গ্রীন অমসুং সস্তেনেবল ত্রান্সপোর্তকী মায়কৈদা অচৌবা খোংথাং অমা ওইনা, ভারতকী রেলৱেজনা অৱাংথংবা রেলৱেগী জিন্দ-সোনিপত সেক্সন্দা কার 10গী হাইদ্রোজেন ফ্যুএল সেলদা য়ুম্ফম ওইবা ত্রেন সেৎ অমা হৌদোকপদা অয়াবা পীখ্রে। ত্রেন সেৎ অসি অথুবা মতমদা হৌনবা শেম-শারগনি অমসুং 1200 KWকী হায়দ্রোজেন ফ্যুএল সেল প্রোপলসন সিস্তেম অমনা চলাইবা 75 kmphগী খ্বাইদগী অয়াংবা খোংজেলদা চেনগনি।

হায়দ্রোজেন ফ্যুএল সেল তেক্নোলোজীনা হায়দ্রোজেন শীজিন্নদুনা কেমিকেল রিএক্সন অমগী খুত্থাংদা ইলেক্ত্রিসিতী পুথোকই, ঈশিংগী মনিল খক্তমক থাদোকই, মসিনা মসি কনভেন্সনেল ফোসিল ফ্যুএলদা য়ুম্ফম ওইবা ত্রেক্সন সিস্তেমশিংগী ক্লিন অল্তর্নেতিব অমা ওইহল্লি। হায়দ্রোজেনদা য়ুম্ফম ওইবা রেল সিস্তেমশিং অসি মালেম পুম্বদা তুং কোইনা চৎথোক-চৎশিন তৌবদা অফবা সোলুসন অমা ওইনা খঙনরক্লি। খোঙথাং অসিগা লোইননা, ভারত অসি হেন্না শেংবা রেল ত্রান্সপোর্তেসনগীদমক হায়দ্রোজেন শিজিন্নবা থিজিল্লিবা জর্মনী, জাপান, চাইনা অমসুং য়ুনাইতেদ স্তেৎসকুম্বা খনগৎলবা লৈবাকশিংগী কাংলুপ অমদা য়াওরক্লি। তেক্নোলোজী অসি হৌরকপগী তাঙ্কক অদুদা লৈরি, লৈবাক মশিং য়ামদনা হৌজিক অসিগুম্বা সিস্তেমশিং অসি শিজিন্নরি নত্রগা চাংয়েং তৌরি।

হরিয়ানাগী জিন্দ-সোনিপত সেক্সন অসি মসিগী ওপরেসনশিং অসিগী পাইলোৎ রুত ওইনা মশক খঙদোকখ্রে। জিন্দতা ত্রেন সেৎ অসিগীদমক্তা লমদমসিগী ওইবা হায়দ্রোজেন স্তোরেজ অমসুং রিফ্যুএলিং ফেসিলিতী অমা লিংখৎখ্রে। পেত্রোলিয়ম অমসুং এক্সপ্লোসিব সেফতি ওর্গানাইজেসন (PESO) না মফম অসিদা কম্প্রেস তৌরবা হায়দ্রোজেন গ্যাস স্তোরেজ অমসুং দিসপেন্স তৌবগী মথৌ তাবা লাইসেন্স পীখ্রে।

থাজবা য়াবা অমসুং অশোয়বা লৈতনা মথৌ পাংথোক্নবা মথৌ তাবা তেক্নিকেল সপ্পোর্ত অমসুং মরুওইবা স্পেয়রশিংগা লোয়ননা রিলায়েবল ওইবা অসমুং ফেল-সেফ থবকশিং পাংথোক্নবগীদমক হায়দ্রোজেন কম্প্রেসন সিস্তেম অমা ফংহনখ্রে। স্তেন্দবাই কম্প্রেসর য়ুনিৎ অমগী প্রোভিজনশু লৈহনখ্রে। হায়দ্রোজেন পুথোকপা, থম্বা অমসুং পীবা ফেসিলিতীদা ইনস্তোল তৌরিবা হায়দ্রোজেন লিকেজ দেতেক্তর অমসুং ফ্লেম দেতেক্তরশিং য়াওনা তোঙান তোঙানবা সেফতী সেন্সরশিং অদু উফুল থাংদনবা অমসুং অসোই-অঙাম য়াওদনা মথৌ তৌনবা চাং নাইনা য়েংশিনগনি অমসুং শেংদোক্কনি।

হায়দ্রোজেন ত্রেন-সেৎ অমসুং হায়দ্রোজেন প্লান্তশিংগী ওপরেসন অমসুং মেনতেনেন্সগী মেনুৱলশিং, RDSOনা মতিক চাবা মওংদা অয়াবা পীদুনা, ফংহল্লি। শকুরবস্তিদা শেমগৎ শাগৎলিবা মেনতেনেন্স ফেসিলিতীগীদমক মথৌ তাবা সেফতী প্রোভিজনশিং, চাং নাইনা ওদিৎশিং অমসুং স্তেন্দর্দ ওপরেতিং প্রোসিজরশিং লৈহন্নবা হোৎনরি।

অয়াবা অসিনা হায়দ্রোজেন রিফ্যুএলিং সিস্তেমগী 24x7 মোনিতরিং, ক্রিতিকেল ওপরেসনশিংগীদমক ত্রেন তৌরবা অমসুং সর্তিফাই তৌরবা পর্সোনেল শীজিন্নবা, অমসুং চাং নাইনা ইন্সপেক্সন অমসুং মেনতেনেন্স তৌবগী সেদ্যুলশিং য়াওনা মপুংফাবা সেফতী অমসুং ওপরেস্নেল প্রোতোকোলশিংসু মথৌ তাই। ওপরেসনগী অহানবা ফেজ মনুংদা, ত্রেন অসি শোয়দনা মথৌ পাংথোক্নবা ত্রেন অসিদা ত্রেন তৌরবা তেক্নিকেল পর্সোনেলশিংনা মতেং পাংগনি।

প্রোজেক্ত অসিনা ইন্নোবেসন, ইনর্জী ইফিসিয়েন্সী অমসুং অকোইবগী ফিভম ফনা লৈগদবা ত্রান্সপোর্তেসনগীদমক ভারতকী রেলৱেজকী পাক চাউরবা অচেৎপা ফিরেপ অদু উৎলি অমসুং ভারতকী নেস্নেল ক্লিন ইনর্জী অমসুং নেৎ-জিরো কার্বন ইমিসনগী পান্দমশিং অদু শৌগৎলি।

*****