদর্ন তেক্নোলোজীশিং শীজিন্নবগী মতাংদা মেম্বরশিংনা খন্নখি। মখোয়না ফ্রন্তলাইন কেপাসিতী মপাঙ্গল কনখৎহনবা, কম্পেন্সেসন পীবা ফগৎহনবা, মীয়ামগী এৱেরনেস হেনগৎহনবা অমসুং কঞ্জার্বেসনদা কম্ম্যুনিতীগী শরুক য়াবা হেনগৎহনবগী মরুওইবা অদুসু পনখি।

রাজ্য তরুক্না তৌখিবা প্রজেন্তেসনশিংগী হায়লাইৎশিং মখাদা পীরি:

১. আসাম: আসাম সরকারনা শামু, কৈ, কবো কৈ, শামু গন্ধা, লমলক্কী ঈরোই অমসুং লমলক্কী ওক য়াওবা হ্যুমেন-ৱাইল্দলাইফ কনফ্লিক্ত হন্থহন্নবা মাগী লেন্দস্কেপতা য়ুম্ফম ওইবা স্ত্রেতেজী অদু উৎখ্রে। রাজ্য অসিনা চাক্তাফম রিস্ত্রোরেসন তৌবা, কোরিদোর প্রোতেক্সন, অর্লী ৱার্নিং সিস্তেমশিং, রেপিদ রেস্পোন্স, কম্ম্যুনিতী পার্তিসিপেসন অমসুং লাইবলিহুদ দাইভর্সিফিকেসনদা মীৎয়েং থমদুনা রিজন-স্পেসিফিক এক্সন প্লানশিং শেমগৎনবা জোনেল হ্যুমেন-ৱাইল্দলাইফ কনফ্লিক্ত রিস্ক রিদক্সন কম্মিতীশিং শেমগৎপগী ৱাফম থমখি। কম্মিতী অসিনা জোন প্লান্নিংগী থৌওংবু থাগৎপা ফোংদোকখি অমসুং অতোপ্পা কনফ্লিক্ত-প্রোন লেন্দস্কেপশিংদা রেপ্লিকেসনগীদমক্তা মসিগী ফলশিং দোকুমেন্ত তৌবদা মরুওইবা পীখি।

২. কর্নাতকা: কর্নাতকানা ইঞ্জিনীয়রিং ইন্তরভেন্সন, এ.আই.-ইনেবল সর্ভিলেন্স, কম্মান্দ সেন্তরশিং, রেপিদ রেস্পোন্স তীমশিং, কম্ম্যুনিতী ভোলুন্তিয়র নেৎৱার্কশিং অমসুং ই-পরিহারা দিজিতেল কম্পেন্সেসন সিস্তেমশিংদা য়ুম্ফম ওইদুনা প্রিদিক্তিব হ্যুমেন-ৱাইল্দলাইফ কনফ্লিক্ত মেনেজমেন্তকীদমক ইন্তিগ্রেতেদ সিক্স-পিলর মোদেল উৎখ্রে। রাজ্য অসিনা নেস্নেল হ্যুমেন-ৱাইল্দলাইফ কনফ্লিক্ত মিসন, কমন স্তেন্দর্দ ওপরেতিং প্রোসিজরশিং, কোরিদোরশিং অমুক হন্না শেমগৎপা অমসুং ত্রান্সবাউন্দরী ইলিফেন্ত পোপুলেসনশিং মেনেজ তৌনবগীদমক ইন্তর-স্তেৎ কোওর্দিনেসন মপাঙ্গল কনখৎহন্নবা ৱাফমসু থমখি। কম্মিতীনা কর্নাতকাগী তেক্নোলোজীদা য়ুম্ফম ওইবা থৌওংবু থাগৎপা ফোংদোকখি অমসুং রাজ্যশিংগী মরক্তা খ্বাইদগী ফবা থৌওংশিং অসি দিস্সিমিনেসন তৌনবা রিকমেন্দ তৌখি।

৩. কেরলা: রাজ্য অসিনা হ্যুমেন-ৱাইল্দলাইফ কনফ্লিক্তপু স্তেত-স্পেসিফিক দিজাস্তর অমা ওইনা লাউথোকপা, রেপিদ রেস্পোন্স তীমশিং অমসুং প্রাইমরী রেস্পোন্স তীমশিং থাগৎপা, কনফ্লিক্তনা শোকহল্লবা পঞ্চায়ৎ ২৭৩ মশক খঙদোকপা অমসুং জন জগরথা সমিতীস অমসুং সরপা ভোলুন্তিয়র প্রোগ্রামগুম্বা কম্ম্যুনিতীদা য়ুম্ফম ওইবা থৌরাংশিং পায়খৎপা য়াওনা ইন্তিগ্রেতেদ ইন্সতিত্যুস্নেল ফ্রেমৱার্ক্কী মতাংদা ফোংদোকখি। রাজ্য অসিনা ৱাইল্দ লাইফ কোরিদোর অমুক হন্না শেমগৎপা, হেবিতেত মেনেজমেন্ত, রেস্পোন্সিবল তুরিজম অমসুং তেক্নোলোজী-ইনেবল মোনিতরিংদা অকনবা ৱাফম থমখি। কম্মিতীনা কেরলাগী মপাঙ্গল কনবা ইন্সতিত্যুস্নেল অমসুং কম্ম্যুনিতীদা য়ুম্ফম ওইবা এপ্রোচ অদু পনখি অমসুং অতোপ্পা রাজ্যশিংগা মায় পাকপা ইন্তরভেন্সনশিং লেপ্তনা শিয়র তৌনবা পুক্নিং থৌগৎখি।

৪. মধ্য প্রদেশ: এম.পি.না এ.আই.না মতেং পাংলিবা সর্ভিলেন্স, জি.পি.এস. ত্রেকিং, দ্রোনশিং, গজ্রাকশক, রেপিদ রেস্পোন্স তীমশিং, স্পেসিস-স্পেসিফিক স্তেন্দর্দ ওপরেতিং প্রোসিজরশিং, মতমগী মতুং ইন্না কম্পেন্সেসন অমসুং বাঘ মিত্র, হাতি মিত্র, অমসুং ইকো-দিবেলপমেন্ত কম্মিতীশিংগী খুত্থাংদা পাক শন্না কম্ম্যুনিতী শরুক য়াবা য়াওনা হ্যুমেন-ৱাইল্দলাইফ কনফ্লিক্ত হন্থহন্নবগীদমক মাগী 'প্রিভেন্সন ফর্স্ত' মোদেল অদু উৎখি। রাজ্য অসিনা হেবিতেত মেনেজমেন্ত, ৱাইল্দ লাইফ হেল্থ সপোর্ত অমসুং সাইন্সতা য়ুম্ফম ওইবা স্পেসিস মেনেজমেন্ত, কনফ্লিক্ত থোক্লিবা শাশিংগী ত্রান্সলোকেসন য়াওনা মরুওইবা ৱাফমশিং থমখি। তেক্নোলোজী, কম্ম্যুনিতী পার্তিসিপেসন অমসুং মতম চানা পীবা রিলিফ মেকানিজমশিং পুনশিনবদা কম্মিতীনা থাগৎপা ফোংদোকখি অমসুং প্রিদিক্তিব কনফ্লিক্ত মেনেজমেন্তবু মখা তানা মপাঙ্গল কনখৎহনবদা পুক্নিং থৌগৎখি।

৫. উত্তরাখন্দ: রাজ্য অসিনা ইন্তিগ্রেতেদ কমান্দ অমসুং কন্ত্রোল সেন্তর, ২৪x৭ হেল্পলাইন (১৯২৬), ই-সর্ভেলেন্সী, জি.পি.এস. ত্রেকিং, হেবিতেত রিস্ত্রোরেসন, বাইও-ফেন্সিং, মতম চানা কম্পেন্সেসন পীবা অমসুং খুঙ্গংশিংদা লৈরিবা ভোলুন্তিয়রশিংগী নেৎৱার্কশিংগী খুত্থাংদা প্রাইওরিতী লেন্দস্কেপশিংদা কনফ্লিক্ত হন্থহন্নবা স্ত্রেতেজিক রোদমেপ অমা পুথোকখি। রাজ্য অসিনা ৱাইল্দলাইফ সেন্সিতিব লেন্দস্কেপ প্লানিং, দিস্ত্রিক্ত লেবেল মোনিতরিং কম্মিতীশিং অমসুং "লিভিং ৱিথ লেওপার্দস/তাইগরস" ইনিসিএতিবকী মখাদা পুন্না হিংমিন্নবগী খোঙথাংশিং মপাঙ্গল কনখৎহনবদা মীৎয়েং থমদুনা মাগী মতম শাংনা চৎনগদবা স্ত্রেতেজী অদুসু ফোংদোকখি। কম্মিতীনা উত্তরাখন্দগী ইন্তিগ্রেতেদ লেন্দস্কেপ এপ্রোচ অদুবু থাগৎপা ফোংদোকখি অমসুং তেক্নোলোজী-ইনেবল ওইবা অর্লী এৱার্নিং সিস্তেম অমসুং কম্ম্যুনিতীনা শেম-শাদুনা লৈবগী মরুওইবা পনখি।

৬. উত্তর প্রদেশ: য়ু.পি.না হায়খি মদুদি কবো কৈগা মরী লৈনবা থৌদোকশিং অসিনা রাজ্য অসিদা হ্যুমেন-ৱাইল্দলাইফ কনফ্লিক্ত কেস অয়াম্বা ওইবগা লোয়ননা তেরাই আর্ক লেন্দস্কেপ অসি মরুওইবা হোৎস্পোৎনি। রাজ্য অসিনা রেপিদ রেস্পোন্স তীমশিং, রেস্ক্যু সেন্তরশিং (শাখিবা ৪), সোলর ফেন্সিং, অর্কী ৱার্নিং সিস্তেম, কম্ম্যুনিতী ভোলুন্তিয়র প্রোগ্রামশিং, সাইন্তিফিক মোনিতরিং অমসুং প্রোতেক্তেদ এরিয়াশিংগী ৱাংমদা কঞ্জার্বেসন ইন্তরভেন্সনশিং মপাঙ্গল কনখৎহনবদা য়ুম্ফম ওইদুনা স্ত্রেতেজী অদু উৎখি। কম্মিতীনা রাজ্যনা সাইন্তিফিক মেনেজমেন্ততা মীৎয়েং চংলকপবু থাগৎখি অমসুং কম্ম্যুনিতীদা য়ুম্ফম ওইবা মিতিগেসন অমসুং মোনিতরিং সিস্তেমশিং অসি কনফ্লিক্ত য়াম্না থোকপা মফমশিংদা মখা তানা মপাঙ্গল কনখৎহন্নবা খঙহনখি।

কেন্দ্রগী এনভাইর্নমেন্ত মন্ত্রী, শ্রী য়াদবনা রাজ্যশিংনা পায়খৎলিবা থৌরাংশিং অদু থাগৎখি অমসুং সাইন্তিফিক মেনেজমেন্ত, ইন্সতিত্যুস্নেল কোওর্দিনেসন, তেক্নোলোজী-ইনেবল তৌরবা মোনিতরিং অমসুং লোকেল কম্ম্যুনিতীশিংবু এক্তিব ওইনা শরুক য়াহনবগী অপুনবা থৌওং অমগী খুত্থাংদা হ্যুমেন-ৱাইল্দলাইফ কনফ্লিক্তকী শিংনবদু থেংনগদবনি হায়না ফোংদোকখি। নেস্নেল হ্যুমেন-ৱাইল্দলাইফ কনফ্লিক্ত পোর্তেল অমসুং সেন্তর ওফ এক্সিলেন্সনা দেতা-দ্রিভন স্ত্রেতেজিশিং শেমগৎনবা, লৌশিং পীথোক-পীশিন তৌবদা মতেং পাংনবা অমসুং রাজ্যশিংদা খ্বাইদগী ফবা থৌওংশিং শীজিন্নবদা মতেং পাংনবা মরুওইবা ইন্সতিত্যুস্নেল ফ্রেমৱার্ক অমা পীগনি হায়না মহাক্না অকনবা ৱাফম থমখি। মমাংদা, মীফম অদুদা ৱা ঙাংলদুনা, এম.ও.এস. (ই.এফ.সি.সি.) শ্রী সিংহনা হায়খি মদুদি মাগী কেরিয়র কেপাসিতীদা হেবিতেৎ-বেজ সাইন্তিফিক স্তদী অমা পাংথোকপা মথৌ তাই। অমসুং ইকোসিস্তেম অসিদা ৱাইল্দ লাইফ পোপুলেসন লেংদনা থম্নবা মতিক চাবা রিসোর্স লৈব্রা হায়বদু খঙদোকখি। মসিনা রিসোর্সশিং হেনগৎহন্নবা অমসুং হ্যুমেন-ৱাইল্দলাইফ কনফ্লিক্ত য়েংশিন্নবগীদমক হেন্না ফবা থৌরাং পায়খৎপদা মতেং পাংগনি।

মীফম অদুগী অরোইবদা মেম্বর ওফ পার্লিয়ামেন্তশিংগী মরক্তা ভারতকী ইনাক খুল্লবা ৱাইল্দ লাইফ হেরিতেজ অসি মতম শাংনা কঞ্জার্বেসন তৌবগা লোয়ননা হ্যুমেন-ৱাইল্দলাইফ কনফ্লিক্ত হন্থহন্নবা নেস্নেল অমসুং স্তেত লেভেলগী থবকশিং মপাঙ্গল কনখৎহন্নবা লৌখৎপা মথৌ তাবা খোঙথাংশিংগী মতাংদা কুপ্না খন্ন-নৈনখি।

*****