মহিলা আৰু শিশু উন্নয়ন মন্ত্ৰালয়
প্ৰধানমন্ত্ৰী ৰাষ্ট্ৰীয় বাল পুৰস্কাৰ ২০২৬ ৰ বাবে মনোনয়ন আহ্বান
আবেদন দাখিল কৰাৰ অন্তিম তাৰিখ ৩১ জুলাই
प्रविष्टि तिथि:
02 JUL 2026 1:10PM by PIB Guwahati
মহিলা আৰু শিশু বিকাশ মন্ত্ৰালয়ে প্ৰধানমন্ত্ৰী ৰাষ্ট্ৰীয় বাল পুৰস্কাৰ (PMRBP) ২০২৬ ৰ বাবে মনোনয়ন দাখিল কৰাৰ পুনৰ আহ্বান জনাইছে। আবেদন দাখিল কৰাৰ অন্তিম তাৰিখ হ’ল ৩১ জুলাই, ২০২৬। প্ৰধানমন্ত্ৰী ৰাষ্ট্ৰীয় বাল পুৰস্কাৰৰ বাবে সকলো মনোনয়ন অনলাইন প’ৰ্টেল https://awards.gov.in ৰ জৰিয়তে কৰিব লাগিব।
৫ ৰ পৰা ১৮ বছৰ বয়সৰ শিশু আৰু কিশোৰ-কিশোৰীসকল, যিসকলে ক্ৰীড়া, সমাজসেৱা, বিজ্ঞান আৰু প্ৰযুক্তি, পৰিৱেশ, কলা আৰু সংস্কৃতিৰ ক্ষেত্ৰত উৎকৃষ্টতা প্ৰদৰ্শন কৰিছে, তেওঁলোকৰ অসাধাৰণ সাফল্যক উদযাপন কৰাৰ বাবে এয়া এক অনন্য স্বীকৃতি। ইয়াৰ উপৰিও, প্ৰত্যাহ্বানমূলক বা জটিল পৰিস্থিতিত চৰম সাহসিকতা প্ৰদৰ্শন কৰা শিশুসকলকো এই বঁটা প্ৰদান কৰা হয়।
যিকোনো নাগৰিক, বিদ্যালয়, প্ৰতিষ্ঠান বা সংগঠনে উপযুক্ত বুলি বিবেচিত প্ৰাৰ্থীসকলক এই বঁটাৰ বাবে মনোনীত কৰিব পাৰিব। শিশুসকলেও নিজাববীয়াকৈ আবেদন কৰিব পাৰিব।
আবেদন প্ৰক্ৰিয়াৰ সবিশেষ তলত উল্লেখ কৰা হ’ল:
আবেদনকাৰীসকলে মৌলিক ব্যক্তিগত তথ্য আৰু বঁটাৰ শ্ৰেণী পূৰণ কৰিব লাগিব আৰু তাৰ পিছত এটা শেহতীয়া ফটো আৰু সমৰ্থিত নথিপত্ৰ (supporting documents) আপলোড কৰিব লাগিব। ইয়াৰ উপৰিও তেওঁলোকে নিজৰ সাফল্য আৰু ইয়াৰ প্ৰভাৱৰ বিষয়ে এটা লিখিত বিৱৰণ (১০০০ শব্দলৈকে) দাখিল কৰিব লাগিব।
মন্ত্ৰালয়ে বিদ্যালয়, যুৱ গোট, বেচৰকাৰী সংগঠন (NGO), পঞ্চায়ত আৰু ব্যক্তিসকলক সম্ভাৱ্য মনোনীত প্ৰাৰ্থীসকলক চিনাক্ত আৰু সহযোগিতা কৰিবলৈ এই অন্তিমটো মাহ ব্যৱহাৰ কৰিবলৈ উৎসাহিত কৰিছে। আহক আমি সকলোৱে মিলি নিশ্চিত কৰোঁ যাতে ভাৰতৰ আটাইতকৈ কম বয়সীয়া অগ্ৰণী পথপ্ৰদৰ্শকসকলক তেওঁলোকে প্ৰাপ্য সন্মান আৰু স্বীকৃতি প্ৰদান কৰা হয়।
*****
SS/VN/RD
(रिलीज़ आईडी: 2280649)
आगंतुक पटल : 5
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Manipuri
,
Bengali
,
Bengali-TR
,
Punjabi
,
Gujarati
,
Tamil
,
Telugu
,
Kannada
,
Malayalam