প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতী ওন ইকোনোমিক এফিয়র্সনা অরুনাচল প্রদেশকী কমলে, ক্রা দাদি অমসুং কুরুং কুমে জিলাশিংদা কমলা হাইদ্রো ইলেক্ত্রিক প্রোজেক্ত (ঐচ.ই.পি.) শানবগীদমক লুপা করোর ২৬,০৬৯.৫০ থাদবদা অয়াবা পীখ্রে। প্রোজেক্ত অসি লোইশিনবগী পান্দম থম্লিবা মতম অসি থা ৯৬নি।

ইনস্তোল তৌরবা কেপাসিতী মেগাৱাত ১৭২০ (মেগাৱাত ৮x২১০ অমসুং মেগাৱাত ১x৪০) লৈবা প্রোজেক্ত অসিনা ইনর্জী এম.য়ু. ৬৮৭০ পুথোক্কনি হায়না পানরি। প্রোজেক্ত অসিদগী পুথোক্কদৌরিবা পাৱর অসিনা অরুনাচল প্রদেশকী পাৱর সপ্লাই পোজিসন মপাঙ্গল কনখৎহল্লগনি, পীক দিমান্দ মেনেজমেন্তদা মতেং পাংগনি, নেস্নেল গ্রিদ বেলেন্সিংদা মতেং পাংগনি অমসুং ব্রহ্মপুত্রা তম্পাক্তা ফ্লদ মোদরেসনগী কান্নবা ফংহল্লগনি। কমলা ঐচ.ই.পি.গী মথক্তা, অতোপ্পা হায়দ্রোপৱার প্রোজেক্তশিংসু লৈরি - সুবানসিরি লোৱর (মেগাৱাৎ ২০০০), দিবাং মলতিপর্পস (মেগাৱাৎ ২৮৮০) শেমগৎলি, অমসুং অরুনাচল প্রদেশতা এন.ঐচ.পি.সি. লিমিতেদনা ইতালিন (মেগাৱাৎ ৩০৯৭) শেমগৎনবা থৌরাং তৌরি।

কমলা ঐচ.ই.পি. অসি এন.ঐচ.পি.সি. লিমিতেদ অমসুং অরুনাচল প্রদেশ সরকারগী মরক্তা জোইন্ত ভেঞ্চর কম্পনী অমগী খুত্থাংদা পায়খৎকনি। ভারত সরকারনা ঈশিং-ঈচাও হন্থহন্নবা কম্পোনেন্তকীদমক বজেৎকী ওইবা তেংবাং ওইনা লুপা করোর ৪৭৪৩.৯৮ অমসুং লম্বীশিং, থোংশিং অমসুং মসিগা মরী লৈনবা ত্রান্সমিসন সিস্তেম শেমগৎনবা ইনফ্রাস্ত্রকচরগীদমক বজেৎকী ওইবা তেংবাং ওইনা লুপা করোর ১৩৪০ পীগনি। মসিগী মথক্তা রাজ্যগী ইক্বিতী শেয়রগীদমক লুপা করোর ৭৫০গী সেন্ত্রেল ফাইনান্সিএল এসিস্তেন্স পীগনি।

রাজ্য অসিনা ১২%গী লেম্না পীবা পাৱর অমসুং লোকেল এরিয়া দিবেলপমেন্ত ফন্দ (এল.এ.দি.এফ.) গীদমক লেম্না পীবা ১% ফংলগনি, মসিগা লোয়ননা ইনফ্রাস্ত্রকচর চাউখৎহনবা অমসুং লমদম অসিগী সোসিও-ইকোনোমিক বেনিফিৎশিং ফংলগনি।

প্রোজেক্ত অসিগীদমক্তা অরুনাচল প্রদেশকী কমলে, ক্রা দাদি অমসুং কুরুং কুমে জিলাশিংদা ইনফ্রাস্ত্রকচরদা চাউনা ফগৎহনগনি। মসিগী মনুংদা চাউরাক্না কিলোমীতর ১৯৬গী লম্বী অমসুং থোংশিং শেমগৎকনি। জিলা অসিনা হোস্পিতালশিং, স্কুলশিং, কৈথেলশিং অসিনচিংবা তঙাই ফদবা ইনফ্রাস্ত্রকচরশিং শাবদগীসু কান্নবা ফংগনি। মসিগীদমক লুপা করোর ৮গী দিস্তিক্ত প্রোজেক্ত ফন্দশিংদগী শেল থাদগনি। লোকেল পোপুলেস অসি কম্পেন্সেসনশিং, এমপ্লোয়মেন্ত অমসুং সি.এস.আর. এক্তিবিতীশিংদগীসু কান্নবা ফংগনি।

কমলা ঐচ.ই.পি.গী মথক্তা অরুনাচল প্রদেশ অমসুং অসামদা এন.ঐচ.পি.সি. লিমিতেদনা অচৌবা হাইদ্রোপাৱর প্রোজেক্ত অহুম - সুবানসিরি লোৱর (মেগাৱাৎ ২০০০), দিবাং মলতিপরপস (মেগাৱাৎ ২৮৮০) অমসুং ইতালিন (মেগাৱাৎ ৩০৯৭) শেমগৎলি। সুবানসিরি লোৱর ঐচ.ই.পি. (মেগাৱাৎ ২,০০০) অসি এদভান্স স্তেজ অমদা লৈরে অমসুং মেগাৱাৎ ৭৫০ অসি হান্ননা কম্মিসন তৌখ্রে অমসুং লেমহৌরিবা কেপাসিতী অসি ২০২৬গী দিসেম্বর ফাওবদা কম্মিসন তৌগনি হায়না পানরি। প্রোজেক্ত পুম্নমক্না হোস্ত স্তেৎশিংদা ১২%গী ফ্রী পাৱর ফংহল্লগনি অমসুং প্রোজেক্ত রেভেন্যুগী ১%গা মান্নবা লোকেল এরিয়া দিবেলপমেন্ত ফন্দগী খুত্থাংদা লোকেল দিবেলপমেন্ত সপোর্ত তৌগনি।

***