ভারতকী রাস্ত্রপতিনা ২০২৬গী ওগস্ত ৭তা নেস্নেল হেন্দলুম দেগী থৌরমদা ইকাই খুম্ননীংঙাই ওইরবা হেন্দলুম এৱার্দশিং পীগনি।

থৌরম অসিদা তেক্সতাইলসকী কেন্দ্রগী মন্ত্রী, শ্রী গিরিরাজ সিংহ, মকোক থোংবা মীওইশিং, হেন্দলুম ইন্দস্ত্রীগী মীহুৎশিং, মাস্তর ৱিভরশিং, দিজাইনরশিং, এক্সপোর্তরশিং, আর্তিসানশিং অমসুং অতোপ্পা মশক নাইরবা মীথুংলেনশিং শরুক য়াগনি।

সন্ত কবির হেন্দলুম এৱার্দী ৩ অমসুং নেস্নেল হেন্দলুম এৱার্দী ১৯ য়াওনা অপুনবা এৱার্দি ২২ পীদুনা ভারতকী ইনাক খুল্লবা হেন্দলুম ত্রেদিসনশিং ঙাক-শেন্দুনা থম্নবা, প্রমোৎ তৌনবা অমসুং খুমাং চাউশিলহনবা মাইকৈদা মখোয়না মশক থোক্না শরুক তমখিবা অদুবু ইকাই খুম্নগনি।

(ইং কুমজা ২০২৫গী সন্ত কবির অমসুং নেস্নেল হেন্দলুম এৱার্দীশিংগী লিস্ত)

হেন্দলোমদা মায়পাকপশিংবু পালন তৌবা

তেক্সতাইলস মন্ত্রালয়না সেক্তর অসিগা মরী লৈনবা ৱিভিং, ইন্নোবেসন, দিজাইন দিবেলপমেন্ত, মার্কেতিং ইনিসিয়েতিবশিং, স্তার্ত-অপ ভেঞ্চরশিং অমসুং প্রদ্যুসর কম্পেনীশিংদা শীংথানীংঙাই ওইরবা মায়পাকপশিংবু শকখঙলদুনা সন্ত কবির হেন্দলুম এৱার্দস অমসুং নেস্নেল হেন্দলুম এৱার্দস ২০২৫ ফংলবশিংগী মমিং লাউথোকখ্রে।

এৱার্দশিং অসি নেস্নেল হেন্দলুম দিবেলপমেন্ত প্রোগ্রাম (এন.ঐচ.দি.পি.) গী হেন্দলুম মার্কেতিং এসিস্তেন্স (ঐচ.এম.এ.) কম্পোনেন্তকী মখাদা হৌদোকপনি অমসুং হেন্দলুম ইকোসিস্তেমদা মায় পাকপা অদুবু খ্বাইদগী ৱাংবা নেস্নেল রিকোগনিসন উৎলি।

মনাশিং অসি নেস্নেল হেন্দলুম দেগী থৌরম মনুংদা পীগনি মসিগী থৌরম অসিনা ভারতকী হেন্দলুম হেরিতেজবু মপাঙ্গল কনখৎহনখিবা অমসুং দোমেস্তিক অমসুং ইন্তর্নেস্নেল মার্কেৎশিংদা মাগী কম্পিতিতিবনেস হেনগৎহনখিবা মীওইশিং অমসুং ওর্গনাইজেসনশিংবু ইকাই খুম্নবা উৎলগনি।

থৌরম অসিদা লৈবাক শিনবা থুংনা লৈবা পার্লিয়ামেন্তকী মেম্বরশিং, সেনিয়র গভর্নমেন্ত ওফিসিএলশিং, ইন্দস্ত্রী এক্সপর্তশিং, একাদমিক ইন্সতিত্যুসনশিং, এক্সপোর্তরশিং, দিজাইনরশিং অমসুং হেন্দলুম ৱিভরশিংনা শরুক য়াগনি হায়না পানরি।

হেন্দলুম এৱার্দশিং

হেন্দলুম এৱার্দশিং অসি হেন্দলুম সেক্তরদা এক্সিলেন্স, ইন্নোবেসন অমসুং তুং কোইনা থৌদাং লৌবা হেনগৎহন্নবা পান্দম থম্লি। মখোয়না শীংথানীংঙাই ওইরবা খুৎশা হৈবগী ওইবা হৈশিংবা অদুবু শকখঙলি, ত্রেদিস্নেল স্কিলশিং ঙাক্তুনা থম্বগা লোয়ননা মোদর্ন তেক্নিকশিং শীজিন্নৈ, প্রদক্ত দাইভর্সিফিকেসন তৌবা, দিজাইন ইন্নোবেসন অমসুং ৱিভিং কম্ম্যুনিতীশিংগী সোসিও-ইকোনোমিক দিবেলপমেন্তকী মায়কৈদা কন্ত্রিব্যুসনশিংবু মশক তাক্লি।

সন্ত কবির হেন্দলুম এৱার্দ

মনা অসি ভারতকী ফীশা লোনশা তৌবগী চৎনবীশিং ঙাক-শেন্দুনা থম্নবা অমসুং প্রমোৎ তৌবদা অখন্নবা খুৎশা হৈবা অমসুং পুন্সি চুপ্পা কত্থোকপা অদু উৎলিবা হেন্দলুম ৱিভরশিংগীদমক লৈবাক অসিগী খ্বাইদগী ৱাংনা শকখঙবগী মনানি।

মনা ফংলবশিং অসি অখন্নবা তেক্নিকেল স্কিল, ইন্নোবেসন, সেক্তর অসিদা লেপ্পা লৈতনা কন্ত্রিব্যুসন পীবা, ত্রেদিস্নেল ৱিভিং প্রেক্তিসশিং প্রমোৎ তৌবা, আর্তিসানশিংগী মেন্তরিং তৌবা অমসুং কম্ম্যুনিতী দিবেলপমেন্তকী মায়কৈদা হোৎনবগী মতুং ইন্না খনগৎলি।

এৱার্দ অসিদা য়াওরিবা অদুদি:-

• গোল্দ কোইন (মাউন্তেদ)
• তমরাপত্রা
• শাল
• সর্তিফিকেৎ

নেস্নেল হেন্দলুম এৱার্দ

নেস্নেল হেন্দলুম এৱার্দনা মখোয়গী লমশিংদা শীংথানীংঙাই ওইবা ক্রিএতিভিতী, ক্বালিতী, ইন্নোবেসন অমসুং এক্সিলেন্স উৎখিবা হেন্দলুম ৱিভরশিং অমসুং অতোপ্পা স্তেকহোল্দরশিংবু ইকাই খুম্নবা উৎলি।

এৱার্দ অসিনা আর্তিসানশিং অমসুং ইন্সতিত্যুসনশিংবু ভারতকী তোঙান তোঙানবা হেন্দলুম ত্রেদিসনশিং ঙাক্তুনা থম্লগা ক্রাফমেনশিপ, প্রদক্ত দিবেলপমেন্ত অমসুং মার্কেৎ আউৎরীচতা স্তেন্দর্দশিং লেপ্পা লৈতনা হেনগৎহন্নবা পুক্নিং থৌগৎনবা হোৎনরি।

এৱার্দ অসিদা য়াওরিবা অদুদি:-

• তমরাপত্রা
• শাল
• সর্তিফিকেৎ
•  

খনবগী থৌওং

ৱিভিং কেতগোরীদা মনা ফংলবশিং অসি জোন, হেদক্বার্তর অমসুং সেন্ত্রেল লেবেল সেলেক্সন কম্মিতীশিংন য়াওবা মল্তি-লেবেল ইভাল্যুএসন প্রোসেস অমগী খুত্থাংদা খনগৎলি। হায়রিবা কম্মিতীশিং অসিদা এক্সপরিয়েন্স লৈরবা প্রোফেস্নেলশিং, তেক্নিকেল এক্সপর্তশিং অমসুং সেনিয়র গভর্নমেন্ত ওফিসিএলশিং য়াওই। মখোয়না নোমিনেসনশিং অসি প্রেস্ক্রাইব তৌরবা ইলিজিবিলিতী ক্রাইতেরিয়া অমসুং ইভালুএসন পেরামিতরশিংগী মতুং ইন্না এসেস তৌই।

দিজাইন দিবেলপমেন্ত, মার্কেতিং, স্তার্ত-অপ ভেঞ্চরশিং অমসুং প্রদক্তর কম্পেনীশিংগা মরী লৈনবা কাংলুপশিংগীদমক্তা, নোমিনেসনশিং অসি অরোইবা ওইনা অয়াবা পীদ্রিঙৈগী মমাংদা হেদক্বার্তস কম্মিতী অমসুং সেন্ত্রেল লেবেল কম্মিতীনা স্ত্রকচর তৌরবা ইভালুএসন অমা পাংথোকই।

সেলেক্সন মেকানিজম অসিনা হেন্দলুম সেক্তরগী সেগমেন্ত পুম্নমক্তা ত্রান্সপরেন্সী, ওবজেক্তিবিতী অমসুং অশেংবা এক্সিলেন্সকী অদু শকখঙনবা হোৎনৈ।

(ইং কুমজা ২০২৫গী সন্ত কবির অমসুং নেস্নেল হেন্দলুম এৱার্দীশিংগী লিস্ত)

******