ভারতকী নাৎ অমসুং চৎনবীগী কুতনিতিগী থবকশিং অমসুং মালেমগী লৈবাকশিংদা য়ৌহনবা হেনগৎহন্নবা মরুওইবা খোঙথাং অমদা, এপ্রিল ৭,২০২৬ দা দুরদর্সন ভাবন, ন্যু দিল্লিদা দুরদর্সন (প্রসার ভারতি) অমসুং ইন্দিয়ান কাউন্সিল ফোর কলচরেল রিলেসন্স (আই সি সি আর) গী মরক্ত এম.ও.য়ু অমা খুৎয়েক পীনখ্রে।

লুপ অনিমক্কী সেনিয়ার ওফিসিএলশিং অমসুং দুরদর্সন (প্রসার ভারতি) অমসুং আই.সি.সি.আরগী ওফিসিএলশিং শরুক য়াদুনা এম.ও.য়ু অদু দুরদর্সনগী দিরেক্তর জেনেরেল শ্রী কে. সতিস নম্বুদিরিপদ অমসুং আই.সি.সি.আরগী দিরেক্তর জেনেরেল শ্রীমতি কে. নন্দিনি সিংলানা খুৎয়েক পীনখি।

পুন্না থবক তৌমিন্নবা অসিদা আই.সি.সি.আরনা পীবা নাৎ অমসুং চৎনবীগী থৌরমশিং মীয়ামদা য়েংহনবা হেনগৎহনবদা দুরদর্সন (প্রসার ভারতি) গী তেলিবিজন, রেদিও অমসুং দিজিতেলগী থবকশিং শীজিন্নগনি। থবকশিং অসিগী মনুংদা এম্বেসিশিং, কন্সুলেতশিং অমসুং ইন্দিয়ান কলচরেল সেন্তরশিংগুম্বা ভারতকী মপান লৈবাকশিংদা লৈবা মিসনশিংনা শীনবা নাৎকী থৌরমসিং অমসুং আই.সি.সি.আর হেদক্বাতরশিং অমসুং ভারত শীনবা থুংনা লৈরিবা মসিগী জোনেল অমসুং রিজনেল ওফিসশিংগী থৌরমশিং য়াওরি।

এম.ও.য়ু অসিগী মখাদা, আই.সি.সি.আরনা নাৎকী থৌরমশিং পীগনি অমসুং দুরদর্সন (প্রসার ভারতি) না তেলিবিজন চেন্নেলসিং, রেদিও নেতৱার্কশিং, ও.তি.তি প্লেতফোর্মশিং অমসুং সোসিএল মেদিয়া য়াওনা তোঙান তোঙানবা প্লেতফোর্মশিংদা কভরেজ তৌগনি অমসুং থৌরমশিং শন্দোক্কনি। থৌরাং অসিগী মখাদা, মপান লৈবাকশিংদা লৈরিবা ভারতকী মিসনশিংদগী ফংবা রেকোর্দ তৌরবা ভারতকী নাৎকী থৌরমশিং শন্দোক্কনি, মসিনা লৈবাক কয়া শীনবা থুংনা ভারতকী নাৎকী থৌরমশিং পাক-শন্না য়েংবা ফংহনগনি।

য়ানবা অসিগী মরুওইবা শক্তম অমদি লুপ অনিমক্না কন্তেন্ত রাইতশিং পুন্না মপু ওইমিন্নবা অসিনি, মসিনা লুপ অনিমক্না থৌরমশিং লীদুনা থম্নবা অমসুং মতম শাংনা শন্দোক্নপা ঙমহনগনি। মীয়াম পাক-শন্না য়েংবা ঙম্নবা, দুরদর্সন (প্রসার ভারতি) না থৌরম মমাংদা মীয়ামদা পাক-শন্না খঙহনবা অমসুং প্লেতফোর্ম কয়াদা পুক্নিং থৌগৎপগী থবক পায়খৎকনি।

পুন্না থবক তৌমিন্নবা অসিগী মখাদা পুথোকপা থৌরমশিংদগী দুরদর্সন (প্রসার ভারতি) না শেন তান্নবগী খুদোংচাবশিং মশক খঙদোকপা এম.ও.য়ু অসিনা ঙমহগনগনি, মসিনা তুংকোইনা নাৎকী থৌরমশিং শন্দোকপা ঙমহনগনি।

নাকল অনিমক্না য়ানদুনা মখা তানা শাংদোকপগী খুদোংচাবা লৈবগা লোয়ননা, য়ানবা অসি চহি অহুম চৎনগনি। পুন্না থবক তৌমিন্নবা অসিনা ভারতকী ইনাকখুল্লবা নাৎ অমসুং চৎনবী য়েংবা শিংথাবা য়ানা হেনগৎহনগনি অমসুং হৌজিক্কী মতম অসিগী মেদিয়া প্লেতফোর্মসিং অমসুং মালেমগী ভাবকশিংদা নাৎকী থৌরমশিং হেন্না য়েংহনবা ঙমগনি।

***