খরিফ কুম লাকপা অমসুং শেন্মিৎলোনগী অতোপ্পা সেক্তরশিংদা এল-নিনোনা পীরকপা য়াবা শাফুগী মতাংদা, অৱাংবা থাক্কী য়েংশিন মীফম অমা ২০২৬ গী জুলাই ৭ তা সেবা থির্থদা প্রধান মন্ত্রীগী প্রিন্সিপাল সেক্রেতরী দোক্তর পি.কে. মিশ্রানা ময়াই তাংবল লৌদুনা পাংথোকখি। মীফম অসিদা হীরম অসিগা মরী লৈননা লৌখৎলিবা থৌরাংশিং য়েংশিনখি।

লৌউ-শিংউ, পাৱর, কোওপরেসন, থক্নবা ঈশিং অমসুং সেনিতেসন, হকশেল অমসুং ইমুং মনুং য়াইফ-থৌরাং, ইকোনোমিক এফিয়র্স, শা শন লোইবা, খুঙ্গং চাউখৎ থৌরাং, আর্থ সাইন্স, লৌউশিংউগী রিসর্স অমসুং মহৈ মশীং, ইন্দিয়ন মেতিওরোলোজিকেল দিপার্তমেন্ত (আই.এম.দি.), ইনফোর্মেসন অমসুং ব্রোদকাস্তিং, কঞ্জুমর এফিয়র্স, ফাইনান্সিএল সর্বিসেস, ফর্তিলাইজর অমসুং সেন্ত্রেল ৱাতর কম্মিসন য়াওনা মন্ত্রালয় ১৫ হেনবগী সেক্রেতরীশিং অমসুং মকোক থোংবা ওফিসিএলশিংনা শরুক য়াখি।

হৌরকপদা, আই.এম.দি.গী ওফিসিএলশিংনা জুন অমসুং জুলাই ৭ ফাওবগী অপুনবা নোংগী ফিভমগী মতাংদা ফোংদোকখি। দিরেক্তর জেনরেল ওফ মেতিওরোলোজীনা লৈবাক অসিদা লৈরিবা মোন্সুনগী কভরেজকী ফিভম অমসুং এল-নিনোনা পীরকপা য়াবা শাফুগী মতাংদা অপদেত তৌখি। গুজরাত, মধ্য প্রদেশ, ছত্তিসগর অমসুং মহারাস্ত্রাদা নোং চুবা হৌরকপদা পুং ১০গী মতুংদা লাকখি। অদুম ওইনমক, ০৭.০৭.২০২৬ ফাওবদা নোং চুখিবগা লোয়ননা অপুনবা ভারতকী দিফিসিৎ অসি -১২%দা হন্থরে। জুলাইগী অহানবা চয়োলদা মহৌশাগী মতুং ইন্না নোং চুবা হেনগৎলক্লি। জুলাই অমসুং ওগস্ততা মপাঙ্গল হন্থবা নত্রগা ময়াই ওইবা এল-নিনো থোক্কনি হায়না পানরি। জুলাই থাদা মোন্সুন সিজনগী নোংগী চাং চাদা ৩০ হেন্না চুবগী ফীভম অসি লেপ্পা লৈতনা য়েংশিল্লি। এল-নিনোনা চহি অদুগী মনুংদা মহৌশাগা চাংদম্নবদা হন্থবা নোং চুবগী মরম ওইরোই হায়নসু পনখি।

এগ্রিকলচর সেক্রেতরীনা খরিফ সিজনগী মনুংদা এল নিনোগী ওইথোকপা য়াবা ইম্পেক্তকীদমক শেম-শারিবা অসিগী মতাংদা অকুপ্পা পাউদম অমা থমখি। মতম চানা ৱারেপ লৌবা অমসুং খুদোংচাদবা ফীভমদা মতেং পাংনবা, নোংগী চাং, রিজর্বিয়র স্তোরেজ, মহৈ-মরোং থাবগী থৌওং, ইনপুত ফংহনবা, কৈথেলগী ফীভম, হৌরক্লিবা পেস্ত অমসুং লায়নাগী ফিভমশিং য়েংশিন্নবা রাজ্যশিংগা লোয়ননা ক্রোপ ৱেদর ৱাৎচ গ্রুপকী চয়োল খুদিংগী মীফম পাংথোক্লি। দিস্ত্রিক্ত এগ্রিকলচর কন্তিনজেন্সী প্লানশিং অসি খুদোংচাদবা মফমশিংদা লৈরিবা দিস্ত্রিক্ত ২৬২ গীদমক অপদেৎ তৌখ্রে। ইন্দিয়ন কাউন্সিল ফোর এগ্রিকলচরেল রিসর্সনা দিস্ত্রিক্তশিংদা লৈরিবা কৃষি বিজ্ঞান কেন্দ্রশিংগীদমক "মেনেজমেন্ত ওফ এল নিনো রিস্কস ইন ইন্দিয়ন এগ্রিকলচর"গীদমক স্তেন্দর্দ ওপরেতিং প্রোসিদ্যুরশিং থোকখ্রে। চহি কয়া অসিদা মহৈ-মরোং অমসুং তেক্নোলোজীগী মতুং ইন্না ক্লাইমেৎ রেসিলেন্ত ওইবা ভেরাইতীশিং অমসুং তেক্নোলোজীশিংগী মতুং ইন্না ঈশিং মরাং কাইনা চংবা তারবসু মহৈ-মরোং পুথোকপা লেপত্রি হায়নসু পনখি।

হেন্না চেকশিন্নিঙাই ওইবা রাজ্যশিংদা প্রধান মন্ত্রী ফাসল বিমা য়োজনা অমসুং কিসান ক্রেদিৎ কার্দ কভরেজগীদমক কেম্পেনশিং হৌদোকখ্রে। অমসুং এগ্রিকলচর, ফাইনান্সিএল সর্বিসেস অমসুং কোওপরেসন দিপার্তমেন্তশিংদা মতমগী মতুং ইন্না খ্বাইদগী হেন্না কভরেজ ফংহন্নবা খঙহনখ্রে। এনিমেল হসবেন্দ্রি অমসুং দেরিয়িং দিপার্তমেন্ততা মেক্রো অমসুং মাইক্রো অনিমক্কী থাক্তা দ্রাই ফোদর, গ্রীন ফোদর অমসুং গো ফীদ ফংবগী চাং য়েংশিন্নবা হায়খি।

দিপার্তমেন্ত ওফ দ্রিঙ্কিং ৱাতর এন্দ সেনিতেসননা দিস্ত্রিক্তশিংদা য়েংশিনলিবশিংগী ফিভম অমসুং হৌজিক ফাওবদা লোইরিবা মওংশিং পাউদমখি। দিপার্তমেন্ত অসিনা চেকশিন্নিংঙাই ওইবা দিস্ত্রিক্তশিংদা মাইক্রো লেবেল প্লান্নিং অমসুং মোনিটরিং তৌনবা খঙহনখ্রে। ঈশিংগী রিসোর্স দিপার্তমেন্তনা লৈবাক অসিগী গ্রাউন্দ ৱাতর অমসুং রিজর্বর স্তেতসকী মতাংদা পাউদমখি। হৌজিক্কী ওইনা ফিভম অসি খল চানা লৈরবসু মখা তানা চেকশিন্না লৈবগী তঙাই ফদবদি লৈরি।

হেল্থ অমসুং ফেমিলী ৱেলফিয়র দিপার্তমেন্তনা হিৎ ৱেবকীদমক এদভাইজরীশিং অমসুং হিৎ ৱেব, ঈশিং মনিল ৱাংবা অমসুং দেঙ্গিগী লাইচৎ অনিমক য়েংশিনবগী থবক পায়খৎলে। এলর্তশিং অমসুং এদভাইজরীশিংগী ইফেক্তিব ওইবা কম্ম্যুনিকেসন ফিল্দ লেভেল ফাওবা লৈহল্লগনি।

কঞ্জ্যুমর এফিয়র্স দিপার্তমেন্তনা চেঙ, গেহু অমসুং হৱাই চেঙৱাইগী মমলগী অমসুং মতিক চাবা বফরগী ফিভম য়েংশিনখি। ফর্তিলাইজর দিপার্তমেন্তনা রাবিগীদমক মতীক চাবা ফংফম থোকপা বেলেন্স লৈ হায়না রিপোর্ত তৌখি। দিপার্তমেন্ত অনিমক্না তঙাইফদবা পোৎলমশিং অমসুং ফর্তিলাইজরশিংগী মেক্রো অমসুং মাইক্রো ফংবগী চাং লেপ্তনা য়েংশিন্নবা ৱাফম থমখি।

দিপার্তমেন্ত ওফ রুরেল দিবেলপমেন্তনা বিক্সিত ভারত-গরেন্তী ফোর রোজগর অমসুং অজীবিকা মিসনগী মখাদা জুলাই ১দগী হৌখিবা থবকশিংগী মতাংদা পাউদমখি অমসুং হৌজিক ফাওবদা মীওই কোতি অমা পুথোকখ্রে। এগ্রিকলচরেল রিসর্স অমসুং এজুকেসন দিপার্তমেন্তনা ক্লাইমেৎ রেসিলেন্ত ওইবা মরু মখলশিং শন্দোকপগী মতাংদা পাউদমখি। পৱার দিপার্তমেন্তনা পোৎ পুথোকপগী স্তেতস অমসুং ফংবগী চাং য়েংখি।

প্রধান মন্ত্রীগী প্রিন্সিপাল সেক্রেতরীনা অপুনবা ফিভম অসি লেপ্পা লৈতনা য়েংশিনবা অমসুং দরকার ওইবা মতমদা ফগৎনবা থবক লৌখৎনবা রাজ্যশিংগা লোয়ননা খুৎশম্নদুনা মোন্সুন/মোন্সুন থেংথবনা শোকহল্লকপা য়াবা দিস্ত্রিক্তশিংদা তঙাইফদবা মতমদা ফিভম অসিদগী ঙাকথোক্নবা থবক লৌখৎনবা খঙহনখি।

ফোদর দিবেলপমেন্ত প্লানশিংগা লোইননা মতিক চাবা ফোদর ফংহন্নবা খোংথাংশিং লৌখৎপা অমসুং রাজ্যশিংগা লোইননা চাং নাইনা য়েংশিনবা মথৌ তাই হায়নসু পাউতাক পীখি। খুদোংচাদবা মফমশিংদা মতিক চানা থক্নবা ঈশিং ফংহনবা অসি খ্বাইদগী মরুওইবা অমা ওইগদবনি। খুদোংথীবা লৈবা জিলাশিংদা রিজর্বর চাং নাইনা য়েংশিল্লি অমসুং রিজর্বরগী ঈশিং অসি খ্বাইদগী ফবা মওংদা শিজিন্ননবা অমসুং ফংলিবা ঈশিং অসি লৌশিং লৈবা মওংদা শিজিন্ননবা প্রোমোৎ তৌনবা মতিক চাবা লমজিং-লমতাক পীরি।

হীরমশিং অসি মপুং ফানা থেংননবা মন্ত্রালয়শিংনা পুন্না থবক তৌমিন্নবা অমসুং রাজ্যশিংগা লোইননা থবক তৌমিন্নবা মথৌ তাই হায়না অকনবা ৱাফম থমখি।

 ***