ন্যুজিলেন্দগী প্রধান মন্ত্রী খৃষ্টোফর লক্সন্না চেপাউ পীরকপদগী, ভারতকী প্রধান মন্ত্রী শ্রী নরেন্দ্র মোদী, সরকারগী খোঙচৎ অমদা জুলাই ১০-জুলাই ১১,২০২৬ ফাওবা ন্যুজিলেন্দগী ওকলেন্দা লৈরি। হন্দক্কী খোঙচৎ অসি ভারতকী প্রধান মন্ত্রী অমনা চহি ৪০ গী মতুংদা ন্যুজিলেন্দা চৎপা অহানবনি, পুৱারি ওইরবা খুমাঙ চাউশিনবা অমা ওইরে অমসুং লৈবাক অনিগী মরক্ত লৈনরিবা মতম কুইরবা মরুপ-মপাংগী মরীদা অনৌবা লম্বী অমা শেম্লে।

খোঙচৎ মনুংদা, প্রধান মন্ত্রী মোদী চৎনবীগী মতুংইন্না গভর্নমেন্ত হাওসতা তরাম্না ওকখি, প্রধান মন্ত্রী খৃষ্টোফর লক্সনগা লোয়ননা লৈবাক অনিগী ওইবা মীফমশিং পাংথোকখি, ললোন-ইতিক্কী লুচিংবশিং অমসুং ন্যুজিলেন্দা লৈবা ভারতমচাশিংদা ৱা ঙাংখি অমসুং ন্যুজিলেন্দগী শান্নবগী অনৌবা থবকশিং উৎপা থৌরম অমা য়েংখি।

মার্চ ২০২৫ দা পাংথোকখিবা প্রধান মন্ত্রী খৃষ্টোফর লক্সনগী ভারত খোঙচৎ প্রধান মন্ত্রীশিংনা নিংশিংখি, খোঙচৎ অদুদা ভারত অমসুং ন্যুজিলেন্দনা ফ্রি ত্রেদ এগ্রিমেন্তগী ৱারি শানবা হৌখি অমসুং ঙাক-শেন, লাইরিক-লাইশু, কষ্টমস, হোর্তিকলচর, উমং অমসুং শান্নবগী মরুওইবা হিরমশিংদা মেমোরেন্দমশিং খুৎয়েক পীনখি।

ভারত অমসুং ন্যুজিলেন্দগী মরক্ত লৈনিরবা মতম কুইরবা মরুপ-মপাংগী মরী, শরুক য়ামিন্নরিবা গনতন্ত্রগী গুনশিং, অচেৎপা মীগা-মীগা লৈনবা মরীশিং অমসুং ইন্দো-পেসিফিক্কী মান্নবা অপাম্বশিং মশক খঙলদুনা, লৈবাক অনিগী মরী অসি ‘ষ্ট্রাতেজিক পার্তনরশিপ’ অমগী থাক্ত পুখৎনবা প্রধান মন্ত্রী অনিনা ৱারেপ লৌরে। মথং চহি ৪ হেনবদা অপুনবা থবকশিং লমজিংনবা ঙাক্লৌ অমা ওইনা মখোয়না ‘ইন্দিয়া-ন্যুজিলেন্দ ষ্ট্রাতেজিক পার্তনরশিপ রোদমেপ তু ২০৩০’ চৎনরে।

লৈবাক অনিগী মরীশিং অনৌবা থাক অমদা পুখৎনবা, হৌজিক লৈরিবা মতেং পাংনবগী থবকশিং ফগৎহন্নবা অমসুং লৈবাক অনি অমসুং মালেমগী ওইনা পুন্না থবক তৌমিন্নবা হেনগৎহন্নবা অনৌবা খুদোংচাবশিং খঙদোক্নবা পান্দমদা, ষ্ট্রাতেজিক পার্তনরশিপকীদমক মতম শাংবা পান্দম অমা থম্বদা প্রধান মন্ত্রীশিংনা য়ানরে।

রাজনিতি অমসুং কুতনিতিগী থবক

অৱাংবা থাক্কী রাজনিতিগী থবকশিং পায়খৎপা হেনগৎলকপদা প্রধান মন্ত্রীশিংনা তরাম্না ওকখ্রে অমসুং চাংনাইনা লৈবাক অনি চৎথোক-চৎশিন তৌনবা অমসুং রিজনেল অমসুং মালেমগী থৌরমশিংগী নাকলদা লৈবাক অনিগী প্রধান মন্ত্রীশিং অমসুং মিনিষ্টরশিংগী মরক্ত মীফম পাংথোকপা হায়না য়ানরে।

রোদমেপ ২০৩০ গী মখাদা মরীশিং লমজিংনবা লাল্লোং তাক্নবা অমসুং খুমাঙ চাউশিনবা অমুক হন্না য়েংশিন্নবা, ফোরেন মিউনিষ্টরশিং চাং নাইনা ৱারি শানবা পাংথোক্নবা অমসুং ভারতকী এক্সতর্নেল এফেয়ার্স মিনিষ্ট্রি অমসুং ন্যুজিলেন্দগী ফোরেন এফেয়ার্স অমসুং ত্রেদ মিনিষ্ট্রিগী মরক্ত চহিগী ওইনা সেনিয়র ওফিসিএলশিংগী মীফম পাংথোকপদা প্রধান মন্ত্রীশিংনা য়ানরে।

ভারত-ন্যুজিলেন্দগী মরীগী গনতন্ত্রগী য়ুম্ফমশিং মপাঙ্গল কনখৎনবা অমসুং লৈবাক অমনা অমবু মশক খঙবা হেনগৎহনবদা সংসদকী মেম্বরশিং চৎথোক-চৎশিন তৌনবনা লৌরিবা মরুওইবা থৌদাং প্রধান মন্ত্রীশিংনা থাগৎপা ফোঙদোকখ্রে। হন্দক ভারতকী সংসদতা নৌনা শেমখিবা ন্যুজিলেন্দগী পর্লিয়ামেন্তরি ফ্রেন্দশিপ গ্রুপ অমসুং সংসদকী মেম্বরশিং লাকখিবা অদু য়াওনা, লৈবাক অনিগী সংসদশিংগী মরক্ত চাং নাইনা থবক তৌমিন্নবদা মখোয়না পুক্নিং থৌগৎখ্রে।

দিফেন্স অমসুং সেকুরিতিগী পুন্না থবক তৌমিন্নবা

ঙাক-শেনগী লমদা মতেং পাংন্নবা ভারত-ন্যুজিলেন্দ এম.ও.য়ু ২০২৫ থবক ওইনা পায়খৎপা য়াওনা, দিফেন্স অমসুং সেকুরিতিগী পুন্না থবক তৌমিন্নবা হেনগৎলকপদা প্রধান মন্ত্রীশিংনা তরাম্না ওকখ্রে। দিফেন্স মিনিষ্ট্রি অমসুং সর্বিসকী থাকশিংদা চাং নাইনা থবক তৌমিন্নবদা প্রধান মন্ত্রীশিংনা অয়াবা পীরে। মিদল ইষ্ট অমসুং ভারত মহাসাগরগী নোংচুপ থংবা শরুক্ত ময়াই কাবা পোৎলমশিং লোন্না পুথোক-পুশিন তৌবা, তেরোরিজম অমসুং আইন্না য়াদবা সমুদ্রগী থবকশিং থিংনবা থবকশিং শৌগৎলদুনা, ন্যুজিলেন্দনা লুচিংদুনা অমসুং ভারতনা দিপুতি কমান্দর ওইনা, কম্বাইন তাক্স ফোর্স ১৫০ (সি তি এফ-১৫০) গী মখাদা ২০২৬ দা পুন্না থবক তৌমিন্নবা অদু মখোয়না খন্নখি।

ভারত অমসুং ন্যুজিলেন্দ, সমুদ্র ময়াদা লৈবা লৈবাকশিং ওইনা, অথিংবা লৈতবা, মনিংতম্বা, শান্তি ওইবা অমসুং নুংঙাই-য়াইফবা ইন্দো পেসিফিক অমা লৈনবা অপাম্বা লৈরি হায়না প্রধান মন্ত্রীশিংনা ফোঙদোকখি। নৌনা পাংথোকখিবা মেরিতাইম কোওপরেসন এরেঞ্জমেন্ত (এম সি এ), হায়দ্রোগ্রাফি অমসুং নৌতিকেল কার্তোগ্রাফিগী হিরমশিংআ মতেং পাংন্নবা থৌরাং অমা পায়খৎপা অমসুং সমুদ্রগী শরুক্ত লৈবাক অমনা লৈবাক অমবু পোৎ-চৈ পুথোক-পুশিন্দা মতেং পাংনবা য়াওনা সমুদ্রগী লমদা মতেং পাংনবা হেনগৎহনবা হায়না মখোয়না য়ানরে। এম.সি.এগী শরুক অমা ওইনা, লৈবাক অনিগী নেভেল এক্সরসাইজশিং য়াওনা, নেভেগী থবকশিং মখোয়না তরাম্না ওকখ্রে।

ইন্দো-পেসিফিক ওসিন্স ইনিসিয়েতিপকী মখাদা ন্যুজিলেন্দনা মেরিতাইম সেকুরিতিগী মরুওইবা য়ুম্বী ওইরকপদা ভারতনা তরাম্না ওকখ্রে অমসুং য়ুম্বী অসিগী মখাদা মতেং পাংন্নবা অকক্নবা থবকশিং মশক খঙদোকপদা নাকল অনি য়ানরে। পুন্না থবক তৌমিন্নবা, মতেং পাংনবা অমসুং ই-পাউ পীথোক-পীশিন তৌনবা হেনগৎহন্নবা চহিগী ওইবা মেরিতাইম সেকুরিতি দাইলোগ অমা পাংথোকপদসু মখোয় য়ানরে।

তেরোরিজম থেংনবা, সাইবর সেকুরিতি অমসুং সেকুরিতিগী খুদোংচাদবশিংদা পুন্না থবক তৌমিন্নবা হেনগৎহন্নবা প্রধান মন্ত্রীশিংনা মখোয়গী থাজবা অমুক হন্না ফোঙদোক্নখ্রে। মালেমগী শান্তি, সেকুরিতি অমসুং অৱাবা খাংবা ঙম্বা মতেং পাংনবা মীৎয়েং অমগা লোয়ননা, রিজনেল অমসুং মালেমগী লৈবাকশিংগী ফিবমশিংদা ৱারি শানবা অমসুং পুন্না থবক তৌমিন্নবা য়াওনা, নকশিন্ননা থবক তৌমিন্ননবা খুদোংচাবশিং মশক খঙদোকপা হায়না মখোয় য়ানরে।

আইন্না য়াদনা দ্রগ পুথোক-পুশিন তৌবা, শেন-থুমগী ফত্তবা থবক, সাইবর ক্রাইম, তেরোরিজমগা মরী লৈনবা থবকশিং, মীওই লোন্না পুথোক-পুশিন তৌবা অমসু মীওই ললোনবা য়াওনা, লৈবাক কয়া লান্না পাংথোকপা ক্রাইম লাকশিন্নবা থবক ওইনা আইন চৎনবা হেনগৎহন্নবা মতেং পাংনবদা প্রধান মন্ত্রীশিং য়ানরে। কাউন্তর-নার্কোতিক্স কোওপরেসনগী থবকশিং অথুবা মতমদা পায়খৎপা অমসুং ভারত অমসুং ন্যুজিলেন্দগী মরী লৈনবা এজেন্সশিংগী মরক্ত আইনগী লমদা পুন্না থবক তৌমিন্ননবা থবক পায়খৎপদা মখোয়না য়ানরে।

ললোন-ইতিক অমসুং শেন-থুমগী পুন্না থবক তৌমিন্নবা

ললোন-ইতিক অমসুং শেন-থুমগী মরী ফগৎলকপদা অমসুং চাউখৎনবা মফম মরাংকাইনা লৈবদা প্রধান মন্ত্রীশিংনা তরাম্না ওকখি। ২০৩০ ফাওবদা, লৈবাক অনিগী মরক্ত পোৎ-চৈ অমসুং থবকশিংগী ললোন-ইতিক শরুক অনি হেনগৎহন্দুনা ন্যুজিলেন্দ দোল্লার বিল্লিয়ন ৭ নত্ত্রগা চাউরাক্না লুপা করোর ৩৫,০০০ য়ৌহন্নবা পান্দমগী মাইকৈদা থবক তৌমিন্নবদা মখোয় য়ানরে। মরীশিং ফগৎনবা, খুদোংচাবশিং মশক খঙদোক্নবা অমসুং লৈবাক অনিগী শেন্মিৎলোনশিং অমনা অমদা কান্নবশিং পীনবা ললোন-ইতিক্কী থবকশিং মখোয়না পুক্নিং থৌগৎখি।

থোঙ মান্নবা, অপুনবা অমসুং লৈবাক অনিম কান্নবা ফংবা ভারত-ন্যুজিলেন্দ ফ্রি ত্রেদ এগ্রিমেন্ত (এফ তি এ) খুৎয়েক পীনবদা মখোয়না তরাম্না ওকখি। এগ্রিমেন্ত অসি অথুবা চৎনবা হৌনবা অমসুং মপুংফানা থবক ওইনা পাংথোক্নবা পুন্না থবক তৌমিন্নবদা মখোয় য়ানরে।

ললোন-ইতিক্কী খুদোংচাদবশিং লৌথোকপা, মতেং পাংনবা হেনগৎহনবা অমসুং ন্যুজিলেন্দনা ভারত্ত শেন থাদবা হেনগৎহনবা য়াওনা, লৈবাক অনিগী শেন-থুমগী মরীশিং মপাঙ্গল কনখৎহনবদা এফ.তি.এনা লৌরিবা মরুওইবা থৌদাং প্রধান মন্ত্রীশিংনা থাগৎপা ফোঙদোকখি। ললোন-ইতিক, লৌউ-শিংউ, স্কিলশিং, ইন্নোবেসন, ক্লিন ইনর্জি, শান্নবা অমসুং অতোপ্পা হিরমশিংদা মতেং পাংনবা য়াওনা, ২০৪৭ দা চাউখৎলবা লৈবাক অমা ওইনবা ভারতকী বিকসিত ভারতকী পান্দমদা ন্যুজিলেন্দনা শৌগৎকনি হায়না প্রধান মন্ত্রীশিংনা ফোঙদোকখি।

শেন-থুম চাউখৎপা অমসুং নাৎ অমসুং চৎনবীশিং মশক খঙবদা তুরিজম্না লৌরিবা অফবা থৌদাং খঙলদুনা, তুরিজমগী মেমোরেন্দম ওফ এরেঞ্জমেন্ত অমা খুৎয়েক পীনবদা মখোয়না তরাম্না ওকখি। ভারত অমসুং ন্যুজিলেন্দগী মরক্ত দাইরেক্ত ফ্লাইতশিং লৈহন্নবা মখোয়না এয়রলাইনশিংদা পুক্নিং থৌগৎখি।

হোর্তিকলচর, ফোরেষ্ট্রি, শা-ষন লোইবা অমসুং শঙ্গোম পুথোকপগী উদ্যোগশিংদা ভারত অমসুং ন্যুজিলেন্দগী মরক্ত মতেং  পাংনবা হেনগৎহলকপা প্রধান মন্ত্রীশিংনা তরাম্না ওকখি। মতেং পাংনবা অসিনা পোৎথোক হেনগৎহনবা, ফুদ সেফতি, ষ্টেনেবিলিতি, পোষ্ট-হার্বেষ্ট সিষ্টেমশিং অমসুং ভেলু চেন শেমগৎপদা মালেম্না মশক খঙলবা ন্যুজিলেন্দগী হৈথোই-শিংথোইবা শরুক য়াহল্লে অমসুং তুংকোইনা চৎনবা য়াবা লৌউ-শিংউগী থবক চাউখৎনবা ভারতকী থবকশিংদা মতেং পাংলে।

কিৱি উহৈ, এপ্পল অমসুং খোইহিগী পোৎথোক হেনগৎহন্নবা মতেং পাংনবা এক্সন প্লানশিংদা ন্যুজিলেন্দনা ভারতকা লোয়ননা থবক তৌমিন্নবা য়াওনা, থবক ওইনা মতেং পাংনবগী মরুওইবা মফম অমা ওইনা ফ্রি ত্রেদ এগ্রিমেন্তগী মখাদা লৌউ-শিংউগী পোৎথোক হেনগৎহন্নবা পুন্না থবক তৌমিন্নবদা প্রধান মন্ত্রীশিংনা তরাম্না ওকখ্রে। ভারত্ত কিৱি উহৈগী সেন্তরস ওফ এক্সলেন্স লিংখৎনবা ন্যুজিলেন্দনা মতেং পাংনবা মখোয়না খন্নখি অমসুং লৌউ-শিংউগী অনৌবা থবক, স্কিল হেনগৎহনবা অমসুং উদ্যোগশিং মরী লৈনবা হেনগৎহনবদা মতেং পাংনবা মহৈলোয়শঙ অমসুং ইন্সতিতুসনশিং পুন্না থবক তৌমিন্নবদা তরাম্না ওকখি। শা-ষন লোইবা অমসুং শঙ্গোম পুথোকপদা মেমোরেন্দম ওফ কোওপরেসন য়ানবা পুরকপদা প্রধান মন্ত্রীশিংনা তরাম্না ওকখ্রে।

ভারতকী পোর্তস, সিপ্পিং অমসুং ৱাতরৱেজ মিনিষ্ট্রিগী দাইরেক্তোরেত ওফ জেনেরল ওফ সিপ্পিং অমসুং মেরিতাইম ন্যুজিলেন্দগী মরক্ত সিফায়ারর কম্পেতেন্সি সর্তিফিকেতশিং মশক খঙবা হেনগৎহন্নবা মখা তানা ৱারি শানবদা প্রধান মন্ত্রীশিংনা তরাম্না ওকখ্রে। সিফায়ারর কম্পেতেন্সি সর্তিফিকেতশিং মশক খঙবা হেনগৎহন্নবা অসিনা সিফায়ারর চৎথোক-চৎশিন্দা মতেং পাংগনি, মেরিতাইম ওথোরিতিশিংগী মরক্ত মতেং পাংনবা হেনগৎহনগনি অমসুং লৈবাক অনিমক্কী মেরিতাইম উদ্যোগশিং অৱাবা মায়োক্নবা অমসুং থবক ঙম্বা হেনগৎহনবদা মতেং পাংগনি।

মীয়াম, নাৎ অমসুং শান্নবা

ভারত অমসুং ন্যুজিলেন্দগী মীয়াম মরক্ত অচেৎপা মরীশিং লৈনবদা প্রধান মন্ত্রীশিংনা থাগৎপা ফোঙদোকখ্রে। ন্যুজিলেন্দদা লৈরিবা ভারতমচাশিং অসি ন্যুজিলেন্দগী খেন্নবা খুন্নাইগী তৎন-থানবা য়াদ্রবা অমসুং মমল য়াম্লবা শরুক অমনি, লোয়ননা লৈবাক অনিগী মরক্ত অহিংবা থোঙ অমনি হায়না মখোয়না মশক খঙখি। ন্যুজিলেন্দগী শেন-থুম, খুন্নাই, নাৎ, মীয়াম অমসুং শান্নবগী পুন্সিদা ভারতমচাশিংনা পাংলিবা মতেং মখোয়না থাগৎপা ফোঙদোকখি।

শান্নবগী খুৎথাংদা চহি ১০০ অমতা লৈমিন্নরকপা মশক খঙবা ওইনা ২০২৬ দা থৌরমশিং পাংথোকপদা প্রধান মন্ত্রীশিংনা তরাম্না ওকখি। শান্নবগী লমদা ভারত-ন্যুজিলেন্দ জোইন্ত এক্সন প্লান মখোয়না তরাম্না ওকখি, মসিনা অফবা মশান্না, কোচিং, স্পোর্তস সাইন্স, শরুক য়াবা, শান্নবনা শেন-থুম তানবা অমসুং লৈবাক অনিগী শান্নবগী লুপশিংগী মরক্ত চৎথোক-চৎশিন তৌনবা য়াওনা লৈবাক অনিগী মরক্ত শান্নবগ মরীশিং মখা তানা ফগৎনবা ঙাক্লৌ অমা পীরে।

মহৌশাগী অনা-লাইয়েংগী লমদা থবক তৌমিন্নবা, নাৎকী মতেং পাংন্নবা থৌরাং অমা তৌবা অমসুং ভারতকী নেসনেল মেরিতাইম হেরিতেচ কমপ্লেক্স, লোথাল অমসুং ন্যুজিলেন্দ মেরিতাইম ম্যুজিয়মগী মরক্ত মেমোরেন্দম ওফ এরেঞ্জমেন্তগী খুৎথাংদা, ভারত অমসুং ন্যুজিলেন্দগী মরক্ত মখা তানা নাৎকী লম থবক তৌমিন্নবা হেনগৎলকপা প্রধান মন্ত্রীশিংনা তরাম্না ওকখ্রে। থবকশিং অসিনা মীগা মীগা লৈনবা মরীশিং ফগৎহন্নবা, অমনা অমবু মশক খঙবা হেনগৎহনবা অমসুং ইনাকখুল্লবা নাৎ অমসুং চৎনবী হরাওবা ফোঙদোকপা, অনৌবা মতমগী অনৌবা থবকশিং অমসুং লৈবাক অনিগী মরক্ত মতম কয়াদগী লৈরক্লবা সমুদ্রগী মরীশিংদা মমল য়াম্লবা খুদোংচাবশিং পীরে হায়না মখোয়না ফোঙদোকখি।

লাইরিক-লাইশু, থিজিনবা, সাইন্স অমসুং তেক্নোলোজি অমসুং দিজাষ্টার মেনেজমেন্ত

লৈবাক অনিগী মরীদা লাইরিক-লাইশু, থিজিনবা, সাইন্স অমসুং তেক্নোলোজি অমসুং ইন্নোবেসন মরুওইবা হিরমশিংনি হায়না প্রধান মন্ত্রীশিংনা ফোঙদোকখি। লৌউ-শিংউ, ক্লাইমেত, দিজিতেলগী অওনবা, সাইন্স, ইন্নোবেসন অমসুং অনৌবা তেক্নোলোজিশিংদা মরী শেমগৎনবা অমসুং পাকথোক-চাউথোক্নবা মখোয়না সরকারগী ওফিসিএলশিং, ইন্সতিতুসনশিং অমসুং উদ্যোগশিংদা পুক্নিং থৌগৎখি।

মীগা-মীগা লৈনবা মরীশিং, স্কিল হেনগৎহনবা, পুন্না থিজিনবগী থবক পায়খৎমিন্ননবা অমসুং মতম শাংনা শেন-থুমগী মরী লৈনবা য়াওনা, লাইরিক-লাইশুগী হিরম অসি লৈবাক অনিগী মরীগী মরুওইবা য়ুম্বী অমনি হায়না প্রধান মন্ত্রীশিংনা ফোঙদোকখি। লৈবাক অনিমক্কী মহৈলোয়শঙশিংগী মরক্ত মরী লৈনবা হেনগৎলকপদা মখোয়না তরাম্না ওকখি অমসুং মহৈরোয়শিং চৎথোক-চৎশিন, ইন্সতিতুৎশিং থবক তৌমিন্নবা, ইন্নোবেসন অমসুং অমনা অমবু মশক খঙবদা মতেং পাংনবা লম্বীশিংদা পুন্না থবক তৌমিন্নবা হেনগৎহনবদা য়ানরে। ইজুকেসন কোওপরেসন এরেঞ্জমেন্ত ২০২৫ থবক ওইনা পায়খৎপা চাউখৎলকপদা মখোয়না খঙজিনখি অমসুং খুৎয়েক হেক পীনবদগী থবকশিং পাংথোকপা অমসুং অনৌবা ইন্সতিতুৎশিং মরী লৈনবদা মখোয়না থাগৎপা ফোঙদোকখি।

অইং-অশাগী খল হোংলকপগী অৱাবশিং অমসুং মৈখু য়াম্না থাদোক্তবা অমসুং ক্লাইমেতকী অৱাবশিং মায়োক্নবা ঙম্বা শেন্মিৎলোনশিংদা অওনবা পুরকপগী মতাংদা মখোয়না খন্নখি। ইন্তরনেসনেল সোলার এল্লাইন্স অমসুং কোলিএসন ফোর দিজাষ্টার রেসিলিয়েন্ত ইনফ্রাষ্ট্রকচরগী খুৎথাংদা মতেং পাংনবা হেনগৎহনবা হায়না মখোয়না য়ানরে। ন্যুজিলেন্দনা গ্লোবেল বাইওফ্যুএল এল্লাইন্স শরুক য়াবদা প্রধান মন্ত্রী মোদীনা তরাম্না ওকখ্রে।

নেসনেল দিজাষ্টার মেনেজমেন্ত ওথোরিতি ওফ ইন্দিয়া অমসুং নেসনেল ইমর্জেন্সি মেনেজমেন্ত এজেন্সি ওফ ন্যুজিলেন্দগী মরক্ত এম.ও.সি অমা খুৎয়েক পীনবদা প্রধান মন্ত্রীশিংনা তরাম্না ওকখ্রে। লৈবাক অনিমক্কী মীয়াম, ইনফ্রাষ্ট্রকচর অমসুং ইন্সতিতুৎশিং অৱা-অনা মায়োক্নবা ঙম্বা হেনগৎহন্নবা মীৎয়েং অমগা লোয়ননা, মহৌশানা থোকহনবা অমাং-অতা হন্থহনবা, শেম-শাবা, মতেং পাংবা, মী কনবা অমসুং খুদোংথিবা মায়োক্নবা ঙম্নবা লৈবাক অনি মতেং পাংনবা হেনগৎহন্নবা মরুওইবা মখোয়না অমুক হন্না খন্নখি। 

তুংকোইনা চৎনবা য়াবা, পোৎথোক-চাথোক লৈবা অমসুং নোংজু-নুংশাগী ফিবমশিং মায়োক্নবা ঙম্বা লৌউ-শিংউ অমসুং চীঞ্জাক পুথোকপগী থবকশিংদা মতেং পাংনবা থিজিনবা, অনৌবা থবক অমসুং থবক ওইনা পাংথোকপা য়ারবা পাম্বৈশিং পুথোক্নবা প্রধান মন্ত্রীশিংনা থাজবা পীনখি।

লমদম-লমদমগী অমসুং মালেমগী ওইনা পুন্না থবক তৌমিন্নবা

মনিংতম্বা অমসুং ঙমখৈগী অপুনবা শক্তম ইকায়খুম্নবা লৈবা অমসুং মালেমগী চৎন-কাংলোনশিং ঙাকপা, মনিংতম্বা, অথিংবা লৈতবা, শান্তি ওইবা অমসুং নুংঙাই য়াইফবা ইন্দো-পেসিফিক লমদম অমা ওইহন্নবা মখোয়গী অচেৎপা ফিরেপ অমসুং ইন্দো পেসিফিক্ত মখোয় মখোয়গী ওইবা মীৎয়েংশিং প্রধান মন্ত্রীশিংনা ফোঙদোক্নখ্রে।

য়ুনাইতেদ নেসন্স কনভেন্সন ওন লো ওফ সি ১০৮২ য়াওনা মালেমগী আইনশিং মতুংইন্না, সমুদ্রদা নিংতম্নবা জহাজ হোনবা অমসুং মথক্ত ফ্লাইতশিং পাইবা অমসুং আইন্না য়াবা মওংদা সমুদ্রশিং শীজিন্নবদা অথিংবা পীদনবা মখোয়না অমুক হন্না তকশিনখি। য়ুনাইতেদ নেসন্স কনভেন্সন ওন লো ওফ সি য়াওনা মালেমগী আইন মতুংইন্না য়ানদবশিং শান্তি ওইনা য়ানবা পুরক্নপগী তঙাইফদবা অদু মখোয়না অমুক হন্না ফোঙদোকখি। ইন্দো-পেসিফিক লমদমদা সেকুরিতি অমসুং নুংঙাই-য়াইফবা পুরক্নবা পুন্না থবক তৌমিন্নবগী মরুওইবা অদু মখোয়না অমুক হন্না থমখি।

অসিয়ান, ইষ্ট এসিয়া সম্মিৎ, অসিয়ান রিজনেল ফোরম অমসুং অসিয়ান দিফেন্স মিনিষ্টর মিতিং প্লসগুম্বা লমদম অসিগী লুপশিং পুন্না থবক তৌমিন্নবগী মরুওইবা লুচিংবশিংনা ফোঙদোকখি। ইন্দো-পেসিফিক্ত অসিয়ান্না ময়াইদা লৈবা অমসুং অসিয়ানগী মীৎয়েংগী মরুওইবা মখোয়না অমুক হন্না থমখি।

য়ুনাইতেদ নেসন্সনা ময়াইদা লৈদুনা অফবা মতিক চাবা মালেমগী লুপ অমগী মরুওইবা অদু প্রধান মন্ত্রীশিংনা ফোঙদোকখি। য়ু.এন অমুক হন্না শেমদোকপগী দরকার ওইবা অদু মখোয়না তকশিনখি অমসুং মালেমগী হৌজিক ওইরিবা ফিবমশিং হেন্না ফজনা মমি তাহন্নবা পর্মনেন্ত অমসুং নন-পর্মনেন্ত কাংলুপ অনিমক্ত সেকুরিতি কাউন্সিল পাকথোক-চাউথোকহন্নবা মখোয়না শৌগৎপা ফোঙদোকখি। হিরম অসিদা, অমুক হন্না শেমদোক্লবা অমসুং পাকথোক-চাউথোক্লবা য়ুনাইতেদ নেসন্স অমদা ভারতনা লেংদ্রবা মেম্বর ওইবদা ন্যুজিলেন্দনা শৌগৎপা ফোঙদোকখি।

সেকুরিতি কাউন্সিল

মালেমগী শান্তি অমসুং সেকুরিতি, মীচং-মীয়াই নাইদবা অমসুং ন্যুক্লিয়ার খুৎলায় থাদোকপা অমসুং মালেমগী ওইনা খুৎলায় থানদবগী কাংলোন ঙাক্না চৎনবা মখোয়গী অচেৎপা থাজবা লৈবাক অনিমক্না অমুক হন্না থমখি। ভারতকী ক্লিন ইনর্জিগী পান্দমশিং ফংনবা অমসুং লৈবাক অসিগী খুৎলায় থানদবগী পান্দমশিং ফংনবা ভারতনা ন্যুক্লিয়ার সপ্লাইয়ারস গ্রুপতা শরুক য়াবগী মরুওইবা প্রধান মন্ত্রীশিংনা ফোঙদোকখি।

মিদল ইষ্ট নৌনা অমুক মুক্নবা হেনগৎলকপদা প্রধান মন্ত্রীশিংনা নুংনাংবা ফোঙদোকখি অমসুং পুক্নিং ফাথনবা, মুক্নবা হন্থহন্নবা অমসুং মীচম মীয়াম ঙাক-শেন্নবা লৈবাকশিংদা তকশিনখি। ষ্ট্রেত ওফ হোর্মুজদা নিংতম্না জহাজ হোনবা অমসুং মালেমগী ললোন-ইতিকশিং পাংথোকপা অমুক হন্না য়াহন্নবা মখোয়না তকশিনখি। মুক্নরিবা অসি শান্তি ওইনা অমসুং তুংকোইনা য়ানবা পুরক্নবা মালেমগী আইন ঙাক্না থবক পায়খৎনবা অমসুং ৱারি শানবা অমসুং কুতনিতিগী মরুওইবা অদু মখোয়না অমুক হন্না ফোঙদোকখি।

তংদু-লৈতাবা, অরোন-অথুপ লৈতবা অমসুং অৱাবা মায়োক্নবা ঙম্বা সপ্লাই চেনশিংগী মরুওইবা প্রধান মন্ত্রীশিংনা খন্নখ্রে। মালেমগী ইনর্জি সপ্লাই চেনশিং অমসুং মালেম শীনবা থুংবগী ইনর্জি নেতৱার্কশিং অৱাবা মায়োক্নবা ঙম্বা হেনগৎহনবদা ভারতনা লৌরিবা মরুওইবা থৌদাং মখোয়না থাগৎপা ফোঙদোকখ্রে। ইন্দো পেসিফিক শীনবা থুংনা অপনবা পীরকপদা ফংলিবা অৱাবশিংদা মখোয়না নুংনাংবা ফোঙদোকখি অমসুং লমদম অসিদা তুংদু-লৈতাবা মালেমগী সপ্লাই রুতশিং লৈহনবগী মরুওইবা অদু পনখি। থাউগী মমল হেনগৎলকপদগী মৈ পুথোকপা, জহাজ হোনবা, চৎথোক-চৎশিন, লৌউ উবা অমসুং ঙা য়োকপদা শেন চঙবা হেনগৎলকপদগী পেসিফিক ইথৎ লৈবাকশিংনা থেংনরিবা অৱাবশিং মখোয়না খন্নখি।

হৌজিক য়ুক্রেন্দা চৎথরিবা লাল অসিনা মীওই কয়া মখা তানা অৱাবা নংহনবদা লুচিংশিংনা নুংনাংবা ফোঙদোকখি। য়ু.এন চার্তর অমসুং মালেমগী আইনশিংদা য়ুম্ফম ওইদুনা, ৱারি শানবা অমসুং কুতনিতিগী খুৎথাংদা খুদিংমক কোনশিনবা, থবক ওইনা পাংথোকপা অমসুং তুংকোইবা শান্তি পুরক্নবা মাইকৈদা পায়খৎলিবা থবকশিং মখোয়না মখা তানা শৌগৎপা ফোঙদোকখি।

ঙমখৈ ৱাংমদগী চৎথরকপা তেরোরিজম য়াওনা, মখল খুদিংমক্কী তেরোরিজম মপুংফানা য়ানিংদবা লুচিংবশিংনা অমুক হন্না ফোঙদোকখ্রে। এপ্রিল ২২,২০২৫ দা ভারতকী জম্মু অমসুং কাস্মিরদা পাহালগামদা তেরোরিষ্টশিংনা লান্দারকখিবা অমসুং নবেম্বর ১০,২০২৫ দা ন্যু দিল্লিগী লাল কিলা ময়াদা থৌদোকখিবা তেররগী থৌদোক অদু লুচিংবা অনিমক্না য়াম্না কন্না য়ানিংদবা ফোঙদোকখি অমসুং থৌদোকশিং অদুদা চেন্নবশিং মতিক চাবা চৈরাক পীনবা তকশিনখি।  খাংদুনা লৈথোক্তনবা অমসুং তেরোরিজমগী মথক্ত অকনবা থবক পায়খৎনবা অমসুং তেরোরিজমদা শেন থাদরিবশিং অমসুং চঙজফম পীরিবশিং থুগায়নবা, ওনলাইন য়াওনা তেররগী মচাক-মথুমশিং মাঙহন্নবা অমসুং তেরোরিজমদা চেন্নবশিং অথুবা মতমদা অচুম্বা ৱায়েল চৎথদুনা চৈরাক পীনবা মখোয়না তকশিনখি। তেরোরিজম অমসুং এক্সত্রিমিজম লাকশিন্নবা মতেং পাংনবা হেনগৎহনবা হায়না লুচিংবশিং য়ানরে। তেরোরিজম লাকশিন্নবা জোইন্ত ৱার্কিং গ্রুপ অমা লিংখৎনবা এম.ও.এ অমা খুৎয়েক পীনবদা লুচিংবশিংনা তরাম্না ওকখি অমসুং মসিনা ই-পাউ অমসুং লৌশিং শরুক য়ামিন্ননবা ঙাক্লৌ অমা পীগনি।

য়ু.এন অমসুং ফাইনান্সিএল এক্সন তাক্স ফোর্স(এফ এ তি এফ) য়াওনা মালেমগী লুপশিংদা মতেং পাংনবা হেনগৎহন্নবা মখোয়গী থাজবা লুচিংবশিংনা অমুক হন্না পীনখ্রে। য়ু য়ু.এন.এস.সি ১২৬৭ সেঙ্কসন কম্মিতিগী লিষ্টতা য়াওরবশিং অমসুং মখোয়গা নক্নবশিং, মখোয়গী থবক তৌবশিং, মখোয়গী মতেং পাংবশিং, শেন থাদরিবশিং অমসুং শৌগৎলিবশিং য়াওনা, .এন্না আইন্না য়াদ্রে হায়না লাউথোকখ্রবা তেরোরিষ্ট লুপশিং অমসুং লনাই মীওইশিংগী মথক্ত খুদক্ত থবক পায়খৎনবা লৈবাকশিংদা লুচিংবশিংনা তকশিনখ্রে।

ৱারোইশিন

নকশিন্ননা থবক তৌমিন্ননবা অমসুং রোদমেপ ২০৩০ পায়খৎনবা থবকশিং মতম চানা পাংথোক্নবা মিনিষ্টরশিং অমসুং সেনিয়ার ওফিসিএলশিংদা প্রধান মন্ত্রীশিংনা খঙহনখ্রে। মিনিষ্টরশিং অমসুং সেনিয়ার ওফিসিএলশিংনা খুমাং চাউশিনবশিং চাং নাইনা য়েংশিন্নবা হায়না মখোয় য়ানরে।

মহাক অমসুং মহাক্কী মীহুৎ কাংবু তরাম্না ওকপগীদমক প্রধান মন্ত্রী মোদীনা প্রধান মন্ত্রী লক্সন অমসুং ন্যুজিলেন্দগী মীয়াম থাগৎপা ফোঙদোকখ্রে। অৱাংবা থাক্কী ওফিসিএলশিং চৎথোক-চৎশিন তৌবা চাং নাইনা পাংথোকপা অমসুং ভারত-ন্যুজিলেন্দ ষ্ট্রাতেজিক পার্তনরশিপকী কান্নবা মপুংফানা লৌবা হায়না লুচিংবশিংনা য়ানরে।

***