महिला आणि बालविकास मंत्रालय
प्रधानमंत्री राष्ट्रीय बाल पुरस्कार 2026 साठी नामांकने सादर करण्याची अंतिम मुदत 15 ऑगस्टपर्यंत वाढवली
https://awards.gov.in या राष्ट्रीय पुरस्कार पोर्टलच्या माध्यमातून नामांकने सादर करण्याची प्रक्रिया सुरु आहे
Posted On:
31 JUL 2026 2:03PM by PIB Mumbai
केंद्रीय महिला आणि बालविकास मंत्रालयाने यावर्षीच्या पंतप्रधान राष्ट्रीय बाल पुरस्कारांसाठी ऑनलाईन अर्ज सादर करण्याच्या 31 जुलै 2026 या पूर्वनियोजित तारखेला मुदतवाढ देत 15 ऑगस्ट 2026 पर्यंत हे अर्ज सादर करण्याची परवानगी दिली आहे. राष्ट्रीय पुरस्कार पोर्टलच्या (https://awards.gov.in) माध्यमातून प्रधान मंत्री राष्ट्रीय बाल पुरस्कारांसाठी (पीएमआरबीपी) नामांकन सादर करण्याची प्रक्रिया 1 एप्रिल 2026 रोजी सुरु झाली.
शौर्य, समाजसेवा, पर्यावरण, क्रीडा, कला आणि संस्कृती तसेच विज्ञान आणि तंत्रज्ञान इत्यादी क्षेत्रांमध्ये असामान्य कामगिरी करणाऱ्या बालकांना हे पुरस्कार देण्यात येतात.
भारताचा रहिवासी तसेच भारतीय नागरिक असलेले, वयाची पाच वर्षे पूर्ण केलेले पण 31 जुलै 2026 रोजी ज्याचे वय 18 वर्षांहून अधिक नाही अशी मुले या पुरस्कारासाठी पात्र आहेत. स्वयंनामनिर्देशन तसेच कोणत्याही नागरिकाने केलेल्या शिफारसीसह सादर होणारी सर्व नामांकने केवळ राष्ट्रीय पुरस्कार पोर्टलच्या माध्यमातूनच स्वीकारली जातील.
अधिक तपशीलासाठी कृपया राष्ट्रीय पुरस्कार पोर्टलच्या https://awards.gov.in या संकेतस्थळाला भेट द्यावी.
***
निलिमा चितळे/संजना चिटणीस/परशुराम कोर
***
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2292418)
अभ्यागत कक्ष : 47