সরকারনা এনিমেসন, ভিজুএল ইফেক্স, গেমিং অমসুং কোমিক্স (এ.ভি.জি.সি.) সেক্তর য়াওনা মীদিয়া অমসুং এন্তরতেনমেন্ত সেক্তরদা পুক্নিং থৌগৎলি। ওরেঞ্জ ইকোনোমী মপাঙ্গল কনখৎহন্নবা অমসুং ভারতপু কন্তেন্ত শেমগৎপগী মালেমগী হব অমা ওইনা শেমগৎনবা সরকারগী পান্দমগী মখাদা, থৌরাং কয়া অমা পায়খৎলি।

২০২৬-২৭কী য়ুনিয়ন বজেৎতা লাউথোকখিবগী মতুং ইন্না, এ.ভি.জি.সি.গী কন্তেন্ত ক্রিএতর লেবশিং (সি.সি.এল.) লৈবাক শীনবা থুংনা সেকেন্দরী স্কুল ১৫,০০০ অমসুং কোলেজ ৫০০দা লিংখৎনবা থৌরাং তৌরি। মসিগী খোঙথাং অসিগীদমক লুপা করোর ২৫০গী শেনফম পীখ্রে।

এ.ভি.জি.সি.-এক্স.আর. সেক্তরগীদমক এন.সি.ও.ই. ওইনা আই.আই.সি.তি.না হৌজিক জুলাই ২০২৫দগী হৌদুনা মুম্বাইগী আই.আই.সি.তি.-নেস্নেল ফিল্ম দিবেলপমেন্ত কোর্পোরেসন (এন.এফ.দি.সি.)দগী ওপরেৎ তৌরি। হৌজিক্কী ওইনা, মহৈরোয় ১৩৬ অমসুং ত্রেন-দি-ত্রেনর প্রোগ্রাম মপুং ফাহনবা শরুক য়ারিবা ১৫গা লোয়ননা কোর্স ১৮ হৌদোক্লে। ইন্দিয়ন ইন্সতিত্যুৎ ওফ ক্রিয়েতিব তেক্নোলোজী (আই.আই.সি.তি.), মুম্বাইবু কন্তেন্ত ক্রিএতরস লেবশিং অসি থৌরাং তৌনবা, কোওর্দিনেৎ তৌনবা অমসুং মথং-মথং হৌদোক্নবা নোদেল এজেন্সী ওইনা খন্নখ্রে। তেক্নোলোজী স্তেক, বেনিফিসরী ইন্সতিত্যুসনশিং মশক খঙদোকপা অমসুং রোলাউৎ মোদেলিতীশিংগা মরী লৈনবা স্তেকহোল্দরশিংগী মরক্তা খন্ন-নৈনবগী থবকশিং হৌজিক চত্থরি।

এ.ভি.জি.সি. প্রমোসন তাস্ক ফোর্স অসি এপ্রিল ২০২২দা এ.ভি.জি.সি.-এক্স.আর সেক্তরগী প্রমোসন অমসুং গ্রোথকীদমক মপুং ফাবা স্ত্রেতেজী অমা শেম্নবা অমসুং পোলিসীগী ওইবা পাম্বৈশিং ফোংদোক্নবা সরকারনা শেমখি। মসিনা দিসেম্বর ২০২২দা রিপোর্ত পীখি। রিপোর্ত অসিনা হায়রি মদুদি সেক্তর অসিনা অচৌবা থবক পীবগী খুদোংচাবশিং লৈহল্লগনি অমসুং ২০৩০ ফাওবদা এ.ভি.জি.সি.-এক্স.আর., কন্তেন্ত প্রদক্সন, দিজাইন, প্রোগ্রামিং অমসুং মরী লৈনবা লমশিংদা স্কিল লৈরবা প্রোফেস্নেল মিলিয়ন অনিরোম মথৌ তাবা য়াই।

সরকারনা মুম্বাইদা ৱার্ল্দ ওদিও ভিজুএল এন্দ এন্তরতেনমেন্ত সম্মিৎ (ৱেভস ২০২৫) শিনখ্রে। মসি সরকারনা ভারতপু 'ক্রিয়েৎ ইন ইন্দিয়া, ক্রিয়েৎ ফোর ৱার্ল্দ' ইনিসিয়েতিবকী মখাদা কন্তেন্ত শেমগৎপগী মালেমগী হব অমা ওইহন্নবা মীৎয়েংগা চুনবা অমনি। সম্মিৎ অসিনা ভারতকী ক্রিএতরশিং, প্রদ্যুসরশিং অমসুং স্তার্তঅপশিংগা লৈবাক ১০০ হেনবদগী মালেমগী বায়রশিং, ইনভেস্তরশিং, ও.তি.তি. প্লেৎফোর্মশিং অমসুং তেক্নোলোজী লুচিংবশিংগা থবক তৌনবা ইন্তিগ্রেতেদ প্লেৎফোর্ম অমা পীখি।

ৱার্ল্দ ওদিও ভিজুএল এন্দ এন্তরতেনমেন্ত সম্মিৎ (ৱেভস) গী মখাদা হৌদোকখিবা ৱেবএক্স স্তার্তঅপ এক্সিলরেতর প্রোগ্রামনা স্ত্রকচর তৌরবা ইনক্যুবেসন, মেন্তরশিপ অমসুং গ্লোবেল নেৎৱার্কশিংদা এক্সেসকী থোংদা মীদিয়া-তেক স্তার্তঅপশিং মতেং পাংলি। অহানবা স্তার্ত-অপ কোহোর্ৎ অসিদা ইন্দস্ত্রী এক্সপর্তশিংগী মেন্তরশিপ, ইনভেস্তর কনেক্ত, ইন্তিলেকচুএল প্রোপর্তী জেনরেসন অমসুং প্রোতেক্সনগীদমক সপোর্ত ফংহনখ্রে। প্রোগ্রাম অসিনা ইন্তর্নেস্নেল প্লেৎফোর্মশিংদা শরুক য়াবা, ইন্দস্ত্রী পার্তনরশিপশিং অমসুং স্তার্ত-অপশিংনা মখোয়গী ইনোবেসনশিং পাকথোক চাউথোকহনবা ঙম্নবা মালেমগী কৈথেলশিংগা পুনশিনবদা মতেং পাংই।

ক্রিয়েত ইন ইন্দিয়া চেলেঞ্জ (সি.আই.সি.) অসি মীদিয়া অমসুং এন্তরতেনমেন্ত সেক্তরদা ক্রিএতিব তেলেন্তশিং মশক খঙদোক্নবা, শেমগৎনবা অমসুং উৎনবা নেস্নেল প্লেৎফোর্ম অমা ওইনা শীজিন্নরি। সি.আই.সি.গী সিজন Iদা ইন্দস্ত্রী পার্তনরশিংগা খুৎশম্নদুনা চেলেঞ্জ ৩৩ পাঙথোকখি অমসুং মদু ৱেভস ২০২৫দা লোইশিনখি। সম্মিৎ অসিদা লৈবাক অসিগী তায়র-II অমসুং তায়র-III শহরশিং য়াওনা ক্রিএতর লাখ অমা হেন্না শরুক য়াখি। খনগৎলবা ক্রিএতরশিং অসি মখোয়গী কন্তেন্ত অসি নেস্নেল অমসুং ইন্তর্নেস্নেল প্লেৎফোর্মশিংদা পুথোক্নবা ৱেবএক্স অমসুং ৱেভস বাজারগুম্বা প্লেৎফোর্মশিংগী খুত্থাংদা মতেং পাংলি।

মসিগী পাউ অসি ইনফোর্মেসন অমসুং ব্রোদকাস্তিংগী রাজ্য মন্ত্রী দা. এল. মুরুগননা লোক সভাদা শ্রীমতী ক্রিতি দেবী দেববারমন অমসুং শ্রী ইতালা রাজেন্দরনা হংলকপা ৱাহংশিংগী অইবা পাউখুম ওইনা পীখি।

****