ভারতকি রাস্ত্রপতি শ্রীমতি দ্রোপদি মুর্মুনা ঙসি (মে ২৮, ২০২৬) গেংতোক্তা সিক্কীম পুলিসতা ‘ভারতকি রাস্ত্রপতিগী পুলিশ কলর’ পিখ্রে।

থৌরম অসিদা ৱা ঙাংলদুনা রাস্ত্রপতিনা সিক্কীম পুলিশকা মরি লৈনবা ওফিসরশিং অমসুং পুলিশকি মীওই পুম্নমকপু ইকায় খুম্নবা অসিগীদমক নুংঙাইবা ফোঙদোকখি। মহাক্না নুংঙাইবা ফোঙদোকখি মদুদি ১৮৯৭তা লিংখৎখিবদগী ফোর্স অসিনা সিক্কীমদা শান্তি, সেক্যুরিতি অমসুং জস্তিস শোয়দনা ফংহন্নবা থবক পায়খৎলি।

রাস্ত্রপতিনা হায়খি মদুদি ভারতকি পুলিশিং সিস্তেমদা মতম শাংনা কোলোনিএল রুলগী মমী তারি। কোলোনিএল শবজুগেশনগী মতমদা পুলিশকি মরুওইবা পান্দমদি মীয়ামগী সেবা তৌবা নত্তে অদুবু মখোয়বু কন্ত্রোল তৌবা অমসুং লৈঙাক্লিবা রাজ্যগী দিক্তেতশিং অকনবা মওংদা চৎনহনবনি। মরম অসিনা পুলিশ সিস্তেমগী মনুংদা কোলোনিএল ৱাখল্লোন অমা মরু ওইনা লৌখি। ৱাখল্লোন অসিগী মখাদা পুলিশকি মনুংদা চৎনরম্বা ৱাখল্লোন অদু মীয়ামগা লোয়ননা মতেং পাংনবগী মহুত্তা মীয়ামগী মথক্তা সাসন তৌবগী ওইখি। মসিগী ৱাখল্লোন অসি হৌজিক হোঙলক্লি। মহাক্না অকনবা ৱাফম থমখি মদুদি জাতি অসিগী নাগরিকশিংবু শক্তি পিনবগীদমক কোলোনিএল আওতলুক অসি মপূঙ ফানা থাদোকপা অসি য়াম্না মরুওই। মদুদখক্তদা নাগরিকশিংনা বিকসিত ভারতকি পান্দম অদু ফংবদা থম্মোয় শেঙনা মতেং পাংবা ঙম্লগনি।

রাস্ত্রপতিনা অকনবা ৱাফম থমখি মদুদি পুলিশিং সিস্তেমগী মনুংদা ত্রান্শপরেন্শি অমসুং একাওন্তেবিলিতি অসি য়াম্নাা তঙাইফদবা অমনি। মহাক্না হায়খি মদুদি ইচম্ চম্বা মীওইশিংনা অকিবা লৈতনা মখোয়গী অৱাবশিং রেজিস্তর তৌবা ঙম্নবা পুলিশ এপরেতস অসি নাগরিকশিংগা হেন্না ফবা ওইহনগদবনি। নুপী, অঙাংশিং, অমসুং খুন্নাইগী খুদোংথিবা নংলবা কাংলুপশিংগী মতাংদসু সেন্সিতিব ওইবা থৌওং অমা লৌখৎপদসু মরু ওইবা পিগদবনি।

রাস্ত্রপতিনা হায়খি মদুদি পুলিশ অসি নাগরিকশিংগীদমক পার্ত্নর অমসুং গাইদা ওইনা শেমগৎকদবনি। পুন্নাা থবক তৌমীন্নবগী থৌদাং অসি লৌশিন্দুনা মীয়াম অমসুং পুলিশকি মরক্তা থাজবা হেন্না চেৎশিলহল্লগনি। পুলিশনা মীয়ামগী খুদোংচাদবশিং খঙলদুনা তেংবাং পিরকপা মতমদা, মসিগা লোয়ননা খুন্নাইগী মনুংদা সেক্যুরিতিগী ৱাখল্লোন হেঙ্গৎহল্লগনি অমসুং আইনগী চৎনবিবু হেন্না ইকায় খুম্নবা হেনগৎহনগনি। মহাক্না অকনবা ৱাফম থমখি।

রাস্ত্রপতিনা নোৎ তৌবদা নুংঙাইবা ফোঙদোকখি মদুদি সিক্কীম পুলিশনা সিক্কীমদা শান্তি অমসুং নুংঙাই-য়াইফবা ঙাক্তুনা থম্বদা মশক থোকপা থৌদাং লৌরি। মখোয়গী প্রোফেস্নেল কন্দক্তা অমসুং নাগরিকশিংগী মতাংদা মরুপ-মপাং ওইবগী মওং মতৌগী খুত্থাংদা মসিনা সিক্কীমগী মীয়ামগী নুংশিবা অমসুং ইকায়খুম্নবা ফংহল্লে।

রাস্ত্রপতিগী ৱারোল অসি য়েংনবগীদমক মফম অসিদা ক্লিক তৌবিয়ু -

***