লৈবাক অসিদা দেঙ্গী লায়েংনবগী থৌওং মপাঙ্গল কনখৎহন্নবা অমসুং ঙাকথোক্নবগী মরু ওইবা খোঙথাং অমা ওইনা, হেল্থ অমসুং ফেমিলী ৱেলফ্যার মন্ত্রালয়গী মখাদা লৈবা সেন্ত্রেল দ্রগ্স স্তেন্দর্দ কন্ত্রোল ওর্গনাইজেসন (সি.দি.এস.সি.ও.) না, জর্মনগী তাকেদা জি.এম.বি.ঐচ.না শাবা অমসুং এম/এস তাকেদা বাইওফার্মাস্যুতিকেল্স ইন্দিয়া প্রাইভেত লিমিতেদনা ইম্পোর্ত তৌগদবা দেঙ্গী তেত্রাভেলেন্ত ভেক্সিন (লাইভ, এতেনুএতেদ) – ক্যুদেঙ্গা® মার্কেতিং তৌবগী অয়াবা পীখ্রে। মসি দেঙ্গী লায়েংনবগী লৈবাক অসিদা অয়াবা পীরবা অহানবা দেঙ্গী ভেক্সিননি।

১৯৪০গী দ্রগ্স অমসুং কোস্মেতিক্স এক্ত অমসুং ১৯৪৫গী দ্রগ্স রুল্সকী মখাদা ভেক্সিন অসিগী মতিং, সেফতী অমসুং ইফিসিএন্সীগী মতাংদা সাইন্তিফিক ওইবা ইভালুএসন পুন্না তৌরবা মতুংদা অয়াবা অসি পীরকখিবনি।

ক্যুদেঙ্গা® তাকেদা জি.এম.বি.ঐচ.না শাবা অমসুং এম/এস তাকেদা বাইওফার্মাস্যুতিকেল্স ইন্দিয়া প্রাইভেত লিমিতেদনা ইম্পোর্ত তৌগদবা, রিকম্বিনেন্ত দি.এন.এ. তেক্নোলোজী শীজিন্নদুনা শেমবা লাইব, এতেনুএতেদ তেত্রাভেলেন্ত দেঙ্গী ভেক্সিন অমনি। ভেক্সিন অসি ভেলো সেলশিংদা পুথোকপনি, অমসুং জীন এনকোদিং সেরিতাইপ-স্পেসিফিক সর্ফেস প্রোতীনশিং অসি দেঙ্গী ভাইরস তাইপ-২ বেকবোন অমদা ইঞ্জিনিয়র তৌবনি। পোত্থোক অসিদা জেনিতিকেল্লী মোদিফাইদ ওর্গানিজম (জি.এম.ও.) য়াওরি। মসিবু রিকন্সতিত্যুৎ তৌননবা ফমজিল্লবা-অকঙবা পাউদর ওইনা সপ্লাই তৌবনি অমসুং সবক্যুতেনিয়স ইঞ্জেক্সন অমা ওইনা কাপ্পনি।

ভেক্সিন অসি চহি ৪দগী ৬০ ফাওবগী মরক্তা লৈবা মীওইশিংদা দেঙ্গী লায়েংনবগীদমক শিজিন্নবা য়াই। রিকম্মেন্দ তৌরবা ইম্যুনাইজেসন সেদ্যুল অসি ০.৫ এম.এল.গী দোজ অনিনি, অমসুং মসি থা ৩ কান্নরগা (থা ০ অমসুং ৩) কাপকদবনি।

ভেক্সিন অসিগী সেফতী, ইম্যুনোজেনেসিতী অমসুং ইফিসিএন্সী অসি দেঙ্গী লৈবা অমসুং দেঙ্গী লৈতবা লমদম অনিমক্তা ইভালুএত তৌরবা গ্লোবেল ক্লিনিকেল দিভেলপমেন্ত প্রোগ্রামগী খুত্থাঙদা পুথোকপা খুদমশিংনা ভেক্সিন অসি শৌগৎলি। ব্রাজিল, থাইলেন্দ অমসুং স্রি লঙ্কা য়াওনা লৈবাক ৮ হেনবদগী শরুক য়াবশিংদা ক্লিনিকেল স্তদী তৌখিবনি। ইভালুএসন অসিদা চহি ৪দগী ৬০ ফাওবগী মরক্তা লৈবা ভারতকী মীয়াম য়াওনা পাংথোকপা মরু ওইবা ফিজ III সেফতী অমসুং ইম্যুনোজেনেসিতী স্তদী য়াওরি।

ভেক্সিন অসি হান্ননা য়ুরোপিয়ন য়ুনিয়ন, য়ুনাইতেদ কিংদম, স্বিত্জরলেন্দ, ইন্দোনেসিয়া, মলেসিয়া অমসুং থাইলেন্দ য়াওনা লৈবাক ৪২ দা রিগুলেতরী অয়াবা ফংখ্রে, অমসুং ৱর্ল্দ হেল্থ ওর্গনাইজেসন (WHO) প্রি-ক্বালিফিকেসনসু ফংলে। মালেম পুম্বগী ওইনা, ভেক্সিন অসিগী দোজ মিলিয়ন ২৪ হেন্না য়েন্থোকখ্রে। ভেক্সিন অসি শীজিন্নরিবা লৈবাকশিংদগী পোস্ত-মার্কেতিং সরভিলিএন্স দেতানা অফবা সেফতী প্রোফাইল অমা উৎখিবগা লোয়ননা, সেফতীগী নুংনাংনিংঙাই ওইবা ৱাফম অমত্তা ফংখিদে।

লৈবাক অসিগী অহানবা দেঙ্গী ভেক্সিন অয়াবা পীরকপা অসি ভারতকী দেঙ্গী লায়েংবগী মীয়ামগী হকশেলগী থৌওংদা মরু ওইবা খোঙথাং অমনি অমসুং নেসনেল ভেক্তর বোর্ন দিজিজ কন্ত্রোল প্রোগ্রামগী মখাদা চত্থরিবা ভেক্তর কন্ত্রোল, সরভিলিএন্স, অর্লী দাইগ্নোসিস অমসুং অমসুং কেস মেনেজমেন্ত থৌরাংশিংদা মতেং পাংগনি হায়না থাজবা থম্লি।

হেল্থ অমসুং ফেমিলী য়েলফ্যার মন্ত্রালয়না অচৌবা অমসুং সাইন্সতা য়ুম্ফম ওইবা রিগুলেতরী ফ্রেমৱর্ক অমা খুত্থাঙদা শাফবা, মতিক লৈবা অমসুং মতিং-লৈ হায়না থাজবা য়াবা ভেক্সিন অমসুং হিদাক-লাংথকশিং মতম চানা ফংহন্নবা খোঙফম চেৎনা লেপ্লি।

***