ভারতকী উপ-রাস্ত্রপতি শ্রী সি.পি. রাধাকৃষ্ণন্না ঙসি নীংশিং লাইরিক মঙাগী অহানবা সেত ফোঙদুনা অমদি রাস্ত্রপতিদা খুদোল তমদুনা, রাস্ত্রপতি ভবন্দা ভারতকী ইকায়খুম্নরবা রাস্ত্রপতি শ্রীমতি দ্রৌপদি মুরমুনা রাস্ত্রপতিগী ওফিস পায়রকপা চহি মরি ফারকপগী থৌরম পাঙথোকখ্রে।

ইকায়খুম্নরবা রাস্ত্রপতি শ্রীমতি দ্রৌপদি মুরমুনা রাস্ত্রপতিগী ওফিস পায়রকপা চহি মরি ফারকপদা, লাইরিক মরি, রাস্ত্রপতি ভবন: রাস্ত্র কা ভবন, সেবা ঔর সম্বেদনা, সমাবেসি সহভগিতা এন্দ ভারতিয়তা কা উতসব, ঙসি রাস্ত্রপতি ভবন্দা ফোঙখ্রে। লাইরিকশিং অসি ইনফোর্মেসন অমসুং ব্রোদকাস্তিং মন্ত্রালয়গী পব্লিকেসন দিভিজন্না ফোঙবনি। লাইরিকশিং অসিগী মথক্তা, ওরিয়াদা ফোঙবা অতোপ্পা লাইরিক, অমা রাস্ত্রপতি অমা গৌরব সু ফোঙখি। অমা রাস্ত্রপতি অমা গৌরব অসি ইকায়খুম্নরবা ভারতকী রাস্ত্রপতিগী মতাঙদা ইবা আর্তিকলশিংগী খোমজিনবা লাইরিক অমনি।

লাইরিকশিং অসি ইকায়খুম্নরবা ভারতকী রাস্ত্রপতি শ্রীমতি দ্রৌপদি মুরমু, ইকায়খুম্নরবা ভারতকী উপ-রাস্ত্রপতি, শ্রী সি.পি. রাধাকৃষ্ণন, অমসুং ইনফোর্মেসন এন্দ ব্রোদকাস্তিং অমসুং পার্লিয়ামেন্তরী এফ্যার্সকী ইকায়খুম্নরবা কেন্দ্রগী রাজ্য মন্ত্রীী দোক্তর এল. মুরুগন শরুক য়াদুনা ফোঙখিবনি।

থৌরমদুদা ৱা ঙাংলদুনা, রাস্ত্রপতিনা হায়খি লাইরিকশিং অসিদা ইনক্লুজিব দিমোক্রেসীদা থম্লিবা ঐখোয়গী থাজবগী মমি তারি। ইলস্ত্রেতেদ কম্পাইলেসন অসিনা অপাবশিংদা রাস্ত্রপতি ভবনগী চৎনবী, মথৌ তৌবগী মওং অমসুং তোঙান তোঙানবা মশকশিং তাক্কনি হায়না মহাক্না থাজবা ফোঙদোকখি। মখোয়গী অশেঙবা মরুওইবা অসি মীয়ামবু মখোয়গী পারী পুরীগী লনশিংগীদমক চাউথোকচনবা পোকপগা লোয়ননা চাওখৎপগী লম্বীদা মাঙদা চঙশিন্নবগীদমক পুক্নিং থৌগৎপা ঙম্বা মতিংদা লৈ হায়না মহাক্না ফোঙদোকখি।

রাস্ত্রপতিনা হায়খি মদুদি মহাক্না জুলাই ২৫, ২০২২ দা ভারতকী রাস্ত্রপতিগী ওফিস পায়রকপা মতমদা মহাক্কীদমক্তদি ফম অসি ইকায়খুম্নবা অমদগী হেন্না মহাক্কী থৌদাং অমা ওইনা লৌখি। হৌখিবা চহি মরিসিদা মহাক্না মহাক্কী থৌদাং পুকচেল শেংনা পাঙথোকখি। মহাক্না রাস্ত্রপতি ভবন নৎত্রগা তোঙান তোঙানবা স্তেতশিংদা মীয়ামগা, মরুওইনা নহাশিংগা উনবা খুদিংদা মহাক্না মখোয়বু অচুম্বা লম্বীদা চৎননবা অমসুং লৈবাক অমসুং খুন্নাইগী চাওখৎ থৌরাংগী মায়কৈদা চঙশিন্নবা পুক্নিং থৌগত্তুনা লাকখি। মহাক্না নুপীশিংবু মরোমদোম লেপচবা ঙম্নবা অমসুং মশাদা থাজবা থমদুনা চাওখৎ লম্বীদা মাঙদা চঙশিন্নবা ৱাফম থমখি। ত্রাইবেল ফুরুপকী মীওইশিংগা ৱারী শানবা মতমদা, মহাক্না মখোয়গী মফমদা চাওখৎ-থৌরাংগী চৎলিবা লম্বীদা শরুক য়াবগা লোয়ননা নাৎকী লনশিং য়োকখত্তুনা থম্নবা ৱাফম থমখি। মহাক্না মপান লৈবাক্তা চৎপা খুদিং, মহাক্না লৈবাকশিং অদুদা লৈবা ভারত মচাশিংগা উনখি অমসুং মখোয়বু ভারতকী চাওখৎ খোঙচত্তা থৌদাং য়াননবা পুক্নিং থৌগৎখি হায়না মহাক্না ফোঙদোকখি।

তিল্লিবা মীয়ামগী মফমদা ৱা ঙাংলদুনা, উপ-রাস্ত্রপতিনা ঝার্খন্দগী গভর্নর ওইনা লৈরিঙৈ মতম নীংশিংলদুনা থৌরম অসি মহাক্কী মফমদা য়াম্না মরুওইবা থৌরম অমনি হায়খি। স্তেত অদুদা মহাক্না চৎপা মতমদা, লম কয়াদা লৈবা মীওইশিংনা শ্রীমতি দ্রৌপদি মুরমুনা গভর্নর ওইনা লৈরিঙৈ মতমবু নুংশিনা অমসুং পাম্ননা মহাক্কী মরমদা ৱাফম কয়া ফোঙদোক্নরকখি। মীয়াম্না মহাকপু মহাক্কী সংবিধানগী থৌদাং ইকায়খুম্নবগা লোয়ননা পাঙথোকখিবা, মীয়ামগা অচেৎপা মরী থম্নবা, অমসুং ত্রাইবেল ফুরুপশিং, চাকথুং ফিথুংদ্রবা কাঙলুপ অমসুং নহাশিংগীদমক তশেংনা খনবিবা মতৌবু নুংশিনা ফোঙদোক্নরকখি। “অসিগুম্বা নুংশিবা মতৌ অসি ওফিস অমা পায়বখক্তনা ফংবা ঙম্লোই, মসি লীচৎ, মীনুংসি অমসুং মীয়ামগীদমক কত্থোকপনা ফংবনি,” হায়না মহাক্না ফোঙদোকখি।

রাস্ত্রপতি মুরমুগী মতমদা পায়খৎখিবা তোঙান তোঙানবা থৌশিলশিংগী মতাঙদা উপ-রাস্ত্রপতিনা পুৱারী ওইরবা মুঘল গার্দেনবু অমৃত উদয়ন হায়না মমিং ওনখিবা, দেহরাদুন্দা মীয়ামগীদমক রাস্ত্রপতি নিকেতন অমসুং রাস্ত্রপতি তপোবন হাংদোকখিবা, রাস্ত্রপতি ভবনবু দিব্যাংজনগা চুনবা ওইহন্নবা হোৎনখিবা, অমসুং সর ইদ্বিন লুতয়েনগী মীতমবু ভারতকী ইকোন কোনবা গভর্নর জেনেরেল ভারত রত্ন চক্রবর্তি রাজাগোপালচারিনা শিন্দোকপবু পনখি। থৌশিলশিং অসিদা লৈবাক্কী ইন্সতিত্যুসনশিংবু লোইলম লৈঙাক্কী ৱাখল্লোনশিংদগী নান্থোকহন্নবা হোৎনরিবা অমদি প্রেসিদেন্সীগী ইন্সতিত্যুসনবু মীয়ামগা হেন্না নকশিলহন্নবা হোৎনরিবশিংগী মমি তারি হায়না মহাক্না ফোঙদোকখি।

ফোঙলিবা লাইরিকশিং অদুগী মতাঙদা শ্রী রাধাকৃষ্ণন্না সেবা ঔর সম্বেদন্না রাস্ত্রপতি মুরমুগী মীয়ামগী পুন্সিবু মশক তাক্লিবা থৌগল অমসুং মীনুংশিগী মমল তাক্লি, অদুগা সমাবেসি সহভাগিতাদা ভারতকী চাওখৎ থৌরাং অসি পুম্নমক কোনশিনগদবনি অমসুং পুম্নমক্না শরুক য়াগদবনি হায়বা খোঙফমগী মমি তারি। ভারতিয়তা কা উতসবনা ভারতকী খুন্থোক্লোনগী মতম নাইদ্রবা মমল অমদি মাগী শিংথানিংঙাই ওইণবা নাৎকী খেন্নবা শক্তমবু সেলেব্রেত তৌরি হায়রদুনা রাস্ত্রপতি মুরমুনা লৈবাক অসিগী খেন্নবা শক্তমবু সেলেব্রেত তৌবগা লোয়ননা লৈবাক অসিবু পুনশিল্লিবা ভারতকী ইনাক খুল্লবা নাৎ, মফম মফমগী চৎনবী অমসুং লাইনিংগী লনবু লেপ্তনা পুখত্তুনা লাক্লি হায়না মহাক্না ফোঙদোকখি।

ভারত সংবিধানবু সন্থালি লোলদা ওল চিকি ময়েক্তা রাস্ত্রপতিনা হন্দোক্তুনা ফোঙখিববু নীংশিংলদুনা, উপ-রাস্ত্রপতিনা থৌরাং অদুবু ত্রাইবেল ফুরুপকী মীয়ামগী মফমদা চাউথোকচবা পোকহনখিবা অমসুং ভারতকী লোল অমসুং নাৎকী খেন্নবা শক্তম য়োকখৎনবা লৈঙাক্কী খোঙফম চেৎশিলহনখিবা নীংশিংনিংঙাই ওইরবা মীৎকুপ অমনি হায়খি।

ইনফোর্মেসন এন্দ ব্রোদকাস্তিং অমসুং পার্লিয়ামেন্তরী এফ্যার্সকী কেন্দ্রগী রাজ্য মন্ত্রী দোক্তর এল. মুরুগন নই দিল্লীগী রাস্ত্রপতিদা লাইরিক ফোঙবগী থৌরমদা শরুক য়াখি। থৌরম অদুদা, লাইরিকশিং অসিনা লৈবাক অসিগী খেন্নবা নাৎকী শক্তম উৎলি হায়না মহাক্না হায়খি। লাইরিকশিং অসিনা তুংগী মীরোলগী রিফরেন্স লাইরিক ওইনা মরুওইবা থৌদাং অমা লৌরক্কনি হায়না মহাক্না হায়খি। ঙসি ফোঙখিবা লাইরিকশিং অসিনা ইকায়খুম্নরবা রাস্ত্রপতি দ্রৌপদি মুরমুনা রাস্ত্রপতিগী খোঙচৎ দোকুমেন্ত তৌবগী মরুওইবা পন্দোল অমা ওইরি হায়খি।

*****